ക്വിസ് പ്രസ് മത്സരം ഇന്ന്; സ്‌പോട്ട് രജിസ്‌ട്രേഷൻ രാവിലെ എട്ടിന് : Deepika.com Kerala News |

Click here for detailed news of all items

ക്വിസ് പ്രസ് മത്സരം ഇന്ന്; സ്‌പോട്ട് രജിസ്‌ട്രേഷൻ രാവിലെ എട്ടിന്

Thursday, December 1, 2022 11:50 PM IST

തിരുവനന്തപുരം: സംസ്ഥാനത്തെ ഹയർ സെക്കൻഡറി, കോളജ് വിദ്യാർഥികൾക്കായി കേരള മീഡിയ അക്കാദമി സംഘടിപ്പിക്കുന്ന ക്വിസ് പ്രസ് പ്രശ്‌നോത്തരി മധ്യമേഖലാ മത്സരം ഇന്ന് കോലഞ്ചേരി സെന്‍റ് പീറ്റേഴ്‌സ് കോളജിൽ നടക്കും.

കൊച്ചി മെട്രോ റെയിൽ ലിമിറ്റഡ് മാനേജിംഗ് ഡയറക്ടർ ലോക് നാഥ് ബഹ്‌റ ഉദ്ഘാടനം ചെയ്യും. മീഡിയ അക്കാദമി ചെയർമാൻ ആർ. എസ്. ബാബു അധ്യക്ഷത വഹിക്കും. മത്സരത്തിനുവേണ്ടിയുള്ള സ്‌പോട്ട് രജിസ്‌ട്രേഷൻ രാവിലെ എട്ടിന് ആരംഭിക്കും. പങ്കെടുക്കുവാൻ താത്പര്യമുള്ള ഇതുവരെ രജിസ്റ്റർ ചെയ്തിട്ടില്ലാത്ത വിദ്യാർഥികളും, രജിസ്റ്റർ ചെയ്തവരും സ്‌കൂൾ/കോളജ് തിരിച്ചറിയൽ രേഖയുടെ അസലും, സ്വയം സാക്ഷ്യപ്പെടുത്തിയ പകർപ്പുമായി കോലഞ്ചേരി സെന്‍റ് പീറ്റേഴ്‌സ് കോളജിൽ എത്തണം.

ഒരു വിദ്യാഭ്യാസ സ്ഥാപനത്തിൽ നിന്നു രണ്ടു പേരടങ്ങിയ എത്ര ടീമുകൾക്ക് വേണമെങ്കിലും മത്സരത്തിൽ പങ്കെടുക്കാം. കോട്ടയം, എറണാകുളം, ഇടുക്കി, തൃശൂർ, പാലക്കാട് ജില്ലകളിലുള്ളവർക്കാണ് മധ്യമേഖലാ മത്സരത്തിൽ പങ്കെടുക്കുവാൻ അവസരമുള്ളത്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.