വിദൂര വിദ്യാഭ്യാസ വിഭാഗം നടത്തുന്ന ഒന്നും രണ്ടും സെമസ്റ്റർ ബിഎ പൊളിറ്റിക്കൽ സയൻസ്, ബിഎ സോഷ്യോളജി, ബികോം കോഓപ്പറേഷൻ, ബിഎ ഇക്കണോമിക്സ് 2017 ബാച്ചിന്റെ ഇന്റേണൽ മാർക്കുകൾ www.ideku.net എന്ന വെബ്സൈറ്റിൽ. പരാതികൾ 15 ദിവസത്തിനകം കോഓർഡിനേറ്റർക്ക് നൽകണം.
ടൈംടേബിൾ
ആറാം സെമസ്റ്റർ എംസിഎ (2015 സ്കീം & 2011 സ്കീം) പ്രോജക്ട് & വൈവ പരീക്ഷ 11, 12, 13, 14 തീയതികളിൽ അതത് കോളജുകളിൽ നടക്കും. വിശദമായ ടൈംടേബിൾ വെബ്സൈറ്റിൽ.
പ്രാക്ടിക്കൽ
ആറാം സെമസ്റ്റർ ബിടെക് (2013 സ്കീം) മാർച്ച് 2019 (സപ്ലിമെന്ററി) പ്രാക്ടിക്കൽ പരീക്ഷകൾ ഇൻഫർമേഷൻ ടെക്നോളജി ബ്രാഞ്ച് 14, 17 തീയതികളിൽ ഗവണ്മെന്റ് എൻജിനിയറിംഗ് കോളജ്, ബാർട്ടണ്ഹില്ലിൽ നടക്കും. വിശദവിവരങ്ങൾ വെബ്സൈറ്റിൽ.
പുനർമൂല്യനിർണയം
കരിയർ റിലേറ്റഡ് സിബിസിഎസ്എസ് അഞ്ചാം സെമസ്റ്റർ ബിഎ/ബിഎസ്സി/ബികോം/ബിബിഎ/ബിപിഎ/ബിസിഎ/ബിഎസ്ഡബ്യൂ/ബിവോക് കോഴ്സുകളുടെ പുനർമൂല്യനിർണയത്തിന് 12 വരെ അപേക്ഷിക്കാം.
ഒന്നാം വർഷ ബിരുദ പ്രവേശനത്തിനുള്ള രണ്ടാം ഘട്ട അലോട്ട്മെന്റ്
പ്രസിദ്ധീകരിച്ചു. 13വരെ ഫീസ് അടയ്ക്കാം
സർവകലാശാലയുടെ 201920 വർഷത്തെ ബിരുദ പ്രവേശനത്തിനുള്ള രണ്ടാം ഘട്ട അലോട്ട്മെന്റ് () എന്ന വെബ്സൈറ്റിൽ പ്രസിദ്ധീകരിച്ചു. അപേക്ഷകർക്ക് അപേക്ഷാനന്പറും പാസ്വേർഡും ഉപയോഗിച്ച് ലോഗിൻ ചെയ്ത് തങ്ങളുടെ അലോട്ട്മെന്റ് പരിശോധിക്കാം. ഒന്നാം ഘട്ടത്തിൽ അലോട്ട്മെന്റ് ലഭിക്കാത്തവരും എന്നാൽ രണ്ടാം ഘട്ടത്തിൽ അലോട്ട്മെന്റ് ലഭിക്കുകയും ചെയ്ത അപേക്ഷകർ ഓണ്ലൈനായി അഡ്മിഷൻ ഫീസ് അടച്ച് തങ്ങളുടെ അലോട്ട്മെന്റ് ഉറപ്പാക്കണം. 13വരെ ഫീസ് അടയ്ക്കാം. അഡ്മിഷൻ ഫീസ് ഒടുക്കാത്ത വിദ്യാർഥികളുടെ അലോട്ട്മെന്റ് റദ്ദാകും. ഇങ്ങനെയുള്ളവരെ യാതൊരു കാരണവശാലും തുടർന്നുള്ള അലോട്ട്മെന്റുകളിൽ പരിഗണിക്കുന്നതല്ല. ഒന്ന്, രണ്ട്, മൂന്ന് ഘട്ടം അലോട്ട്മെന്റുകളിൽ പ്രവേശനം ലഭിച്ചവർ മൂന്നാം അലോട്ട്മെന്റ് പ്രസിദ്ധീകരിച്ചതിന് ശേഷം മാത്രം കോളജുകളിൽ ഹാജരായാൽ മതിയാകും.
രണ്ടാം ഘട്ട അലോട്ട്മെന്റിൽ തൃപ്തരാണെങ്കിൽ അഡ്മിഷൻ ഫീസ് ഒടുക്കിയ ശേഷം ആവശ്യമെങ്കിൽ അവരുടെ ഹയർ ഓപ്ഷനുകൾ 13വരെ നീക്കം ചെയ്യാം. ഹയർ ഓപ്ഷനുകൾ നിലനിർത്തുന്ന അപേക്ഷകരെ അടുത്ത (മൂന്നാം) അലോട്ട്മെന്റിൽ ആ ഓപ്ഷനുകളിലേയ്ക്ക് പരിഗണിക്കുന്നതും ഇങ്ങനെയുള്ളവർ പുതിയ അലോട്ട്മെന്റിൽ ലഭിക്കുന്ന സീറ്റ് നിർബന്ധമായും സ്വീകരിക്കേണ്ടതുമാണ്.
സീറ്റ് ഒഴിവ്
സർവകലാശാലയുടെ കാര്യവട്ടത്തെ ബിരുദാന്തര ബിരുദ പഠന വകുപ്പുകളിൽ എസ്സി വിഭാഗത്തിൽ മ്യൂസിക്, അപ്ലൈഡ് സ്റ്റാറ്റിസ്റ്റിക്സ് ആൻഡ് ഡേറ്റ അനലിറ്റിക്സ്, ഡെമോഗ്രഫി, ആക്ചുറിയൽ സയൻസ്, മാത്തമാറ്റിക്സ്, സംസ്കൃതം, കംപ്യൂട്ടേഷണൽ ബയോളജി, കേരളസ്റ്റഡിസ് ആൻഡ് മീഡിയ സ്റ്റഡീസ്, അറബിക്, വെസ്റ്റ് ഏഷ്യൻ സ്റ്റഡീസ്, ഡേറ്റ സയൻസ്, ലിംഗ്വിസ്റ്റിക്സ്, തമിഴ്, ജർമൻ, റഷ്യൻ എന്നീ കോഴ്സുകൾക്കും എസ്ടി വിഭാഗത്തിൽ മ്യൂസിക്, ഇന്റഗ്രേറ്റീവ് ബയോളജി, ബയോ ഡൈവേഴ്സിറ്റി കണ്സർവേഷൻ, ഫിസിക്സ്, സ്റ്റാറ്റിസ്റ്റിക്സ്, അപ്ലൈഡ് സ്റ്റാറ്റിസ്റ്റിക്സ് ആൻഡ് ഡേറ്റ അനലിറ്റിക്സ്, കൊമേഴ്സ്, ഡെമോഗ്രഫി, ആക്ചുറിയൽ സയൻസ്, എംസിജെ, സൈക്കോളജി, കന്പ്യൂട്ടർ സയൻസ്, മാത്തമാറ്റിക്സ്, ഇംഗ്ലീഷ്, സംസ്കൃതം, ബയോകെമിസ്ട്രി, ബയോടെക്നോളജി, കേരളസ്റ്റഡീസ് ആൻഡ് മീഡിയ സ്റ്റഡീസ്, അറബിക്, ഫിലോസഫി, ആർക്കിയോളജി, എംകോം (ഗ്ലോബൽ ബിസിനസ് ഓപ്പറേഷൻസ്), ഇക്കണോമിക്സ്, ഇസ്ലാമിക് ഹിസ്റ്ററി, വെസ്റ്റ് ഏഷ്യൻ സ്റ്റഡീസ്, ഡേറ്റ സയൻസ്, ഹിന്ദി, ലിംഗ്വിസ്റ്റിക്സ്, തമിഴ്, ജർമൻ, റഷ്യൻ എന്നീ കോഴ്സുകൾക്ക് സീറ്റ് ഒഴിവുണ്ട്. താല്പര്യമുള്ളവർ അസൽ സർട്ടിഫിക്കറ്റുകളുമായി 12ന് രാവിലെ 10ന് അതത് പഠനവകുപ്പുകളിൽ ഹാജരാകണം.