പു​തി​യ ഉ​ത്തേ​ജ​ന പ​ദ്ധ​തി വ്യ​വ​സാ​യീ പ്രീ​ണ​ന​ത്തി​ന്
Friday, September 20, 2019 10:46 PM IST
മൂ​​ല​​ധ​​ന​​ദാ​​യ​​നി​​കു​​തി (ക്യാ​​പ്പി​​റ്റ​​ൽ ഗെ​​യ​​ൻ​​സ് ടാ​​ക്സ് ) വ​​ർ​​ധി​​പ്പി​​ക്കു​​ന്ന പ്ര​​ഖ്യാ​​പ​​നം ര​​ണ്ടു വ​​ർ​​ഷം മു​​ന്പ് അ​​ന്ന​​ത്തെ ധ​​നമ​​ന്ത്രി അ​​രു​​ണ്‍ ജ​​യ്റ്റ്‌ലി ന​​ട​​ത്തി​​യ​​പ്പോ​​ൾ അ​​തി​​നെ ന്യാ​​യീ​​ക​​രി​​ക്കാ​​ൻ പ്ര​​ധാ​​ന​​മ​​ന്ത്രി ന​​രേ​​ന്ദ്ര​​ മോ​​ദി രം​​ഗ​​ത്തു​​വ​​ന്നു. ഓ​​ഹ​​രിവി​​പ​​ണി​​യി​​ൽ​നി​​ന്നു ലാ​​ഭ​​മു​​ണ്ടാ​ക്കണമെന്നും അ​​തു മ​​റ്റു​​ള്ള​​വ​​രു​​മാ​​യി പ​​ങ്കുവ​​യ്ക്ക​​ണം എ​​ന്നുമാണ് മോ​​ദി പ​​റ​​ഞ്ഞ​​ത്. അ​ഞ്ചു ദ​​ശാ​​ബ്ദം മു​​ന്പ് ഇ​​ന്ദി​​രാ ​ഗാ​​ന്ധി സോ​​ഷ്യ​​ലി​​സ്റ്റ് ന​​യ​​ങ്ങ​​ൾ ന​​ട​​പ്പാ​​ക്കാ​​ൻ പ​​റ​​ഞ്ഞ അ​​തേ ന്യാ​​യം.

ഇ​​ന്ന​​ലെ രാ​​വി​​ലെ ധ​​ന​​മ​​ന്ത്രി നി​​ർ​​മ​​ല സീ​​താ​​രാ​​മ​​ൻ ത​​ന്‍റെ ക​​ന്നി ബ​​ജ​​റ്റി​​നെ​​ക്കാ​​ൾ വ​​ലി​​യ "മി​​നി ബ​​ജ​​റ്റ്' അ​​വ​​ത​​രി​​പ്പി​​ച്ച​​പ്പോ​​ൾ മോ​​ദിഭ​​ര​​ണം മു​​ഖ​​ച്ഛാ​​യ മാ​​റ്റു​​ക​​യാ​​യി​​രു​ന്നു. 2014ൽ ​​ഭ​​ര​ണ​മേ​​റ്റ​​പ്പോ​​ൾ മു​​ത​​ൽ ഒ​​ട്ടേ​​റെ കാ​​ര്യ​​ങ്ങ​​ളി​​ൽ ഒ​​രു​​ത​​രം സോ​​ഷ്യ​​ലി​​സ്റ്റ് മേ​​ല​​ങ്കി അ​​ദ്ദേ​​ഹം അ​​ണി​​ഞ്ഞി​​രു​​ന്നു. ക​​ന്പ​​നി​​ക​​ളും നി​​ക്ഷേ​​പ​​ക​​രും മോ​​ദി​​യി​​ൽ​നി​​ന്നു പ്ര​​തീ​​ക്ഷി​​ച്ച നി​​കു​​തി​​യി​​ള​​വു​​ക​​ൾ കി​​ട്ടാ​​തെ വി​​ഷ​​മി​​ച്ചു. മോ​​ദി​​യാ​​വ​​ട്ടെ ഉ​​ജ്വ​​ൽ യോ​​ജ​​ന അ​​ട​​ക്കം ദ​​രി​​ദ്ര വി​​ഭാ​​ഗ​​ങ്ങ​​ളെ മു​​ന്നി​​ൽ ക​​ണ്ടു​​ള്ള പ​​ദ്ധ​​തി​​ക​​ൾ​​ക്കാ​​ണു മു​​ൻ​​ഗ​​ണ​​ന ന​​ൽ​​കി​​യ​​ത്.

ന​​യം തി​​രു​​ത്തി

രാ​​ഷ്‌​ട്രീ​​യ​​മാ​​യി നേ​​ട്ടം നല്​​കി​​യ ആ ​​ന​​യം ഇ​​പ്പോ​​ൾ തി​​രു​​ത്തി​​യി​​രി​​ക്കു​​ന്നു. ക​​ന്പ​​നി​​ക​​ൾ​​ക്കു​​ള്ള നി​​കു​​തി 30ൽ​നി​​ന്ന് 25 ശ​​ത​​മാ​​നം ആ​​ക്കു​​മെ​​ന്നാ​​ണ് 2014ൽ ​​ജെ​​യ്റ്റ്‌ലി വാ​​ഗ്ദാ​​നം ചെ​​യ്ത​​ത്. അ​​ഞ്ചു വ​​ർ​​ഷം​കൊ​​ണ്ട് അ​​തു ചെ​​യ്യു​​മെ​​ന്നാ​​യി​​രു​​ന്നു വാ​​ഗ്ദാ​​നം. പ​​ക്ഷേ, ആ​​ദ്യ​​വ​​ർ​​ഷം ക​​ഴി​​ഞ്ഞ​​പ്പോ​​ൾ അ​​ത് സൗ​​ക​​ര്യ​​പൂ​​ർ​​വം മ​​റ​​ന്നു.

സാ​​ന്പ​​ത്തി​​കവ​​ള​​ർ​​ച്ചാത്തോ​​തു കു​​റ​​ഞ്ഞു​​വ​​ന്ന​​പ്പോ​​ൾ ഏ​​റ്റ​​വും വ​​ലി​​യ നി​​കു​​തി ഇ​​ള​​വാ​​യ ക​​ന്പ​​നി നി​​കു​​തി കു​​റ​​യ്ക്കാ​​ൻ ജ​​യ്റ്റ്‌ലി പ​​ഠി​​ച്ചു. മാ​​ത്ര​​മ​​ല്ല, ക​​ന്പ​​നി​​ക​​ളെ സ​​ഹാ​​യി​​ച്ചാ​​ൽ മു​​ത​​ലാ​​ളി​​ത്ത പ്രീ​​ണ​​ന​​മെ​​ന്ന പ​​ഴി ​കേ​​ൾ​​ക്കു​​മെ​​ന്ന പേ​​ടി​​യും തു​​ട​​ർ​​ന്നു. നി​​ർ​​മ​​ല സീ​​താ​​രാ​​മ​​ൻ വ​​ന്നി​​ട്ടും ആ ​​ഭ​​യം മാ​​റി​​യി​​ല്ല.

തി​​രി​​ച്ചോ​​ട്ടം

പ​ക്ഷേ, അ​​വി​​ടെ​​നി​​ന്നു സ​​ർ​​ക്കാ​​ർ ഇ​​പ്പോ​​ൾ ഓ​​ടി​​മാ​​റു​​ന്നു. എ​​ന്തു​​കൊ​​ണ്ട്? സാ​​ന്പ​​ത്തി​​ക വ​​ള​​ർ​​ച്ചാത്തോത് ഞെ​​ട്ടി​​ക്കു​​ന്ന വി​​ധം താ​​ഴ്ന്ന​​തു​​കൊ​​ണ്ട്. ഏ​​പ്രി​​ൽ, ജൂ​​ണി​​ൽ ജി​​ഡി​​പി വ​​ള​​ർ​​ച്ച വെ​​റും അ​​ഞ്ചു ശ​​ത​​മാ​​നം മാ​​ത്രം.

(ഈ​ ​ക​​ണ​​ക്കു​​ത​​ന്നെ കൃ​​ത്രി​​മ​​മാ​​ണെ​​ന്നു കാ​​ര്യ​​വി​​വ​​ര​​മു​​ള്ള നി​​ര​​വ​​ധി ധ​​ന​​ശാ​​സ്ത്ര​ജ്ഞ​​ർ പ​​റ​​യു​​ന്നു. സ​​ർ​​ക്കാ​​രി​​ന്‍റെ മി​​ക്ക ക​​ണ​​ക്കു​​ക​​ളും കൃ​​ത്രി​​മ​​മാ​​ണെ​​ന്ന് അ​​വ​​ർ വി​​ശ്വ​​സി​​ക്കു​​ന്നു. മോ​​ദി ഭ​​ര​​ണ​​ത്തി​​ലെ മു​​ൻ ​സാ​​ന്പ​​ത്തി​​ക ഉ​​പ​​ദേ​​ഷ്ടാ​​വ് അ​​ര​​വി​​ന്ദ് സു​​ബ്ര​​ഹ്മ​​ണ്യം പോ​​ലും സ​​ർ​​ക്കാ​​ർ ക​​ണ​​ക്കു​​ക​​ളെ പു​​ച്ഛി​​ക്കു​​ന്നു. അ​​വ​​രു​​ടെയൊ​​ക്കെ കാ​​ഴ്ച​​പ്പാ​​ടി​ൽ മൂ​​ന്നു മൂ​​ന്ന​​ര ശ​​ത​​മാ​​നം തോ​​തി​​ലാ​​ണ് വ​​ള​​ർ​​ച്ച. 1960ക​​ളി​​ലും 70 ക​​ളി​​ലും ഉ​​ണ്ടാ​​യി​​രു​​ന്ന നി​​ര​​ക്ക്.)

വ​​ള​​ർ​​ച്ച ഇ​​ങ്ങ​​നെ​​യാ​​യാ​​ൽ പോ​​രാ. അ​​തു കൂ​​ട്ടി​​യാ​​ലേ ഭാ​​വി​​യു​​ള്ളൂ. അ​​തി​​നാ​​യി വ്യ​​വ​​സാ​​യ നി​​ക്ഷേ​​പം പ്രോ​​ത്സാ​​ഹി​​പ്പി​​ക്ക​​ണം. അ​​തി​​നു ക​​ന്പ​​നി​​ക​​ളു​​ടെ ലാ​​ഭ​​ത്തി​​ലു​​ള്ള നി​​കു​​തി​​യും ഓ​​ഹ​​രി നി​​ക്ഷേ​​പ​​ത്തി​​ന്‍റെ ആ​​ദാ​​യ​​ത്തി​​നു​​ള്ള നി​​കു​​തി​​യും കു​​റ​​ച്ചു. അ​​താ​​ണ് നി​​ർ​​മ​​ല സീ​​താ​​രാ​​മ​​ൻ ഇ​​ന്ന​​ലെ പ്ര​​ഖ്യാ​​പി​​ച്ച​​ത്.

ഇ​​താ​​ണോ വ​​ഴി?

1.45 ല​​ക്ഷം കോ​​ടി രൂ​​പ​​യു​​ടെ നി​​കു​​തിവ​​രു​​മാ​​നം ന​​ഷ്ട​​പ്പെ​​ടു​​ത്തു​​ന്ന​​താ​​ണ് നി​​ർ​​മ​​ല​​യു​​ടെ പ്ര​​ഖ്യാ​​പ​​നം. ഇ​​തു​​വ​​ഴി ബ​​ജ​​റ്റി​​ലെ ധ​​ന​​ക​​മ്മി കൂ​​ടു​​മെ​​ന്നു തീ​​ർ​​ച്ച.

ഓ​​ഹ​​രിവി​​പ​​ണി​​യി​ൽ പ്ര​​വ​​ർ​​ത്തി​​ക്കു​​ന്ന​​വ​​ർ അ​​ത്യാ​​വേ​​ശ​​ത്തി​​ലാ​​യി. ഒ​​രു ദ​​ശ​​ക​​ത്തി​​നൊ​​ടു​​വി​​ലെ ഏ​​റ്റ​​വും വ​​ലി​​യ ഏ​​ക​​ദി​​ന വ​​ള​​ർ​​ച്ച​​യാ​​ണ് ഓ​​ഹ​​രി ക​​ന്പോ​​ളം ഇ​​ന്ന​​ലെ കു​​റി​​ച്ച​​ത്. പ​ക്ഷേ, ഓ​​ഹ​​രി​​ ക​​ന്പോ​​ളം സാ​​ന്പ​​ത്തി​​ക മേ​​ഖ​​ല​​യു​​ടെ ശ​​രി​​യാ​​യ വി​​ധി​​യാ​​ള​​നാ​​ണെ​​ന്ന് ആ​​രും ക​​രു​​തു​​ന്നി​​ല്ല. അ​​വി​​ടെ ഓ​​ഹ​​രിനി​​ക്ഷേ​​പ​​ത്തി​​ലെ ലാ​​ഭ​​ത്തി​​ലാ​​ണ് ക​​ണ്ണ്. ജി​​ഡി​​പി വ​​ള​​ർ​​ച്ച കൂ​​ട്ടു​​ന്ന​​തു​​കൊ​​ണ്ടു ത​​ങ്ങ​​ളു​​ടെ ലാ​​ഭം കൂ​​ട​​ണ​​മെ​​ന്നേ അ​​വ​​ർ​​ക്കു​​ള്ളൂ.

നി​​ർ​​മ​​ല സീ​​താ​​രാ​​മ​​ന്‍റെ പ്ര​​ഖ്യാ​​പ​​ന​​ത്തി​​ന്‍റെ ഫ​​ലം എ​​ന്ത്?

കൂ​​ടു​​ത​​ൽ പേ​​ർ പു​​തി​​യ വ്യ​​വ​​സാ​​യ​​ങ്ങ​​ൾ തു​​ട​​ങ്ങുമെ​​ന്നാ​​ണ് ഗ​​വ​​ണ്‍​മെ​​ന്‍റ് ക​​ണ​​ക്കു​​കൂ​​ട്ടു​​ന്ന​​ത്. അ​​ല്ലെ​​ങ്കി​​ൽ ആ​​ഗ്ര​​ഹി​​ക്കു​​ന്ന​​ത്.

പു​​തി​​യ യൂ​​ണി​​റ്റ് തു​​ട​​ങ്ങി​​യാ​​ൽ നി​​കു​​തി കു​​റ​​ച്ചു​​ മ​​തി എ​​ന്ന​​തു​​കൊ​​ണ്ട് ഉ​​ട​​നെ വ്യ​​വ​​സാ​​യം തു​​ട​​ങ്ങു​​മോ?

ഇ​​പ്പോ​​ൾ​​ത​​ന്നെ പു​​തി​​യ യൂ​​ണി​​റ്റു​​ക​​ൾ​​ക്ക് ഒ​​ട്ടേ​​റ ഇ​​ള​​വു​​ക​​ളു​​ണ്ട്. പി​​ന്നോ​​ക്ക സം​​സ്ഥാ​​ന​​ങ്ങ​​ളി​​ൽ ഉ​​ള്ള ഇ​​ള​​വു​​ക​​ൾ ആ​​രെ​​യും മോ​​ഹി​​പ്പി​​ക്കു​​ന്ന​​താ​​ണ്.

ഗ​​വ​​ണ്‍​മെ​​ന്‍റ് വി​​വി​​ധ പേ​​രു​​ക​​ളി​​ൽ നല്​​കു​​ന്ന നി​​കു​​തി ഒ​​ഴി​​വു​​ക​​ളും കി​​ഴി​​വു​​ക​​ളും പ്ര​​തി​​വ​​ർ​​ഷം ഒ​​രു​​ ല​​ക്ഷം കോ​​ടി​​യി​​ല​​ധി​​കം രൂ​​പ​​യു​​ടേ​​താ​​ണ്. ബ​​ജ​​റ്റി​​ലെ രേ​​ഖ​​ക​​ളി​​ൽ​ത​​ന്നെ ഇ​​തു വി​​ശ​​ദീ​​ക​​രി​​ച്ചി​​ട്ടു​​ണ്ട്. 2019 - 20ലേ​​ക്ക് 1,08,785 കോ​​ടി​​രൂ​​പ ഇ​​പ്ര​​കാ​​രം ഉ​​പേ​​ക്ഷി​​ച്ചി​​ട്ടു​​ണ്ട്.​അ​​വ​​യ്ക്കി​​ല്ലാ​​ത്ത ഫ​​ലം 1.45 ല​​ക്ഷം കോ​​ടി രൂ​​പ​​യ്ക്ക് ഉ​​ണ്ടാ​​കു​​മെ​ന്നു ക​​രു​​താ​​നാ​​കി​​ല്ല.

വേ​​ണ്ട​​ത് പ​​ണ​​മി​​റ​​ക്കൽ

ധ​​നമ​​ന്ത്രി ഒ​​രു കാ​​ര്യം ഉ​​റ​​പ്പാ​​ക്കി. വ്യ​​വ​​സാ​​യി​​ക​​ൾ​​ക്കും ഓ​​ഹ​​രിനി​​ക്ഷേ​​പ​​ക​​ർ​​ക്കും സ​​ർ​​ക്കാ​​രി​​നെ കു​​റ്റം​​ പ​​റ​​യാ​​നു​​ള്ള പ​​ഴു​​ത് ഇ​​ല്ലാ​​താ​​ക്കി. അ​​വ​​ർ പ​​റ​​ഞ്ഞ​​തു പോ​​ലെ സിം​ഗ​​പ്പൂരി​​ലെ നി​​ര​​ക്കി​​ലാ​​ക്കി ക​​ന്പ​​നി നി​​കു​​തി.

പ​​ക്ഷേ, സാ​​ന്പ​​ത്തി​​കവ​​ള​​ർ​​ച്ച കൂ​​ട്ടാ​​ൻ വേ​​ണ്ട​​തു മൂ​​ല​​ധ​​ന നി​​ക്ഷേ​​പ​​മാ​​ണ്. അ​​തു തു​​ട​​ങ്ങാ​​ൻ നി​​കു​​തിയി​​ള​​വി​​നു പ്ര​​തീ​​ക്ഷ പോ​​രാ. ലാ​​ഭം ഉ​​ണ്ടാ​​കു​​മെ​​ന്ന ഉ​​റ​​പ്പ് വേ​​ണം. അ​​തി​​നു​​ വേ​​ണ്ട​​ത്, ക​​ന്പോ​​ള​​ത്തി​​ൽ ആ​​വ​​ശ്യം വ​​ർ​​ധി​​ക്ക​​ലാ​​ണ്. അ​​തി​​നു തു​​ട​​ക്ക​​മി​​ടേ​​ണ്ട​​തു സ​​ർ​​ക്കാ​​രാ​​ണ്. സ​​ർ​​ക്കാ​​ർ ആ​​ദ്യം മൂ​​ല​​ധ​​നം ഇ​​റ​​ക്ക​​ണം.


റോ​​ഡി​​നും പാ​​ല​​ത്തി​​നും തു​​റ​​മു​​ഖ​​ത്തി​​നു​​മൊ​​ക്കെ സ​​ർ​​ക്കാ​​ർ പ​​ണം മു​​ട​​ക്ക​​ണം. അ​​പ്പോ​​ൾ സി​​മ​​ന്‍റി​​നും ക​​ന്പി​​ക്കും ആ​​വ​​ശ്യം കൂ​​ടും. പ​​ണി​​ക​​ൾ ഉ​​ണ്ടാ​​കും പ​​ണി​​ക്കാ​​ർ​​ക്കും ക​​ന്പ​​നി​​ക​​ൾ​​ക്കും പ​​ണം കി​​ട്ടും. അ​​ത്ത​​രം ന​​ട​​പ​​ടി​​യ​​ല്ല നി​​ർ​​മ​​ല പ്ര​​ഖ്യാ​​പി​​ച്ച​​ത്.

ഇ​​ന്ന​​ലെ പ്ര​​ഖ്യാ​​പി​​ച്ച ന​​ട​​പ​​ടി​​ക​​ൾ ദീർ​​ഘ​​കാ​​ല അ​​ടി​​സ്ഥാ​​ന​​ത്തി​​ൽ ന​​ല്ല​​വ​​യാ​​ണ്, നി​​കു​​തി താ​​ണു​​നി​​ൽ​​ക്കു​​ന്നു എ​​ന്ന​​തു​​കൊ​​ണ്ട്. പ​​ക്ഷേ, അ​​ടി​​യ​​ന്ത​​ര​​മാ​​യി വേ​​ണ്ട മൂ​​ല​​ധ​​ന നി​​ക്ഷേ​​പം ഇ​​തു​​വ​​ഴി​​യു​​ണ്ടാ​​കു​​ന്നി​​ല്ല.

സ​​ർ​​ക്കാ​​രി​​ന്‍റെ അ​​ണി​​യ​​റ​​യി​​ൽ ആ​​രോ ചി​​ന്തി​​ക്കു​​ന്ന​​തു വ്യ​​വ​​സാ​​യി​​ക​​ളെ പ്രീ​​ണി​​പ്പി​​ച്ചാ​​ൽ വ​​ള​​ർ​​ച്ച ഉ​​ണ്ടാ​​കു​​മെ​​ന്നാ​​ണ്. പ​​ല കാ​​ല​​ത്തും അ​​ബ​​ദ്ധ വി​​ശ്വാ​​സ​​ങ്ങ​​ൾ സ​​ർ​​ക്കാ​​രു​​ക​​ളെ ന​​യി​​ച്ചി​​ട്ടു​​ണ്ട്. ഇ​​ത്ത​​വ​​ണ​​ത്തേ​​ത് അ​​ങ്ങ​​നെ ആ​​കാ​​തി​​രി​​ക്ക​​ട്ടെ എ​​ന്ന് ആ​​ശം​​സി​​ക്കാം.

നി​ക്ഷേ​പ​ക​ർ​ക്കു നേ​ട്ടം `7 ലക്ഷം കോ​ടി

മും​ബൈ/ ന്യൂ​ഡ​ൽ​ഹി: കേ​ന്ദ്ര​സ​ർ​ക്കാ​ർ 1.45 ല​ക്ഷം കോ​ടി​യു​ടെ നി​കു​തി ഇ​ള​വ് അ​നു​വ​ദി​ച്ചു. നി​ക്ഷേ​പ​ക​ർ​ക്ക് ഒ​റ്റ​ ദി​നംകൊ​ണ്ട് ഏ​ഴു ല​ക്ഷം കോ​ടി രൂ​പ​യു​ടെ നേ​ട്ടം. ഓ​ഹ​രി​വി​പ​ണി​യു​ടെ മു​ഖ്യ​സൂ​ചി​ക​ക​ൾ അ​ഞ്ച് ശ​ത​മാ​ന​ത്തി​ന്‍റെ ഉ​യ​ർ​ച്ചയാ​ണ് ഇ​ന്ന​ലെ കു​റി​ച്ച​ത്.

സെ​ൻ​സെ​ക്സ് 1921.15 പോ​യി​ന്‍റ് (5.32 ശ​ത​മാ​നം) ഉ​യ​ർ​ന്ന് 38,014.62ലെ​ത്തി. നി​ഫ്റ്റി 570.65 പോ​യി​ന്‍റ് (5.33ശ​ത​മാ​നം) ഉ​യ​ർ​ച്ച​യോ​ടെ 11,275.45ലെ​ത്തി ദീ​പാ​വ​ലി​ക്കു​ മു​ന്പേ ദീ​പാ​വ​ലി​യെ​ത്തി​യ ആ​വേ​ശ​ത്തി​ലാ​ണ് ഓ​ഹ​രി​വി​പ​ണി​യി​ലെ നി​ക്ഷേ​പ​ക​ർ. സിം​ഗ​പ്പൂ​രി​ലെ നി​ര​ക്കി​ലേ​ക്കു ക​ന്പ​നി നി​കു​തി താ​ഴ്ത്തു​ക​യും ഓ​ഹ​രി​ക​ളി​ലെ നി​ക്ഷേ​പ​ത്തി​നു​ള്ള ലാ​ഭ​ത്തി​നു സ​ർ​ചാ​ർ​ജ് വ​ർ​ധ​ന ഇ​ള​ച്ച​തും അ​പ്ര​തീ​ക്ഷി​ത​മാ​യി​രു​ന്നു. ക​ന്പോ​ള​ത്തോ​ട് ഇ​ത്ര​യും ആ​നു​കൂ​ല്യം കാ​ട്ടി​യ മ​റ്റൊ​രു പ്ര​ഖ്യാ​പന​വും ക​ഴി​ഞ്ഞ ര​ണ്ടു ദ​ശ​ക​ങ്ങ​ൾ​ക്കു​ള്ളി​ൽ ഉ​ണ്ടാ​യി​ട്ടി​ല്ല.

ഇ​തി​ന്‍റെ ആ​വേ​ശ​ത്തി​ൽ വാ​ഹ​ന ഓ​ഹ​രി​ക​ൾ പോ​ലും ഇ​ന്ന​ലെ കു​തി​ച്ചു. വാ​ഹ​ന വി​ല്പ​ന കൂ​ടാ​ൻ പ്ര​ത്യ​ക്ഷ​മാ​യി സ​ഹാ​യി​ക്കു​ന്ന പ​രി​പാ​ടി​ക​ളൊ​ന്നും നി​ർ​മ​ല പ്ര​ഖ്യാ​പി​ച്ചി​ല്ല. പ​ക്ഷേ, ആ​വേ​ശം വ​രു​ന്പോ​ൾ വേ​റെ​ന്തു ചി​ന്തി​ക്കാ​ൻ?

ക​ന്പ​നി​ക​ളു​ടെ നി​കു​തി ഭാ​രം സെ​സും സ​ർ​ചാ​ർ​ജു​മ​ട​ക്കം 34 ശ​ത​മാ​ന​ത്തി​ൽ​നി​ന്ന് നി​ല​വി​ലു​ള്ള​വ​യ്ക്ക് 25.17 ശ​ത​മാ​ന​വും പു​തി​യ​വ​യ്ക്ക് 17.01 ശ​ത​മാ​ന​വും ആ​ക്കു​ന്ന​താ​ണ് നി​ർ​മ​ല​യു​ടെ പ്ര​ഖ്യാ​പ​ന​ങ്ങ​ൾ. മി​നി​മം ആ​ൾ​ട്ട​ർ​നേ​റ്റ് ടാ​ക്സ് 18.5ൽ​നി​ന്ന് 15 ശ​ത​മാ​നമായി താ​ഴും.

നികുതിനഷ്ടം വലയ്ക്കുന്നത് സംസ്ഥാനങ്ങളെ

ന്യൂ​ഡ​ൽ​ഹി: 2002ൽ ​വാ​ജ്പേ​യി മ​ന്ത്രിസ​ഭ​യി​ലെ ധ​ന​മ​ന്ത്രി യ​ശ്വ​ന്ത് സി​ൻ​ഹ അ​വ​ത​രി​പ്പി​ച്ച ബ​ജ​റ്റി​നെ റോ​ൾ ബാ​ക്ക് ബ​ജ​റ്റ് എ​ന്നാ​ണ് പ​ല​രും വി​ശേഷിപ്പി​ച്ച​ത്. പാ​ർ​ല​മെ​ന്‍റ് ബ​ജ​റ്റ് പാ​സാ​ക്കും മു​ന്പേ അ​തി​ലെ മി​ക്ക നി​ർ​ദേ​ശ​ങ്ങ​ളും സി​ൻ​ഹയ്ക്കു പി​ൻ​വ​ലി​ക്കേ​ണ്ടി​വ​ന്നു.

നി​ർ​മ​ല സീ​താ​രാ​മ​ന് ബ​ജ​റ്റ് പാ​സാ​ക്കുംമു​ന്പ് ഒ​ന്നും പി​ൻ​വ​ലി​ക്കേ​ണ്ടി​വ​ന്നി​ല്ല. പ​ക്ഷേ, പി​ന്നീ​ടി​ങ്ങോ​ട്ട് ബ​ജ​റ്റ് മാ​റ്റിയെ​ഴു​തു​ന്ന​ ത​രം പ്ര​ഖ്യാ​പ​ന​ങ്ങ​ളാ​ണ് ന​ട​ത്തേ​ണ്ടി​വ​ന്ന​ത്. ബ​ജ​റ്റി​ൽ ​കൊ​ണ്ടു​വ​ന്ന നി​കു​തി സ​ർ​ചാ​ർ​ജ് ഇ​പ്പോ​ൾ ആ​ർ​ക്കെ​ങ്കി​ലും ബാ​ധ​ക​മാ​ണോ എ​ന്ന് മ​ന്ത്രി​ക്കു​പോ​ലും അ​റി​യി​ല്ല. ക​ന്പ​നി നി​കു​തി കു​റ​യ്ക്കാ​ൻ പ​റ്റാ​ത്ത​തി​നെപ്പ​റ്റി നി​ർ​മല സീ​താ​രാ​മ​ൻ പ​ല​വ​ട്ടം പാ​ർ​ലമെ​ന്‍റി​ൽ വി​ശ​ദീ​ക​രി​ച്ചു. ഇ​ന്ന​ലെ പാ​ർ​ല​മെ​ന്‍റി​ന് പു​റ​ത്ത് 1.45 ല​ക്ഷം കോ​ടി​യു​ടെ നി​കു​തി​യി​ള​വ് പ്ര​ഖ്യാ​പി​ച്ച​പ്പോ​ൾ പ​ഴ​യ​ വി​ശ​ദീ​കര​ണം നി​ർ​മ​ല ഓ​ർ​ത്തി​ല്ല.

ബ​ജ​റ്റി​ന്‍റെ അ​ല​കും പി​ടി​യും മാ​റ്റി​യ നാ​ല് ഉ​ത്തേ​ജ​ക പ്ര​ഖ്യാ​പ​ന​ങ്ങ​ളാ​ണ് നി​ർ​മ​ല ഇ​തു​വ​രെ ന​ട​ത്തി​യ​ത്. അ​തി​ന് ധ​ന​മ​ന്ത്രി​യെ കു​റ്റം പ​റ​ഞ്ഞി​ട്ടു കാ​ര്യ​മി​ല്ല. തന്‍റേത​ല്ലാ​ത്ത കാ​ര​ണ​ത്താ​ൽ മോ​ശ​പ്പെ​ട്ട ഒ​രു സന്പദ്ഘ​ട​ന​യാ​ണ് നി​ർ​മ​ലയു​ടെ കൈ​യി​ൽ വ​ന്നു​പെ​ട്ട​ത്. ക​റ​ൻ​സി റ​ദ്ദാ​ക്ക​ൽ, ഒ​രു​ക്ക​മി​ല്ലാ​ത്ത​തും അ​ശാ​സ്ത്രീ​യ​വു​മാ​യ ജി​എ​സ്ടി ന​ട​പ്പാ​ക്ക​ൽ അ​മി​ത​മാ​യ അ​ഴി​മ​തി പ്ര​ചാ​ര​ണ​വും കേ​സു​ക​ളും വ​ഴി നി​ക്ഷേ​പ​ക​രെ ആ​ട്ടി​യോ​ടി​ക്കൽ തു​ട​ങ്ങി​വ​യ്ക്കൊന്നും നി​ർ​മ​ല ഉ​ത്ത​ര​വാ​ദി​യ​ല്ല​ല്ലോ. പ​ക്ഷേ, അ​തി​ന്‍റെയൊക്കെ ഫ​ല​മാ​യി താ​ഴോ​ട്ടു​പോ​യ സാ​ന്പ​ത്തി​കവ​ള​ർ​ച്ച​യു​ടെ പേ​രു​ദോ​ഷം നി​ർ​മ​ല ചു​മ​ക്കു​ന്നു.

ഡ​ൽ​ഹി​യി​ലെ ജെഎ​ൻ​യു​വി​ൽ ധ​ന​ശാ​സ്ത്രം പ​ഠി​ച്ച നി​ർ​മ​ല അ​ന്നു പ​ഠി​ച്ച​ത​ല്ല ഇ​ന്നു ന​ട​പ്പാ​ക്കു​ന്ന​ത്. സ​ർ​ക്കാ​ർ കൂ​ടു​ത​ൽ മു​ത​ൽ​മു​ട​ക്കി സാ​ന്പ​ത്തി​ക ഉ​ത്തേ​ജ​നം ന​ല്​ക​ണ​മെ​ന്നു ചി​ന്തി​ക്കു​ന്ന കെ​നീ​ഷ്യ​ൻ ചി​ന്താ​ഗ​തി​ക്കാ​രാ​ണ് ജെ​എ​ൻ​യു​വി​ൽ പ​ഠി​പ്പി​ച്ച​ത്. പ​ക്ഷേ, ഇ​പ്പോ​ൾ അ​ത​ല്ല, റോ​ണ​ൾ​ഡ് റെ​യ്ഗ​നും മാ​ർ​ഗ​ര​റ്റ് താ​ച്ച​റും തെ​ളി​ച്ച വ​ഴി​യി​ലാ​ണ് നി​ർ​മ​ലയു​ടെ ഉ​ത്തേ​ജ​ന പ്ര​ഖ്യാ​പ​ന​ങ്ങ​ൾ. ജെ​എ​ൻ​യു​വി​ലെ ഡോ​ക്ട​റേ​റ്റ് ഗ​വേ​ഷ​ണം പൂ​ർ​ത്തി​യാ​ക്കാ​ത്ത ധ​ന​മ​ന്ത്രി ബ​ജ​റ്റി​ലെ ക​ണ​ക്കു​ക​ളെ​ല്ലാം തെ​റ്റി​ക്കു​ന്ന കാ​ര്യ​ങ്ങ​ളാ​ണ് ഇ​ന്ന​ലെ അ​റി​യി​ച്ച​ത്. ജി​ഡി​പി​യു​ടെ 3.3 ശ​ത​മാ​ന​ത്തി​ൽ ക​മ്മി നി​ർ​ത്തു​മെ​ന്ന പ്ര​ഖ്യാ​പ​ന​വും ഇ​തോ​ടെ പാ​ഴ്‌വാ​ക്കാ​കും. നാ​ലു ശ​ത​മാ​ന​ത്തി​നു മു​ക​ളി​ലാ​കും 2019 - 20ൽ ​ക​മ്മി. അ​തു റേ​റ്റിം​ഗ് താ​ഴാ​നി​ട​യാ​ക്കി​യേ​ക്കും. ഇ​ത്ര​നാ​ളും റേ​റ്റിം​ഗു​കാ​രെ ഭ​യ​ന്നി​രു​ന്ന സ​ർ​ക്കാ​ർ മ​റ്റു മാ​ർ​ഗ​മി​ല്ലാ​തെ​യാ​ണു ക​മ്മി കൂ​ട്ടു​ന്ന ന​ട​പ​ടി​ക്കു തു​നി​യു​ന്ന​ത്.

ഇ​തി​ലെ വ​ലി​യ ന​ഷ്ടം സം​സ്ഥാ​ന​ങ്ങ​ൾ​ക്കാ​ണ്. കേ​ന്ദ്ര​ത്തി​നു കി​ട്ടു​ന്ന നി​കു​തി​യു​ടെ 40 ശ​ത​മാ​നം സം​സ്ഥാ​ന​ങ്ങ​ൾ​ക്കു​ള്ള​താ​ണ്. 1.45 ല​ക്ഷം കോ​ടി​യു​ടെ നി​കു​തി കു​റ​ഞ്ഞാ​ൽ സം​സ്ഥാ​ന​ങ്ങ​ൾ​ക്കു​ള്ള ന​ഷ്ടം 58,000 കോ​ടി രൂ​പ വ​രും. കേ​ര​ള​മ​ട​ക്കം പ​ല​സം​സ്ഥാ​ന​ങ്ങ​ളു​ടെ​യും ക​ണ​ക്കു​ക​ൾ ത​കി​ടം മ​റി​യും. ജി​എ​സ്ടി​യി​ലെ കു​റ​വു​മൂ​ലം ന​ട്ടം​തി​രി​യു​ന്ന സം​സ്ഥാ​ന​ങ്ങ​ൾ ഇ​ത് എ​ങ്ങ​നെ മ​റി​ക​ട​ക്കു​മെ​ന്നു ക​ണ്ട​റി​യേ​ണ്ടി​യി​രി​ക്കു​ന്നു.

റ്റി.സി. മാ​​ത്യു

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.