നുഴഞ്ഞുകയറ്റക്കാർ സ്ഥാപിച്ച കുഴിബോംബ് പൊട്ടി; മേ​ജ​റിനു വീ​ര​മൃ​ത്യു
Sunday, February 17, 2019 1:34 AM IST
ശ്രീ​ന​ഗ​ർ: പു​ൽ​വാ​മ ഭീ​ക​രാ​ക്ര​മ​ണ​ത്തി​ന്‍റെ വേ​ദ​ന മാ​റും മു​ന്പ് അ​തി​ർ​ത്തി​യി​ൽ സൈ​നി​ക ഓ​ഫീ​സ​ർ​ക്കു ജീ​വ​ഹാ​നി. ജ​മ്മു​വി​ലെ ര​ജൗറി ജി​ല്ല​യി​ലെ നൗ​ഷേ​ര​യി​ൽ കു​ഴി​ബോം​ബ് പൊ​ട്ടി​ത്തെ​റി​ച്ച് മേ​ജ​ർ ചി​ത്രേ​ഷ് സിം​ഗ് ബി​ഷ്ത് ആ​ണു വീ​ര​മൃ​ത്യു​ വരിച്ചത്.

നി​യ​ന്ത്ര​ണരേ​ഖ​യി​ൽനി​ന്ന് ഒ​ന്ന​ര കി​ലോ​മീ​റ്റ​ർ ഉ​ള്ളി​ലാ​യി​രു​ന്നു സം​ഭ​വം. നു​ഴ​ഞ്ഞു​ക​യ​റി​യ ഭീ​ക​ര​ർ സ്ഥാ​പി​ച്ച​താ​ണു കു​ഴി​ബോം​ബ് എ​ന്നു സൈ​നി​ക വ​ക്താ​ക്ക​ൾ പ​റ​ഞ്ഞു.
ബോം​ബ് നി​ർ​വീ​ര്യ​മാ​ക്കു​ന്ന​തി​നു​ള്ള സ്ക്വാ​ഡി​ലെ അം​ഗ​മാ​ണു 31 വ​യ​സു​ള്ള മേ​ജ​ർ ബി​ഷ്ത്. ഉ​ത്ത​രാ​ഖ​ണ്ഡി​ലെ ഡെ​റാ​ഡൂ​ൺ സ്വ​ദേ​ശി​യാ​യ ഇ​ദ്ദേ​ഹം അ​വി​വാ​ഹി​ത​നാ​ണ്.

ഇ​ന്ന​ലെ വൈ​കു​ന്നേ​രം മൂ​ന്നു​മ​ണി​യോ​ടെ മേ​ജ​റും ഒ​രു ഭ​ട​നും കൂ​ടി അ​തി​ർ​ത്തി മേ​ഖ​ല​യി​ൽ കു​ഴി​ബോം​ബു​ക​ൾ ക​ണ്ടെ​ത്താ​ൻ പ​രി​ശോ​ധ​ന ന​ട​ത്തു​ക​യാ​യി​രു​ന്നു. മ​ണ്ണി​ള​കി​യ സ്ഥ​ല​ത്ത് ഏ​താ​നും കു​ഴി​ബോം​ബു​ക​ൾ ക​ണ്ടെ​ത്തി. ഒ​രെ​ണ്ണം നി​ർ​വീ​ര്യ​മാ​ക്കി. ര​ണ്ടാ​മ​ത്തേ​തു നി​ർ​വീ​ര്യ​മാ​ക്കാ​ൻ ശ്ര​മി​ക്കു​ന്ന​തി​നി​ടെയാണ് അ​തു പൊ​ട്ടി​ത്തെ​റി​ച്ച് മേ​ജ​ർ മ​രി​ച്ചത്. ഭ​ട​നു പ​രി​ക്കേ​റ്റു.


ഏ​താ​നും ദി​വ​സം മു​ന്പ് നൗ​ഷേ​ര​യി​ലെ ലാം ​ഗ്രാ​മ​ത്തി​ൽ അ​തി​ർ​ത്തി​ക്ക​പ്പു​റ​ത്തു​നി​ന്നു​ള്ള​വ​ർ കാ​ണ​പ്പെ​ട്ട​താ​യി ര​ഹ​സ്യാ​ന്വേ​ഷ​ക​ർ​ക്കു വി​വ​രം ല​ഭി​ച്ചി​രു​ന്നു. തു​ട​ർ​ന്ന് ഇ​വി​ടെ ഓ​രോ പ്ര​ദേ​ശ​വും വ​ള​ഞ്ഞു വി​ശ​ദ​മാ​യ തെ​ര​ച്ചി​ൽ ന​ട​ത്തി​വ​രി​ക​യാ​യി​രു​ന്നു.

ജ​മ്മു-​കാ​ഷ്മീ​ർ പോ​ലീ​സി​ന്‍റെ സ്പെ​ഷ​ൽ ഓ​പ്പ​റേ​ഷ​ൻ ഗ്രൂ​പ്പ്, സി​ആ​ർ​പി​എ​ഫി​ന്‍റെ 180-ാം ബ​റ്റാ​ലി​യ​ൻ, രാ​ഷ്‌​ട്രീ​യ റൈ​ഫി​ൾ​സി​ന്‍റെ 42-ാം ബ​റ്റാ​ലി​യ​ൻ എ​ന്നി​വ ചേ​ർ​ന്നാ​ണു ഭീ​ക​ര​ർ​ക്കാ​യി തെ​ര​ച്ചി​ൽ ന​ട​ത്തി​വ​ന്ന​ത്. കോ​ർ ഓ​ഫ് എ​ൻ​ജി​നി​യേ​ഴ്സി​ൽനി​ന്നു​ള്ള ആ​ളാ​ണു വീ​ര​മൃ​ത്യു​ വ​രി​ച്ച മേ​ജ​ർ ബി​ഷ്ത്.

നൗ​ഷേ​ര മേ​ഖ​ല​യി​ൽ ഇ​ന്ന​ലെ വൈ​കു​ന്നേ​രം അ​തി​ർ​ത്തി​ക്ക​പ്പു​റ​ത്തു​നി​ന്നു വെ​ടി​വ​യ്പു​ണ്ടാ​യി. മ​ണി​ക്കൂ​റു​ക​ൾ നീ​ണ്ട വെ​ടി​വ​യ്പി​ൽ ഒ​രു ഭ​ട​നു പ​രി​ക്കേ​റ്റ​താ​യി സൈ​ന്യം അ​റി​യി​ച്ചു. ഇ​ന്ത്യ​ൻ സേ​ന ശ​ക്ത​മാ​യി തി​രി​ച്ച​ടി​ച്ചു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.