13 മുതൽ നടത്താനിരുന്ന രണ്ടാം സെമസ്റ്റർ യൂണിറ്ററി (ത്രിവത്സരം) എൽഎൽബി പരീക്ഷകൾ 24 ലേയ്ക്ക് മാറ്റിവച്ചു. വിശദമായ ടൈംടേബിൾ വെബ്സൈറ്റിൽ.
പരീക്ഷാഫീസ് ജൂലൈ നാലിന് ആരംഭിക്കുന്ന പത്താം സെമസ്റ്റർ ഇന്‍റഗ്രേറ്റഡ് (പഞ്ചവത്സരം) ബിഎ എൽഎൽബി/ബികോം എൽഎൽബി/ബിബിഎ എൽഎൽബി പരീക്ഷകൾക്ക് 17 വരെയും 50 രൂപ പിഴയോടെ 19വരെയും 125 രൂപ പിഴയോടെ 21 വരെയും ഓണ്‍ലൈനായി രജിസ്റ്റർ ചെയ്യാം. വിശദവിവരങ്ങൾ വെബ്സൈറ്റിൽ.
ബിഎസ്‌സി (ആന്വൽ സ്കീം) പാർട്ട് മൂന്ന് മെയിൻ & സബ്സിഡിയറി ജൂലൈ 2019 മേഴ്സിചാൻസ് പരീക്ഷകൾക്ക് 20 വരെയും 50 രൂപ പിഴയോടെ 22 വരെയും 125 രൂപ പിഴയോടെ 25 വരെയും അപേക്ഷിക്കാം. വിശദവിവരങ്ങൾ വെബ്സൈറ്റിൽ.
ജൂലൈ 15, 22 തീയതികളിൽ ആരംഭിക്കുന്ന മൂന്നാം വർഷ എംഎച്ച്എ, രണ്ടാം വർഷ എംഎച്ച്എ (എസ്ഡിഇ) സപ്ലിമെന്‍ററി പരീക്ഷകൾക്ക് 20 വരെയും 50 രൂപ പിഴയോടെ 22 വരെയും 125 രൂപ പിഴയോടെ 25 വരെയും നേരിട്ട് അപേക്ഷിക്കാം. വിശദവിവരങ്ങൾ വെബ്സൈറ്റിൽ.
ക്ലാസ് ഇല്ല വിദൂര വിദ്യാഭ്യാസ വിഭാഗം തിരുവനന്തപുരം, കൊല്ലം സെന്‍ററുകളിൽ 15ന് പി.ജി ക്ലാസുകൾ ഉണ്ടായിരിക്കുന്നതല്ല.
പരീക്ഷാഫലം 2019 മേയിൽ നടത്തിയ ബിഎ (ആന്വൽ സ്കീം) ബിരുദ (റെഗുലർ വിദ്യാർഥികൾ) പാർട്ട് മൂന്ന് ഹിസ്റ്ററി മെയിൽ വിഷയത്തിന്‍റെ പരീക്ഷാഫലം വെബ്സൈറ്റിൽ. പുനർമൂല്യനിർണയത്തിനും സൂക്ഷ്മപരിശോധനയ്ക്കും ജൂലൈ 12 വരെ അപേക്ഷിക്കാം. കരട് മാർക്ക് ലിസ്റ്റ് വെബ്സൈറ്റിൽ ലഭ്യമാണ്.
സ്റ്റുഡന്‍റ് കൗണ്‍സിൽ തെരഞ്ഞെടുപ്പ് സർവകലാശാല സ്റ്റുഡന്‍റ് കൗണ്‍സിലിലേയ്ക്കുളള വിദ്യാർഥി പ്രതിനിധികളുടേയും കേരള സർവകലാശാല യൂണിയൻ (201819) ഭാരവാഹികളുടേയും തെരഞ്ഞെടുപ്പ് 28ന് സർവകലാശാല ഓഫീസിൽ നടത്തും. ഈ തെരഞ്ഞെടുപ്പുമായി ബന്ധപ്പെട്ട് നാമനിർദേശ പത്രികകൾ 19നു ഉച്ചകഴിഞ്ഞ് രണ്ടിനുമുന്പായി സമർപ്പിക്കണം. ഈ തെരഞ്ഞെടുപ്പുകളുമായി ബന്ധപ്പെട്ട വിജ്ഞാപനങ്ങൾ ജൂണ്‍ ഏഴിന് സർവകലാശാല ഓഫീസിൽ പ്രസിദ്ധപ്പെടുത്തിയിട്ടുണ്ട്. തെരഞ്ഞെടുപ്പ് വിജ്ഞാപനങ്ങളുടെ പൂർണ രൂപം സർവകലാശാല വെബ്സൈറ്റിൽ ലഭ്യമാണ്.
ഇന്‍റേണ്‍ഷിപ്പ് സർവകലാശാലയിലെ കന്പ്യൂട്ടേഷണൽ ബയോളജി & ബയോഇൻഫർമാറ്റിക്സ് വകുപ്പിൽ ഇന്‍റേണ്‍ഷിപ്പിന് അപേക്ഷിക്കാം. മെഷീൻ ലേർണിംഗിലും പൈത്തണ്‍ പ്രോഗ്രാമിംഗ് ഭാഷയിലും സജീവ താല്പര്യമുളള വിദ്യാർഥികളുൾപ്പെടെ ആർക്കും അപേക്ഷിക്കാം. ഇന്‍റേണ്‍ഷിപ്പ് ദൈർഘ്യവും തീയതിയും ഓരോ അപേക്ഷകനും ആവശ്യാനുസരണം ക്രമീകരിക്കാവുന്ന വിധത്തിലാണ് ഇന്‍റേണ്‍ഷിപ്പ്. വിശദവിവരങ്ങൾക്ക്
[email protected] എന്ന മെയിലിൽ അപേക്ഷിക്കുക.
പരീക്ഷാതീയതി
തുടർ വിദ്യാഭ്യാസ വ്യാപന കേന്ദ്രം (സിഎസിഇഇ) സംഘടിപ്പിക്കുന്ന സർട്ടിഫിക്കറ്റ് ഇൻ നഴ്സിംഗ് അഡ്മിനിസ്ട്രേഷൻ കോഴ്സിന്റെ പരീക്ഷ ജൂലൈ 17 ന് ആരംഭിക്കും. പിഴ കൂടാതെ 28 വരെയും 50 രൂപ പിഴയോടെ ജൂലൈ അഞ്ച്‌വരെയും അപേക്ഷിക്കാം. പ്രോജക്ട് റിപ്പോർട്ട് സമർപ്പിക്കേണ്ട അവസാന തീയതി ജൂണ്‍ 25.
അപേക്ഷ ക്ഷണിക്കുന്നു
തുടർ വിദ്യാഭ്യാസ വ്യാപന കേന്ദ്രം തിരുവനന്തപുരം മെഡിക്കൽ കോളജിലെ ചൈൽഡ് ഡെവലപ്മെന്‍റ് സെന്‍ററുമായി ചേർന്ന് നടത്തുന്ന കോഴ്സുകളിലേയ്ക്ക് അപേക്ഷ ക്ഷണിച്ചു. 1. പി.ജി ഡിപ്ലോമ ഇൻ ഡവലപ്പ്മെന്‍റ് ന്യൂറോളജി; യോഗ്യത: MBBS/MD/Dip.N.B/MNAMS/DCH. കാലാവധി: ഒരു വർഷം, ഫീസ്: 18000/ രൂപ 2. പി.ജി ഡിപ്ലോമ ഇൻ അഡോളസെന്റ് പീഡിയാട്രിക്സ്; യോഗ്യത: MBBS/MD/DNB/MNAMS/DCH.. കാലാവധി: ഒരു വർഷം, ഫീസ്: 18000/ രൂപ 3. പി.ജി ഡിപ്ലോമ ഇൻ ഹെൽത്ത് സയൻസ് റിസർച്ച്; യോഗ്യത: MBBS/BAMS/BHMS/BVsc/BDS/Bsc Nursing/B.Pharm/BSMS/Bsc MLT കാലാവധി: ഒരു വർഷം, ഫീസ്: 18000/ രൂപ 4. പി.ജി ഡിപ്ലോമ ഇൻ ചൈൽഡ് അഡോളസെന്റ് ആന്‍റ് ഫാമിലി കൗണ്‍സലിംഗ്; യോഗ്യത: MA (Psychology)/Sociology/Anthropology,MSW/MSc Child Development/Home Science/Nutrition or anyother Master Degree/Bsc Nursing/PGDCCD or DCCD with graduation .കാലാവധി: ഒരു വർഷം, ഫീസ്: 18000/ രൂപ. അപേക്ഷകൾ ലഭിക്കാൻ ഡയറക്ടർ സിഎസിഇഇ കേരള സർകലാശാലയുടെ പേരിൽ ബാങ്കിൽ നിന്നും 510 രൂപയുടെ ഡിഡി സഹിതം പിഎംജി ജംഗ്ഷനിലെ സിഎസിഇഇ ഓഫീസുമായി ബന്ധപ്പെടുക. ഫോണ്: 0471 2302523, 0471 2553540. അവസാന തീയതി 29.
സീറ്റ് ഒഴിവ്
തുടർ വിദ്യാഭ്യാസ വ്യാപന കേന്ദ്രം 15 ന് ആരംഭിയ്ക്കുന്ന സർട്ടിഫിക്കറ്റ് ഇൻ അഡ്വാൻസ്ഡ് ഫംങ്ഷണൽ ഇംഗ്ലീഷ് ആൻഡ് പബ്ലിക് സ്പീക്കിംഗ് കോഴ്സിന് സീറ്റൊഴിവുണ്ട്. യോഗ്യത: പ്ലസ്ടു/പ്രീഡിഗ്രി, കോഴ്സ് കാലാവധി: ആറ് മാസം, ഫീസ്: 6000 രൂപ, ക്ലാസുകൾ: ശനി, ഞായർ ദിവസങ്ങളിൽ മാത്രം, ഉയർന്ന പ്രായപരിധി ഇല്ല. താല്പര്യമുളളവർ സർട്ടിഫിക്കറ്റുകളുടെ ഒറിജിനൽ സഹിതം പി.എം.ജി സ്റ്റുഡന്‍റ് സെന്‍റർ കാന്പസിലുളള സിഎസിഇഇ ഓഫീസിൽ നേരിട്ട് ഹാജരാകണം. ഫോണ്: 0471 2302523.
സർവകലാശാലയുടെ കാര്യവട്ടത്തെ ബിരുദാന്തര ബിരുദ പഠന വകുപ്പുകളിൽ എസ്‌സി വിഭാഗത്തിൽ എഡ്യൂക്കേഷൻ കോഴ്സിനും എസ്ടി വിഭാഗത്തിൽ എഡ്യൂക്കേഷൻ, ജിയോളജി, പബ്ലിക് അഡ്മിനിസ്ട്രേഷൻ, കംപ്യൂട്ടേഷണൽ ബയോളജി എന്നീ കോഴ്സുകൾക്കും സീറ്റ് ഒഴിവുണ്ട്. താല്പര്യമുളളവർ അസൽ സർട്ടിഫിക്കറ്റുകളുമായി 13ന് രാവിലെ 10ന് അതത് പഠനവകുപ്പുകളിൽ ഹാജരാകണം.
സർവകലാശാലയുടെ കാര്യവട്ടം കാന്പസിൽ ഹിസ്റ്ററി പഠനവകുപ്പിൽ ഒന്നാം വർഷ എംഎ ഹിസ്റ്ററി (സിഎസ്എസ്) 201920 പ്രോഗ്രാമിൽ എസ്ടി വിഭാഗത്തിൽ ഒരു സീറ്റ് ഒഴിവുണ്ട്. അർഹരായിട്ടുളളവർ അസൽ രേഖകളുമായി 13ന് രാവിലെ 10ന് ഡിപ്പാർട്ട്മെന്‍റ് ഓഫീസിൽ ഹാജരാകണം. കൂടുതൽ വിവരങ്ങൾക്ക്: 0471 2308839, 9446533386 എന്നീ നന്പറുകളിൽ ബന്ധപ്പെടുക.
ബിരുദ പ്രവേശനം 2019: രണ്ടാം ഘട്ട അലോട്ട്മെന്റ് ഫീസ് ജൂണ്‍ 13 വരെ അടയ്ക്കാം
സർവകലാശാലയുടെ 2019 20 അദ്ധ്യയന വർഷത്തെ ബിരുദ പ്രവേശനത്തിനുളള രണ്ടാം ഘട്ട അലോട്ട്മെന്റ് ലഭിച്ചവർ ഫീസ് അടയ്ക്കേണ്ട അവസാന തീയതി 13 വൈകുന്നേരം അഞ്ച്. ഫീസ് ഓണ്‍ലൈനായാണ് അടയ്ക്കേണ്ടത്. ഫീസ് അടയ്ക്കാത്ത പക്ഷം അലോട്ട്മെന്റ് റദ്ദാകും. ഒന്ന്, രണ്ട്, മൂന്ന് ഘട്ട അലോട്ട്മെന്റുകളിൽ, അലോട്ട്മെന്റ് ലഭിച്ചവർ മൂന്നാം അലോട്ട്മെന്റ് പ്രസിദ്ധീകരിച്ചതിനു ശേഷം മാത്രം കോളജുകളിൽ ഹാജരായി പ്രവേശനം നേടിയാൽ മതിയാകും.