"ന്യൂട്ടൺ ഡാൻസ്' മിന്നിച്ച് ആറാം ക്ലാസുകാരൻ! : Deepika.com Kerala News |

Click here for detailed news of all items

"ന്യൂട്ടൺ ഡാൻസ്' മിന്നിച്ച് ആറാം ക്ലാസുകാരൻ!

Tuesday, July 23, 2019 12:14 AM IST

കോട്ടയം: ജോൺപോൾ ജോർജ് സംവിധാനം ചെയ്യുന്ന ‘അമ്പിളി’യുടെ ടീസർ പുറത്തിറങ്ങിയപ്പോൾ തരംഗമായതു നായകൻ സൗബിൻ ഷാഹിറിന്‍റെ തകർപ്പൻ വെറൈറ്റി നൃത്തമായിരുന്നു. ശരീരമാകെ വിറയൽ ബാധിച്ച മട്ടിലുള്ള ഡാൻസ് മണിക്കൂറുകൾക്കകം വൈറലായി. രണ്ടു ദിവസംകൊണ്ടു പത്തു ലക്ഷത്തിലേറെ പേരാണ് ഈ ടീസർ കണ്ടത്. എന്നാൽ, ഇപ്പോൾ സൗ ബിൻ തരംഗമാക്കിയ ഡാൻസ് അനുകരിച്ച് ഒരു ആറാം ക്ലാസുകാരൻ സോഷ്യൽ മീഡിയയിലും ശ്രദ്ധനേടി.

ടീസർ പുറത്തിറങ്ങി മണിക്കൂറുകൾക്കകമാണ് ആ തകർപ്പൻ ഡാൻസ് അനുകരിച്ച് ആൽവിൻ കെ. മനീഷ് എന്ന ആറാം ക്ലാസുകാരൻ ശ്രദ്ധ നേടിയത്. ആൽവിന്‍റെ പിതാവ് കടുവാക്കുളം കളത്തിപ്പറമ്പിൽ മനീഷ് ജേക്കബ് ആണ് വീഡിയോ പകർത്തി വാട്സ്ആപ്പിലിട്ടത്. ഡാൻസ് മിന്നിച്ചതോടെ ചിലർ ഇത് ടിക് ടോക്കിലും ഫേസ് ബുക്കിലും പോസ്റ്റ് ചെയ്തു.

മണിക്കൂറുകളെടുത്തു സൗബിനും സംഘവും ഷൂട്ട് ചെയ്തതാണ് ഈ ഡാൻസ്. ടീസറിന്‍റെ ഹൈലൈറ്റും ‘ജാക്സനല്ലടാ, ന്യൂട്ടനല്ലടാ...’ എന്നു തുടങ്ങുന്ന പാട്ടിന്‍റെ അകമ്പടിയോടെയുള്ള ഈ ഡാൻസ് ആണ്.

ടീസർ പുറത്തിറങ്ങിയ ശേഷം ഏതാനും മിനിറ്റുകൾക്കൊണ്ടാണ് ആൽവിൻ ഈ ഡാൻസ് പഠിച്ചെടുത്തതെന്നു സ്വകാര്യ ടയർ കമ്പനിയിലെ ഉദ്യോഗസ്ഥനായ പിതാവ് മനീഷ് പറയുന്നു. കടുവാക്കുളം എമ്മാവൂസ് പബ്ലിക് സ്കൂൾ വിദ്യാർഥിയായ ആൽവിന്‍റെ ‘ന്യൂട്ടൺ ഡാൻസ്’ സ്കൂളിലും സംസാര വിഷയമാണ്. ഈ സ്കൂളിൽ തന്നെ അധ്യാപികയായ ആശയാണ് ആൽവിന്‍റെ മാതാവ്. ആൽവിന്‍റെ ഡാൻസ് കണ്ടു ഹരം കയറി സഹോദരി രണ്ടാം ക്ലാസുകാരി ഒലിവിയയും ന്യൂട്ടൺ ഡാൻസിനു ചുവടുവച്ചു തുടങ്ങിയിട്ടുണ്ട്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.