National News
മോദിയുടെ പ്രകോപന പ്രസംഗം ; പ്ര​തി​ക​രി​ക്കാ​തെ തെ​ര​ഞ്ഞെ​ടു​പ്പു ക​മ്മീ​ഷ​ൻ
മോദിയുടെ പ്രകോപന പ്രസംഗം ; പ്ര​തി​ക​രി​ക്കാ​തെ തെ​ര​ഞ്ഞെ​ടു​പ്പു ക​മ്മീ​ഷ​ൻ
Tuesday, April 23, 2024 3:52 AM IST
ജോ​ർ​ജ് ക​ള്ളി​വ​യ​ലി​ൽ

ന്യൂ​ഡ​ൽ​ഹി: കോ​ണ്‍ഗ്ര​സ് അ​ധി​കാ​ര​ത്തി​ലെ​ത്തി​യാ​ൽ ജ​ന​ങ്ങ​ളു​ടെ സ്വ​കാ​ര്യസ്വ​ത്തും ഭൂ​മി​യും കെ​ട്ടു​താ​ലി​യും വ​രെ കൂ​ടു​തൽ കു​ട്ടി​ക​ളു​ള്ള​വ​രും നു​ഴ​ഞ്ഞു​ക​യ​റ്റ​ക്കാ​രു​മാ​യ മു​സ്‌​ലിം​ക​ൾ​ക്കു വി​ത​ര​ണം ചെ​യ്യു​മെ​ന്ന പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യു​ടെ പ്ര​സം​ഗ​ത്തെ​ച്ചൊ​ല്ലി വ​ൻ വി​വാ​ദം.

രാ​ജ​സ്ഥാ​നി​ലെ ബ​ൻ​സ്വാ​ര​യി​ൽ ന​ട​ത്തി​യ വി​ദ്വേ​ഷപ്ര​സം​ഗ​ത്തി​ലെ പ്ര​ധാ​ന കാ​ര്യ​ങ്ങ​ൾ പ​ടി​ഞ്ഞാ​റ​ൻ യു​പി​യി​ലെ അ​ലി​ഗ​ഡി​ൽ ഇ​ന്ന​ലെ ആ​വ​ർ​ത്തി​ച്ചു. എ​ന്നാ​ൽ, മോ​ദി​യു​ടെ വി​ദ്വേ​ഷപ്ര​സം​ഗ​ത്തെ​ക്കു​റി​ച്ചു പ്ര​തി​ക​രി​ക്കാ​തെ തെ​ര​ഞ്ഞെ​ടു​പ്പു ക​മ്മീ​ഷ​ൻ നി​സം​ഗ​ത തു​ടരുകയാണ്.

വ​ർ​ഗീ​യ വി​ദ്വേ​ഷ​വും അ​ധി​ക്ഷേ​പ​വും ന​ട​ത്തി​യ മോ​ദി​യെ തെ​ര​ഞ്ഞെ​ടു​പ്പു പ്ര​ചാ​ര​ണ​ത്തി​ൽ​നി​ന്നു വി​ല​ക്ക​ണ​മെ​ന്നാ​വ​ശ്യ​പ്പെ​ട്ടു കോ​ണ്‍ഗ്ര​സ് നേ​താ​ക്ക​ൾ കേ​ന്ദ്ര തെ​ര​ഞ്ഞെ​ടു​പ്പു ക​മ്മീ​ഷ​നെ സമീപിച്ചു. മോ​ദി​യു​ടേ​ത് പൂ​ർ​ണ​മാ​യ പെ​രു​മാ​റ്റ​ച്ച​ട്ട ലം​ഘ​ന​മാ​ണെ​ന്നും അ​ടി​യ​ന്ത​ര ന​ട​പ​ടി വേ​ണ​മെ​ന്നും കോ​ണ്‍ഗ്ര​സ് ആ​വ​ശ്യ​പ്പെ​ട്ടു.

ഒ​രു പ്ര​ത്യേ​ക സ​മു​ദാ​യ​ത്തി​നെ​തി​രേ രാ​ജ​സ്ഥാ​നി​ൽ മോ​ദി ന​ട​ത്തി​യ പ്ര​സ്താ​വ​ന യു​പി​യി​ൽ ആ​വ​ർ​ത്തി​ച്ചു​വെ​ന്നും ക​ർ​ശ​ന ന​ട​പ​ടി ഉ​ണ്ടാ​ക​ണ​മെ​ന്നും തെ​ര​ഞ്ഞെ​ടു​പ്പ് ക​മ്മീ​ഷ​നു ന​ൽ​കി​യ ക​ത്തി​ൽ കോ​ണ്‍ഗ്ര​സ് ചൂ​ണ്ടി​ക്കാ​ട്ടി. ഇ​വ​യ​ട​ക്കം 17 കാ​ര്യ​ങ്ങ​ളാ​ണു ക​ത്തി​ലു​ള്ള​തെ​ന്ന് മു​തി​ർ​ന്ന കോ​ണ്‍ഗ്ര​സ് നേ​താ​വ് അ​ഭി​ഷേ​ക് മ​നു സിം​ഗ്‌വി പ​ത്ര​ലേ​ഖ​ക​രോ​ട് പ​റ​ഞ്ഞു.

ന​ഗ്‌​ന​മാ​യ ച​ട്ട​ലം​ഘ​ന​മു​ണ്ടാ​യി​ട്ടും മോ​ദി​യു​ടെ പ്ര​സം​ഗ​ത്തി​നെ​തി​രേ എ​ന്തു​കൊ​ണ്ടാ​ണ് ന​ട​പ​ടി​യെ​ടു​ക്കാ​ത്ത​ത്? മോ​ദി​ക്കെ​തി​രേ ന​ട​പ​ടി ആ​വ​ശ്യ​പ്പെ​ട്ട് ല​ക്ഷ​ത്തോ​ളം പേ​ർ തെ​ര​ഞ്ഞെ​ടു​പ്പു ക​മ്മീ​ഷ​ന് ഇ-​മെ​യി​ൽ സ​ന്ദേ​ശം അ​യ​ച്ച​താ​യി ഇ​ന്ത്യാ സ​ഖ്യം നേ​താ​ക്ക​ൾ പ​റ​ഞ്ഞു.


രാ​മ​ന​വ​മി കാ​ല​ത്ത് രാ​ഹു​ൽ ഗാ​ന്ധി​യും ലാ​ലു​പ്ര​സാ​ദ് യാ​ദ​വും മ​റ്റും ആ​ട്ടി​റ​ച്ചി ക​റി ഉ​ണ്ടാ​ക്കി​യെ​ന്ന പ​രാ​മ​ർ​ശ​വും നേ​ര​ത്തേ മോ​ദി ന​ട​ത്തി​യി​രു​ന്നു. ഹൈ​ന്ദ​വ വോ​ട്ടു​ക​ളു​ടെ ധ്രു​വീ​ക​ര​ണം ല​ക്ഷ്യ​മി​ട്ടാ​ണു മു​സ്‌​ലിം വി​രു​ദ്ധ​ത മു​ത​ൽ ഭ​ക്ഷ​ണം വ​രെ​യു​ള്ള​വ​യെ​ക്കു​റി​ച്ചു മോ​ദി പ​റ​യു​ന്ന​തെ​ന്ന് പ്ര​തി​പ​ക്ഷം ആ​രോ​പി​ച്ചു.

മു​സ്‌​ലിം​ക​ളെ മു​ഴു​വ​ൻ നു​ഴ​ഞ്ഞു​ക​യ​റ്റ​ക്കാ​രും കൂ​ടു​ത​ൽ കു​ട്ടി​ക​ളെ ജനിപ്പിക്കു​ന്ന​വ​രു​മാ​യി അ​ധി​ക്ഷേ​പി​ച്ചും, ജ​ന​ങ്ങ​ളു​ടെ കെ​ട്ടു​താ​ലി വ​രെ എ​ടു​ത്ത് മു​സ്‌​ലിം​ക​ൾ​ക്കു കൊ​ടു​ക്കു​മെ​ന്നു പ​റ​ഞ്ഞ​തി​ലൂ​ടെയും രാ​ജ്യ​ത്തു മ​ത​സ്പ​ർ​ധ വ​ള​ർ​ത്താ​നാ​ണ് മോ​ദി ശ്ര​മി​ച്ച​തെ​ന്ന് പ്ര​തി​പ​ക്ഷം കു​റ്റ​പ്പെ​ടു​ത്തി.

മോ​ദി ന​ട​ത്തി​യ​തു വി​ദ്വേ​ഷപ്ര​സം​ഗ​മാ​ണെ​ന്നും എ​ല്ലാ​വ​ർ​ക്കും നീ​തി​യെ​ന്നാ​ണു കോ​ണ്‍ഗ്ര​സ് പ്ര​ക​ട​നപ​ത്രി​ക പ​റ​യു​ന്ന​തെ​ന്നും കോ​ണ്‍ഗ്ര​സ് അ​ധ്യ​ക്ഷ​ൻ മ​ല്ലി​കാ​ർ​ജു​ൻ ഖാ​ർ​ഗെ പ​റ​ഞ്ഞു. 1950നു​ശേ​ഷം ഒ​രു പ്ര​ധാ​ന​മ​ന്ത്രി​യും മു​സ്‌​ലിം സ​മു​ദാ​യ​ത്തെ മൊ​ത്ത​ത്തി​ൽ നു​ഴ​ഞ്ഞു​ക​യ​റ്റ​ക്കാ​രാ​യി ആ​ക്ഷേ​പി​ച്ചി​ട്ടി​ല്ലെ​ന്ന് മു​ൻ കേ​ന്ദ്ര​മ​ന്ത്രി​യും മു​തി​ർ​ന്ന അ​ഭി​ഭാ​ഷ​ക​നു​മാ​യ ക​പി​ൽ സി​ബ​ൽ ചൂ​ണ്ടി​ക്കാ​ട്ടി.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.