ആറാം സെമസ്റ്റർ ബിആർക് പരീക്ഷകൾ മേയ് 15ന് തുടങ്ങും
ആറാം സെമസ്റ്റർ ബിആർക് (2016 അഡ്മിഷൻ റെഗുലർ, 2015 അഡ്മിഷൻ ഇംപ്രൂവ്മെന്റ്, സപ്ലിമെന്ററി, 2015ന് മുന്പുള്ള അഡ്മിഷൻ സപ്ലിമെന്ററി) പരീക്ഷകൾ മേയ് 15നും നാലാം സെമസ്റ്റർ ബിആർക് (2017 അഡ്മിഷൻ റെഗുലർ, 2016 അഡ്മിഷൻ ഇംപ്രൂവ്മെന്റ്, സപ്ലിമെന്ററി, 2016ന് മുന്പുള്ള അഡ്മിഷൻ സപ്ലിമെന്ററി) പരീക്ഷകൾ മേയ് 16നും ഒന്നും രണ്ടും സെമസ്റ്റർ (2018 അഡ്മിഷൻ റെഗുലർ, 2017 അഡ്മിഷൻ ഇംപ്രൂവ്മെന്റ്, സപ്ലിമെന്ററി, 2017ന് മുന്പുള്ള അഡ്മിഷൻ സപ്ലിമെന്ററി) പരീക്ഷകൾ മേയ് 17നും ആരംഭിക്കും. 27 വരെയും 500 രൂപ പിഴയോടെ 29 വരെയും 1000 രൂപ സൂപ്പർഫൈനോടെ മേയ് രണ്ടുവരെയും അപേക്ഷിക്കാം. റെഗുലർ വിദ്യാർഥികൾ സെമസ്റ്ററിന് 200 രൂപയും വീണ്ടുമെഴുതുന്നവർ പേപ്പറൊന്നിന് 50 രൂപ വീതവും (സെമസ്റ്ററിന് പരമാവധി 200 രൂപ) സിവി ക്യാന്പ് ഫീസായി പരീക്ഷഫീസിനു പുറമെ അടയ്ക്കണം.
പ്രാക്ടിക്കൽ
അവസാന വർഷ ബിഡിഎസ് പാർട്ട് രണ്ട് (2008 അഡ്മിഷൻ മുതൽ, 2008ന് മുന്പുള്ള അഡ്മിഷൻ) മേഴ്സി ചാൻസ് മാർച്ച് 2019 പരീക്ഷയുടെ പ്രാക്ടിക്കൽ 22 മുതൽ വിവിധ കേന്ദ്രങ്ങളിൽ നടക്കും. ടൈംടേബിൾ വെബ്സൈറ്റിൽ.
അവസാന വർഷ ബിഡിഎസ് പാർട്ട്ഒന്ന് (2008 അഡ്മിഷൻ മുതൽ) മേഴ്സി ചാൻസ് മാർച്ച് 2019 പരീക്ഷയുടെ പ്രാക്ടിക്കൽ 26 മുതൽ മേയ് മൂന്നുവരെ മൂവാറ്റുപുഴ അന്നൂർ ഡെന്റൽ കോളജിൽ നടക്കും. ടൈംടേബിൾ വെബ്സൈറ്റിൽ.
ഓർഗാനിക് ഫാമിംഗ്
ഡിപ്പാർട്ട്മെന്റ് ഓഫ് ലൈഫ്ലോംഗ് ലേണിംഗ് ആൻഡ് എക്സ്റ്റൻഷന്റെ നേതൃത്വത്തിൽ നടത്തുന്ന ഡിപ്ലോമ ഇൻ ഓർഗാനിക് ഫാമിംഗ് കോഴ്സിന്റെ പുതിയ ബാച്ചിലേക്ക് അഡ്മിഷൻ ആരംഭിച്ചു. 10ാം ക്ലാസ് വിജയവും ഡിപ്പാർട്ട്മെന്റ് ഓഫ് ലൈഫ്ലോംഗ് ലേണിംഗ് ആൻഡ് എക്സ്റ്റൻഷൻ നടത്തുന്ന സർട്ടിഫിക്കറ്റ് കോഴ്സ് ഇൻ ഓർഗാനിക് ഫാമിംഗ് കോഴ്സ് വിജയവുമാണ് യോഗ്യത. 8100 രൂപയാണ് ഫീസ്. താല്പര്യമുള്ളവർ 26ന് രാവിലെ 10.30ന് അസൽ രേഖകൾ സഹിതം ഹാജരാകണം. 04812731560, 2731724.