കൊച്ചി: കാർഷികമേഖലയിലെ പ്രതിസന്ധികളുടെ പശ്ചാത്തലത്തിൽ കേരളത്തിലെയും ഇന്ത്യയിലെ വിവിധ സംസ്ഥാനങ്ങളിലെയും കർഷകസംഘടനാ പ്രതിനിധികളുടെ സംയുക്ത നേതൃസമ്മേളനം (കർഷകരക്ഷാ മുന്നേറ്റം) നാളെ കൊച്ചിയിൽ നടക്കും. കേരള ഫാർമേഴ്സ് ഫെഡറേഷന്‍റെ ആഭിമുഖ്യത്തിൽ ചെന്പുമുക്ക് സെന്‍റ് മൈക്കിൾസ് ഓഡിറ്റോറിയത്തിൽ രാവിലെ 10ന് സമ്മേളനം ആരംഭിക്കും.
ഇൻഫാം ദേശീയ രക്ഷാധികാരി ബിഷപ് മാർ മാത്യു അറയ്ക്കൽ സമ്മേളനം ഉദ്ഘാടനം ചെയ്യും. കേരള ഫാർമേഴ്സ് ഫെഡറേഷൻ ചെയർമാൻ ജോർജ് ജെ. മാത്യു അധ്യക്ഷത വഹിക്കും. ഇൻഫാം ദേശീയ സെക്രട്ടറി ജനറൽ ഷെവലിയർ വി.സി.സെബാസ്റ്റ്യൻ കർഷക അവകാശ പ്രഖ്യാപനരേഖ സമർപ്പിക്കും.
വിവിധ സാമുദായിക സാംസ്കാരിക നേതാക്കൾക്കു പുറമെ കാംപ്കോ മംഗലാപുരം മുൻ പ്രസിഡന്‍റ് കോണ്കോടി പത്മനാഭൻ, കണ്സോർഷ്യം ഓഫ് പെപ്പർ ഗ്രോവേഴ്സ് കുടക് കോ-ഓർഡിനേറ്റർ കെ.കെ. വിശ്വനാഥ്, ഫെഡറേഷൻ ഓഫ് ഓൾ ഇന്ത്യ ഫാർമേഴ്സ് അസോസിയേഷൻ ആന്ധ്ര ജനറൽ സെക്രട്ടറി പി.എസ്. മുരളി ബാബു, ബനാനാ ഗ്രോവേഴ്സ് അസോസിയേഷൻ ഡിണ്ടിഗൽ സെക്രട്ടറി വീര അരസ്, കന്യാകുമാരി സ്മോൾ ഫാർമേഴ്സ് അസോസിയേഷൻ പ്രസിഡന്‍റ് സി.ബാലചന്ദ്രൻ നായർ, കോറാകട്ട് ഫാർമേഴ്സ് അസോസിയേഷൻ ഒറീസ ജനറൽ സെക്രട്ടറി ശരത് എം., കർണാടക റബർ പ്ലാന്‍റേഴ്സ് അസോസിയേഷൻ മംഗലാപുരം പ്രസിഡന്‍റ് കേണൽ ബന്ദാരി, കാർഡമം ഗ്രോവേഴ്സ് അസോസിയേഷൻ കന്പം പ്രസിഡന്‍റ് ഉദയകുമാർ മനോഹർ, യംഗ് ഫാർമേഴ്സ് മൂവ്മെന്‍റ് പഞ്ചാബ് ജനറൽ സെക്രട്ടറി ഹർദീപ് സിംഗ്, ഓൾ ഇന്ത്യ ഫാർമേഴ്സ് ഫെഡറേഷൻ കർണാടക ജോയിന്റ് സെക്രട്ടറി വിക്രമരാജ് അരസ്, ഇൻഫാം സംസ്ഥാന കണ്‍വീനർ ജോസ് എടപ്പാട്ട്, ഹൈറേഞ്ച് സംരക്ഷണസമിതി രക്ഷാധികാരി സി.കെ. മോഹനൻ, കേരള ഫാർമേഴ്സ് ഫെഡറേഷൻ സെക്രട്ടറി ജനറൽ ജോണി മാത്യു, വൈസ് ചെയർമാൻ വി.വി. അഗസ്റ്റിൻ, ജനറൽ സെക്രട്ടറി ജോഷി മണ്ണിപ്പറന്പിൽ തുടങ്ങിയവർ സമ്മേളനത്തിൽ പ്രസംഗിക്കും.
കാർഷികപ്രശ്നങ്ങളിൽ ഇന്ത്യയിലെ വിവിധ കർഷകപ്രസ്ഥാനങ്ങൾ ചേർന്നുള്ള പ്രവർത്തനപരിപാടികൾക്ക് സമ്മേളനം രൂപംനൽകും. അതിജീവനപോരാട്ടത്തിൽ അണിചേരൂ എന്നതാണ് കർഷകരക്ഷാമുന്നേറ്റത്തിന്‍റെ മുദ്രാവാക്യം. കേരളത്തിലെയും ഇതരസംസ്ഥാനങ്ങളിലെയും മൂവായിരത്തോളം കർഷകസംഘടനാപ്രതിനിധികളാണ് സമ്മേളനത്തിൽ പങ്കെടുക്കുന്നത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.