ദൈവത്തിലേക്കുള്ള പാതയാണു സത്യം: ഡോ. ജയിംസ് ആനാപറന്പിൽ : Deepika.com Kerala News |

Click here for detailed news of all items

ദൈവത്തിലേക്കുള്ള പാതയാണു സത്യം: ഡോ. ജയിംസ് ആനാപറന്പിൽ

Friday, January 18, 2019 12:31 AM IST

കോട്ടയം: വൈവിധ്യങ്ങളുടെ നടുവിലും ആത്മീവിശുദ്ധിയിൽ ദൈവത്തിലേക്ക് എത്തിച്ചേരാനുള്ള പാതയാണ് സത്യമെന്നു ബിഷപ് ഡോ. ജയിംസ് ആനാപറന്പിൽ. വടവാതൂർ സെന്‍റ് തോമസ് അപ്പസ്തോലിക് സെമിനാരിയിൽ നടക്കുന്ന ഫിലോസഫിക്കൽ സിന്പോസിയം ’സത്യത്തിലേക്കുള്ള അന്വേഷണം’ ഉദ്ഘാടനം ചെയ്തു പ്രസംഗിക്കുകയായിരുന്നു ആലപ്പുഴ രൂപത കോ-അഡ്ജുത്തോർ ബിഷപ് ഡോ.ജയിംസ് ആനാപറന്പിൽ.

സത്യം മതത്തിന്‍റെയും രാഷ്‌ട്രീയത്തിന്‍റെയും ധാർമികതയുടെയും അടിസ്ഥാനഘടകമാണ്. സത്യാന്വേഷണം ഹനിക്കപ്പെടാത്ത സ്വാതന്ത്ര്യത്തോടെ നടത്തുന്ന ഒരു യാത്രയാണ്- ആമുഖസന്ദേശത്തിൽ മദ്രാസ് യൂണിവേഴ്സിറ്റി തത്വശാസ്ത്രവിഭാഗം ചെയർമാൻ റവ. ഡോ. ഫെലിക്സ് വിൽഫ്രഡ് പറഞ്ഞു. പൗരസ്ത്യവിദ്യാപീഠം പ്രസിഡന്‍റ് റവ.ഡോ. ആൻഡ്രൂസ് മേക്കാട്ടുകുന്നേൽ സ്വാഗതം പറഞ്ഞു.

സെമിനാരി റെക്ടർ റവ.ഡോ. ജോയി അയിനിയാടൻ, തത്വശാസ്ത്രവിഭാഗം മേധാവി റവ. ഡോ. ആന്‍റോ ചേരാംന്തുരുത്തി, റവ.ഡോ. സൂരജ് പിട്ടാപ്പിള്ളിൽ (വടവാതൂർ സെമിനാരി) എന്നിവർ പ്രസംഗിച്ചു. പാറശാല രൂപത മെത്രാൻ തോമസ് മാർ എവുസേബിയൂസ് ഇന്ന് ഉച്ചകഴിഞ്ഞ് സമാപന സന്ദേശം നൽകും. റവ.ഡോ.മാർട്ടിൻ കല്ലുങ്കൽ (മംഗലപ്പുഴ സെമിനാരി), റവ.ഡോ. വിൻസെന്‍റ് ശേഖർ (മധുര കോളജ്), റവ.ഡോ.പയസ് മലേക്കണ്ടത്തിൽ (ഡൽഹി), റവ.ഡോ.ജോസ് കുരിയേടത്ത് സിഎംഐ, റവ. ഡോ. കുരുവിള പാണ്ടിക്കാട്ട് (പൂന), റവ.ഡോ.ജോണ്‍സൺ പുത്തൻപുരയ്ക്കൽ (വിജ്ഞാനനിലയം, എലുരു), റവ. ഡോ. സെബാസ്റ്റ്യൻ വാഴപ്പിള്ളി (പൂന), ഡോ.ജിജി ജോസഫ് (എസ്.ബി. കോളജ്, ചങ്ങനാശേരി), ഡോ. ശിവപ്രസാദ് (മീഡിയ വില്ലേജ് ചങ്ങനാശേരി) എന്നിവർ പേപ്പറുകൾ അവതരിപ്പിച്ചു പാനൽ ചർച്ചകളിൽ പങ്കെടുക്കും.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.