ചെറുതോണി അണക്കെട്ടിന്‍റെ ഷട്ടറുകൾ ഉയർത്തി പരിശോധന നടത്തി : Deepika.com Kerala News |

Click here for detailed news of all items

ചെറുതോണി അണക്കെട്ടിന്‍റെ ഷട്ടറുകൾ ഉയർത്തി പരിശോധന നടത്തി

Sunday, May 24, 2020 12:41 AM IST

ചെറുതോണി: ഇടുക്കി പദ്ധതിയുടെ ഭാഗമായ ചെറുതോണി അണക്കെട്ടിന്‍റെ അഞ്ചു ഷട്ടറുകളും ഉയർത്തി പരിശോധന നടത്തി. മണ്‍സൂണിനു മുന്പായുള്ള ട്രയലിന്‍റെ ഭാഗമായി നടന്ന അവസാനവട്ട പരിശോധനയാണ് ഇന്നലെ കഴിഞ്ഞത്. എല്ലാ വർഷവും കാലവർഷത്തിനു മുന്നോടിയായി സമാനരീതിയിലുള്ള പരിശോധനകൾ നടത്താറുണ്ട്. ഷട്ടറുകൾ ഉയർത്തി പരിശോധനകൾ നടത്തി ഗ്രീസിടുന്നതടക്കമുള്ള ജോലികൾ നടത്തും.

വേനൽക്കാലത്ത് അണക്കെട്ടിൽ വെള്ളം താഴ്ന്നിരിക്കുന്പോഴാണ് ഷട്ടറുകൾ ഉയർത്തി പരിശോധന നടത്തുക. അണക്കെട്ടിൽ 2,373 അടിയിൽ ജലം ഉയരുന്പോഴാണ് ഷട്ടറിനൊപ്പം ജലമെത്തുന്നത്. ഇന്നലെ 2,342.1 അടിയാണ് അണക്കെട്ടിലെ ജലനിരപ്പ്. കഴിഞ്ഞവർഷം ഇതേദിവസം 2,320.62 അടിയായിരുന്നു. ഷട്ടറിനൊപ്പം വെള്ളമെത്തണമെങ്കിൽ 31 അടി ജലംകൂടി ഉയരേണ്ടതുണ്ട്.

വേനൽകാലത്ത് അണക്കെട്ടിലെ ഉയർന്നുനിൽക്കുന്ന സാഹചര്യം കണക്കിലെടുത്ത് ഈവർഷം ജലനിരപ്പ് 2,373 അടിയിലെത്തിയാൽ ഷട്ടർ ഉയർത്തി വെള്ളം ഉയരുന്നത് നിയന്ത്രിക്കാനാണ് കഴിഞ്ഞ ദിവസം കളക്ടറേറ്റിൽ കൂടിയ ഉന്നതതല യോഗം തീരുമാനിച്ചിരിക്കുന്നത്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.