ഹരിതം ജൈവകൃഷി പദ്ധതിയുടെ ലോഗോ പ്രകാശനം ചെയ്തു : Deepika.com Kerala News |

Click here for detailed news of all items

ഹരിതം ജൈവകൃഷി പദ്ധതിയുടെ ലോഗോ പ്രകാശനം ചെയ്തു

Thursday, June 4, 2020 11:53 PM IST

കോട്ടയം: യുവജനങ്ങൾക്കിടയിൽ ജൈവകൃഷി പ്രോത്സാഹിപ്പിക്കുക എന്ന ലക്ഷ്യത്തോടെ കെസിവൈഎം ആരംഭിക്കുന്ന ഹരിതം പദ്ധതിയുടെ ലോഗോ കൃഷി മന്ത്രി വി.എസ്. സുനിൽകുമാർ പ്രകാശനം ചെയ്തു.

പദ്ധതിയുടെ ഭാഗമായി ഏഴിനു കെസിവൈഎം പ്രവർത്തകരുടെ ഭവനങ്ങളിൽ മഴക്കാല പൂർവ ശുചീകരണം നടത്തി ജൈവകൃഷി ആരംഭിക്കും. മൂന്നു ലക്ഷത്തിലധികം വരുന്ന കെസിവൈഎം പ്രവർത്തകർ പങ്കാളികളാകും. കെസിവൈഎമ്മിന്‍റെ നേതൃത്വത്തിൽ മിതമായ നിരക്കിൽ വിത്തും ഗ്രോബാഗും ജൈവ വളങ്ങളും അടങ്ങുന്ന കിറ്റ് ലഭ്യമാക്കും.

പദ്ധതിയുടെ രണ്ടാം ഘട്ടത്തിൽ ദേവാലയങ്ങളിലും സ്ഥാപനങ്ങളിലും ജൈവകൃഷി ആരംഭിക്കുമെന്നും, യുവജനങ്ങൾക്കു കാർഷിക മേഖലയിലെ നൂതന മാർഗങ്ങളിൽ പരിശീലനം നൽകുമെന്നും പരിപാടിയിൽ അധ്യക്ഷത വഹിച്ച സംസ്ഥാന പ്രസിഡന്‍റ് ബിജോ പി. ബാബു അറിയിച്ചു.

ജനറൽ സെക്രട്ടറി ക്രിസ്റ്റി ചക്കാലക്കൽ, ഡയറക്്ടർ ഫാ. സ്റ്റീഫൻ തോമസ് ചാലക്കര, വൈസ്പ്രസിഡന്‍റ് ജയ്സണ്‍ ചക്കേടത്ത് എന്നിവർ പ്രസംഗിച്ചു. താമരശേരി രൂപതാംഗം സാഞ്ജോ സണ്ണിയാണ് ലോഗാ വിഭാവനം ചെയ്തത്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.