പ്രവാസി വോട്ടിനായി സമ്മർദം ശക്തമാക്കി സംസ്ഥാന എൻആർഐ കമ്മീഷൻ : Deepika.com Kerala News |

Click here for detailed news of all items

പ്രവാസി വോട്ടിനായി സമ്മർദം ശക്തമാക്കി സംസ്ഥാന എൻആർഐ കമ്മീഷൻ

Friday, February 28, 2020 11:52 PM IST

തിരുവനന്തപുരം: പ്രവാസികൾക്കു നാട്ടിലെത്താതെ തന്നെ വോട്ടവകാശം വിനിയോഗിക്കാൻ അവസരം ഒരുക്കണമെന്ന ആവശ്യത്തെ പിന്തുണച്ചു സംസ്ഥാന എൻആർഐ കമ്മീഷൻ. തൊഴിലെടുക്കുന്ന രാജ്യത്തു നിന്ന് വോട്ട് ചെയ്യുന്നതിനായി കേന്ദ്ര സർക്കാരും തെരഞ്ഞെടുപ്പ് കമ്മീഷനും വൈകാതെ സാധ്യമായ ഇടപെടൽ നടത്തണമെന്ന് ആവശ്യപ്പെട്ട് കമ്മീഷൻ പ്രമേയം പാസാക്കി. ഏറെക്കാലമായുള്ള സംസ്ഥാനത്തെ പ്രവാസികളുടെ ആവശ്യം പരിഗണിച്ചാണ് ഈ അഭ്യർഥന.

എൻആർഐ കമ്മീഷൻ അംഗവും പ്രവാസിവോട്ട് വിഷയത്തിൽ സുപ്രീംകോടതിയിലെ ഹർജിക്കാരനുമായ ഡോ. ഷംഷീർ വയലിലാണ് യോഗത്തിൽ പ്രമേയം അവതരിപ്പിച്ചത്. 2014ൽ സുപ്രീംകോടതിയിൽ നൽകിയ ഹർജിയിലടക്കം നേരിട്ട കാലതാമസം ചൂണ്ടിക്കാട്ടി. കഴിഞ്ഞ ആഴ്ച കേസ് പരിഗണിച്ചപ്പോൾ ഹർജിയിൽ ഏപ്രിലിൽ തീരുമാനം എടുക്കുമെന്ന് സുപ്രീംകോടതി പരാമർശിച്ചിരുന്നു. ജനാധിപത്യ പ്രക്രിയയിൽ പങ്കെടുക്കുകയെന്ന പ്രവാസികളുടെ ഏറെക്കാലമായുള്ള ആഗ്രഹം സഫലമാക്കാൻ കമ്മിഷൻ അഭ്യർഥന ഉന്നയിക്കണമെന്ന ഡോ. ഷംസീറിന്‍റെ ആവശ്യത്തെ അംഗങ്ങൾ പിന്തുണച്ചു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.