National News
നൂറു കോടി വാക്സിൻ: ഇന്ത്യ ചരിത്രം രചിച്ചെന്ന് പ്രധാനമന്ത്രി
നൂറു കോടി വാക്സിൻ: ഇന്ത്യ ചരിത്രം രചിച്ചെന്ന് പ്രധാനമന്ത്രി
Friday, October 22, 2021 1:58 AM IST
ന്യൂ​ഡ​ൽ​ഹി: നൂ​റുകോ​ടി വാ​ക്സി​നേ​ഷ​ൻ റി​ക്കാ​ർ​ഡി​ൽ ഇ​ന്ത്യ. രാ​ജ്യം സ്വ​ന്ത​മാ​ക്കി​യ​ത് ച​രി​ത്രനേ​ട്ട​മെ​ന്ന് പ്ര​ധാ​ന​മ​ന്ത്രി ന​രേ​ന്ദ്ര മോ​ദി. ശാ​സ്ത്രരം​ഗ​ത്ത് ഇ​ന്ത്യ കൈ​വ​രി​ച്ച മു​ന്നേ​റ്റ​മാ​ണി​ത്. ഈ ​നേ​ട്ടം സ്വ​ന്ത​മാ​ക്കാ​ൻ ഇ​ന്ത്യ​യെ സ​ഹാ​യി​ച്ച ഡോ​ക്ട​ർ​മാ​ർ​ക്കും ന​ഴ്സു​മാ​ർ​ക്കും ആ​രോ​ഗ്യപ്ര​വ​ർ​ത്ത​ക​ർ​ക്കും പു​റ​മേ രാ​ജ്യ​ത്തെ 130 കോ​ടി​യി​ല​ധി​കം വ​രു​ന്ന ജ​ന​ങ്ങ​ൾ​ക്കും പ്ര​ധാ​ന​മ​ന്ത്രി അ​ഭി​ന​ന്ദ​ന​മ​റി​യി​ച്ചു.

ഇ​ന്ത്യ അ​ഭി​മാ​നനേ​ട്ടം സ്വ​ന്ത​മാ​ക്കി​യ​തി​ന്‍റെ ഭാ​ഗ​മാ​യി പ്ര​ധാ​ന​മ​ന്ത്രി ഡ​ൽ​ഹി​യി​ലെ രാം ​മ​നോ​ഹ​ർ ലോ​ഹ്യ ആ​ശു​പ​ത്രി സ​ന്ദ​ർ​ശി​ച്ച് ജീ​വ​ന​ക്കാ​രു​മാ​യി സം​സാ​രി​ച്ചു.

​ഇ​ന്ന​ലെ രാ​വി​ലെ പ​ത്തോ​ടെ​യാ​ണ് രാ​ജ്യം നൂ​റുകോ​ടി വാ​ക്സി​ൻ പി​ന്നി​ട്ട​ത്. ക​ഴി​ഞ്ഞ ഒ​രു നൂ​റ്റാ​ണ്ടി​നു​ള്ളി​ൽ ലോ​ക​ത്ത് സം​ഭ​വി​ച്ച ഏ​റ്റ​വും വ​ലി​യ മ​ഹാ​മാ​രി​യെ ത​ട​യു​ന്ന​തി​ന് ഇ​ന്ത്യ ശ​ക്ത​മാ​യ സം​ര​ക്ഷ​ണക​വ​ചം തീ​ർ​ത്ത​താ​യും മോ​ദി പ​റ​ഞ്ഞു.

ആ​രോ​ഗ്യമ​ന്ത്രാ​ല​യ​ത്തി​ന്‍റെ ക​ണ​ക്കു​കള​നു​സ​രി​ച്ച് 18 വ​യ​സി​നു മു​ക​ളി​ൽ രാ​ജ്യ​ത്തെ 75% ആ​ളു​ക​ൾ ആ​ദ്യ ഡോ​സ് വാ​ക്സി​നും 30% ആ​ളു​ക​ൾ ര​ണ്ടു ഡോ​സു​ം സ്വീ​ക​രി​ച്ചു. ക​ഴി​ഞ്ഞ ജ​നു​വ​രി​യി​ൽ തു​ട​ങ്ങി​യ വാ​ക്സി​നേ​ഷ​ൻ ഒ​ൻ​പ​തു മാ​സ​ങ്ങ​ൾകൊ​ണ്ടു 100 കോ​ടി​യി​ലെ​ത്തി. ഇ​തോ​ടെ ചൈ​ന​യ്ക്കുശേ​ഷം ലോ​ക​ത്ത് ഏ​റ്റ​വുമ​ധി​കം ആ​ളു​ക​ൾ​ക്കു വാ​ക്സി​ൻ ന​ൽ​കി​യ രാ​ജ്യ​മെ​ന്ന നേ​ട്ടം ഇ​ന്ത്യ സ്വ​ന്ത​മാ​ക്കി.


12 കോ​ടി ആ​ളു​ക​ൾ വാ​ക്സി​ൻ സ്വീ​ക​രി​ച്ച ഉ​ത്ത​ർ​പ്ര​ദേ​ശാണ് ഒന്നാം സ്ഥാനത്ത്. ഒ​ൻ​പ​തു കോ​ടി പേർ വാ ക്സിൻ സ്വീകരിച്ച മഹാരാഷ്‌ട്ര യാണ് രണ്ടാം സ്ഥാനത്ത്. പ​ശ്ചി​മബം​ഗാ​ൾ, ഗു​ജ​റാ​ത്ത്, മ​ധ്യ​പ്ര​ദേ​ശ് തു​ട​ങ്ങി​യ സം​സ്ഥാ​ന​ങ്ങ​ൾ ആ​ദ്യ അ​ഞ്ച് സ്ഥാ​ന​ങ്ങ​ളി​ലു​ണ്ട്.

പ്രധാനമന്ത്രി നരേന്ദ്ര മോ ദിയുടെ ജ​ന്മ​ദി​ന​മാ​യ സെ​പ്റ്റം​ബ​ർ 17ന് ​ര​ണ്ടു കോ​ടി വാ​ക്സി​നു​ക​ളാ​ണു ന​ൽ​കി​യ​ത്. അ​തി​നു ശേ​ഷ​മു​ള്ള ഒ​രു മാ​സ​ത്തി​നു​ള്ളി​ൽ വാ​ക്സി​നേ​ഷ​നി​ൽ 60% കു​റ​വാ​ണു​ണ്ടാ​യ​ത്. ക​ഴി​ഞ്ഞ ഏ​താ​നും ദി​വ​സ​ങ്ങ​ളാ​യി ദി​വ​സേ​ന 40 ല​ക്ഷ​ത്തി​ന​ടു​ത്ത് വാ​ക്സി​ൻ ന​ൽ​കി​വ​രു​ന്നു. നേ​ട്ടം ആ​ഘോ​ഷി​ക്കു​ന്ന​തി​നാ​യി പു​രാ​വ​സ്തു വ​കു​പ്പി​ന്‍റെ നി​യ​ന്ത്ര​ണ​ത്തി​ലു​ള്ള 100 സ്മാ​ര​ക​ങ്ങ​ളി​ൽ ദേ​ശീ​യ പ​താ​ക​യു​ടെ നി​റ​ങ്ങ​ളി​ൽ വെ​ളി​ച്ചം തെ​ളി​യി​ച്ചു.

യു​നെസ്കോ​യു​ടെ പൈ​തൃ​കപ​ട്ടി​ക​യി​ലു​ള്ള സ്മാ​ര​ക​ങ്ങ​ളാ​യ ചെ​ങ്കോ​ട്ട, കു​ത്ത​ബ് മി​നാ​ർ, ഹു​മ​യൂ​ണി​ന്‍റെ ശ​വ​കു​ടീ​രം, ഫ​ത്തേ​പു​ർ സി​ക്രി, ഹം​പി, ഖ​ജു​രാ​ഹോ തു​ട​ങ്ങി​യ സ്ഥ​ല​ങ്ങ​ൾ ഇ​തി​ൽ ഉ​ൾപ്പെടു​ന്നു. ആ​ഘോ​ഷ​ങ്ങ​ളു​ടെ ഭാ​ഗ​മാ​യി കേ​ന്ദ്ര ആ​രോ​ഗ്യ മ​ന്ത്രി ചെ​ങ്കോ​ട്ട​യി​ൽനി​ന്നും പ്ര​ത്യേ​ക സം​ഗീ​ത ആ​ൽ​ബം പു​റ​ത്തി​റ​ക്കി.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.