തെളിവെടുപ്പിനു വേണ്ടി പല തവണ ആവശ്യപ്പെട്ടിട്ടും രണ്ട് ഹര്‍ജിക്കാരും ഹാജരായില്ല. തുടര്‍ന്ന് ഇരുവരുടേയും വ്യാജ പട്ടയമാണെന്ന് വിലയിരുത്തി കമ്മീഷണര്‍ ഉത്തരവ് പുറപ്പെടുവിച്ചു. ഇതിനെതിരേ ആല്‍ബിനും ബാബുരാജും കോടതിയെ സമീപിക്കുകയായിരുന്നു.
എട്ടു മാസത്തോളം തുടര്‍ച്ചയായി തെളിവെടുപ്പ് മാറ്റിവയ്പിച്ചതില്‍ ന്യായീകരണമില്ലെന്നു കോടതി വ്യക്തമാക്കി. കോടതി ഇടപെടലിനെത്തുടര്‍ന്നുള്ള തെളിവെടുപ്പില്‍ ഹര്‍ജിക്കാര്‍ ഹാജരാകാന്‍ ബാധ്യസ്ഥരായിരുന്നു.
മാത്രമല്ല, അവര്‍ ആവശ്യപ്പെട്ട രേഖകള്‍ കമ്മീഷണറുടെ തീരുമാനവുമായി ബന്ധപ്പട്ടതാണെന്നു കോടതിയെ ബോധ്യപ്പെടുത്താനായില്ല. ഇത് ഭൂമി പതിച്ചു നല്‍കല്‍ നിയമവുമായി മാത്രം ബന്ധപ്പെട്ടതല്ല, ചില റവന്യു ഉദ്യോഗസ്ഥര് ക്രിമിനല്‍ ക്രമക്കേട് നടത്തിയ സംഭവമായതിനാല്‍, കമ്മീഷണറാണു തീരുമാനമെടുക്കേണ്ട പ്രധാന അധികാരി.
ഭൂപതിവ് ഉത്തരവിന്‍റെ അടിസ്ഥാനത്തില്‍ പട്ടയം ലഭിച്ചതിനു രേഖകള്‍ ഹാജരാക്കാന്‍ ഹര്‍ജിക്കാര്‍ക്കായിട്ടില്ല. പട്ടയം നല്‍കാനുള്ള പട്ടികയിലില്ലാത്ത ഭൂമി മൂന്നാമതൊരാള്‍ക്കു നല്‍കാനാവില്ല.
അന്തോണിയമ്മാളുടെ പവര്‍ ഓഫ് അറ്റോര്‍ണി ഉപയോഗിച്ച് ആലീസ് എന്ന സ്ത്രീയുടെ ഭര്‍ത്താവായ ആല്‍ബിനുതന്നെയാണു ഭൂമി കൈമാറിയിരിക്കുന്നത്. ഹര്‍ജിക്കാരനായ ആല്‍ബിനെതിരേ ക്രിമിനല്‍ കേസും രജിസ്റ്റര്‍ ചെയ്തിട്ടുണ്ട്. യുക്തിയില്ലാത്ത തീരുമാനമെന്നു ബോധ്യപ്പെടാത്ത സാഹചര്യത്തില്‍ കമ്മീഷണറുടെ ഉത്തരവ് റദ്ദാക്കാനാവില്ലെന്നും കോടതി വ്യക്തമാക്കി.