കോട്ടയം: പോലീസ് വകുപ്പിൽ ആദ്യമായി ഭരണ വിഭാഗത്തിന് (അഡ്മിനിസ്ട്രേഷൻ) ജില്ലാ തലത്തിൽ അഡീഷണൽ എസ്പിമാരെ നിയമിച്ചു സർക്കാർ ഉത്തരവായി. 17 പോലീസ് ജില്ലകളിൽ ഇതുപ്രകാരം അഡീഷണൽ ജില്ലാ പോലീസ് സൂപ്രണ്ടുമാരെ നിയമിച്ചു. മുതിർന്ന ഡിവൈഎസ്പിമാർക്കു പ്രമോഷൻ നല്കിയാണ് അഡീഷണൽ എസ്പിമാരായി നിയമിച്ചത്.
നിലവിൽ നിയമപാലനത്തിന്‍റെയും ഭരണ വിഭാഗത്തിന്‍റെയും ചുമതല വഹിക്കുന്നത് ജില്ലാ പോലീസ് മേധാവികളാണ്. കേസ് അന്വേഷണത്തിനിടെ പോലീസിലെ ഭാരിച്ച ഭരണ കാര്യങ്ങൾകൂടി നോക്കാൻ ബുദ്ധിമുട്ടു നേരിടുന്നുണ്ട്. ഇക്കാര്യം പരിഗണിച്ചാണ് ഭരണകാര്യങ്ങൾക്കു ജില്ലാ തലത്തിൽ എസ്പിമാരെ നിയമിക്കാൻ സർക്കാർ തീരുമാനിച്ചത്. ഇതോടെ നിയമപാലനത്തിനും (ലോആൻഡ് ഓർഡർ) ഭരണ (അഡ്മിനിസ്ട്രേഷൻ) കാര്യങ്ങൾക്കും രണ്ടു പോലീസ് സൂപ്രണ്ടുമാരായി. ഇപ്പോൾ ഭരണ വിഭാഗത്തിന്‍റെ ചുമതല ഡിവൈഎസ്പിക്കാണ്.
പുതുതായി നിയമനം ലഭിച്ച ഭരണ വിഭാഗം അഡീഷണൽ എസ്പിമാർ: ബ്രാക്കറ്റിൽ നിയമനം ലഭിച്ച സ്ഥലം. എസ്.അനിൽ കുമാർ (തൃശൂർ സിറ്റി), പി.ബി. പ്രശോഭ് (കാസർഗോട്), പി.എ. മുഹമ്മദ് അരിഫ് (കൊല്ലംസിറ്റി), എ. ഷാനവാസ് (തിരുവനന്തപുരം റൂറൽ), എസ്. ദേവമനോഹർ (മലപ്പുറം), കെ. മുഹമ്മദ് ഷാഫി (കൊല്ലം റൂറൽ), ബി. കൃഷ്ണകുമാർ (സീനിയർ-ആലപ്പുഴ), എം. സുബൈർ (തൃശൂർ റൂറൽ), കെ. സലിം (പാലക്കാട്), ടി.കെ. സുബ്രഹ്മണ്യൻ (കോഴിക്കോട് റൂറൽ), എം.ജെ. സോജൻ (എറണാകുളം റൂറൽ), എ. നസിം (കോട്ടയം), കെ.കെ. മൊയ്ദീൻകുട്ടി (വയനാട്), എം.സി. ദേവസ്യ (കോഴിക്കോട് സിറ്റി), എം. ഇക്ബാൽ (ഇടുക്കി), എസ്.ആർ. ജ്യോതിഷ്കുമാർ (പത്തനംതിട്ട), വി.ഡി. വിജയൻ ( കണ്ണൂർ).
സി.സി.സോമൻ
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.