| | Back to Home | |
| മരടിലെ ഫ്ളാറ്റ് പൊളിക്കൽ |
കോടികൾ ചെലവഴിച്ച് വർഷങ്ങൾകൊണ്ട് കെട്ടിപ്പൊക്കിയ ബഹുനില ഫ്ളാറ്റുകൾ പുല്ലുമേഞ്ഞ ഒരു കുടിൽ പൊളിക്കുന്ന ലാഘവത്തോടെ പൊളിക്കണമെന്ന് പരമോന്നത കോടതി വിധിച്ചപ്പോൾ ഞെട്ടിപ്പോയി. ടൺകണക്കിന് പാറയും സിമന്‍റും കന്പിയും വൻ മനുഷ്യപ്രയത്നവും ചെലവഴിച്ചാണ് ഇവ നിർമിച്ചത്. ഇവയ്ക്കൊന്നിനും വിലയില്ലേ? ഉടമകൾക്ക് നഷ്ടപരിഹാരം ലഭിച്ചേക്കാം. പക്ഷേ ഫ്ളാറ്റ് പൊളിക്കാനുള്ള ചെലവ് ആരു വഹിക്കും? പാവപ്പെട്ട നികുതിദായകന്‍റെ പണമെടുത്താണോ പൊളിക്കുന്നത്?
ഫ്ളാറ്റുകളാണ് മഹാപ്രളയത്തിന് ഒരു കാരണമെന്നു കോടതി പറയുന്നു. എല്ലാം പൊളിച്ചുകഴിഞ്ഞാൽ ഭാവിയിൽ പ്രളയം വരില്ലെന്ന് കോടതിക്ക് ഉറപ്പുണ്ടായിരിക്കാം. ഫ്ളാറ്റ് പ്രശ്നത്തിൽ അമിതമായ ആവേശമാണ് കാണാൻ കഴിഞ്ഞത്. മറ്റു പല കോടതിവിധികളിലും ഇതേ ആവേശം കാണൻ കഴിഞ്ഞില്ല.
ആഗോളതാപനം വർധിച്ചതാണ് കാലാവസ്ഥാ വ്യതിയാനത്തിനു കാരണമെന്നു വിദഗ്ധർ പറയുന്പോൾ ഫ്ളാറ്റുകളാണ് ഒരു കാരണമെന്ന് കോടതി പറയുന്നു. പൊളിക്കാൻ പോകുന്ന കെട്ടിടങ്ങളുമായി ബന്ധപ്പെട്ടവരുടെ മനഃക്ലേശവും ശാപവും ആരും കാണാതിരിക്കരുത്. നിലവിലുള്ള കെട്ടിടങ്ങൾ ഒന്നും പൊളിച്ച് ജനങ്ങൾക്കു കഷ്ടപ്പാടുകൾ ഉണ്ടാക്കാതെ ഭാവിയിൽ നിർമിക്കാൻ പോകുന്ന കെട്ടിടങ്ങൾ പരിസ്ഥിതിക്ക് അനുയോജ്യമായി നിർമിക്കണമെന്നു തീരുമാനമെടുക്കാൻ ബഹുജനശബ്ദം ഉയർന്നുവരണം.
ടി.സി. ജോസഫ്, തൊടുപുഴ
|
| ആധാറും തണ്ടപ്പേരും | | രാജ്യത്ത് ആദ്യമായി ആധാറും തണ്ടപ്പേരും തമ്മിൽ ബന്ധിപ്പിക്കാനുള്ള കേരള റവന്യു ഡിപ്പാർട്ട് മെന്‍റിന്‍റെ തീരു | |
| കുറ്റവാളികൾക്കു പ്രോത്സാഹനമരുത് | | നിർഭയ കേസിലെ പ്രതികളുടെ വധശിക്ഷ നീട്ടിക്കൊണ്ടുപോകുന്നത് കുറ്റവാളികൾക്ക് വീണ്ടും കുറ്റകൃത്യങ്ങൾ ചെയ്യുന്നതിന് പ്രേരണ നൽ | |
| വിദ്യാഭ്യാസ മന്ത്രി അറിയാൻ | | സർ, കേരള സ്കൂൾ ശാസ്ത്രോത്സവത്തിൽ എ ഗ്രേഡ് നേടിയ ഞങ്ങളോട് എന്താണ് വിവേചനം. കേരള സ്കൂൾ കലോത്സവത്തിലും സ്പെഷൽ സ്കൂൾ കലോത്സവത്തിലും വിവിധ മത്സരങ്ങളിൽ എ ഗ്രേഡ് | |
| സർഗാത്മകത മരിക്കുന്നോ? | | ഈ പംക്തിയിൽ വന്ന ഒരു കത്തിൽ മലയാളത്തിൽ കഴിഞ്ഞവർഷം ഇറങ്ങിയ 192 സിനിമകളിൽ 23 എണ്ണത്തിനു മാത്രമാണ് മുടക്കു | |
| വായ്പയെടുത്ത് മുങ്ങുന്നവർ | | യുഎയിലെ ആറു പ്രമുഖ ബാങ്കുകളിലെ അന്പത്തഞ്ചോളം ശാഖകളിൽനിന്നായി 15,000 കോടിയിലേറെ രൂപ വായ്പയെടുത്ത മുങ്ങിയ | |
|
|
|
|