ക്രിസ്മസ് വിപണിയിൽ പ്രതീക്ഷയോടെ...
Monday, December 10, 2018 12:51 AM IST
വിപണി വിശേഷം / കെ.ബി. ഉദയഭാനു

കൊ​​പ്ര ഉ​​ത്​​പാ​​ദ​​ക​​ർ​​ക്ക് ക്രി​​സ്മ​​സ് സ​​മ്മാ​​ന​​വു​​മാ​​യി ബ​​ഹു​​രാ​​ഷ്‌​ട്ര​ ക​​മ്പ​​നി രം​​ഗ​​ത്ത്, വെ​​ളി​​ച്ചെ​​ണ്ണ വി​​ല​​യി​​ൽ വ​​ൻ മു​​ന്നേ​​റ്റം. അ​​ന്താ​​രാ​​ഷ്‌​ട്ര സു​​ഗ​​ന്ധ​​വ്യ​​ഞ്ജ​​ന വി​​പ​​ണി ഹോ​​ളി​​ഡേ മൂ​​ഡി​​ലേ​​ക്കു തി​​രി​​യുംമു​​മ്പേ കു​​രു​​മു​​ള​​ക് വി​​ലകു​​റ​​ച്ച് വി​ല്ക്കാ​​ൻ വി​​വി​​ധ ഉ​​ത്​​പാ​​ദ​​കരാ​​ജ്യ​​ങ്ങ​​ൾ മ​​ത്സ​​രി​​ക്കു​​ന്നു. ജാ​​തി​​ക്ക വി​​ല കൃ​​ത്രി​​മമാ​​യി ഉ​​യ​​ർ​​ത്താ​​ൻ ഇ​​റ​​ക്കു​​മ​​തിലോ​​ബി അ​​ണി​​യ​​റനീ​​ക്ക​​ത്തി​​ൽ. റ​​ബ​​ർ വി​​ല ഉ​​യ​​ർ​​ത്താ​​ൻ ത്രി​​രാ​​ഷ്‌ട്ര സ​​ഖ്യം ഈ ​​വാ​​രം ഒ​​ത്ത് ചേ​​രും. 880 രൂ​​പ​​യു​​ടെ ത​​ക​​ർ​​പ്പ​​ൻ മു​​ന്നേ​​റ്റ​​വു​​മാ​​യി സ്വ​​ർ​​ണം തി​​ള​​ങ്ങി.

നാ​ളി​കേ​രം

മും​​ബൈ ആ​​സ്ഥാ​​ന​​മാ​​യി പ്ര​​വ​​ർ​​ത്തി​​ക്കു​​ന്ന ഒ​​രു ബ​​ഹു​​രാ​​ഷ്‌​ട്ര​ക​​മ്പ​​നി കൊ​​പ്ര സം​​ഭ​​രി​​ക്കാ​​ൻ രം​​ഗ​​ത്തിറ​​ങ്ങി​​യ​​ത് നാ​​ളി​​കേ​​രോ​​ത്​​പന്ന​​ങ്ങ​​ളു​​ടെ വി​​ല​​ക്ക​​യ​​റ്റ​​ത്തി​​നു വ​​ഴി​​തെ​​ളി​​ച്ചു. ശ​​ക്ത​​മാ​​യ ഡി​​മാ​​ൻ​ഡി​ൽ ക്വി​​ന്‍റ​ലി​​ന് പ​​തി​​നാ​​യി​​രം രൂ​​പ​​യ്ക്ക് മു​​ക​​ളി​​ലേ​​ക്ക് മി​​ക​​ച്ച​​യി​​നം കൊ​​പ്ര കു​​തി​​ച്ച​​ത് കേ​​ര​​ള​​ത്തി​​ലെ​​യും ത​​മി​​ഴ്നാ​​ട്ടി​​ലെയും ക​​ർ​​ഷ​​ക​രി​ൽ ആ​​വേ​​ശ​​മു​ണ​ർ​ത്തി. വാ​​ര​​മ​​ധ്യ​​ത്തി​​ലാ​​ണ് അ​​വ​​ർ കൊ​​പ്ര​​യി​​ൽ പി​​ടി​​മു​​റു​​ക്കി​​യ​​ത്. കൊ​​ച്ചി​​യി​​ൽ 13,800 രൂ​​പ​​യി​​ൽ​നി​​ന്ന് വെ​​ളി​​ച്ചെ​​ണ്ണ വാ​​ര​​ത്തി​ന്‍റെ ര​​ണ്ടാം പാ​​ദ​​ത്തി​​ൽ 14,000 ലേ​​ക്കും ശ​​നി​​യാ​​ഴ്ച 14,200 ലേ​​ക്കും ക​​ത്തി​​ക്കയ​​റി. കൊ​​പ്ര ശേ​​ഖ​​രി​​ക്കാ​​ൻ ഈയവ​​സ​​ര​​ത്തി​​ൽ ചെ​​റു​​കി​​ട മി​​ല്ലു​​കാ​​ർ ഗ്രാ​​മീ​​ണ മേ​​ഖ​​ല​​ക​​ളി​​ൽ തി​​ര​​ക്കി​​ട്ട നീ​​ക്കം ന​​ട​​ത്തി.

വി​​ല​​ക്ക​​യ​​റ്റം മു​​ൻ​നി​​ർ​​ത്തി നാ​​ളി​​കേ​​ര വി​​ള​​വെ​​ടു​​പ്പി​​നു​​ള്ള നീ​​ക്ക​​ങ്ങ​​ൾ പു​​രോ​​ഗ​​മി​​ക്കു​​ന്നു. കൊ​​ച്ചി​​യി​​ൽ കൊ​​പ്ര 9600ലും ​​കോ​​ഴി​​ക്കോ​​ട്ട്10,300 രൂ​​പ​​യി​​ലു​​മാ​​ണ്. ബേ​​ക്ക​​റി​​ക​​ളി​​ൽ​നി​​ന്നു​​ള്ള ശ​​ക്ത​​മാ​​യ ഡി​​മാ​​ൻ​ഡി​നി​​ട​​യി​​ലും പാം ​​ഓ​​യി​​ൽ വി​​ല 6200 ൽ​നി​​ന്ന് 6030 ലേ​​ക്കു താ​​ഴ്ന്ന​​തി​​നൊ​​പ്പം ഇ​​ത​​ര പാ​​ച​​ക​​യെ​​ണ്ണ​​ക​​ളു​​ടെ വി​​ല​​യും ആ​​ക​​ർ​​ഷ​​ക​​മാ​​യി മാ​​റു​​ന്ന​​ത് വെ​​ളി​​ച്ചെ​​ണ്ണ​​യ്ക്കു ഭീ​​ഷ​​ണി​​യാ​​ണ്. അ​​തേ​സ​​മ​​യം വ​​ർ​​ഷാ​​ന്ത്യം രൂ​​പ​​യു​​ടെ മൂ​​ല്യം ഇ​​ടി​​ഞ്ഞാ​​ൽ വി​​ദേ​​ശ ഭ​​ക്ഷ്യ​​യെ​​ണ്ണ ഇ​​റ​​ക്കു​​മ​​തി​​ക്ക് ചി​​ല​​വ് ഉ​​യ​​രു​​മെ​​ന്ന​​ത് വെ​​ളി​​ച്ചെ​​ണ്ണ​​യ്ക്ക് താ​​ങ്ങാ​​വും.

കു​രു​മു​ള​ക്

അ​​ന്താ​​രാ​​ഷ്‌​ട്ര​വി​​പ​​ണി​​യി​​ൽ സു​​ഗ​​ന്ധ​​വ്യ​​ഞ്ജ​​ന ഉ​​ത്പാ​​ദ​​ക രാ​​ജ്യ​​ങ്ങ​​ൾ കു​​രു​​മു​​ള​​ക് വി​​റ്റ​​ഴി​​ക്കാ​​ൻ മ​​ത്സ​​രി​​ക്കു​​ന്നു. യൂറോ​​പ്യ​​ൻ രാ​​ജ്യ​​ങ്ങ​​ൾ ഈ ​​വാ​​രാ​​ന്ത്യം ക്രി​​സ്മ​​സ്‐​​ ന്യൂ​​ ഇ​​യ​​ർ ആ​​ഘോ​​ഷ​​ങ്ങ​​ളി​​ലേ​​ക്ക് ശ്ര​​ദ്ധ​​തി​​രി​​ക്കും. അ​​തി​​നു​ മു​​മ്പാ​​യി ച​​ര​​ക്ക് വി​​റ്റ​​ഴി​​ക്കാ​​നു​​ള്ള തി​​ര​​ക്കി​​ട്ട നീ​​ക്ക​​ത്തി​​ലാ​​ണ് ക​​യ​​റ്റു​​മ​​തി രാ​​ജ്യ​​ങ്ങ​​ൾ. വി​​ള​​വെ​​ടു​​പ്പ് മു​​ന്നേ​​റു​​ന്ന ബ്ര​​സീ​​ലി​​ൽ എ​​റ്റ​​വും താ​​ഴ്ന്ന നി​​ര​​ക്കി​​ൽ ഓ​​ഫ​​റു​​ക​​ൾ ഇ​​റ​​ക്കി. അ​​മേ​​രി​​ക്ക​​ൻ ക​​യ​​റ്റു​​മ​​തി​​ക്ക് അ​​നു​​യോ​​ജ്യ​​മാ​​യ ആ​​സ്റ്റ ക്വാ​​ളി​​റ്റി കു​​രു​​മു​​ള​​ക് കി​​ലോ​യ്ക്ക് 156 രൂ​​പ​​യ്ക്ക് അ​​വ​​ർ വാ​​ഗ്ദാ​​നം ചെ​​യ്തു.

വി​​യ​റ്റ്നാ​മും ഇ​​ന്തോ​​നേ​​ഷ്യ​​യും ആ​​സ്റ്റ് ക്വാ​​ളി​​റ്റി മു​​ള​​ക് കി​​ലോ​യ്ക്ക് 198 രൂ​​പ​​യക്ക് ഇ​​റ​​ക്കി. മ​​ല​​ബാ​​ർ ഗാ​​ർ​​ബി​​ൾ​​ഡ് മു​​ള​​കി​നു വി​​ല 384 രൂ​​പ​​യാ​​ണ്. അ​​താ​​യ​​ത്, ബ്ര​​സീ​​ലി​​യ​​ൻ മു​​ള​​കി​​നെ അ​​പേ​​ക്ഷി​​ച്ച് ഇ​​ന്ത്യ​​ൻ നി​​ര​​ക്ക് ഇ​​ര​​ട്ടി​​യി​​ൽ ഏ​​റെ ഉ​​യ​​ർ​​ന്ന​​തി​​നാ​​ൽ ബ​​യ്യ​​ർ​​മാ​​ർ താ​ത്​​പ​​ര്യം കാ​​ണി​​ച്ചി​​ല്ല.

വി​​ദേ​​ശ ച​​ര​​ക്ക് ഉ​​ത്ത​​രേ​​ന്ത്യ​​യി​​ൽ എ​​ത്തി​​യ​​ത് ഉ​​ത്പ​ന്ന​​ത്തി​​ൽ സ​​മ്മ​​ർ​​ദം ഉ​​ള​​വാ​​ക്കു​​ന്നു​​ണ്ട്. കൊ​​ച്ചി​​യി​​ൽ ഗാ​​ർ​​ബി​​ൾ​​ഡ് മു​​ള​​ക് വി​​ല കി​​ലോ 383 രൂ​​പ.


ഏ​ലം

ക്രി​​സ്മ​​സ് ആ​​വ​​ശ്യ​​ങ്ങ​​ൾ മു​​ൻ​നി​​ർ​​ത്തി മ​​ത്സ​​രി​​ച്ച് ഏ​​ല​​ക്ക വാ​​രിക്കൂട്ടു​​ക​​യാ​​ണ്. ലേ​​ല​​ത്തി​​ന് ഒ​​രു ല​​ക്ഷം കി​​ലോ​​യ്ക്കു മു​​ക​​ളി​​ൽ ച​​ര​​ക്ക് എ​​ത്തി​​യി​​ട്ടും ഏ​​ലം മി​​ക​​വ് നി​​ല​​നി​​ർ​​ത്തി​​യ​​ത് തോ​​ട്ടം മേ​​ഖ​​ല​​യു​​ടെ ആ​​ത്മ​​വി​​ശ്വാ​​സം വ​​ർ​​ധി​​പ്പി​​ച്ചു.

മി​​ക​​ച്ച​​യി​​നം ച​​ര​​ക്ക് ക​​യ​​റ്റു​​മ​​തി സ​​മൂ​​ഹ​​വും ശേ​​ഖ​​രി​​ക്കു​​ന്നു​​ണ്ട്. ശ​​നി​​യാ​​ഴ്ച വ​​ണ്ട​​ൻ​​മേ​​ട്ടി​​ൽ വ​​ലി​​പ്പം കൂ​​ടി​​യ ഏ​​ല​​ത്തി​​ന് കി​​ലോ​​ഗ്രാ​​മി​​ന് 1723 രൂ​​പ വ​​രെ വി​ല ഉ​​യ​​ർ​​ന്നു.

ജാ​തി​ക്ക

ഇ​​റ​​ക്കു​​മ​​തി ലോ​​ബി വി​​ദേ​​ശ​ജാ​​തി​​ക്ക വി​​റ്റ​​ഴി​​ക്കാ​​ൻ പ​​ഴു​​തു​​ക​​ൾ തി​​ര​​യു​​ന്നു. ഇ​​റ​​ക്കു​​മ​​തി ച്ചര​​ക്ക് വി​​ല കി​​ലോ 500 രൂ​​പ​​യ്ക്കു മു​​ക​​ളി​​ലാ​​ണ്. ആ​​ഭ്യ​​ന്ത​​ര വി​​ല ഇ​​തി​​ലും താ​​ഴും. ആ​​ഭ്യ​​ന്ത​​ര മാ​​ർ​​ക്ക​​റ്റ് വി​​ല എ​​ത് വി​​ധേ​​ന​​യും കൃ​​ത്രി​​മമാ​​യി ഉ​​യ​​ർ​​ത്താ​​നു​​ള്ള ശ്ര​​മ​​ത്തി​​ലാ​​ണ​​വ​​ർ. എ​​ന്നാ​​ൽ മാ​​ത്ര​​മേ ഇ​​റ​​ക്കു​​മ​​തി ന​​ട​​ത്തി​​യ ച​​ര​​ക്ക് വി​​റ്റു​​മാ​​റാ​​നാ​​വൂ.

ആ​​ഭ്യ​​ന്ത​​ര​വി​​ല കൃ​​തി​​മ​മാ​യി ഉ​​യ​​ർ​​ത്താ​​നു​​ള്ള അ​​ണി​​യ​​റനീ​​ക്ക​​ങ്ങ​​ൾ ന​​ട​​ക്കു​​ന്ന​​താ​​യി സൂ​​ച​​ന​​യു​​ണ്ട്. കൊ​​ച്ചി​​യി​​ൽ ജാ​​തി​​ക്ക 225‐250, തൊ​​ണ്ടി​​ല്ലാ​​ത്തത് 430‐475 , ജാ​​തി​​പ​​ത്രി 680‐750 രൂ​​പ.

ഇ​ഞ്ചി

പ​​ച്ച ഇ​​ഞ്ചി​​യു​​ടെ വി​​ല​​ക്ക​​യ​​റ്റം ക​​ണ​​ക്കി​​ലെ​​ടു​​ത്താ​​ൽ ചു​​ക്കുവി​​ല വീ​​ണ്ടും ഉ​​യ​​രു​​മെ​​ന്നാ​​ണ് വി​​പ​​ണി വൃ​​ത്ത​​ങ്ങ​​ളു​​ടെ ക​​ണ​​ക്ക് കൂ​​ട്ട​​ൽ. ക​​ർ​​ണാ​​ട​​ക​​ത്തി​​ൽ ഇ​​ഞ്ചി വി​​ള​​വെ​​ടു​​പ്പ് പു​​രോ​​ഗ​​മി​​ക്കു​​ന്നു. പ്ര​​തി​​ദി​​നം 300‐400 ലോ​​ഡ് ഇ​​ഞ്ചി അ​​വി​​ടെ​നി​​ന്ന് ക​​യ​​റ്റി പോ​​വു​​ന്നു​​ണ്ട്. 60 കി​​ലോ ഇ​​ഞ്ചി വി​​ല 2600‐3000 രൂ​​പ. കൊ​​ച്ചി​​യി​​ൽ ഏ​​ക​​ദേ​​ശം 2000 ചാ​​ക്ക് ചു​​ക്ക് മാ​​ത്രമേ സ്റ്റോ​​ക്കു​​ള്ളൂ. എ​​ന്നാ​​ൽ ഉ​​ത്​​പാ​​ദ​​ക മേ​​ഖ​​ല​​ക​​ളി​​ൽ 40,000 ചാ​​ക്ക് ചു​​ക്ക് സ്റ്റോ​ക്കു​​ണ്ടെ​​ന്നാ​​ണ് ഇ​​ട​​പാ​​ടു​​കാ​​രു​​ടെ വി​​ല​​യി​​രു​​ത്ത​​ൽ. മീ​​ഡി​​യം ചു​​ക്ക് 19,500 ലും ​​ബെ​​സ്റ്റ് ചു​​ക്ക് 20,500 രൂ​​പ​​യി​​ലു​​മാ​​ണ്.

റ​ബ​ർ

ആ​​ഗോ​​ള റ​​ബ​​ർ മാ​​ർ​​ക്ക​​റ്റി​​നു പു​​തു​ജീ​​വ​​ൻ പ​​ക​​രാ​​ൻ മു​​ഖ്യ ഉ​​ത്പാ​​ദ​​ക രാ​​ജ്യ​​ങ്ങ​​ൾ ഈ ​​വ​ാ​രം ഒ​​ത്തു​ചേ​​രും. താ​യ്‌​ല​​ണ്ട്, ഇ​​ന്തോ​​നേ​​ഷ്യ, മ​​ലേ​​ഷ്യ എ​​ന്നീ രാ​​ജ്യ​​ങ്ങ​​ളാ​​ണ് 16 നു​ യോ​​ഗം ചേ​​രു​​ക. റ​​ബ​​ർ ഉ​​ത്പാ​​ദ​​നം കു​​റ​​ച്ച് ക​​യ​​റ്റു​​മ​​തി ഉ​​യ​​ർ​​ത്തു​​ന്ന കാ​​ര്യ​​ത്തി​​നാ​​വും ത്രി​​രാ​​ഷ്‌​ട്ര​യോ​​ഗം മു​​ൻ​തൂ​​ക്കം ന​​ൽ​​കാ​​ൻ സാ​​ധ്യ​​ത. ടോ​​ക്കോ​​മി​​ൽ റ​​ബ​​ർ കി​​ലോ 140‐160 യെ​​ന്നി​​ലാ​​ണ്.

സം​​സ്ഥാ​​ന​​ത്ത് റ​​ബ​​ർ ടാ​​പ്പിം​ഗ് മു​​ന്നേ​​റു​​ക​​യാ​​ണ്. ല​​ഭ്യ​​ത ഉ​​യ​​ർ​​ന്ന​​തു​ക​​ണ്ട് ട​​യ​​ർ ലോ​​ബി നാ​​ലാം ഗ്രേ​​ഡ് ഷീ​​റ്റ് 11,900 ൽ ​​നി​​ന്ന് 11,800 ലേ​​ക്കു താ​​ഴ്ത്തി. ഉ​​ത്ത​​രേ​​ന്ത്യ​​ൻ വ്യ​​വ​​സാ​​യി​​ക​​ൾ അ​​ഞ്ചാം ഗ്രേ​​ഡ് 11,300 രൂ​​പ​​യ്ക്ക് ശേ​​ഖ​​രി​​ച്ചു.

സ്വ​ർ​ണം

ആ​​ഭ​​ര​​ണ കേ​​ന്ദ്ര​​ങ്ങ​​ളി​​ൽ സ്വ​​ർ​​ണം തി​​ള​​ങ്ങി. പ​​വ​​ന് ഒ​​രാ​​ഴ്ച​കൊണ്ട് 880 രൂ​​പ വ​​ർ​​ധി​​ച്ചു. 22,520 രൂ​​പ​​യി​​ൽ​നി​​ന്ന് പ​​വ​​ൻ 23,400 ലേ​​ക്ക് ക​​യ​​റി. ഒ​​രു ഗ്രാം ​​സ്വ​​ർ​​ണ​​ത്തി​​ന് 110 രൂ​​പ ഉ​​യ​​ർ​​ന്ന് 2925 രൂ​​പ​​യാ​​യി. ഫെ​​ബ്രു​​വ​​രി​​ക്കു ശേ​​ഷം ഇ​​താ​​ദ്യ​​മാ​​യി ന്യൂ​​യോ​​ർ​​ക്കി​​ൽ ട്രോ​​യ് ഔ​​ൺ​​സി​​ന് 1250 ഡോ​​ള​​റി​​ലേ​​ക്കുക​​യ​​റി.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.