മലങ്കര കാത്തലിക്ക് അസോസിയേഷൻ തിരുവല്ല അതിരൂപത അർധ വാർഷിക അസംബ്ലി ഇന്ന് : Deepika.com Kerala News |

Click here for detailed news of all items

മലങ്കര കാത്തലിക്ക് അസോസിയേഷൻ തിരുവല്ല അതിരൂപത അർധ വാർഷിക അസംബ്ലി ഇന്ന്

Friday, October 20, 2017 12:59 PM IST

കോട്ടയം: മലങ്കര കാത്തലിക്ക് അസോസിയേഷൻ തിരുവല്ല അതിരൂപതയുടെ അർധ വാർഷിക അസംബ്ലിയും അനുമോദനവും ഇന്നു പുത്തനങ്ങാടി സ്നേഹ ഭവനിൽ നടക്കും. പൗരോഹിത്യ രജത ജൂബിലി ആഘോഷിക്കുന്ന അതിരൂപത വൈദിക ഉപദേഷ്ടാവ് ഫാ. ജോസ് കല്ലുമാലിക്കലിനെ ചടങ്ങിൽ ആദരിക്കും.

രാവിലെ അതിരൂപത ട്രഷറർ എ.ഡി. ജോണ്‍ പതാക ഉയർത്തും. ദിവ്യകാരുണ്യാരാധനയ്ക്ക് മേഖല ഡയറക്ടർ ഫാ. മാത്യു ചിറയിൽ നേതൃത്വം നൽകും. തുടർന്ന് നടക്കുന്ന മേഖല- അതിരൂപത റിപ്പോർട്ട് ചർച്ചയിൽ അതിരൂപത വൈസ് പ്രസിഡന്‍റ് ബിനു ഏബ്രഹാം മോഡറേറ്ററാകും.

അനുമോദന സമ്മേളനം തിരുവല്ല അതിരൂപതാധ്യക്ഷൻ തോമസ് മാർ കൂറിലോസ് ഉദ്ഘാടനം ചെയ്യും. മേഖല വികാരി ഫാ. ഫിലിപ്പ് വലിയകാവുങ്കൽ മുഖ്യപ്രഭാഷണം നടത്തും. അതിരൂപത പ്രസിഡന്‍റ് ജോജി വിഴലിൻ അധ്യക്ഷനാകും. കേന്ദ്രസമിതി സെക്രട്ടറി ബാബു കല്ലുങ്കൽ, മേഖലാ പ്രസിഡന്‍റ് എജി പാറപ്പാട്ട്, ബിനു ഏബ്രഹാം എന്നിവർ പ്രസംഗിക്കും. തിരുവല്ല അതിരൂപതയിലെ ഒന്പതു മേഖലകളിലെ അല്മായ പ്രതിനിധികൾ പങ്കെടുക്കും. അതിരൂപത എംസിഎ നടത്തുന്ന കാരുണ്യപ്രവർത്തനങ്ങളുടെ ഉദ്ഘാടനവും ഇതോടൊപ്പം നടക്കുമെന്ന് ജനറൽ സെക്രട്ടറി സുരേഷ് വർഗീസ് അറിയിച്ചു. വിദ്യാർഥികൾക്കുള്ള സ്കോളർഷിപ്പുകൾ വിതരണം ചെയ്യും.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.