ച​ങ്ങ​നാ​ശേ​രി: നി​ര്‍മാ​ണ മേ​ഖ​ല​യി​ലെ പ്ര​തി​സ​ന്ധി പ​രി​ഹരിക്കാ​ത്ത​തി​ല്‍ പ്ര​തി​ഷേ​ധി​ച്ച് നാ​ളെ ക​രാ​റു​കാ​ര്‍ ക​രി​ദി​നം ആ​ച​രി​ക്കു​മെ​ന്നും 11ന് ​തി​രു​വ​ന​ന്ത​പു​ര​ത്ത് ചേ​രു​ന്ന നി​ര്‍മാ​ണ സം​രം​ഭ​ക സം​ഘ​ട​ന​ക​ളു​ടെ യോ​ഗം ശ​ക്ത​മാ​യ പ്ര​ചാ​ര​ണ ന​ട​പ​ടി​ക​ളും സ​മ​ര​ങ്ങ​ളും പ്ര​ഖ്യാ​പി​ക്കു​മെ​ന്നും ഗ​വ​ണ്‍മെ​ന്‍റ് കോ​ണ്‍ട്രാ​ക്ടേ​ഴ്‌​സ് അ​സോ​സി​യേ​ഷ​ന്‍ സം​സ്ഥാ​ന പ്ര​സി​ഡ​ന്‍റ് വ​ര്‍ഗീ​സ് ക​ണ്ണ​മ്പ​ള്ളി പ​റ​ഞ്ഞു. നാ​ളെ ക​റു​ത്ത ബാ​ഡ്ജു​ക​ള്‍ ധ​രി​ക്കു​ക​യും ഓ​ഫീ​സു​ക​ളി​ല്‍ ക​രി​ങ്കൊ​ടി ഉ​യ​ര്‍ത്തു​ക​യും ചെ​യ്യും. കേ​ന്ദ്ര​-സം​സ്ഥാ​ന ധ​ന​മ​ന്ത്രി​മാ​ര്‍ക്ക് പ്ര​തി​ഷേ​ധ സ​ന്ദേ​ശ​ങ്ങ​ള്‍ അ​യ​യ്ക്കും.

പൊ​തു​നി​ര്‍മാ​ണ പ്ര​വൃത്തി​ക​ള്‍ക്ക് ഫ​ണ്ട് സ​മാ​ഹ​രി​ക്കു​ന്ന​തി​ല്‍ സം​സ്ഥാ​ന സ​ര്‍ക്കാ​രി​ന് ക​ടു​ത്ത നി​യ​ന്ത്ര​ണം ഏ​ര്‍പ്പെ​ടു​ത്തി​യ കേ​ന്ദ്ര സ​ര്‍ക്കാ​ര്‍ ന​യം സം​സ്ഥാ​ന​ത്തെ നി​ര്‍മാ​ണ പ​ദ്ധ​തി​ക​ളെ നി​ശ്ച​ല​മാ​ക്കി​ക്കൊ​ണ്ടി​രി​ക്കു​ക​യാ​ണ്. ദേ​ശീ​യ​പാ​ത അ​ഥോറി​ട്ടി​ക്ക് (എ​ന്‍എ​ച്ച്എ​ഐ) ന​ല്‍കു​ന്ന വി​ഭ​വ​സ​മാ​ഹ​ര​ണ സ്വാ​ത​ന്ത്ര്യം കി​ഫ്ബി​ക്ക് നി​ഷേ​ധി​ക്കു​ന്ന​ത് ഇ​ര​ട്ട​ത്താ​പ്പാ​ണ്.

കേ​ന്ദ്ര​-സം​സ്ഥാ​ന സം​യു​ക്ത പ​ദ്ധ​തി​ക​ളി​ല്‍ സം​സ്ഥാ​ന വി​ഹി​തം ഭീ​മ​മാ​ണ്. ബ​ജ​റ്റ് വി​ഹി​തം കൊ​ണ്ട് ഇ​ത് കണ്ടെത്താ​ന്‍ ക​ഴി​യാ​ത്ത​തി​നാ​ല്‍ കേ​ന്ദ്ര സ​ര്‍ക്കാ​രി​ന്‍റെ പ​ലി​ശ​ര​ഹി​ത വാ​യ്പ​യി​ലൂ​ടെ​യോ സ്വ​ത​ന്ത്ര വാ​യ്പ​യി​ലൂ​ടെ​യോ സം​സ്ഥാ​ന വി​ഹി​തം സ​മാ​ഹ​രി​ക്കാ​ന്‍ കേ​ര​ള​ത്തെ അ​നു​വ​ദി​ക്ക​ണം. അ​ല്ലാ​ത്തപ​ക്ഷം ത​ദ്ദേ​ശ സ്വ​യം ഭ​ര​ണ സ്ഥാ​പ​ന​ങ്ങ​ളു​ടെ ചെ​റി​യ പ്ര​വൃത്തി​ക​ള്‍ പോ​ലും മു​ട​ങ്ങു​ന്ന സാ​ഹ​ച​ര്യം സം​ജാ​ത​മാ​കും.


നി​ര്‍മാ​ണം പൂ​ര്‍ത്തി​യാ​ക്കി ഒ​രു മാ​സ​ത്തി​നു​ള്ളി​ല്‍ നി​കു​തി അ​ട​യ്ക്കാ​ത്ത​തി​ന്‍റെ പേ​രി​ല്‍ നി​ര​വ​ധി ക​രാ​റു​കാ​ര്‍ക്ക് തു​ല്യ പി​ഴ​യും പി​ഴ​പ്പ​ലി​ശ​യും ചു​മ​ത്തു​ന്ന നി​ല​പാ​ട് ഖേ​ദ​ക​ര​മാ​ണെ​ന്നും ക​രാ​ര്‍ വ്യ​വ​സ്ഥ​ക​ള്‍ ഏ​കീ​ക​രി​ക്കാ​നും സ​ന്തു​ലി​ത​മാ​ക്കാ​നും കേ​ന്ദ്ര സം​സ്ഥാ​ന സ​ര്‍ക്കാ​രു​ക​ള്‍ ത​യാ​റാ​ക​ണ​മെ​ന്നും അ​സോ​സി​യേ​ഷ​ന്‍ ചൂ​ണ്ടി​ക്കാ​ട്ടു​ന്നു.

ക​രാ​ര്‍മേ​ഖ​ല​യി​ലെ പ്ര​തി​സ​ന്ധി​മൂ​ലം സം​സ്ഥാ​ന​ത്തെ ന​ല്ല​പ​ങ്ക് ക​രാ​റു​കാ​രും ജോ​ലി​ക​ള്‍ ഏ​റ്റെ​ടു​ക്കാ​തെ വി​ട്ടു​നി​ല്‍ക്കു​ക​യാ​ണ്. സം​സ്ഥാ​ന​ത്തെ ചെ​റു​തും വ​ലു​തു​മാ​യ നി​ര്‍മാ​ണ പ്ര​വൃത്തി​ക​ളെ ബാ​ധി​ക്കു​മെ​ന്നും കോ​ണ്‍ട്രാ​ക്ടേ​ഴ്‌​സ് അ​സോ​സി​യേ​ഷ​ന്‍ സം​സ്ഥാ​ന പ്ര​സി​ഡ​ന്‍റ് വ​ര്‍ഗീ​സ് ക​ണ്ണ​മ്പ​ള്ളി ചൂ​ണ്ടി​ക്കാ​ട്ടി.