കേരളതീരത്തു ശക്തമായ തിരമാലയ്ക്കു സാധ്യത : Deepika.com Kerala News |

Click here for detailed news of all items

കേരളതീരത്തു ശക്തമായ തിരമാലയ്ക്കു സാധ്യത

Thursday, April 25, 2019 1:01 AM IST

തിരുവനന്തപുരം: കേരള തീരത്ത് 25ന് രാത്രി 11.30 വരെ ശക്തമായ തിരമാലയ്ക്കു സാധ്യതയുണ്ടെന്നു കാലാവസ്ഥ നിരീക്ഷണ കേന്ദ്രം അറിയിച്ചു. 1.5 മീറ്റർ മുതൽ 2.2 മീറ്റർ വരെ ഉയരത്തിൽ തിരമാല ഉണ്ടാവുന്നതിനാൽ കടൽ പ്രക്ഷുബ്ദമാവും.

ഇന്ത്യൻ മഹാസമുദ്രത്തിന്‍റെ ഭൂമധ്യരേഖാ പ്രദേശത്തും തെക്കു പടിഞ്ഞാറൻ ബംഗാൾ ഉൾക്കടലിലും ശ്രീലങ്കയുടെ തെക്കുകിഴക്കുമായി ഇന്ന് ന്യൂനമർദം രൂപംകൊള്ളുമെന്ന് കേന്ദ്ര കാലാവസ്ഥാനിരീക്ഷണ കേന്ദ്രം അറിയിച്ചു. ഈ മേഖലയിൽ 25ന് കാറ്റിന്‍റെ വേഗം മണിക്കൂറിൽ 30 മുതൽ 40 വരെ കിലോമീറ്ററാകാനും 26ന് കാറ്റിന്‍റെ വേഗം മണിക്കൂറിൽ 40 മുതൽ 50 വരെ കിലോമീറ്ററാകാനും സാധ്യതയുണ്ട്. 27ന് കാറ്റിന്‍റെ വേഗം മണിക്കൂറിൽ 60 മുതൽ 70 വരെ കിലോമീറ്ററാവും. 28ന് കേരള തീരത്ത് മണിക്കൂറിൽ 80 മുതൽ 90 വരെ കിലോമീറ്റർ വേഗത്തിലും തമിഴ്‌നാട് തീരത്ത് മണിക്കൂറിൽ 40 മുതൽ 50 വരെ കിലോമീറ്റർ വേഗത്തിലും കാറ്റടിക്കും.

മത്സ്യത്തൊഴിലാളികൾ 27 മുതൽ ഇന്ത്യൻ മഹാസമുദ്രത്തിന്‍റെ ഭൂമധ്യരേഖാ പ്രദേശത്തും അതിനോട് ചേർന്നുള്ള തെക്ക് പടിഞ്ഞാറൻ ബംഗാൾ ഉൾക്കടലിലും, തമിഴ്‌നാട് തീരത്തും മത്സ്യബന്ധനത്തിന് പോകരുതെന്ന് അറിയിച്ചിട്ടുണ്ട്. കടൽ പ്രക്ഷുബ്ദമോ അതിപ്രക്ഷുബ്ദമോ ആകാൻ സാധ്യതയുള്ളതിനാൽ ആഴക്കടലിൽ മത്സ്യബന്ധനത്തിൽ ഏർപ്പെട്ടിരിക്കുന്നവർ 27ന് പുലർച്ചെ 12 മണിയോടെ ഏറ്റവും അടുത്തുള്ള തീരത്തെത്തണമെന്ന് അറിയിച്ചു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.