ന്യൂ​ഡ​ൽ​ഹി: രാ​ജ​സ്ഥാ​നി​ൽ മു​ഖ്യ​മ​ന്ത്രി അ​ശോ​ക് ഗെ​ഹ്‌​ലോ​ട്ടും ഉ​പ​മു​ഖ്യ​മ​ന്ത്രി സ​ച്ചി​ൻ പൈ​ല​റ്റും ത​മ്മി​ലു​ള്ള ത​ർ​ക്കം സം​സ്ഥാ​ന സ​ർ​ക്കാ​രി​ന്‍റെ നി​ല​നി​ൽ​പ്പി​നു​മേ​ൽ ക​രി​നി​ഴ​ൽ വീ​ഴ്ത്തി.
വി​ഷ​യം കോ​ണ്‍ഗ്ര​സ് ഹൈ​ക്ക​മാ​ൻ​ഡു​മാ​യി ച​ർ​ച്ച ചെ​യ്യാ​ൻ സ​ച്ചി​ൻ പൈ​ല​റ്റ് ഇ​ന്ന​ലെ ഡ​ൽ​ഹി​യി​ലെ​ത്തി. സ​ച്ചി​ൻ പൈ​ല​റ്റി​നെ പി​ന്തു​ണ​യ്ക്കു​ന്ന 12 എം​എ​ൽ​എ​മാ​ർ ഡ​ൽ​ഹി​ക്ക​ടു​ത്ത് ഹ​രി​യാ​ന​യി​ലെ മ​നേ​സ​റി​ലുള്ള പ​ഞ്ച ന​ക്ഷ​ത്ര ഹോ​ട്ട​ലാ​യ ഐ​ടി​സി ഗ്രാ​ൻഡ് ഭാ​ര​തി​ൽ താ​മ​സി​ക്കു​ന്നു​ണ്ട്.

ത​​നി​​ക്ക് 30 എം​​എ​​ൽ​​എ​​മാ​​രു​​ടെ പി​​ന്തു​​ണ​​യു​​ണ്ടെ​​ന്നും രാ​​ജ​​സ്ഥാ​​ൻ സ​​ർ​​ക്കാ​​ർ ന്യൂ​​ന​​പ​​ക്ഷ​​മാ​​യെ​​ന്നും സ​​ച്ചി​​ൻ പൈ​​ല​​റ്റ് പറയുന്നു. ഇ​​ന്ന​​ത്തെ കോ​​ൺ​​ഗ​​സ് നി​​യ​​മ​​സ​​ഭാ ക​​ക്ഷി​​യോ​​ഗ​​ത്തി​​ൽ പ​​ങ്കെ​​ടു​​ക്കി​​ല്ലെ​​ന്നും സ​​ച്ചി​​ൻ പ​​റ​​ഞ്ഞു.

മ​ധ്യ​പ്ര​ദേ​ശി​ൽ കോ​ണ്‍ഗ്ര​സ് വി​ട്ട് ബി​ജെ​പി​യി​ലേ​ക്കു​പോ​യ ജ്യോ​തി​രാ​ദി​ത്യ സി​ന്ധ്യ ഉ​യ​ർ​ത്തി​യ അ​തേ വെ​ല്ലു​വി​ളി​യു​മാ​യാ​ണ് സ​ച്ച​ിൻ പൈ​ല​റ്റ് രാ​ജ​സ്ഥാ​നി​ൽ നി​ന്ന് ഇ​ന്ന​ലെ ഡ​ൽ​ഹി​യി​ലെ​ത്തി​യ​ത്.

മു​ഖ്യ​മ​ന്ത്രി അ​ശോ​ക് ഗെ​ഹ്‌​ലോ​ട്ടു​മാ​യു​ള്ള അ​സ്വാ​ര​സ്യം മൂ​ർ​ച്ഛി​ച്ച​തോ​ടെ ഡ​ൽ​ഹി​യി​ൽ കോ​ണ്‍ഗ്ര​സ് അ​ധ്യ​ക്ഷ സോ​ണി​യ ഗാ​ന്ധി​യെ ക​ണ്ടു ച​ർ​ച്ച ന​ട​ത്താ​നാ​ണു വ​ന്ന​തെ​ങ്കി​ലും ത​ല​സ്ഥാ​ന​ത്ത് ബി​ജെ​പി നേ​താ​ക്ക​ളു​മാ​യും സ​ച്ചി​ൻ പൈ​ല​റ്റ് ച​ർ​ച്ച ന​ട​ത്തി​യെ​ന്നാ​ണു വി​വ​രം.
രാ​ജ​സ്ഥാ​നി​ലെ 200 അം​ഗ നി​യ​മ​സ​ഭ​യി​ൽ കോ​ണ്‍ഗ്ര​സി​ന് 107 എം​എ​ൽ​എ​മാ​രാ​ണു​ള്ള​ത്. 12 സ്വ​ത​ന്ത്ര​രു​ടെ പി​ന്തു​ണ​യു​മു​ണ്ട്. രാ​ഷ്‌​ട്രീ​യ ലോ​ക് ദ​ൾ, സി​പി​എം, ഭാ​ര​തീ​യ ട്രൈ​ബ​ൽ പാ​ർ​ട്ടി തു​ട​ങ്ങി​യ​വ​യു​ടെ അ​ഞ്ച് എം​എ​ൽ​എ​മാ​രും കോ​ണ്‍ഗ്ര​സി​നെ പി​ന്തു​ണ​യ്ക്കു​ന്നു.


പാ​ർ​ട്ടി​ക്കു​ള്ളി​ൽ ച​ർ​ച്ച ചെ​യ്തു വി​ഷ​യം പ​രി​ഹ​രി​ക്കാ​നാ​യി​ല്ലെ​ങ്കി​ൽ മ​റ്റൊ​രു പാ​ർ​ട്ടി രൂ​പീ​ക​രി​ച്ചേ​ക്കാം എ​ന്ന​ത​ല്ലാ​തെ സ​ച്ചി​ൻ പൈ​ല​റ്റ് ബി​ജെ​പി​യി​ലേ​ക്കു പോ​യേ​ക്കി​ല്ലെ​ന്നാ​ണു മു​തി​ർ​ന്ന ചി​ല കോ​ണ്‍ഗ്ര​സ് നേ​താ​ക്ക​ൾ പ​റ​ഞ്ഞ​ത്. സ​ച്ചി​ൻ പൈ​ല​റ്റ് രാ​ജ​സ്ഥാ​നി​ൽ പു​തി​യൊ​രു പ്രാ​ദേ​ശി​ക പാ​ർ​ട്ടി​യു​മാ​യി രം​ഗ​ത്തു​വ​രാ​നു​ള്ള സാ​ധ്യ​ത​ക​ളി​ലേ​ക്കാ​ണ് കൂ​ടു​ത​ൽ പേ​രും വി​ര​ൽ​ ചൂ​ണ്ടു​ന്ന​ത്.

സം​സ്ഥാ​ന സ​ർ​ക്കാ​രി​നെ അ​സ്ഥി​ര​പ്പെ​ടു​ത്താ​ൻ ശ്ര​മി​ക്കു​ന്നു എ​ന്നാ​രോ​പി​ച്ച് സ്പെ​ഷ​ൽ ഓ​പ്പ​റേ​ഷ​ൻ​സ് ഗ്രൂ​പ്പ് ചോ​ദ്യം ചെ​യ്യാ​ൻ വി​ളി​ച്ച​താ​ണ് ഇ​ട​ഞ്ഞു​നി​ന്ന സ​ച്ചി​ൻ പൈ​ല​റ്റി​നെ ഒ​ടു​വി​ൽ പ്ര​കോ​പി​പ്പി​ച്ച​ത്.

മു​ഖ്യ​മ​ന്ത്രി സ്ഥാ​നം ഉ​ൾ​പ്പെടെ പ്ര​ത്യേ​ക വാ​ഗ്ദാ​ന​ങ്ങ​ൾ ഒ​ന്നും ത​ന്നെ ബി​ജെ​പി സ​ച്ചി​നു മു​ൻ​പി​ൽ വ​ച്ചി​ട്ടി​ല്ലെ​ന്നാ​ണു വി​വ​രം. മു​ൻ മു​ഖ്യ​മ​ന്ത്രി വ​സു​ന്ധ​ര രാ​ജെ സി​ന്ധ്യ​ക്ക് 45 എം​എ​ൽ​എ​മാ​​രു​ടെ പി​ന്തു​ണ ഉ​ള്ള​തു​കൊ​ണ്ടാ​ണ് ബി​ജെ​പി സ​ച്ചി​ന് മു​ഖ്യ​മ​ന്ത്രി സ്ഥാ​നം വാ​ഗ്ദാ​നം ചെ​യ്യാ​തെ മാ​റി​നി​ൽ​ക്കു​ന്ന​ത്. മാ​ത്ര​മ​ല്ല, ബി​ജെ​പി​യു​ടെ ആ​ദ്യ പ​രി​ഗ​ണ​ന അ​ശോ​ക് ഗെ​ഹ്‌​ലോ​ട്ട് സ​ർ​ക്കാ​രി​നെ എ​ങ്ങ​നെ​യെ​ങ്കി​ലും താ​ഴെ​യി​ടു​ക എ​ന്ന​തു മാ​ത്ര​മാ​ണ്.


സെ​ബി മാ​ത്യു