യുജിസി നെറ്റ് സൗജന്യ പരിശീലനം നാളെ തുടങ്ങും
എംപ്ലോയ്മെന്റ് ഇന്ഫര്മേഷന് ആൻഡ് ഗൈഡന്സ് ബ്യൂറോ സംഘടിപ്പിക്കുന്ന മാനവിക വിഷയങ്ങളില് യുജിസി നെറ്റ്/ജെആര്എഫ് സൗജന്യ പരിശീലനം നാളെ ആരംഭിക്കും. അറിയിപ്പ് ലഭിച്ചവര് മാത്രം രാവിലെ പത്ത് മണിക്കകം സര്വകലാശാലാ ടാഗോര് നികേതന് ഹാളില് ഹാജരാകണം.
നാലാം സെമസ്റ്റര് യുജി കോണ്ടാക്ട് ക്ലാസ്
വിദൂരവിദ്യാഭ്യാസം നാലാം സെമസ്റ്റര് (സിയുസിബിസിഎസ്എസ്) ബിഎ ഫിലോസഫി/സംസ്കൃതം/ഹിന്ദി/അഫ്സല്ഉൽഉലമ കോഴ്സുകളുടെ കോണ്ടാക്ട് ക്ലാസുകള് നാളെ മുതല് നടക്കും. ഷെഡ്യൂള് വെബ്സൈറ്റില് (www.sdeuoc.ac.in) ഫോണ്: 0494 2407494, 2407356.
എംഫില് പ്രവേശനം
വിദ്യാഭ്യാസ പഠനവകുപ്പിലെ എംഫില് പ്രവേശന റാങ്ക് ലിസ്റ്റ് വെബ്സൈറ്റിൽ. പ്രവേശനത്തിന് നാളെ 10.30ന് രേഖകളും ഫീസും സഹിതം പഠനവകുപ്പില് ഹാജരാകണം.
പിജി ഡിപ്ലോമ ഇന് കൗണ്സലിംഗ് വൈവ
പിജി ഡിപ്ലോമ ഇന് കൗണ്സലിംഗ് പ്രാക്ടിക്കൽ/വൈവ പരീക്ഷ ജൂണ് ആറ്, ഏഴ് തിയതികളില് ലൈഫ്ലോംഗ് ലേണിംഗ് വിഭാഗത്തില് നടക്കും.
എട്ടാം സെമസ്റ്റര് ബിടെക് പരീക്ഷ
എൻജിനിയറിംഗ് കോളജിലെ (ഐഇടി) എട്ടാം സെമസ്റ്റര് ബിടെക് (2014 സ്കീം) റഗുലര് പരീക്ഷ ജൂണ് 19ന് ആരംഭിക്കും.
പരീക്ഷാഫലം
2018 ഏപ്രിലില് നടത്തിയ നാലാം സെമസ്റ്റര് ബിആര്ക് (2004, 2012 സ്കീം) പരീക്ഷാഫലം വെബ്സൈറ്റിൽ. പുനര്മൂല്യനിര്ണയത്തിന് ജൂണ് 12 വരെ അപേക്ഷിക്കാം.
2018 ഡിസംബറില് നടത്തിയ ഒന്ന്, മൂന്ന് സെമസ്റ്റര് എംഎ ഫിലോസഫി (സിയുസിഎസ്എസ്) പരീക്ഷാഫലം വെബ്സൈറ്റിൽ. പുനര്മൂല്യനിര്ണയത്തിന് ജൂണ് മൂന്ന് വരെ അപേക്ഷിക്കാം.