തിരുവനന്തപുരം: 2019 ലെ മെഡിക്കൽ/അനുബന്ധ കോഴ്സിലേക്കുള്ള പ്രവേശനത്തിന് നീറ്റ് ഫലം ഓണ്ലൈനായി സമർപ്പിക്കുന്നതിനും പുതുതായി മെഡിക്കൽകോഴ്സിലേക്ക് അപേക്ഷിക്കുന്നതിനും കോഴ്സ് കൂട്ടിച്ചേർക്കുന്നതിനും അവസരം.
2019-20 അധ്യയന വർഷം കേരളത്തിലെ സർക്കാർ മെഡിക്കൽ/ഡെന്റൽ കോളജുകളിലെ സ്റ്റേറ്റ് ക്വോട്ട സീറ്റുകളിലെയും സ്വാശ്രയ മെഡിക്കൽ/ഡെന്റൽ കോളജുകളിലെ എൻആർഐ ക്വോട്ട/മൈനോറിറ്റി ക്വോട്ട ഉൾപ്പെടെയുളള മുഴുവൻ എംബിബിഎസ്, ബിഡിഎസ് സീറ്റുകളിലെയും സ്വാശ്രയ മെഡിക്കൽ കോളജുകളിലെ ഓൾ ഇന്ത്യാ ക്വോട്ട സീറ്റുകളിലെയും പ്രവേശനം എൻടിഎ ലഭ്യമാക്കിയിട്ടുള്ള നാഷണൽ എലിജിബിലിറ്റി-കം- എൻട്രൻസ് ടെസ്റ്റ് -2019 സ്കോറിന്റെ അടിസ്ഥാനത്തിൽ സംസ്ഥാന പ്രവേശന പരീക്ഷാ കമ്മീഷണർ തയാറാക്കുന്ന റാങ്ക് ലിസ്റ്റിൽ നിന്നും ഏകീകൃത കൗണ്സലിംഗ് വഴിയായിരിക്കും നടത്തുന്നത്.
കൂടാതെ ആയുർവേദം, ഹോമിയോപ്പതി, സിദ്ധ, യുനാനി എന്നീ മെഡിക്കൽ കോഴ്സുകളിലേയും, അഗ്രികൾച്ചർ, ഫോറസ്ട്രി, വെറ്ററിനറി, ഫിഷറീസ് എന്നീ അനുബന്ധ കോഴ്സുകളിലേയും പ്രവേശനം നീറ്റ് (യുജി)-2019 സ്കോറിന്റെ അടിസ്ഥാനത്തിൽ പ്രവേശന പരീക്ഷാ കമ്മീഷണർ തയാറാക്കുന്ന റാങ്ക് ലസ്റ്റിൽ നിന്നായിരിക്കും. കേരളത്തിലെ എംബിബിഎസ്, ബിഡിഎസ്, ആയുർവേദം, ഹോമിയോപ്പതി, സിദ്ധ, യുനാനി എന്നീ മെഡിക്കൽ കോഴ്സുകളിലേക്കും, അഗ്രികൾച്ചർ, ഫോറസ്ട്രി, വെറ്ററിനറി, ഫിഷറീസ് എന്നീ അനുബന്ധ കോഴ്സുകളിലേക്കും പ്രവേശനത്തിനായുള്ള സംസ്ഥാന റാങ്ക് ലിസ്റ്റുകൾ തയാറാക്കുന്നതിലേക്ക് വിദ്യാർഥികൾ അവരവരുടെ നീറ്റ് (യുജി)-2019 ഫലം പ്രവേശന പരീക്ഷാ കമ്മീഷണർക്ക് ഓണ്ലൈനായി സമർപ്പിക്കണം. കൂടാതെ keam 2019ൽ എൻജിനിയറിംഗ്/ ആർക്കിടെക്ചർ/ഫാർമസി എന്നിവയിലേതെങ്കിലും കോഴ്സുകൾക്ക് ഇതിനോടകം അപേക്ഷ സമർപ്പിക്കുകയും എന്നാൽ മെഡിക്കൽ കോഴ്സുകൾ തെരഞ്ഞെടുക്കാൻ വിട്ടുപോകുകയും ചെയ്ത അപേക്ഷകർക്ക് ആവശ്യമുള്ള പക്ഷം മെഡിക്കൽ കോഴ്സുകൾ നിലവിലെ അപേക്ഷയിൽ കൂട്ടിച്ചേർക്കുന്നതിനും അവസരം ലഭ്യമാണ്.
മെഡിക്കൽ/അനുബന്ധ കോഴ്സുകളിലെ പ്രവേശനത്തിന് സംസ്ഥാന റാങ്ക് ലിസ്റ്റുകൾ തയാറാക്കുന്നതിലേയ്ക്കായി നീറ്റ് (യുജി)-2019 ഫലം പ്രവേശന പരീക്ഷാ കമ്മീഷണർക്ക് ഓണ്ലൈനായി സമർപ്പിക്കുന്നതിനും അതോടൊപ്പം നീറ്റ് (യുജി)-2019 പരീക്ഷയിൽ യോഗ്യത നേടിയെങ്കിലും അപേക്ഷയിൽ മെഡിക്കൽ കോഴ്സുകൾ തെരഞ്ഞെടുക്കാൻ വിട്ടുപോയവർക്ക് മെഡിക്കൽ കോഴ്സുകൾ അപേക്ഷയിൽ കൂട്ടിച്ചേർക്കുന്നതിനും 21 ന് വൈകുന്നേരം അഞ്ച്വരെ പ്രവേശന പരീക്ഷാ കമ്മീഷണറുടെ www.cee.kerala.gov.in എന്ന വെബ്സൈറ്റിൽ സൗകര്യം ലഭ്യമാണ്.
നീറ്റ് (യുജി)-2019-ൽ യോഗ്യത നേടുകയും എന്നാൽ കേരളത്തിൽ മെഡിക്കൽ അനുബന്ധ കോഴ്സുകളിലേയ്ക്ക് അപേക്ഷ സമർപ്പിക്കാൻ സാധിക്കാത്തവർക്ക് 19ന് വൈകുന്നേരം മൂന്നു വരെ ഓണ്ലൈനായി അപേക്ഷ സമർപ്പിക്കാം.
പുതുതായി അപേക്ഷ സമർപ്പിക്കുന്നവർക്ക് 20 മുതൽ 21ന് വൈകുന്നേരം അഞ്ച്വരെ മാത്രമായിരിക്കും നീറ്റ് ഫലം പ്രവേശന പരീക്ഷാകമ്മീഷണർക്ക് സമർപ്പിക്കാൻ അവസരം ലഭ്യമാകുന്നത്. നിശ്ചിത സമയത്തിനകം നീറ്റ് പരീക്ഷാ ഫലം പ്രവേശന പരീക്ഷാ കമ്മീഷണർക്ക് ഓണ്ലൈനായി സമർപ്പിക്കാത്ത അപേക്ഷകരെ 2019- ലെ മെഡിക്കൽ കോഴ്സുകളിലേക്കും അനുബന്ധ കോഴ്സുകളിലേക്കുമുളള റാങ്ക് ലിസ്റ്റുകളിൽ ഉൾപ്പെടുത്തുന്നതല്ല. കൂടുതൽ വിവരങ്ങൾക്ക് വെബ്സൈറ്റിലെ വിശദമായ വിജ്ഞാപനം കാണുക .
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.