വേട്ടയാടാൻ കേന്ദ്ര ഏജൻസികൾ
പാ​മ്പും കീ​രി​യും ഒ​ന്നി​ച്ചി​രി​ക്കു​ന്നു​വെ​ന്നാ​യി​രു​ന്നു ക​ഴി​ഞ്ഞ മാ​ർ​ച്ചി​ൽ ഗൊ​ര​ഖ്പു​ർ, ഫു​ൽ​പു​ർ ഉ​പ​തെ​ര​ഞ്ഞെ​ടു​പ്പു​ക​ളി​ൽ ബി​എ​സ്പി​യും എ​സ്പി​യും സ​ഖ്യ​മാ​യി മ​ത്സ​രി​ക്കാ​ൻ തീ​രു​മാ​നി​ച്ച​പ്പോ​ൾ ഉ​ത്ത​ർ​പ്ര​ദേ​ശ് മു​ഖ്യ​മ​ന്ത്രി യോ​ഗി ആ​ദി​ത്യ​നാ​ഥി​ന്‍റെ പ്ര​തി​ക​ര​ണം. പാ​മ്പും കീ​രി​യും ച​ങ്ങാ​ത്തം തു​ട​ർ​ന്നാ​ൽ താ​മ​ര​ക്കു​ളം ഉ​ഴു​തു​മ​റി​ക്കു​മെ​ന്ന് ഉ​പ​തെ​ര​ഞ്ഞെ​ടു​പ്പ്ഫ​ലം തെ​ളി​യി​ക്കു​ക​യും ചെ​യ്തു. അ​തി​നാ​ൽ ഇ​രു​കൂ​ട്ട​രേ​യും പാ​ഠം പ​ഠി​പ്പി​ക്കാ​ൻ​ത​ന്നെ യോ​ഗി തീ​രു​മാ​നി​ച്ചു. ആ​ദ്യം മാ​യാ​വ​തി​യും പി​ന്നാ​ലെ അ​ഖി​ലേ​ഷും സി​ബി​ഐ വ​ല​യ​ത്തി​ലാ​യി.

പ​ര​സ്പ​രം പോ​ര​ടി​ച്ചി​രു​ന്ന ബി​എ​സ്പി​യും എ​സ്പി​യും ബി​ജെ​പി​ക്കെ​തി​രേ ഒ​ന്നി​ക്കു​ന്നു​വെ​ന്നു പ്ര​ഖ്യാ​പി​ച്ച​തി​നു പി​റ്റേ​ന്നാ​യി​രു​ന്നു മാ​യാ​വ​തി​ക്കെ​തി​രേ സി​ബി​ഐ അ​ന്വേ​ഷ​ണ​ത്തി​ന് ഉ​ത്ത​ര​വി​റ​ങ്ങി​യ​ത്. 2010-11 കാ​ല​ത്ത് മാ​യാ​വ​തി യു​പി മു​ഖ്യ​മ​ന്ത്രി​യാ​യി​രി​ക്കെ പൊ​തു​മേ​ഖ​ല​യി​ലു​ണ്ടാ​യി​രു​ന്ന പ​ഞ്ച​സാ​ര ഫാ​ക്ട​റി​ക​ൾ വി​റ്റ​ഴി​ച്ച​തു സം​ബ​ന്ധി​ച്ച കേ​സ് പൊ​ടി​ത​ട്ടി​യെ​ടു​ത്തു. ക​ഴി​ഞ്ഞ ഏ​പ്രി​ൽ 12നാ​ണ് സി​ബി​ഐ അ​ന്വേ​ഷ​ണ​ത്തി​നു യോ​ഗി ആ​ദി​ത്യ​നാ​ഥ് സ​ർ​ക്കാ​ർ തീ​രു​മാ​നി​ച്ച​ത്. 21 ഫാ​ക്ട​റി​ക​ൾ വി​റ്റ​തി​ൽ 1,179 കോ​ടി രൂ​പ​യു​ടെ അ​ഴി​മ​തി ന​ട​ന്നു​വെ​ന്നാ​ണു പ​രാ​തി.

മ​ണ​ൽ ഖ​ന​ന​വു​മാ​യി ബ​ന്ധ​പ്പെ​ടു​ത്തി​യാ​ണ് അ​ഖി​ലേ​ഷ് യാ​ദ​വി​നെ കു​ടു​ക്കി​യി​രി​ക്കു​ന്ന​ത്. 2012-13 കാ​ല​ത്ത് ഖ​ന​ന​ത്തി​ന്‍റെ കൂ​ടി ചു​മ​ത​ല മു​ഖ്യ​മ​ന്ത്രി​യാ​യി​രു​ന്ന അ​ഖി​ലേ​ഷ് വ​ഹി​ച്ചി​രു​ന്നു. ഇ​ക്കാ​ല​ത്ത് അ​നു​വ​ദി​ച്ച 14 ടെ​ൻ​ഡ​റു​ക​ളി​ൽ ക്ര​മ​ക്കേ​ടു​ണ്ടെ​ന്നാ​ണ് പ​രാ​തി. ക​ഴി​ഞ്ഞ​മാ​സ​മാ​ണ് സി​ബി​ഐ അ​ന്വേ​ഷ​ണം തു​ട​ങ്ങി​യ​ത്. എ​സ്പി, ബി​എ​സ്പി നേ​താ​ക്ക​ളേ​യും ഐ​എ​എ​സ് ഉ​ദ്യോ​ഗ​സ്ഥ​രേ​യും ചോ​ദ്യം​ചെ​യ്തു​ക​ഴി​ഞ്ഞു. നി​ര​വ​ധി സ്ഥ​ല​ങ്ങ​ളി​ൽ റെ​യ്ഡും ന​ട​ത്തി. അ​ന്വേ​ഷ​ണം കൊ​ഴു​പ്പി​ക്ക​ാനാ​ണ് സി​ബി​ഐ​യു​ടെ നീ​ക്കം.

കോ​ൺ​ഗ്ര​സ് നേ​താ​ക്ക​ളെ കൂ​ട്ട​ത്തോ​ടെ

ഹ​രി​യാ​ന മു​ൻ മു​ഖ്യ​മ​ന്ത്രി ഭൂ​പേ​ന്ദ്ര​സിം​ഗ് ഹൂ​ഡ, ഹി​മാ​ച​ൽ​പ്ര​ദേ​ശ് മു​ൻ മു​ഖ്യ​മ​ന്ത്രി വീ​ര​ഭ​ദ്ര​സിം​ഗ്, ഉ​ത്ത​രാ​ഖ​ണ്ഡ് മു​ൻ മു​ഖ്യ​മ​ന്ത്രി ഹ​രീ​ഷ് റാ​വ​ത്ത് തു​ട​ങ്ങി​യ കോ​ൺ​ഗ്ര​സ് നേ​താ​ക്ക​ളെ​ല്ലാം സി​ബി​ഐ​യു​ടെ ചൂ​ട​റി​യു​ന്നു. ഗു​ഡ്ഗാ​വി​ൽ സ്വ​കാ​ര്യ സം​രം​ഭ​ക​ർ ചു​ളു​വി​ല​യ്ക്ക് ഭൂ​മി സ്വ​ന്ത​മാ​ക്കു​ന്ന​തി​ന് കൂ​ട്ടു​നി​ന്നു എ​ന്ന പ​രാ​തി​യി​ലാ​ണ് ഹൂ​ഡ​യ്ക്കെ​തി​രേ സി​ബി​ഐ എ​ഫ്ഐ​ആ​ർ ര​ജി​സ്റ്റ​ർ ചെ​യ്തി​രി​ക്കു​ന്ന​ത്. ഇ​തി​നേ​ത്തു​ട​ർ​ന്നു ക​ഴി​ഞ്ഞ​മാ​സം അ​വ​സാ​നം ച​ണ്ഡീ​ഗ​ഡ്, റോ​ത്ത​ക്, ഡ​ൽ​ഹി, ഗു​ഡ്ഗാ​വ്, മൊ​ഹാ​ലി എ​ന്നി​വി​ട​ങ്ങ​ളി​ലാ​യി 20 കേ​ന്ദ്ര​ങ്ങ​ളി​ൽ റെ​യ്ഡും ന​ട​ത്തി. റോ​ത്ത​ക്കി​ലെ അ​ദ്ദേ​ഹ​ത്തി​ന്‍റെ വ​സ​തി​യി​ൽ ര​ണ്ടു​ത​വ​ണ​യാ​ണു റെ​യ്ഡ് ന​ട​ത്തി​യ​ത്.

എ​ൺ​പ​ത്തി​ര​ണ്ടു​കാ​ര​നാ​യ വീ​ര​ഭ​ദ്ര​സിം​ഗി​നേ​യും ഭാ​ര്യ പ്ര​തി​ഭ സിം​ഗ് അ​ട​ക്ക​മു​ള്ള കു​ടും​ബ​ത്തേ​യും സി​ബി​ഐ വേ​ട്ട​യാ​ടാ​ൻ തു​ട​ങ്ങി​യി​ട്ടു നാ​ളേ​റെ​യാ​യി. കേ​ന്ദ്ര​മ​ന്ത്രി​യാ​യി​രി​ക്കെ 10 കോ​ടി രൂ​പ​യു​ടെ അ​ന​ധി​കൃ​ത സ്വ​ത്ത് സ​മ്പാ​ദി​ച്ചു​വെ​ന്നാ​യി​രു​ന്നു കേ​സ്.

2016ൽ ​ഹ​രീ​ഷ് റാ​വ​ത്ത് സ​ർ​ക്കാ​രി​നെ പു​റ​ത്താ​ക്കി ഉ​ത്ത​രാ​ഖ​ണ്ഡി​ൽ രാ​ഷ്‌​ട്ര​പ​തി​ഭ​ര​ണം ഏ​ർ​പ്പെ​ടു​ത്തി​യ കാ​ല​ത്താ​ണ് അ​ദ്ദേ​ഹ​ത്തി​നെ​തി​രേ സി​ബി​ഐ വാ​ളെ​ടു​ത്ത​ത്. ത​ന്‍റെ നേ​തൃത്വ​ത്തി​ലു​ള്ള സ​ർ​ക്കാ​രി​നെ പി​രി​ച്ചു​വി​ട്ട​തി​നെ​തി​രേ റാ​വ​ത്ത് സു​പ്രീം കോ​ട​തി​യെ സ​മീ​പി​ക്കു​ക​യും അ​നു​കൂ​ല​വി​ധി നേ​ടു​ക​യും ചെ​യ്തു. നി​യ​മ​സ​ഭ​യി​ൽ ഭൂ​രി​പ​ക്ഷം തെ​ളി​യി​ക്കാ​നാ​യി​രു​ന്നു സു​പ്രീം കോ​ട​തി​യു​ടെ വി​ധി. ഇ​തേ​ത്തു​ട​ർ​ന്ന് വി​മ​ത എം​എ​ൽ​എ​യ്ക്കു കോ​ഴ വാ​ഗ്ദാ​നം ചെ​യ്തു​വെ​ന്നു കാ​ട്ടി പു​റ​ത്താ​യ സി​ഡി​യെ​ച്ചൊ​ല്ലി​യാ​യി​രു​ന്നു സി​ബി​ഐ കേ​സെ​ടു​ത്ത​ത്.

2017 ഓ​ഗ​സ്റ്റി​ൽ മ​ന്ത്രി ജി​തേ​ന്ദ​ർ സിം​ഗ് രാ​ജ്യ​സ​ഭ​യി​ൽ പ​റ​ഞ്ഞ​ത് 2017ലെ ​ആ​ദ്യ ആ​റു മാ​സ​ത്തി​ൽ 14 രാ​ഷ്‌​ട്രീ​യ നേ​താ​ക്ക​ൾ​ക്കെ​തി​രേ സി​ബി​ഐ കേ​സെ​ടു​ത്തി​രി​ക്കു​ന്നു​വെ​ന്നാ​ണ്.

ക​ട​മ്പ​ക​ളൊ​രു​ക്കി നാ​യി​ഡു

ആ​ന്ധ്ര​യി​ൽ സി​ബി​ഐ​യു​ടെ വി​ള​യാ​ട്ട​ത്തി​ന് ക​ട​മ്പ​ക​ളൊ​രു​ക്കി​യാ​ണു മു​ഖ്യ​മ​ന്ത്രി ച​ന്ദ്ര​ബാ​ബു നാ​യി​ഡു പ്ര​തി​രോ​ധി​ക്കാ​ൻ ശ്ര​മി​ക്കു​ന്ന​ത്. സി​ബി​ഐ​ക്കു രാ​ജ്യം മു​ഴു​വ​ൻ പ്ര​വ​ർ​ത്ത​ന​സ്വാ​ത​ന്ത്ര്യ​മി​ല്ല. അ​ത​തു സം​സ്ഥാ​ന​ സ​ർ​ക്കാ​രു​ക​ളു​ടെ അ​നു​മ​തി​യോ​ടെ മാ​ത്ര​മേ സി​ബി​ഐ​ക്ക് ഓ​രോ സം​സ്ഥാ​ന​ത്തും പ്ര​വ​ർ​ത്തി​ക്കാ​നാ​വൂ. സാ​ധാ​ര​ണ​ഗ​തി​യി​ൽ എ​ല്ലാ സം​സ്ഥാ​ന​ങ്ങ​ളും ഓ​രോ വ​ർ​ഷ​ത്തേ​ക്ക് സി​ബി​ഐ​ക്ക് പൊ​തു​വാ​യ പ്ര​വ​ർ​ത്ത​നാ​നു​മ​തി ന​ൽ​കു​ന്നു. ഇ​തു സ​മ​യ​ബ​ന്ധി​ത​മാ​യി പു​തു​ക്കി​ക്കൊ​ണ്ടി​രി​ക്കും.

ഈ ​സാ​ഹ​ച​ര്യ​ത്തി​നാ​ണു നാ​യി​ഡു മാ​റ്റം വ​രു​ത്തി​യി​രി​ക്കു​ന്ന​ത്. ഇ​പ്പോ​ൾ ആ​ന്ധ്ര​യി​ൽ കേ​സു​ക​ൾ കൈ​കാ​ര്യം ചെ​യ്യു​ന്ന​തി​ന് സി​ബി​ഐ​ക്കു പൊ​തു​വാ​യ അ​നു​മ​തി​യി​ല്ല. ഓ​രോ കേ​സി​നും പ്ര​ത്യേ​കം അ​നു​മ​തി തേ​ട​ണം. പി​ന്നീ​ടു പ​ശ്ചി​മ​ബം​ഗാ​ളും ഛത്തീ​സ്ഗ​ഡും ഇ​തേ​വ​ഴി സ്വീ​ക​രി​ച്ചി​ട്ടു​ണ്ട്.

എ​ൻ​ഡി​എ സ​ഖ്യം​വി​ട്ട് മോ​ദി​യു​ടെ വി​മ​ർ​ശ​ക​നാ​യി മാ​റി​യ​തു​മു​ത​ലാ​ണ് നാ​യി​ഡു സി​ബി​ഐ​യെ പേ​ടി​ക്കാ​ൻ തു​ട​ങ്ങി​യ​ത്. നാ​യി​ഡു​വി​ന്‍റെ സു​ഹൃ​ത്തും ഹൈ​ദ​രാ​ബാ​ദ് കേ​ന്ദ്രീ​ക​രി​ച്ചു​ള്ള ബി​സി​ന​സു​കാ​ര​നു​മാ​യ സ​തീ​ഷ് സ​ന​യെ സി​ബി​ഐ കു​ടു​ക്കി​യി​ട്ടു‌​ണ്ട്. കൂ​ടാ​തെ ഇ​ക്ക​ഴി​ഞ്ഞ സെ​പ്റ്റം​ബ​റി​ൽ നാ​യി​ഡു​വി​നും മ​ക​നും മ​ന്ത്രി​യു​മാ​യ നാ​രാ ലോ​കേ​ഷി​നു​മെ​തി​രേ സി​ബി​ഐ അ​ന്വേ​ഷ​ണം ആ​വ​ശ്യ​പ്പെ​ട്ട് ഒ​രു പൊ​തു​താ​ത്പ​ര്യ ഹ​ർ​ജി ആ​ന്ധ്രപ്ര​ദേ​ശ് ഹൈ​ക്കോ​ട​തി​യി​ലെ​ത്തി. റി​ട്ട. ജ​ഡ്ജി കെ. ​സ​ർ​വ​ൻ കു​മാ​ർ സ​മ​ർ​പ്പി​ച്ച ഹ​ർ​ജി​യി​ൽ കോ​ട​തി കൂ​ടു​ത​ൽ വി​വ​ര​ങ്ങ​ൾ ആ​രാ​ഞ്ഞ​തി​നാ​ൽ പി​ൻ​വ​ലി​ച്ചി​രി​ക്കു​ക​യാ​ണ്. 21,000 കോ​ടി രൂ​പ‍യു​ടെ അ​ഴി​മ​തി​യാ​ണ് ഈ ​ഹ​ർ​ജി​യി​ൽ ഉ​ന്ന​യി​ച്ചി​രി​ക്കു​ന്ന​ത്.

2013ൽ ​നാ​യി​ഡു പ്ര​തി​പ​ക്ഷ നേ​താ​വാ​യി​രി​ക്കെ അ​ന​ധി​കൃ​ത സ്വ​ത്ത് സ​മ്പാ​ദി​ച്ചു​വെ​ന്ന പ​രാ​തി​യി​ൽ അ​ന്വേ​ഷ​ണം ന​ട​ത്താ​ൻ ഹൈ​ക്കോ​ട​തി സി​ബി​ഐ​യോ​ട് ആ​വ​ശ്യ​പ്പെ​ട്ടി​രു​ന്നു. ഭാ​ര്യ ഭു​വ​നേ​ശ്വ​രി​യും മ​ക​ൻ നാ​രാ ലോ​കേ​ഷും ഈ ​പ​രാ​തി​യി​ലും ഉ​ൾ​പ്പെ​ട്ടി​ട്ടു​ണ്ട്. എ​ൻ​ഡി​എ സ​ഖ്യം വി​ടു​ന്ന​തു​വ​രെ നാ​യി​ഡു​വി​ന് ഈ ​കേ​സു​ക​ളി​ലൊ​ന്നും ആ​ശ​ങ്ക​യി​ല്ലാ​യി​രു​ന്നു. എ​ന്നാ​ൽ ഇ​പ്പോ​ൾ അ​ത​ല്ല സ്ഥി​തി. എ​പ്പോ​ൾ വേ​ണ​മെ​ങ്കി​ലും സി​ബി​ഐ കു​രു​ക്കു​മു​റു​ക്കാ​മെ​ന്നു നാ​യി​ഡു​വി​ന​റി​യാം. എ​ൻ​ഡി​എ സ​ഖ്യം വി​ടു​ക മാ​ത്ര​മ​ല്ല നാ​യി​ഡു ചെ​യ്തി​രി​ക്കു​ന്ന​ത്. കോ​ൺ​ഗ്ര​സി​നെ പി​ന്തു​ണ​യ്ക്കു​ന്നു. പ്ര​തി​പ​ക്ഷ ഐ​ക്യ​ത്തി​ന് ഓ​ടി​ന​ട​ക്കു​ന്നു.

മു​ന്ന​റി​യി​പ്പ് ബി​ജെ​ഡി​ക്കും

ഒ​ഡീ​ഷ​യി​ലെ ബി​ജു ജ​ന​താ​ദ​ൾ കേ​ന്ദ്ര​ത്തി​ൽ ബി​ജെ​പി​യു​ടെ ബി ​ടീ​മാ​യാ​ണു വ​ർ​ത്തി​ക്കു​ന്ന​ത്. ഉ​പ​രാ​ഷ്‌​ട്ര​പ​തി തെ​ര​ഞ്ഞെ​ടു​പ്പി​ലും അ​വി​ശ്വാ​സ​പ്ര​മേ​യ വോ​ട്ടെ​ടു​പ്പി​ലും സ​ർ​ക്കാ​ർ അ​നു​കൂ​ല നി​ല​പാ​ടി​ലാ​യി​രു​ന്നു. എ​ന്നാ​ൽ, ബി​ജെ​ഡി​യെ വി​ര​ട്ടാ​നും സി​ബി​ഐ രം​ഗ​ത്തു​ണ്ട്. ചി​ട്ടി​ഫ​ണ്ട് ത​ട്ടി​പ്പ് കേ​സി​ൽ ബി​ജെ​ഡി എം​എ​ൽ​എ​മാ​രേ​യും എം​പി​യേ​യും സി​ബി​ഐ പ്ര​തി​ചേ​ർ​ത്തു. ബാ​ങ്കി എം​എ​ൽ​എ പ്ര​വ​ത് ത്രി​പ​തി​യും മ​യൂ​ർ​ഭ​ഞ്ജ് എം​പി രാ​മ​ച​ന്ദ്ര ഹ​ൻ​സ​ദ​യും അ​റ​സ്റ്റി​ലാ​യി​രു​ന്നു. ഇ​വ​രെ പാ​ർ​ട്ടി പു​റ​ത്താ​ക്കി. പി​ന്നീ​ട് ക​ട്ട​ക്ക് -ചൗ​ദ്വ​ർ എം​എ​ൽ​എ പ്ര​വ​ത് ര​ഞ്ജ​ൻ ബി​സ്വാ​ളി​നെ​യും സി​ബി​ഐ അ​റ​സ്റ്റ്ചെ​യ്തു.

ഇ​തോ​ടെ ബി​ജെ​ഡി അ​പ​ക​ടം മ​ണ​ത്തു. ബി​ജെ​പി അ​ധ്യ​ക്ഷ​ൻ അ​മി​ത് ഷാ​യു​ടെ ഗെ​യിം​പ്ലാ​നി​ന്‍റെ ഭാ​ഗ​മാ​യാ​ണ് ബി​സ്വാ​ളി​ന്‍റെ അ​റ​സ്റ്റ് എ​ന്നാ​ണ് ബി​ജെ​ഡി ആ​രോ​പി​ക്കു​ന്ന​ത്. പ്ര​തി​രോ​ധി​ച്ചി​ല്ലെ​ങ്കി​ൽ വ​ലി​യ തി​രി​ച്ച​ടി​യാ​കു​മെ​ന്നു ക​ണ​ക്കു​കൂ​ട്ടി​യ ബി​ജെ​ഡി ശ​ക്ത​മാ​യ നി​ല​പാ​ടെ​ടു​ത്തു. ഇ​തോ​ടെ​യാ​ണ് സി​ബി​ഐ മ​യ​പ്പെ​ട്ട​ത്. എ​ന്നാ​ൽ, ബി​ജെ​ഡി​ക്കും ന​വീ​ൻ പ​ട്നാ​യി​ക്കി​നും ത​ല​യ്ക്കു​മു​ക​ളി​ൽ തൂ​ങ്ങു​ന്ന വാ​ളാ​യി സി​ബി​ഐ അ​ന്വേ​ഷ​ണം നി​ല​നി​ൽ​ക്കു​ക​യാ​ണ്.

വാ​ൾ​മു​ന​യി​ൽ എ​ട​പ്പാ​ടി​യും നി​തീ​ഷും

ത​മി​ഴ്നാ​ട്ടി​ൽ സ​ഖ്യ​ക​ക്ഷി​യി​ല്ലാ​ത്ത​തി​ന്‍റെ വി​ഷ​മ​ത്തി​ൽ​നി​ന്ന് ബി​ജെ​പി ക​ര​ക​യ​റു​ക​യാ​ണ്. ഭ​ര​ണ​ക​ക്ഷി​യെ​ത്ത​ന്നെ കൂ​ട്ടി​നു കി​ട്ടു​ന്നു. ഇ​വി​ടെ​യും സി​ബി​ഐ എ​ന്ന വ​ജ്രാ​യു​ധ​ത്തി​നു റോ​ളു​ണ്ട്. മു​ഖ്യ​മ​ന്ത്രി എ​ട​പ്പാ​ടി കെ. ​പ​ള​നി​സ്വ​മി​ക്കെ​തി​രേ സി​ബി​ഐ അ​ന്വേ​ഷ​ണ​ത്തി​ന് മ​ദ്രാ​സ് ഹൈ​ക്കോ​ട​തി ഉ​ത്ത​ര​വി​ട്ടി​ട്ടു​ണ്ട്. റോ​ഡ് ക​രാ​റു​ക​ളി​ലെ അ​ഴി​മ​തി​യാ​ണ് വി​ഷ​യം.

ക​ഴി​ഞ്ഞ​ദി​വ​സ​മാ​ണ് ബി​ഹാ​ർ മു​ഖ്യ​മ​ന്ത്രി നി​തീ​ഷ് കു​മാ​റി​നെ​തി​രേ സി​ബി​ഐ അ​ന്വേ​ഷ​ണ​ത്തി​ന് കോ​ട​തി ഉ​ത്ത​ര​വു‌​ണ്ടാ​യി​രി​ക്കു​ന്ന​ത്. മു​സാ​ഫ​ർ​പൂ​ർ അ​ഭ​യ​കേ​ന്ദ​ത്തി​ലെ ബാ​ല​പീ​ഡ​ന​വു​മാ​യി ബ​ന്ധ​പ്പെ​ട്ട കേ​സി​ലാ​ണ് അ​ന്വേ​ഷ​ണ ഉ​ത്ത​ര​വ്. 8800 കോ​ടി രൂ​പ​യു​ടെ ശ്രീ​ജ​ൻ കും​ഭ​കോ​ണ​ത്തി​ൽ​നി​ന്നു ത​ല​യൂ​രാ​നാ​ണ് നി​തീ​ഷ് ര​ണ്ടാ​മ​തും ബി​ജെ​പി പാ​ള​യ​ത്തി​ൽ എ​ത്തി​യ​തെ​ന്ന ആ​ക്ഷേ​പം നി​ല​നി​ൽ​ക്കു​ന്നു​ണ്ട്.

വ്യാ​പ​ത്തി​ൽ മെ​ല്ലെ​പ്പോ​ക്ക്

കേ​സു​ക​ളെ​ടു​ക്കാ​നും പ​ക്ഷ​പാ​ത​പ​ര​മാ​യി അ​ന്വേ​ഷി​ക്കാ​നും സി​ബി​ഐ​ക്കു​ള്ള മി​ടു​ക്ക് ഏ​റെ വി​മ​ർ​ശ​നം കേ​ട്ടി​ട്ടു​ള്ള​താ​ണ്. മ​ധ്യ​പ്ര​ദേ​ശി​നെ പി​ടി​ച്ചു​കു​ലു​ക്കി​യ വ്യാ​പം അ​ഴി​മ​തി​ക്കേ​സി​ൽ സി​ബി​ഐ അ​ന്വേ​ഷ​ണം മു​റ​പോ​ലെ എ​ന്ന​താ​ണ് ശൈ​ലി. 2013ൽ ​വെ​ളി​ച്ച​ത്തു​വ​ന്ന അ​ഴി​മ​തി​ക്കേ​സ് ര​ണ്ടു വ​ർ​ഷ​ത്തി​നു​ശേ​ഷ​മാ​ണ് സി​ബി​ഐ ഏ​റ്റെ​ടു​ത്ത​ത്. 170 കേ​സു​ക​ളും 1100 പ്ര​തി​ക​ളു​മു​ള്ള കേ​സി​ൽ സി​ബി​ഐ വ​ലി​യ താ​ത്പ​ര്യം കാ​ട്ടു​ന്നി​ല്ലെ​ന്നാ​ണ് ആ​ക്ഷേ​പം.

വാ​ഗ്ദാ​ന​ത്തി​ലൊ​തു​ങ്ങി​യ ലോ​ക്പാ​ൽ

അ​ഴി​മ​തി​ക്കെ​തി​രേ കു​രി​ശു​യു​ദ്ധം പ്ര​ഖ്യാ​പി​ച്ച് അ​ധി​കാ​ര​ത്തി​ലെ​ത്തി​യ മോ​ദി​സ​ർ​ക്കാ​ർ അ​ഴി​മ​തി​ക്കെ​തി​രേ ഫ​ല​പ്ര​ദ​മാ​യി പ്ര​വ​ർ​ത്തി​ക്കു​ന്ന​തി​ൽ പ​രാ​ജ​യ​പ്പെ​ട്ടു​വെ​ന്ന വി​മ​ർ​ശ​ന​ത്തി​നും പ്ര​സ​ക്തി​യു​ണ്ട്. അ​ഴി​മ​തി തു​ട​ച്ചു​നീ​ക്കു​ന്ന​തി​നു ശ​ക്ത​മാ​യ ലോ​ക്പാ​ൽ നി​യ​മം കൊ​ണ്ടു​വ​രു​മെ​ന്ന് മോ​ദി 2014ലെ ​തെ​ര​ഞ്ഞെ​ടു​പ്പി​ൽ പ്ര​ഖ്യാ​പി​ച്ചി​രു​ന്നു. എ​ന്നാ​ൽ, ഭ​ര​ണം അ​വ​സാ​നി​ക്ക​ാറാ​യി​ട്ടും വാ​ഗ്ദാ​നം നി​റ​വേ​റ്റ​പ്പെ​ട്ടി​ട്ടി​ല്ല.

2013ലാ​ണ് ലോ​ക്പാ​ൽ ബി​ൽ പാ​സാ​യ​ത്. തു​ട​ർ​ന്ന് 2014 ഫെ​ബ്രു​വ​രി​യി​ൽ പ്ര​ധാ​ന​മ​ന്ത്രി ഡോ. ​മ​ൻ​മോ​ഹ​ൻ​സിം​ഗ് ര​ണ്ടു​ത​വ​ണ യോ​ഗം വി​ളി​ക്കു​ക​യും പ​ങ്കെ​ടു​ക്കു​ക​യും ചെ​യ​്തി​രു​ന്നു. പി​ന്നീ​ട് അ​ധി​കാ​ര​ത്തി​ലെ​ത്തി​യ ന​രേ​ന്ദ്ര മോ​ദി 45 മാ​സ​ങ്ങ​ൾ​ക്കു ശേ​ഷ​മാ​ണ് ആ​ദ്യ​മാ​യി യോ​ഗം വി​ളി​ച്ച​ത്.

ലോ​ക്പാ​ല്‍ ന​ട​പ്പാ​ക്കാ​ന്‍ വൈ​കു​ന്ന​തി​ല്‍ പ്ര​തി​ഷേ​ധി​ച്ചു താ​ന്‍ മോ​ദി​ക്ക് 35 ക​ത്തു​ക​ളെ​ഴു​തി​യെ​ങ്കി​ലും ഒ​ന്നും ഫ​ലം ക​ണ്ടി​ല്ല എ​ന്ന അ​ന്നാ ഹ​സാ​രെ​യു​ടെ വി​ലാ​പ​വും ഇ​തി​നോ​ടു കൂ​ട്ടി​വാ​യി​ക്ക​ണം. “എ​ല്ലാ വാ​ഗ്ദാ​ന​ങ്ങ​ള്‍ക്കു​മ​പ്പു​റം മോ​ദി സ​ര്‍ക്കാ​ര്‍ അ​ഴി​മ​തി​യി​ലാ​ണ്. ഞാ​ന്‍ മ​ന്‍മോ​ഹ​ന്‍ സിം​ഗി​ന് 40 ക​ത്തു​ക​ളെ​ഴു​തി, 20 എ​ണ്ണ​ത്തി​ന് മ​റു​പ​ടി കി​ട്ടി. മോ​ദി​ക്കെ​ഴു​തി​യ ഒ​രൊ​റ്റ ക​ത്തി​നും മ​റു​പ​ടി കി​ട്ടി​യി​ല്ല.’’ ക​ഴി​ഞ്ഞ വ​ര്‍ഷം ഹ​സാ​രെ പ​റ​ഞ്ഞ​താ​ണി​ത്. ഒ​ടു​വി​ൽ അ​ദ്ദേ​ഹം വീ​ണ്ടും ക​ഴി​ഞ്ഞ​മാ​സം നി​രാ​ഹാ​ര​സ​മ​രം ന​ട​ത്തു​ക​യും ചെ​യ്തു.

ഒ​രു ചെ​യ​ർ​പേ​ഴ്സ​നും എ​ട്ട് മെം​ബ​ർ​മാ​രും അ​ട​ങ്ങു​ന്ന​താ​ണ് ലോ​ക്പാ​ൽ സ​മി​തി. പ്ര​ധാ​ന​മ​ന്ത്രി, സ്പീ​ക്ക​ർ, പ്ര​തി​പ​ക്ഷ നേ​താ​വ്, ചീ​ഫ് ജ​സ്റ്റീ​സ് ഓ​ഫ് ഇ​ന്ത്യ എ​ന്നി​വ​ര​ട​ങ്ങു​ന്ന സെ​ല​ക്‌​ഷ​ൻ ക​മ്മി​റ്റി​യാ​ണു ലോ​ക്പാ​ലി​നെ നി​ശ്ച​യി​ക്കു​ക. ലോ​ക്സ​ഭ​യി​ൽ പ്ര​തി​പ​ക്ഷ നേ​താ​വി​ല്ല എ​ന്ന തൊ​ടു​ന്യാ​യം പ​റ​ഞ്ഞാ​ണു സെ​ല​ക്‌​ഷ​ൻ ക​മ്മി​റ്റി കൂ​ടാ​തി​രു​ന്ന​ത്. പി​ന്നീ​ട് സു​പ്രീം കോ​ട​തി ഇ​ട​പെ​ട്ട​തി​നെ​ത്തു​ട​ർ​ന്നാ​ണ് യോ​ഗം വി​ളി​ച്ച​ത്.

അ​ഴി​മ​തി തു​ട​ച്ചു​നീ​ക്കു​മെ​ന്ന് പ​റ​യു​ന്ന​തു കേ​വ​ലം വീ​മ്പി​ള​ക്ക​ൽ മാ​ത്ര​മാ​ണെ​ന്നും ലോ​ക്പാ​ൽ സ്ഥാ​പി​ക്കാ​ൻ സ​ർ​ക്കാ​രി​ന് യാ​തൊ​രു പ്ര​തി​ബ​ദ്ധ​ത​യു​മി​ല്ല എ​ന്ന​തി​നു തെ​ളി​വാ​ണ് യോ​ഗം ചേ​രാ​നു​ണ്ടാ​യ അ​സാ​ധാ​ര​ണ വൈ​ക​ലെ​ന്നു​മാ​ണ് പ്ര​തി​പ​ക്ഷ​ത്തി​ന്‍റേ​യും ലോ​ക്പാ​ലി​നു​വേ​ണ്ടി തെ​രു​വി​ലി​റ​ങ്ങി​യ ആ​ക്ടി​വി​സ്റ്റു​ക​ളു​ടേ​യും ആ​ക്ഷേ​പം.

അ​ഴി​മ​തി​ക്കാ​രെ പി​ടി​കൂ​ടു​ക എ​ന്ന​തി​ലു​പ​രി രാ​ഷ്‌​ട്രീ​യ​നേ​ട്ട​ത്തി​നും പ​ക​പോ​ക്ക​ലി​നും ഉ​പ​യോ​ഗി​ക്ക​പ്പെ​ടു​മ്പോ​ൾ സി​ബി​ഐ​യു​ടെ വി​ശ്വാ​സ്യ​ത​യാ​ണു ത​ക​രു​ന്ന​ത്.
ഇ​തു​ത​ന്നെ​യാ​ണ് എ​ൻ​ഫോ​ഴ്സ്മെ​ന്‍റ് ഡ​യ​റ​ക്ട​റേ​റ്റി​ന്‍റെ കാ​ര്യ​ത്തി​ലും സം​ഭ​വി​ക്കു​ന്ന​ത്.

ഒളിപ്പോരിന്‍റെ കാണാപ്പുറങ്ങള്‍-2 / സി​കെ. കു​ര്യാ​ച്ച​ൻ

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.