കെഎസ്ആർടിസിയുടെ ഇലക്‌ട്രിക് ബസ് ഫ്ളാഗ് ഓഫ് 15ന് : Deepika.com Kerala News |

Click here for detailed news of all items

കെഎസ്ആർടിസിയുടെ ഇലക്‌ട്രിക് ബസ് ഫ്ളാഗ് ഓഫ് 15ന്

Tuesday, November 13, 2018 12:47 AM IST

തിരുവനന്തപരം: കെഎസ്ആർടിസിയുടെ ഇലക്‌ട്രിക് ബസുകൾ ഈ മാസം 16 മുതൽ പന്പ-നിലയ്ക്കൽ റൂട്ടിൽ സർവീസ് നടത്തും. 10 ഇല‌ക‌്ട്രിക് ബസുകളാണ് 16 മുതൽ സർവീസ് ആരംഭിക്കുന്നത്. ഈ ബസ് സർവീസിന്‍റെ ഫ്ളാഗ് ഓഫ് ഈ മാസം 15ന് ഉച്ചയ്ക്ക് 12.30ന് തന്പാനൂർ ബസ് ടെർമിനലിൽ നടക്കുന്ന ചടങ്ങിൽ മുഖ്യമന്ത്രി പിണറായി വിജയൻ നിർവഹിക്കും. ഗതാഗതമന്ത്രി എ.കെ. ശശീന്ദ്രൻ അധ്യക്ഷത വഹിക്കും.

ഉദ്ഘാടനത്തിനുശേഷം പൊതുജനങ്ങൾക്ക് ബസിൽ സൗജന്യ യാത്ര അനുവദിക്കും. പിറ്റേന്നു മുതലാണ് നിലയ്ക്കൽ - പന്പ സർവീസ് ആരംഭിക്കുക. മഹാരാഷ്‌ട്ര ആസ്ഥാനമായ മഹാവോയേജ് എന്ന കന്പനിയിൽ നിന്നാണ് ഇലക്ട്രിക് ബസുകൾ വാടയ്ക്കെടുത്ത് സർവീസ് നടത്തുന്നത്. ഇതുസംബന്ധിച്ച ധാരണാപത്രം കെഎസ്ആർടിസി മാനേജ്മെന്‍റ് ഒപ്പിട്ടിരുന്നു.

കിലോമീറ്ററിന് 43.20 രൂപ നിരക്കിലാണ് 10 ഇലക്‌ ട്രിക് ബസുകൾ വാടകയ്ക്ക് എടുത്തിരിക്കുന്നത്. ഇ- ടെൻഡർ വഴിയാണ് മഹാവോയേജ് എന്ന കന്പനിയുമായി കരാറിൽ ഏർപ്പെട്ടത്. ഏറ്റവും കുറഞ്ഞ നിരക്കിലാണ് ടെണ്ടർ ഉറപ്പിച്ചിട്ടുള്ളതെന്ന് മാനേജ്മെന്‍റ് അറിയിച്ചു. 10 സ്കാനിയ ബസുകൾ മുൻപ് ഈ കന്പനിയിൽ നിന്നും വാടകയ്ക്ക് എടുത്തിരുന്നു.

കെഎസ്ആർടിസി പരീക്ഷണാടിസ്ഥാനത്തിൽ കേരളത്തിൽ സർവീസ് നടത്തിയ ഗോൾഡ് സ്റ്റോണ്‍ കന്പനിയുടെ ഇലക്‌ട്രിക് ബസുകളാണ് 16 മുതൽ ശബരിമലയിൽ സർവീസ് നടത്തുന്നത്. ശബരിമല സീസണുശേഷം തിരുവനന്തപുരം- കൊച്ചി മേഖലയിൽ കൃത്യമായ ഇടവേളകളിൽ നോണ്‍ സ്റ്റോപ്പായി സർവീസ് നടത്തുന്നതിനാണ് കെഎസ്ആർടിസി മാനേജ്മെന്‍റ് ഉദ്ദേശിക്കുന്നത്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.