പ്ലാച്ചിമട കോളവിരുദ്ധ സമരനായിക കന്നിയമ്മ അന്തരിച്ചു : Deepika.com Kerala News |

Click here for detailed news of all items

പ്ലാച്ചിമട കോളവിരുദ്ധ സമരനായിക കന്നിയമ്മ അന്തരിച്ചു

Friday, May 20, 2022 2:14 AM IST

പാലക്കാട്: പ്ലാച്ചിമട കൊക്കകോളവിരുദ്ധ സമരത്തിലെ മുൻനിര പോരാളിയായിരുന്ന കന്നിയമ്മ(95) അന്തരിച്ചു. കൊക്കകോള കന്പനിക്കു സമീപം വിജയനഗർ കോളനിയിൽ പരേതനായ കണ്ണന്‍റെ ഭാര്യയാണ്. കഴിഞ്ഞ 21 വർഷമായി നഷ്ടപരിഹാരത്തിനുവേണ്ടിയുള്ള സമരത്തിനു നേതൃത്വം കൊടുത്തിരുന്നു. കൊക്കകോള വിരുദ്ധ സമരത്തിൽ ഏറ്റവും കൂടുതൽ ദിവസം സമരപ്പന്തലിൽ സത്യാഗ്രഹം അനുഷ്ഠിച്ച സമരപ്രവർത്തകയാണ്കന്നിയമ്മ. കോളക്കന്പനി പിടിച്ചെടുക്കൽ സമരത്തിന്‍റെ ഭാഗമായി 21 ദിവസം ജയിൽവാസം അനുഭവിച്ചിട്ടുണ്ട്.

രാഷ്‌ട്രീയ സ്വാഭിമാൻ ആന്തോളൻ ഏർപ്പെടുത്തിയ 2017 സ്വാഭിമാൻ പുരസ്കാരത്തിന് അർഹയായി. ദുർബലജനവിഭാഗങ്ങളുടെ അവകാശങ്ങൾക്കുവേണ്ടി പ്രവർത്തിച്ചതു പരിഗണിച്ചാണു പുരസ്കാര ജേതാവിനെ രാഷ്‌ട്രീയ സ്വാഭിമാൻ ആന്തോളൻ തെരഞ്ഞെടുത്തത്. വാർധക്യസഹജമായ അസുഖത്തെത്തുടർന്ന് തീരെ അവശയായിരുന്നു. മക്കൾ: കന്തൻ, ഷണ്‍മുഖൻ, കിട്ടുസ്വാമി, പരമേശ്വരൻ, കനകൻ, സരസ്വതി, പരേതയായ കാളിയമ്മ, പരേതനായ പൊന്നുസ്വാമി. മരുമക്കൾ: ദൈവ, നാഗമണി, മാസില, കവിത, ശെൽവി, കാളിയപ്പൻ.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.