തിരുവനന്തപുരം: മഥുര-ഹസ്രത് നിസാമുദീൻ സെക്ഷനിൽ ട്രാക്ക് അറ്റകുറ്റപ്പണി നടക്കുന്നതിനാൽ തിരുവനന്തപുരത്തുനിന്നു പുറപ്പെടുന്ന എട്ടു ട്രെയിനുകൾ റദ്ദാക്കി.
തിരുവനന്തപുരം സെൻട്രൽ- ന്യൂഡൽഹി കേരള എക്സ്പ്രസ്(23,24,25 തീയതികളിൽ), ന്യൂഡൽഹി-തിരുവനന്തപുരം സെൻട്രൽ കേരള എക്സ്പ്രസ് (26,27,28 ), എറണാകുളം-ഹസ്രത് നിസാമുദീൻ മംഗള എക്സ്പ്രസ് (23,24,25 ), ഹസ്രത് നിസാമുദ്ദീൻ-എറണാകുളം മംഗള എക്സ്പ്രസ്(26,27,28 ), ഛണ്ഡിഗഡ്-കൊച്ചുവേളി കേരള സന്പർക്ക് ക്രാന്തി എക്സ്പ്രസ് (26), കൊച്ചുവേളി-ഛണ്ഡിഗഡ് കേരള സന്പർക്ക് ക്രാന്തി (29), കൊച്ചുവേളി-ഡെറാഡൂണ് എക്സ്പ്രസ് (28), ഡെറാഡൂണ്-കൊച്ചുവേളി എക്സ്പ്രസ് (മാർച്ച് 02) എന്നീ ട്രയിനുകളാണ് റദ്ദാക്കിയത്.
28 ന് പുറപ്പെടുന്ന തിരുവനന്തപുരം സെൻട്രൽ-ന്യൂഡൽഹി കേരള എക്സ്പ്രസ് ആഗ്ര കന്റോണ്മെന്റ് വഴി തിരിച്ചുവിടും.
29, മാർച്ച് ഒന്ന് തീയതികളിൽ ന്യൂഡൽഹി-തിരുവനന്തപുരം സെൻട്രൽ കേരള എക്സ്പ്രസ് ഗാസിയാബാദ് വഴി തിരിച്ചുവിടും.ഇതിനു പുറമെ തിരുവനന്തപുരം-ഹസ്രത് നിസാമുദീൻ രാജധാനി എക്സ്പ്രസ് 27 ന് രണ്ട് മണിക്കൂർ വൈകി 9.15 ന് മാത്രമേ സർവീസ് ആരംഭിക്കു. 28 നുള്ള തിരുവനന്തപുരം-ഹസ്രത് നിസാമുദീൻ രാജധാനി എക്സ്പ്രസ് ട്രെയിൻ മൂന്നര മണിക്കൂർ വൈകി 10.45 നു മാത്രമേ തിരുവനന്തപുരത്തുനിന്നു സർവീസ് ആരംഭിക്കുകയുള്ളുവെന്നും റെയിൽവേ അറിയിച്ചു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.