കോവിഡ്19 മൂലമുള്ള പ്രത്യാഘാതം വിവരണാതീതമാണ്. സാന്പത്തികത്തകർച്ചയിലുണ്ടായിട്ടുള്ള തൊഴിൽനഷ്ടമാണ് പ്രധാനം. ചെറുകിട കർഷകർ, സ്വകാര്യബസ് ജീവനക്കാർ, തകർന്നടിഞ്ഞ കാർഷികമേഖലയിലെ ദിവസക്കൂലിക്കാർ, ഓട്ടോടാക്സി ജീവനക്കാർ, നഗരങ്ങളിലെയും ഗ്രാമങ്ങളിലെയും വിറ്റുവരവ് കുറഞ്ഞ കടയുടമകൾ, ഫുട്പാത്ത് കച്ചവടക്കാർ, ഹോട്ടൽ ജീവനക്കാർ, കുടുംബനാഥന്മാരുടെ മരണംമൂലം അനാഥമായ കുടുംബങ്ങൾ, തീരാരോഗികൾ, കിടപ്പുരോഗികൾ തുടങ്ങിയവരുടെ ജീവിതം കടുത്ത ദുരിതത്തിലാണ്.
അതിനാൽ സഹോദരസ്നേഹമുള്ളവർ, സാന്പത്തികഭദ്രതയുള്ളവർ, സാമൂഹ്യരാഷ്ട്രീയസമുദായ സേവകർ, സർക്കാർ ജീവനക്കാർ, കാരുണ്യപ്രവർത്തകർ ഇവരുടെയെല്ലാം കാരുണ്യപ്രവർത്തനം നിസഹായരിലേക്ക് എത്തണം.
ജോസ് കൂട്ടുമ്മേൽ, കടനാട്