പിജി പ്രവേശന ഒന്നാം അലോട്ട്മെന്റ് പ്രസിദ്ധീകരിച്ചു
ഏകജാലക പിജി പ്രവേശന ഒന്നാം അലോട്ട്മെന്റ് പ്രസിദ്ധീകരിച്ചു. അലോട്ട്മെന്റ് ലഭിച്ചവർ മാൻഡേറ്ററി ഫീസ് (ജനറൽ 480 രൂപ, എസ് സി/എസ് ടി 115 രൂപ) 11ന് ഉച്ചയ്ക്ക് ഒന്നിനകം അടച്ച് സ്ഥിരം/താത്ക്കാലിക പ്രവേശനം നേടണം. മാൻഡേറ്ററീ ഫീസടക്കാത്തവർക്ക് ലഭിച്ച അലോട്ട്മെന്റ് നഷ്ടപ്പെടും. തുടർന്നുള്ള അലോട്ട്മെന്റുകൾക്ക് പരിഗണിക്കുന്നതുമല്ല.
ഫസ്റ്റ് ഓപ്ഷൻ ലഭിച്ചവരും ലഭിച്ച ഓപ്ഷനിൽ തൃപ്തരായവരും (ഹയർ ഓപ്ഷൻ റദ്ദാക്കി) അഡ്മിറ്റ് കാർഡ് എടുത്ത് സ്ഥിരം അഡ്മിഷൻ എടുക്കണം. ഹയർ ഓപ്ഷനിലേക്ക് അലോട്ട്മെന്റ് ലഭിക്കാനാഗ്രഹിക്കുന്നവർ മാൻഡേറ്ററി ഫീസ് അടച്ച് അലോട്ട്മെന്റ് കാർഡ് എടുത്ത് നിർബന്ധമായും താത്ക്കാലിക അഡ്മിഷൻ എടുക്കണം. ഹയർ ഓപ്ഷൻ നിലനിർത്തുന്നവർ തുടർന്നുള്ള അലോട്ട്മെന്റിൽ പുതിയ കോളജോ, പ്രോഗ്രാമോ ലഭിക്കുന്നപക്ഷം നിർബന്ധമായും അത് സ്വീകരിക്കണം. അത്തരം വിദ്യാർഥികൾക്ക് ഒന്നാം അലോട്ട്മെന്റിൽ ലഭിച്ച കോളജ്/പ്രോഗ്രാം റദ്ദാകും. ഹയർ ഓപ്ഷൻ ഭാഗികമായി റദ്ദാക്കുന്നതിന് 11ന് വൈകുന്നേരം മൂന്ന് വരെ സൗകര്യമുണ്ടായിരിക്കും. ഹയർ ഓപ്ഷൻ മുഴുവനായും റദ്ദാക്കുന്നതിനുള്ള സൗകര്യം വിവധ കോളജുകളിൽ പ്രവർത്തിക്കുന്ന നോഡൽ സെന്ററുകളിൽ മേൽ തിയതിയിൽ ലഭ്യമായിരിക്കും.
കമ്മ്യൂണിറ്റി വിഭാഗത്തിലേക്കും വിഭിന്നശേഷി വിഭാഗത്തിലേക്കും അപേക്ഷിച്ചവരുടെ ലിസ്റ്റ് അതത് കോളജുകളിൽ ലഭ്യമാണ്. വിദ്യാർത്ഥികൾക്ക് ലോഗിൻ ചെയ്ത് പരിശോധിക്കാവുന്നതാണ്. കമ്മ്യൂണിറ്റി വിഭാഗത്തിലേക്ക് അപേക്ഷിച്ചവർ 12ന് ഉച്ചയ്ക്ക് ഒന്നിനകം അപേക്ഷിച്ച കോളജുകളിൽ റിപ്പോർട്ട് ചെയ്യണം. റിപ്പോർട്ട് ചെയ്തവരിൽ നിന്ന് അന്ന് ഉച്ചക്ക് രണ്ടിന് തയ്യാറാക്കുന്ന റാങ്ക് ലിസ്റ്റിൽ ഉൾപ്പെടുന്നവർ 14നും 15നും ഇടയിൽ അതത് കോളജുകളിൽ പ്രവേശനം നേടണം. വിഭിന്നശേഷി വിഭാത്തിലേക്ക് അപേക്ഷിച്ചവർ കോളേജിൽ നിന്നും നേരിട്ട് ബന്ധപ്പെടും. എംഎ മ്യൂസിക്, എംഎ മൾട്ടിമീഡിയ, എംടിഎച്ച്എം, എംഎച്ച്എം കോഴ്സുകളിലേക്ക് പ്രവേശനം കോളജുകൾ നേരിട്ടാണ് നടത്തുന്നത്. ഈ കോഴ്സുകളിലേക്ക് അപേക്ഷിച്ചവരുടെ പട്ടിക അതത് കോളജുകളിൽ ലഭ്യമാക്കിയിട്ടുണ്ട്. വിദ്യാർഥികൾ അപേക്ഷിച്ച കോളജുകളുമായി ബന്ധപ്പെടണം.
ബിഎഡ് ഹിയറിംഗ് ഇംപയേർഡ് അപേക്ഷ ക്ഷണിച്ചു
ചെറുവണ്ണൂർ എഡബ്ല്യൂഎച്ച് കോളജ് ഓഫ് എഡ്യുക്കേഷനിൽ നടത്തുന്ന ബിഎഡ് സ്പെഷൽ എഡ്യുക്കേഷന് (ഹിയറിംഗ് ഇംപയേർഡ്) അപേക്ഷ ക്ഷണിച്ചു. അവസാന തിയതി 14. യോഗ്യത: 50 ശതമാനം മാർക്കോടെ അംഗീകൃത ബിരുദം. സംവരണ വിഭാഗത്തിന് നിയമാനുസൃത മാർക്കിളവ് അനുവദിക്കും. സർവകലാശാലാ വെബ്സൈറ്റിലൂടെ ഓണ്ലൈനായി അപേക്ഷിക്കണം. വിവരങ്ങൾക്ക്: 0495 2484356, 9072230826.
രണ്ടാം സെമസ്റ്റർ യുജി കോണ്ടാക്ട് ക്ലാസ്
വിദൂരവിദ്യാഭ്യാസം രണ്ടാം സെമസ്റ്റർ (സിയുസിബിസിഎസ്എസ്, 201819 പ്രവേശനം) കോണ്ടാക്ട് ക്ലാസുകൾ 16 മുതൽ ആരംഭിക്കും. തിരിച്ചറിയൽ കാർഡുമായി ഹാജരാകണം. മടപ്പള്ളി ഗവണ്മെന്റ് കോളജിൽ ക്ലാസുകൾ 22 മുതലാണ് ആരംഭിക്കുക. തുടർ വിവരങ്ങൾക്ക് കോർഡിനേറ്ററുമായി ബന്ധപ്പെടുക. വിവരങ്ങൾ www.sdeuoc.ac.in വെബ്സൈറ്റിൽ. ഫോണ്: 0494 2407494, 2400288.
പരീക്ഷാ അപേക്ഷ
ഏഴ്, എട്ട് സെമസ്റ്റർ (കന്പൈൻഡ്) ബിആർക് (2012 സ്കീം2012 മുതൽ പ്രവേശനം) റഗുലർ/സപ്ലിമെന്ററി പരീക്ഷക്ക് പിഴകൂടാതെ 21 വരെയും 170 രൂപ പിഴയോടെ 25 വരെയും ഫീസടച്ച് 28 വരെ രജിസ്റ്റർ ചെയ്യാം.
നാലാം സെമസ്റ്റർ ബിആർക് 2012 സ്കീം2012 മുതൽ 2016 വരെ പ്രവേശനം സപ്ലിമെന്ററി/ഇംപ്രൂവ്മെന്റ്, 2004 സ്കീം2009 മുതൽ 2011 വരെ പ്രവേശനം സപ്ലിമെന്ററി പരീക്ഷക്ക് പിഴകൂടാതെ 14 വരെയും 170 രൂപ പിഴയോടെ ജൂണ് 17 വരെയും ഫീസടച്ച് 19 വരെ രജിസ്റ്റർ ചെയ്യാം.
പരീക്ഷ
നാലാം സെമസ്റ്റർ ബിഎഡ് സ്പെഷ്യൽ എഡ്യുക്കേഷൻ (ഹിയറിംഗ് ഇംപയർമെന്റ്, 2015 സിലബസ്2015 മുതൽ പ്രവേശനം) റഗുലർ/സപ്ലിമെന്ററി പരീക്ഷ ജൂണ് 24ന് ആരംഭിക്കും.
പരീക്ഷാഫലം
2018 നവംബറിൽ നടത്തിയ മൂന്നാം സെമസ്റ്റർ എംബിഎ (സിസിഎസ്എസ്) പരീക്ഷാഫലം വെബ്സൈറ്റിൽ.
പുനർമൂല്യനിർണയ ഫലം
ഒന്നാം സെമസ്റ്റർ ബിഎ/ ബിഎ അഫ്സൽഉൽഉലമ/ ബിഎസ്ഡബ്ല്യൂ/ ബിവിസി (സിയുസിബിസിഎസ്എസ്) നവംബർ 2017 പരീക്ഷയുടെ പുനർമൂല്യനിർണയ ഫലം വെബ്സൈറ്റിൽ.
എംഎ ഹിസ്റ്ററി പ്രവേശനം
ചരിത്ര പഠനവിഭാഗത്തിലെ എംഎ ഹിസ്റ്ററി പ്രവേശനം 11ന് പഠനവിഭാഗത്തിൽ നടക്കും. അർഹരായവർ എല്ലാ രേഖകളും സഹിതം ഹാജരാകണം.
എംഎ ഹിന്ദി പ്രവേശനം
ഹിന്ദി പഠനവിഭാഗത്തിലെ എംഎ ഹിന്ദി പ്രവേശനത്തിന് 12ന് രാവിലെ 10.30ന് എല്ലാ സർട്ടിഫിക്കറ്റുകളും സഹിതം ഹാജരാകണം. മെമ്മോ ലഭിക്കാത്തവർ ബന്ധപ്പെടുക. ഫോണ്: 0494 2407252, 2407392.
എംഎസ് സി മാത്തമാറ്റിക്സ് പ്രവേശനം
ഗണിത ശാസ്ത്ര പഠനവകുപ്പിലെ എംഎസ് സി മാത്തമാറ്റിക്സ് പ്രവേശന റാങ്ക് ലിസ്റ്റിൽ ഉൾപ്പെട്ടവർ 13ന് രാവിലെ 10.30നും, വെയിറ്റിംഗ് ലിസ്റ്റിൽ ഉൾപ്പെട്ടവർ ഉച്ചയ്ക്ക് രണ്ടിന് എല്ലാ രേഖകളും സഹിതം പഠനവകുപ്പിൽ ഹാജരാകണം.
എംസിഎ ലാറ്ററൽ എൻട്രി പ്രവേശനം 13, 14 തിയതികളിൽ
കാന്പസ്, വടകര, ഡോ.ജോണ് മത്തായി സെന്റർ, പാലക്കാട് എന്നീ സിസിഎസ്ഐടികളിൽ ലാറ്ററൽ എൻട്രി വഴിയുള്ള എംസിഎ പ്രവേശന കൗണ്സലിംഗ് 13, 14 തിയതികളിൽ സർവകലാശാലാ ടാഗോർ നികേതൻ ഹാളിൽ നടക്കും. 13ന് രാവിലെ പത്തിന് റാങ്ക് ഒന്ന് മുതൽ 200 വരെയുള്ളവരും, ഉച്ചക്ക് 1.30ന് 201 മുതൽ 400 വരെയുള്ളവരും, 14ന് രാവിലെ പത്ത് മണിക്ക് റാങ്ക് 401 മുതലുള്ളവരും സർവകലാശാലാ വെബ്സൈറ്റിലെ അഡ്മിറ്റ് കാർഡും ആന്റി റാഗിംഗ് അഫിഡവിറ്റും ഡൗണ്ലോഡ് ചെയ്ത് ഒറിജിനൽ സർട്ടിഫിക്കറ്റുകളും ഫീസും സഹിതം ഹാജരാകണം.
അസിസ്റ്റന്റ് പ്രഫസർ (ക്ലിനിക്കൽ സൈക്കോളജി) നിയമനം
സൈക്കോളജി പഠനവകുപ്പിലെ പിജിഡിആർപി കോഴ്സിന് അസിസ്റ്റന്റ് പ്രഫസറെ (ക്ലിനിക്കൽ സൈക്കോളജി) മണിക്കൂർ വേതനനിരക്കിൽ നിയമിക്കുന്നതിന് അപേക്ഷ ക്ഷണിച്ചു. ബയോഡാറ്റ, സർട്ടിഫിക്കറ്റുകളുടെ പകർപ്പുകൾ എന്നിവ സഹിതം ഹെഡ്, ഡിപ്പാർട്ടുമെന്റ് ഓഫ് സൈക്കോളജി, കാലിക്കറ്റ് യൂണിവേഴ്സിറ്റി പിഒ, 673 635 എന്ന വിലാസത്തിൽ 15ന് ഉച്ചയ്ക്ക് രണ്ടിനകം അപേക്ഷിക്കണം.
ഐടിഎസ് ആറിൽ പ്രഫഷണൽ അസിസ്റ്റന്റ് നിയമനം: വാക്ഇൻഇന്റർവ്യൂ
വയനാട് ചെതലയത്തെ ഇൻസ്റ്റിറ്റ്യൂട്ട് ഓഫ് ട്രൈബൽ സ്റ്റഡീസ് ആൻഡ് റിസർച്ചിൽ പ്രഫഷണൽ അസിസ്റ്റന്റിനെ ദിവസ വേതനനിരക്കിൽ നിയമിക്കുന്നതിന് 12ന് രാവിലെ 11ന് ചെതലയത്തെ കേന്ദ്രത്തിൽ വെച്ച് വാക്ഇൻഇന്റർവ്യൂ നടത്തും. യോഗ്യത: ബിഎൽഐഎസ് സി ബിരുദം. പ്രായപരിധി 36 വയസ്.