National News
വോ​ട്ടെ​ണ്ണ​ൽ ഇ​ന്ന്
വോ​ട്ടെ​ണ്ണ​ൽ ഇ​ന്ന്
Thursday, May 23, 2019 12:54 AM IST
ന്യൂ​ഡ​ൽ​ഹി: രാ​ജ്യം ആ​രു ഭ​രി​ക്കും, ന​രേ​ന്ദ്ര മോ​ദി യു​ഗം തു​ട​രു​മോ, അ​സ്ത​മി​ക്കു​മോ എ​ന്ന​റി​യു​ന്ന ലോ​ക്സ​ഭാ തെ​ര​ഞ്ഞെ​ടു​പ്പി​ന്‍റെ വോ​ട്ടെ​ണ്ണ​ൽ ഇ​ന്ന്.

പ​തി​നേ​ഴാം ലോ​ക്സ​ഭ​യി​ലേ​ക്കും ആ​ന്ധ്ര​പ്ര​ദേ​ശ്, ഒ​ഡീ​ഷ, സി​ക്കിം, അ​രു​ണാ​ച​ൽപ്ര​ദേ​ശ് നി​യ​മ​സ​ഭ​ക​ളി​ലേ​ക്കും ഏ​പ്രി​ൽ 11 മു​ത​ൽ ക​ഴി​ഞ്ഞ 19-ാം തീ​യ​തി വ​രെ ഏ​ഴു ഘ​ട്ട​ങ്ങ​ളി​ലാ​യി ന​ട​ന്ന തെ​ര​ഞ്ഞെ​ടു​പ്പി​ന്‍റെ ഫ​ല​മാ​ണ് ഇ​ന്ന​റി​യു​ക. രാ​ജ്യ​ത്തു പ​ല​യി​ട​ത്തും വോ​ട്ടിം​ഗ് യ​ന്ത്ര​ങ്ങ​ളി​ൽ തി​രി​മ​റി ന​ട​ത്തി​യ​താ​യു​ള്ള സം​ശ​യം ലോ​ക​ത്തി​ലെ ത​ന്നെ ഏ​റ്റ​വും വ​ലി​യ ജ​നാ​ധി​പ​ത്യ പ്ര​ക്രി​യ​യു​ടെ വി​ശ്വാ​സ്യ​ത​യ്ക്കു ക​ള​ങ്ക​മാ​യി.

വോ​ട്ടെ​ണ്ണ​ലി​നോട​നു​ബ​ന്ധി​ച്ച് അ​ക്ര​മ​ത്തി​നു​ള്ള സാ​ധ്യ​ത ക​ണ​ക്കി​ലെ​ടു​ത്തു രാ​ജ്യ​മെ​ങ്ങും ക​ന​ത്ത സു​ര​ക്ഷ​യാ​ണ് ഏ​ർ​പ്പെ​ടു​ത്തി​യി​രി​ക്കു​ന്ന​ത്. വ്യാ​പ​ക ആ​ക്ര​മ​ണ​ങ്ങ​ൾ​ക്കു സാ​ധ്യ​ത​യു​ണ്ടെന്ന് ​കേ​ന്ദ്ര ആ​ഭ്യ​ന്ത​ര മ​ന്ത്രാ​ല​യും മു​ന്ന​റി​യി​പ്പു ന​ൽ​കി​യി​ട്ടു​ണ്ട്.


എ​ക്സി​റ്റ് പോ​ളു​ക​ളു​ടെ സൂ​ച​ന​ക​ൾ ന​രേ​ന്ദ്ര മോ​ദി​യു​ടെ അ​ധി​കാ​ര​ത്തു​ട​ർ​ച്ച ആ​ണെ​ങ്കി​ലും രാ​ഹു​ൽ ഗാ​ന്ധി​യും ഇ​ത​ര പ്ര​തി​പ​ക്ഷ നേ​താ​ക്ക​ളും പ്ര​തീ​ക്ഷ കൈ​വി​ട്ടി​ട്ടി​ല്ല. എ​ക്സി​റ്റ് പോ​ളു​ക​ളി​ൽ നി​രാ​ശ​രാ​ക​രു​തെ​ന്നും വോ​ട്ടെ​ണ്ണ​ൽ തീ​രു​ന്ന​തു വ​രെ ജാ​ഗ​രൂ​ക​രാ​ക​ണ​മെ​ന്നും രാ​ഹു​ൽ ഗാ​ന്ധി പ്ര​വ​ർ​ത്ത​ക​രോ​ട് ആ​ഹ്വാ​നം ചെ​യ്തി​ട്ടു​ണ്ട്. എ​ൻ​ഡി​എ​ വ​ലി​യ ഒ​റ്റ​ക്ക​ക്ഷി​യും മു​ന്ന​ണി​യും ആ​യേ​ക്കാ​മെ​ങ്കി​ലും കേ​വ​ല ഭൂ​രി​പ​ക്ഷം അ​ക​ലെ​യാ​കും എ​ന്ന​താ​ണു പ്ര​തി​പ​ക്ഷ​ത്തെ ക​ണ​ക്കു​കൂ​ട്ട​ൽ. മോ​ദി​യെ അ​ധി​കാ​ര​ത്തി​ൽനി​ന്നു മാ​റ്റി​നി​ർ​ത്താ​ൻ ഏ​തു​വി​ട്ടു​വീ​ഴ്ച​യ്ക്കും കോ​ണ്‍ഗ്ര​സും മ​റ്റു പ്ര​ധാ​ന പ്ര​തി​പ​ക്ഷ പാ​ർ​ട്ടി​ക​ളും ത​യാ​റാ​യേ​ക്കും.

ജോ​ർ​ജ് ക​ള്ളി​വ​യ​ലി​ൽ
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.