പാസാക്കിയ ബില്ലുകളില് ഗവര്ണറുടെ തീരുമാനം വൈകുന്നതിന് എതിരായ ഹര്ജി തള്ളി
Thursday, December 1, 2022 1:10 AM IST
കൊച്ചി: നിയമസഭ പാസാക്കിയ ബില്ലുകളില് ഗവര്ണറുടെ തീരുമാനം വൈകുന്നതിനെതിരേ ആലുവ പുക്കാട്ടുപടി സ്വദേശി അഡ്വ. പി.വി. ജീവേഷ് നല്കിയ പൊതുതാത്പര്യ ഹര്ജി ഹൈക്കോടതി തള്ളി.
ബില്ലുകളില് തീരുമാനം എടുക്കാന് ഗവര്ണര്ക്ക് സമയപരിധി നിശ്ചയിക്കാന് കോടതിക്കു കഴിയില്ലെന്നു വ്യക്തമാക്കിയാണ് ചീഫ് ജസ്റ്റീസ് എസ്. മണികുമാര്, ജസ്റ്റീസ് ഷാജി. പി. ചാലി എന്നിവരുള്പ്പെട്ട ഡിവിഷന് ബെഞ്ച് ഹര്ജി തള്ളിയത്.
നിയമസഭ പാസാക്കിയ ബില്ലുകളില് ഗവര്ണര് തീരുമാനമെടുക്കാന് വൈകുന്നതു ഭരണഘടനാവിരുദ്ധമാണെന്നായിരുന്നു ഹര്ജിക്കാരന്റെ വാദം.