ഊർജസംരക്ഷണ അവാർഡ് പ്രഖ്യാപിച്ചു : Deepika.com Kerala News |

Click here for detailed news of all items

ഊർജസംരക്ഷണ അവാർഡ് പ്രഖ്യാപിച്ചു

Friday, December 9, 2022 12:24 AM IST

തിരുവനന്തപുരം: 2022ലെ സംസ്ഥാന ഊർജസംരക്ഷണ അവാർഡുകൾ പ്രഖ്യാപിച്ചു. വൻകിട ഊർജ ഉപഭോക്താക്കളിൽ കാർബോറണ്ടം യൂണിവേഴ്‌സൽ ലിമിറ്റഡ്, ഇലക്ട്രോ മിനറൽ ഡിവിഷൻ എറണാകുളം, അപ്പോളോ ടയേഴ്‌സ് ലിമിറ്റഡ് കളമശേരി, സെയിന്‍റ് ഗോബെയിൻ ഇൻഡ്യ പ്രൈവറ്റ് ലിമിറ്റഡ് പാലക്കാട് എന്നിവർ അവാർഡ് നേടി. ഇടത്തരം ഊർജ ഉപഭോക്താക്കളിൽ ഒഇഎൻ (OEN) ഇൻഡ്യ ലിമിറ്റഡ് എറണാകുളം, മലയോര ഡയറി കണ്ണൂർ, വയനാട് ഡയറി എന്നിവർ പുരസ്‌കാരത്തിന് അർഹരായി.

ചെറുകിട ഊർജ ഉപഭോക്താക്കളിൽ റീഹാബിലിറ്റേഷൻ പ്ലാന്റേഷൻ ലിമിറ്റഡ് കൊല്ലം അവാർഡ് നേടി. കെട്ടിട വിഭാഗത്തിൽ കേരള ഡെവലപ്‌മെന്‍റ് ആൻഡ് ഇന്നോവേഷൻ സ്ട്രാറ്റജിക്ക് കൗൺസിൽ (K-DISC), ക്രൗൺ പ്ലാസ ഹോട്ടൽ, കൊച്ചി എന്നിവർക്കാണ് അവാർഡ്. സംഘടനകൾ/ സ്ഥാപനങ്ങൾ വിഭാഗത്തിൽ സേക്രഡ് ഹാർട്ട് കോളജ് കൊച്ചി, സെന്‍റ് ആൽബർട്സ് കോളജ് എറണാകുളം എന്നിവർ വിജയികളായി. ഈ വിഭാഗങ്ങളിൽ ഒരു ലക്ഷം രൂപയും പ്രശസ്തിപത്രവുമാണ് പുരസ്കാരം.

ഊർജകാര്യക്ഷമത കൂടിയ ഉപകരണങ്ങളുടെ പ്രമോട്ടർമാരിൽ ചിൽട്ടൺ റഫ്രിജറേഷൻ പ്രൈവറ്റ് ലിമിറ്റഡ്, എറണാകുളവും ആർക്കിടെക്റ്റ്‌സ് ആൻഡ് ഗ്രീൻ ബിൽഡിംഗ് കൺസൽട്ടൻസ് വിഭാഗത്തിൽ F5 സസ്റ്റൈനബിലിറ്റി കൺസൽട്ടൻസും അവാർഡ് നേടി. 50,000 രൂപയാണ് പുരസ്‌കാരം. 14ന് വൈകുന്നേരം നാലിന് തിരുവനന്തപുരം അയ്യൻകാളി ഹാളിൽ നടക്കുന്ന ചടങ്ങിൽ അവാർഡുകൾ വിതരണം ചെയ്യും.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.