പാലാ: 36-ാമത് പാലാ രൂപത അഭിഷേകാഗ്നി ബൈബിൾ കണ്വൻഷൻ നാളെ മുതൽ 23 വരെ പാലാ സെന്റ് തോമസ് കോളജ് ഗ്രൗണ്ടിൽ നടത്തും. അട്ടപ്പാടി സെഹിയോൻ ധ്യാനകേന്ദ്രം സ്ഥാപക ഡയറക്ടർ ഫാ. സേവ്യർഖാൻ വട്ടായിലിന്റെ നേതൃത്വത്തിലുള്ള 101 അംഗ ടീമാണ് കണ്വൻഷനിലെ വചനപ്രഘോഷണവും ആത്മീയ ശുശ്രൂഷകളും നയിക്കുന്നത്.
വിശ്വാസികളുടെ സൗകര്യാർഥം കണ്വൻഷൻ രണ്ടു സമയങ്ങളിലായി ക്രമീകരിച്ചിരിക്കുന്നു. രാവിലെ ഒന്പതിന് ആരംഭിച്ച് ഉച്ചകഴിഞ്ഞു മൂന്നിന് ആരാധനയോടെ അവസാനിക്കുന്ന രീതിയിൽ പകൽ കണ്വൻഷനും വൈകുന്നേരം നാലിന് വിശുദ്ധ കുർബാനയോടെ ആരംഭിച്ച് രാത്രി ഒന്പതിന് ആരാധനയോടെ അവസാനിക്കുന്ന രീതിയിൽ സായാഹ്ന കണ്വൻഷനും ഉണ്ടായിരിക്കും.
നാളെ രാവിലെ പത്തിന് കോട്ടയം ആർച്ച്ബിഷപ് മാർ മാത്യു മൂലക്കാട്ട് കണ്വൻഷൻ ഉദ്ഘാടനം ചെയ്യും. പാലാ രൂപതാധ്യക്ഷൻ മാർ ജോസഫ് കല്ലറങ്ങാട്ട്, സഹായമെത്രാൻ മാർ ജേക്കബ് മുരിക്കൻ, മുൻ രൂപതാധ്യക്ഷൻ മാർ ജോസഫ് പള്ളിക്കാപറന്പിൽ, കാഞ്ഞിരപ്പള്ളി രൂപതാധ്യക്ഷൻ മാർ മാത്യു അറയ്ക്കൽ തുടങ്ങിയവർ കണ്വൻഷൻ ദിവസങ്ങളിൽ വിശുദ്ധ കുർബാന അർപ്പിച്ച് സന്ദേശം നൽകും. 20 മുതലുള്ള കണ്വൻഷൻ ദിവസങ്ങളിൽ രാവിലെയും വൈകുന്നേരവും കുന്പസാരത്തിനുള്ള സൗകര്യം ഏർപ്പെടുത്തിയിട്ടുണ്ട്.
കണ്വൻഷന്റെ വിജയത്തിനായി വിവിധ കമ്മിറ്റികളുടെ പ്രവർത്തനം ആരംഭിച്ചുകഴിഞ്ഞു. പന്തൽ കമ്മിറ്റി, പബ്ലിസിറ്റി കമ്മിറ്റി, സ്വീകരണകമ്മിറ്റി, അക്കമഡേഷൻ കമ്മിറ്റി, ആരാധനക്രമ കമ്മിറ്റി, ഫുഡ് കമ്മിറ്റി, ട്രാഫിക് കമ്മിറ്റി, വോളന്റിയർ കമ്മിറ്റി തുടങ്ങിയ വിവിധ കമ്മിറ്റികൾ കണ്വൻഷന്റെ സുഗമമായ നടത്തിപ്പിനു നേതൃത്വം നൽകും.
പാലാ സെന്റ് തോമസ് കോളജ് ഗ്രൗണ്ടിൽ നടക്കുന്ന കണ്വൻഷനിൽ പങ്കെടുക്കുന്നവർക്കു ദൈവവചനം കേൾക്കാനും ദൈവാരാധനയിൽ പങ്കെടുക്കാനും വേണ്ടി ഒരുലക്ഷം ചതുരശ്ര അടി വിസ്തീർണമുള്ള വിശാലമായ പന്തലും മറ്റു സജ്ജീകരണങ്ങളും തയാറാക്കിയിട്ടുണ്ട്. കണ്വൻഷന്റെ തത്സമയ സംപ്രേഷണം www.evangelizationpalai. orgൽ ലഭ്യമാണ്.
പാലാ ബിഷപ്സ് ഹൗസിൽ നടന്ന പത്രസമ്മേളനത്തിൽ ബിഷപ് മാർ ജോസഫ് കല്ലറങ്ങാട്ട്, ബിഷപ് മാർ ജേക്കബ് മുരിക്കൻ തുടങ്ങിയവർ കണ്വൻഷൻ ക്രമീകരണങ്ങളെക്കുറിച്ച് വിശദീകരിച്ചു. വികാരി ജനറാൾമാരായ മോൺ. ജോസഫ് കുഴിഞ്ഞാലിൽ, മോൺ. സെബാസ്റ്റ്യൻ വേത്താനത്ത് (ജനറൽ കോ-ഓർഡിനേറ്റർ), മോൺ. ഏബ്രഹാം കൊല്ലിത്താനത്തുമലയിൽ, മോൺ. ജോസഫ് കൊല്ലംപറന്പിൽ എന്നിവരും ഫാ. ജോസ് കാക്കല്ലിൽ, ഫാ. ജോസഫ് വാട്ടപ്പള്ളിൽ, ഫാ. ജോസ് വള്ളോംപുരയിടം, ഫാ. ജോസഫ് തോലാനിക്കൽ, ഫാ. വിൻസെന്റ് മൂങ്ങാമാക്കൽ (ജനറൽ കണ്വീനർ), ഫാ. കുര്യൻ മറ്റം (ജോയിന്റ് കണ്വീനർ), ഫാ. സ്കറിയ വേകത്താനം, ഫാ. ജോസഫ് ആലഞ്ചേരിൽ (പബ്ലിസിറ്റി കണ്വീനർമാർ), തോമസ് ആന്റണി കുന്നുംപുറം, ജോർജുകുട്ടി ഞാവള്ളിൽ, തങ്കച്ചൻ ശ്രാന്പിക്കൽ, ജിമ്മിച്ചൻ ഇടക്കര (പബ്ലിസിറ്റി ജോയിന്റ് കണ്വീനർമാർ) തുടങ്ങിയവരും പത്രസമ്മേളനത്തിൽ പങ്കെടുത്തു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.