ഓട്ടോറിക്ഷ മറിഞ്ഞ് 12 പേർക്കു പരിക്ക് : Deepika.com Kerala News |

Click here for detailed news of all items

ഓട്ടോറിക്ഷ മറിഞ്ഞ് 12 പേർക്കു പരിക്ക്

Wednesday, February 26, 2020 12:30 AM IST

പാനൂർ(കണ്ണൂർ): സ്കൂൾ വിദ്യാർഥികളുമായി പോയ ഓട്ടോറിക്ഷ നിയന്ത്രണംവിട്ട് മതിലിലിടിച്ചു മറിഞ്ഞ്‌ ഒമ്പത് വിദ്യാർഥികളുൾപ്പെടെ 12 പേർക്ക് പരിക്കേറ്റു. വിദ്യാർഥികളിൽ രണ്ടുപേരുടെ നില ഗുരുതരം.

ചൊക്ലി നെടുമ്പ്രത്തെ രാമകൃഷ്ണ എൽപി സ്കൂൾ വിദ്യാർഥികളുമായി പോകുകയായിരുന്ന ഓട്ടോറിക്ഷയാണ് ഇന്നലെ രാവിലെ ഒമ്പതരയോടെ മേക്കുന്ന് തേങ്ങാക്കൂടക്കടുത്ത് അപകടത്തിൽപ്പെട്ടത്.

ഗുരുതരമായി പരിക്കേറ്റ വിദ്യാർഥികളായ നവതേജ് (ആറ്), മുഹമ്മദ് (നാല്) എന്നിവരെ കണ്ണൂർ ചാല മിംസ് ആശുപത്രിയിൽ പ്രവേശിപ്പിച്ചു. ഷാരോൺ (ആറ്), ശ്രീരാഗ് (10), നിഹാൽ (ഒൻപത്), അൻസിക (നാല്), ശ്രീമനിക (ആറ്), ശ്രീനന്ദ (ഏഴ്), അഭിരാഗ് (എട്ട്), ഓട്ടോ ഡ്രൈവർ പാനൂർ കൈവേലിക്കൽ സ്വദേശി രഞ്ജിത് (38), അധ്യാപികമാരായ അഖില (46), രവീണ (22) എന്നിവർക്കും പരിക്കേറ്റു. ഇവരെ തലശേരി ഇന്ദിരാഗാന്ധി സഹകരണ ആശുപത്രിയിൽ പ്രവേശിപ്പിച്ചു.

വിവരമറിഞ്ഞ് ജില്ലാ വിദ്യാഭ്യാസ ഉപഡയറക്‌ടർ ടി.പി. നിർമലാദേവി, ഉപജില്ലാ ഓഫീസർമാരായ ഏബ്രഹാം ജോസഫ്, സി.കെ. സുനിൽകുമാർ, കെപിഎസ്ടിഎ സംസ്ഥാന സെക്രട്ടറി കെ. രമേശൻ എന്നിവർ ആശുപത്രിയിലെത്തിയിരുന്നു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.