ഗു​രു​ത്വ​ത്തി​ന്‍റെ ക​ഴു​ത്തു​വെ​ട്ടു​ന്ന വി​ദ്യാ​ഭാ​സം

സ്നേ​ഹ​മു​ള്ള ഡി​സി​എ​ൽ കു​ടും​ബാം​ഗ​ങ്ങ​ളേ,

അ​നു​വാ​ദ​മി​ല്ലാ​തെ സ്കൂ​ളി​ൽ കൊ​ണ്ടു​വ​ന്ന മൊ​ബൈ​ൽ​ഫോ​ൺ അ​ധ്യാ​പ​ക​ർ വാ​ങ്ങി ഓ​ഫീ​സി​ൽ​വ​ച്ചു എ​ന്ന കാ​ര​ണം​പ​റ​ഞ്ഞ് പ്രി​ൻ​സി​പ്പ​ലി​ന്‍റെ നേ​രേ വി​ര​ൽ ചൂ​ണ്ടി കൊ​ല​പാ​ത​ക ഭീ​ഷ​ണി മു​ഴ​ക്കു​ന്ന ഒ​രു വി​ദ്യാ​ർ​ഥി​യു​ടെ വീ​ഡി​യോ ക​ഴി​ഞ്ഞ ദി​വ​സ​ങ്ങ​ളി​ൽ സോ​ഷ്യ​ൽ​മീ​ഡി​യ​യി​ൽ വൈ​റ​ലാ​യി​രു​ന്നു. വി​ദ്യാ​ഭ്യാ​സ​മ​ന്ത്രി ഉ​ൾ​പ്പെ​ടെ​യു​ള്ള​വ​ർ പ്ര​തി​ക​രി​ച്ച സം​ഭ​വ​ത്തി​ൽ വി​ദ്യാ​ർ​ഥി മാ​പ്പു പ​റ​യു​ക​യും പ്ര​ശ്നം ര​മ്യ​ത​യി​ൽ പ​രി​ഹ​രി​ക്കാ​ൻ ശ്ര​മ​ങ്ങ​ൾ തു​ട​രു​ക​യും ചെ​യ്തു.

ഏ​താ​നും ദി​വ​സം മു​ന്പ് മൃ​ഗീ​യ​മാ​യി സ്വ​ന്തം അ​മ്മ​യെ കൊ​ന്ന മ​ക​ൻ ആ​ക്രോ​ശി​ച്ച​ത് ത​ന്നെ ജ​നി​പ്പി​ച്ച​തി​നു​ള്ള ശി​ക്ഷ​യാ​ണി​ത് എ​ന്നാ​ണ്.

മാ​താ, പി​താ, ഗു​രു, ദൈ​വം എ​ന്ന ആ​ർ​ഷ​ഭാ​ര​ത ദ​ർ​ശ​നം പ​വി​ത്ര​പാ​ഥേ​യ​മാ​ക്കി, വി​ദ്യാ​ഭ്യാ​സ പ്ര​യ​ത്നം ന​ട​ത്തു​ന്ന ഗു​രു-​ശി​ഷ്യ​സം​സ്കാ​ര​ത്തി​ന്‍റെ മ​ഹ​ത് ച​രി​ത​മു​റ​ങ്ങു​ന്നു​ണ്ട്, ഭാ​ര​ത​ത്തി​ന്‍റെ ഗ​ത​കാ​ല​വീ​ഥി​ക​ളി​ൽ! അ​ച്ഛ​നും അ​മ്മ​യും ഗു​രു​വും ദൈ​വ​തു​ല്യ​രാ​ണെ​ന്നും ദൈ​വം ത​ന്നെ​യാ​ണെ​ന്നും വി​ദ്യാ​ർ​ഥി മ​ന​സു​ക​ളെ ഉ​ദ്ബോ​ധി​പ്പി​ച്ച് ഗു​രു​പാ​ദ​പൂ​ജ, വി​ദ്യാ​രം​ഭ​ക​ർ​മ്മ​ത്തി​ന്‍റെ മ​ർ‌​മ്മ​മാ​ക്കി മാ​റ്റി​യി​രു​ന്ന ആ ​സം​സ്കൃ​തി പൊ​യ്പോ​യി! മാ​ത്ര​മ​ല്ല, അ​ധ്യാ​പ​ക​രെ ശ​ത്രു​ക്ക​ളാ​യി ക​ണ്ട്, ഓ​ഫീ​സി​ൽ ഗു​ണ്ടാ​യി​സം കാ​ണി​ക്കാ​നും ല​വ​ലേ​ശം ജാ​ള്യ​ത​യി​ല്ലാ​താ​കു​ന്നു!

അ​ന്നൊ​രി​ക്ക​ൽ അ​രി​മ​ണി​യി​ൽ വി​ര​ലു​രു​മ്മി ആ​ദ്യാ​ക്ഷ​ര​ത്തി​ന്‍റെ എ​ഴു​ത്തു തു​ട​ങ്ങി​യ ആ ​ചൂ​ണ്ടു​വി​ര​ൽ ഗു​രു​വി​ന്‍റെ ക​ഴു​ത്തി​നു നേ​രേ ചൂ​ണ്ടി കൊ​ല​വി​ളി ന​ട​ത്തി പു​റ​ത്തേ​ക്കി​റ​ങ്ങി​യ ആ ​വി​ദ്യാ​ർ​ഥി​ക്ക്, "ആ​വേ​ശം' സി​നി​മ​ലെയോ, കിം​ഗ് ഓ​ഫ് കൊ​ത്ത​യി​ലേ​യോ, മാ​ർ​ക്കോ​യി​ലേ​യോ, "പ​ണി'​യി​ലെ​യോ ഒ​ക്കെ നാ​യ​ക​ന്‍റെ ശ​രീ​ര​ഭാ​ഷ​യു​ണ്ടാ​യി​രു​ന്നു​വോ എ​ന്ന് തോ​ന്നി​പ്പോ​യി!

പ്രി​യ കൂ​ട്ടു​കാ​രേ, ഗു​രു​നി​ന്ദ, ഒ​രു നി​മി​ഷ​ത്തെ ഉ​ത്പ​ന്ന​മ​ല്ല. ഒ​രു സാ​മൂ​ഹ്യ​പ​രി​സ​ര​മു​ണ്ട​തി​ന്. ഇ​ത്ത​രം ഗു​രു​നി​ന്ദ​യെ ല​ഘൂ​ക​രി​ച്ച് ബാ​ലാ​വ​കാ​ശ​ത്തി​നാ​യു​ള്ള സ​മ​ര​മാ​യി പു​ന​ർ​നി​ർ​വ​ചി​ക്കു​ന്ന മ​ന്ത്രി​സ​ത്ത​മ​ന്മാ​രു​ടെ പി​ന്തു​ണ​യും ന​ന്ദി​മ​റ​ന്ന് നി​ന്ദ ചെ​യ്യു​ന്ന വി​ദ്യാ​ർ​ഥി​ക​ൾ​ക്കു​ണ്ട്.

"ഒ​രു തി​രു​ത്ത​ലും വേ​ണ്ട' എ​ന്ന ന്യൂ​ജെ​ൻ ധി​ക്കാ​രം, നി​ന്ദി​ച്ചി​ക​ഴ്ത്തു​ന്ന​ത്, ഗു​രു​വി​നേ​യും ജ​ന​യി​താ​ക്ക​ളേ​യു​മാ​ണ്. "തോ​ൽ​വി​യ​റി​യാ​തെ വ​ള​ര​ട്ടെ, പു​തു​ത​ല​മു​റ' എ​ന്ന സ​ർ​ക്കാ​ർ വി​ദ്യാ​ഭ്യാ​സ ശൈ​ലി, പൊ​തു​വി​ദ്യാ​ഭ്യാ​സ​ത്തെ വി​ദ്യാ​ഭാ​സ​മാ​ക്കി മാ​റ്റി​യി​ട്ട്, ഒ​രു ദ​ശാ​ബ്ദ​ത്തോ​ള​മാ​കു​ന്നു. "പ​പ്പ' എ​ന്നെ​ഴു​തു​ന്ന​തി​നു പ​ക​രം "പ​പ്പി' എ​ന്നെ​ഴു​തി​യാ​ലും 50 ശ​ത​മാ​നം മാ​ർ‌​ക്ക് ന​ൽ​ക​ണ​മെ​ന്ന പ​കു​തി ശ​രി​യു​ടെ നി​യ​മ​വാ​ഴ്ച​ക​ളി​ൽ ഒ​രു സം​സ്കാ​ര​ത്തി​ന്‍റെ വീ​ഴ്ച​യാ​ണ് സം​ഭ​വി​ക്കു​ന്ന​ത്.

വി​ദ്യാ​ർ​ഥി​ക​ൾ​ക്ക​ല്ല, വി​ദ്യാ​ഭ്യാ​സ വ​കു​പ്പി​നാ​ണ് നൂ​റു ശ​ത​മാ​ന​ത്തി​ലു​മ​ധി​കം വി​ജ​യം പ്ര​ഖ്യാ​പി​ക്കാ​നു​ള്ള തി​ടു​ക്കം! പ​രാ​ജ​യ​പ്പെ​ട്ടു പ​ഠി​ക്കാ​ത്ത പു​തു​ത​ല​മു​റ, ചോ​ദി​ക്കു​ന്ന​തു മു​ഴു​വ​ൻ ല​ഭി​ച്ചി​ല്ലെ​ങ്കി​ൽ വീ​ടെ​ടു​ത്തു ത​ല​കു​ത്തി​നി​ർ​ത്തു​ന്ന മ​ക്ക​ൾ, ശി​ക്ഷ​ണ​ത്തി​ൽ ശി​ക്ഷ പാ​ടി​ല്ല എ​ന്നു ശാ​ഠ്യ​മു​ള്ള മാ​താ​പി​താ​ക്ക​ൾ, അ​ല്പ​മെ​ങ്കി​ലും തി​രു​ത്തു​വാ​ൻ മു​തി​രു​ന്ന ഗു​രു​വി​നെ തു​ര​ത്തു​വാ​ൻ വേ​ണ്ടി ത​കി​ലു​കൊ​ട്ടു​ന്ന രാ​ഷ്ട്രീ​യ വി​ദ്യാ​ർ​ഥി സം​ഘ​ട​ന​ക​ൾ... ഇ​തി​നെ​ല്ലാം മു​ക​ളി​ൽ, സ​ക​ല അ​ധാ​ർ​മി​ക​ത​ക​ളു​ടെ​യും വാ​തി​ൽ​തു​റ​ന്നു വി​ളി​ക്കു​ന്ന ന​വ​സ​മൂ​ഹ​മാ​ധ്യ​മ പി​ശാ​ചു​ക്ക​ൾ... ഈ ​ദു​ർ​ഗ​തി​യു​ടെ കാ​ല​ത്ത് ഗു​രു​ത്വ​ക്കേ​ടു​ക​ളു​ടെ ക​രി​ങ്ക​ളി​യാ​ട്ട​ങ്ങ​ൾ പെ​രു​കു​ക​യാ​ണ്!

പ്രി​യ കൂ​ട്ടു​കാ​രേ, ഗു​രു ദൈ​വ​മാ​ണ്, ദീ​പ​മാ​ണ്, പാ​ത​യാ​ണ്. പാ​ഥേ​യ​മാ​ണ്! ന​മു​ക്ക് അ​ധ്യാ​പ​ക​രെ ആ​ദ​രി​ക്കാം. വി​ദ്യാ​ല​യ​ത്തി​ലെ നി​യ​മ​ങ്ങ​ൾ അ​നു​സ​രി​ക്കാം. അ​ച്ച​ട​ക്ക​ത്തി​ന്‍റെ മാ​ർ​ഗ​ത്തി​ൽ മു​ന്നേ​റാം. ന​ല്ല സ്വ​ഭാ​വം പ​രി​ശീ​ലി​ക്കാം. ദുഃ​ശീ​ല​ങ്ങ​ളി​ൽ​ന​ന്നും ദു​ഷി​ച്ച കൂ​ട്ടു​കെ​ട്ടു​ക​ളി​ൽ​നി​ന്നും ഓ​ടി​യൊ​ളി​ക്കാം. "ഗു​രു​ത്വ​സി​ദ്ധി - മ​ഹ​ത്വ​ല​ബ്ധി' എ​ന്ന പ്ര​മാ​ണം പാ​ഠ​മാ​ക്കം.

സ്നേ​ഹാ​ശം​സ​ക​ളോ​ടെ സ്വ​ന്തം കൊ​ച്ചേ​ട്ട​ൻ

ഡിസിഎൽ സംസ്ഥാന ടാലന്‍റ് ഫെസ്റ്റ് ഫെബ്രു. 1-ന്; ഒരുക്കങ്ങൾ പൂർത്തിയാകുന്നു


കോ​ട്ട​യം: ഫെ​ബ്രു​വ​രി ഒ​ന്നി​ന് അ​ങ്ക​മാ​ലി വി​ശ്വ​ജ്യോ​തി സി​എം​ഐ പ​ബ്ലി​ക് സ്കൂ​ളി​ൽ ന​ട​ക്കു​ന്ന ഡി​സി​എ​ൽ സം​സ്ഥാ​ന ടാ​ല​ന്‍റ് ഫെ​സ്റ്റി​ന്‍റെ ഒ​രു​ക്ക​ങ്ങ​ൾ പൂ​ർ​ത്തി​യാ​കു​ന്നു.

കേ​ര​ള​ത്തി​ലെ​ വവി​ധ പ്ര​വി​ശ്യാ​മ​ത്സ​ര​ങ്ങ​ളി​ൽ ഒ​ന്നും ര​ണ്ടും മൂ​ന്നും സ്ഥാ​ന​ങ്ങ​ൾ നേ​ടി​യ കു​ട്ടി​ക​ളാ​ണ് സം​സ്ഥാ​ന മ​ത്സ​ര​ത്തി​ൽ പ​ങ്കെ​ടു​ക്കാ​ൻ എ​ത്തു​ന്ന​ത്.

മ​ത്സ​ര​ങ്ങ​ൾ രാ​വി​ലെ 9.30-ന് ​ആ​രം​ഭി​ക്കും. പ്ര​സം​ഗം, ല​ളി​ത​ഗാ​നം, ഡി​സി​എ​ൽ ആ​ന്തം, ഡി​സി​എ​ൽ ല​ഹ​രി​വി​രു​ദ്ധ ഗാ​നം, ചെ​റു​ക​ഥാ​ര​ച​ന, ക​വി​താ​ര​ച​ന, ഉ​പ​ന്യാ​സ​ര​ച​ന എ​ന്നീ ഇ​ന​ങ്ങ​ളി​ൽ എ​ൽ​പി, യു​പി, ഹൈ​സ്കൂ​ൾ വി​ഭാ​ഗ​ങ്ങ​ൾ തി​രി​ച്ചാ​ണ് മ​ത്സ​രം. ഡി​സി​എ​ൽ ആ​ന്തം, ല​ഹ​രി​വി​രു​ദ്ധ​ഗാ​നം എ​ന്നി​വ ഒ​ഴി​കെ എ​ല്ലാ മ​ത്സ​ര​ങ്ങ​ളും ആ​ൺ​കു​ട്ടി​ക​ൾ​ക്കും പെ​ൺ​കു​ട്ടി​ക​ൾ​ക്കും പ്ര​ത്യേ​ക​മാ​യി​രി​ക്കും.

ഗ്രൂ​പ്പ് മ​ത്സ​ര​ങ്ങ​ളി​ൽ പ​ങ്കെ​ടു​ക്കു​ന്ന കു​ട്ടി​ക​ൾ​ക്ക് ര​ച​നാ​മ​ത്സ​ര​ത്തി​ൽ പ​ങ്കെ​ടു​ക്കാ​ൻ അ​ർ​ഹ​ത​യു​ണ്ടാ​യി​രി​ക്കു​ക​യി​ല്ല.

ഡി​സി​എ​ൽ ആ​ന്തം, ഡി​സി​എ​ൽ ല​ഹ​രി​വി​രു​ദ്ധ സം​ഘ​ഗാ​നം മ​ത്സ​ര​ങ്ങ​ളി​ൽ ഏ​ഴു പേ​ര​ട​ങ്ങു​ന്ന ടീ​മി​ന് പ​ങ്കെ​ടു​ക്കാം. ക​രോ​ക്കെ ഉ​ണ്ടാ​യി​രി​ക്കു​ന്ന​ത​ല്ല.

പ്ര​സം​ഗ​ത്തി​ന് എ​ൽ​പി വി​ഭാ​ഗ​ത്തി​ന് മൂ​ന്നു മി​നി​റ്റും യു.​പി. ഹൈ​സ്കൂ​ൾ വി​ഭാ​ഗ​ങ്ങ​ൾ​ക്ക് 5 മി​നി​റ്റു​മാ​യി​രി​ക്കും സ​മ​യം. വി​ഷ​യം - എ​ൽ പി ​വി​ഭാ​ഗം: കൃ​ത്യ​നി​ഷ്ഠ​യും അ​ച്ച​ട​ക്ക​വും ജീ​വി​ത വി​ജ​യ​ത്തി​ന്.

യു.​പി വി​ഭാ​ഗം - (1) അ​ധ്യാ​പ​ക​ർ അ​റി​വി​ന്‍റെ വ​ഴി​കാ​ട്ടി​ക​ൾ (2) മാ​റു​ന്ന ലോ​ക​വും നി​ർ​മ്മി​ത ബു​ദ്ധി​യും (നി​ർ​മി​ത ബു​ദ്ധി - Artificial Intelligence - AI) ഹൈ​സ്കൂ​ൾ വി​ഭാ​ഗ​ത്തി​ന് മ​ത്സ​ര​ത്തി​ന് 5 മി​നി​റ്റു മു​ന്പ് വി​ഷ​യം ന​ൽ​കും.

ഉ​ച്ച​ക​ഴി​ഞ്ഞ് മൂ​ന്നി​നു ന​ട​ക്കു​ന്ന സ​മാ​പ​ന​സ​മ്മേ​ള​ന​ത്തി​ൽ വി​ജ​യി​ക​ൾ​ക്കു സ​മ്മാ​ന​ങ്ങ​ളും സ​ർ​ട്ടി​ഫി​ക്ക​റ്റു​ക​ളും ന​ൽ​കും. മ​ത്സ​ര​ത്തി​ൽ ഓ​വ​റോ​ൾ നേ​ടു​ന്ന പ്ര​വി​ശ്യ​യ്ക്ക് പി.​ടി. തോ​മ​സ് പൈ​നാ​ൽ മെ​മ്മോ​റി​യ​ൽ എ​വ​ർ​റോ​ളിം​ഗ് ട്രോ​ഫി സ​മ്മാ​നി​ക്കും.

ടാ​ല​ന്‍റ്ഫെ​സ്റ്റി​ന്‍റെ വി​ജ​യ​ത്തി​നാ​യി കൊ​ച്ചേ​ട്ട​ൻ ഫാ.റോ​യി ക​ണ്ണ​ൻ​ചി​റ, ഫാ. ​പോ​ൾ മ​ണ​വാ​ള​ൻ, എ​റ​ണാ​കു​ളം പ്ര​വി​ശ്യാ കോ-​ഓ​ർ​ഡി​നേ​റ്റ​ർ ജി.​യു. വ​ർ​ഗീ​സ് (ജ​ന​റ​ൽ ക​ൺ​വീ​ന​ർ) എ​ന്നി​വ​രു​ടെ നേ​തൃ​ത്വ​ത്തി​ൽ വി​വി​ധ ക​മ്മി​റ്റി​ക​ൾ പ്ര​വ​ർ​ത്തി​ച്ചു​വ​രു​ന്നു.

കോട്ടയം പ്രവിശ്യാ ടാലന്‍റ് ഫെസ്റ്റ് നാളെ കാഞ്ഞിരപ്പള്ളി സെന്‍റ് മേരീസിൽ

കാ​ഞ്ഞി​ര​പ്പ​ള്ളി: ഡി​സി​എ​ൽ കോ​ട്ട​യം പ്ര​വി​ശ്യാ ടാ​ല​ന്‍റ് നാ​ളെ കാ​ഞ്ഞി​ര​പ്പ​ള്ളി സെ​ന്‍റ് മേ​രീ​സ് ഗേ​ൾ​സ് ഹൈ​സ്കൂ​ളി​ൽ ന​ട​ക്കും. കാ​ഞ്ഞി​ര​പ്പ​ള്ളി, എ​രു​മേ​ലി, മ​ണി​മ​ല, ച​ങ്ങ​നാ​ശേ​രി, അ​രു​വി​ത്തു​റ, പാ​ലാ എ​ന്നീ മേ​ഖ​ല​ക​ളി​ൽ ന​ട​ത്തി​യ ടാ​ല​ന്‍റ്ഫെ​സ്റ്റി​ൽ വി​ജ​യി​ക​ളാ​യ കു​ട്ടി​ക​ളാ​ണ് പ്ര​വി​ശ്യാ മ​ത്സ​ര​ത്തി​ൽ പ​ങ്കെ​ടു​ക്കു​ന്ന​ത്.

രാ​വി​ലെ 9.30-ന് ​ പ്ര​വി​ശ്യാ കോ-​ഓ​ർ​ഡി​നേ​റ്റ​ർ വ​ർ​ഗീ​സ് കൊ​ച്ചു​കു​ന്നേ​ൽ അ​ധ്യ​ക്ഷ​ത വ​ഹി​ക്കു​ന്ന സ​മ്മേ​ള​ന​ത്തി​ൽ സെ​ന്‍റ് മേ​രി​സ് ഗേ​ൾ​സ് ഹൈ​സ്കൂ​ൾ ഹെ​ഡ്മി​സ്ട്ര​സ് നി​സാ​മോ​ൾ ജോ​ൺ മ​ത്സ​ര​ങ്ങ​ൾ ഉ​ദ്ഘാ​ട​നം​ചെ​യ്യും.

ഉ​ച്ച​ക​ഴി​ഞ്ഞു ന​ട​ക്കു​ന്ന സ​മാ​പ​ന​സ​മ്മേ​ള​ന​ത്തി​ൽ വി​ജ​യി​ക​ൾ​ക്ക് ട്രോ​ഫി​ക​ളും സ​ർ​ട്ടി​ഫി​ക്ക​റ്റു​ക​ളും വി​ത​ര​ണം ചെ​യ്യും.

മ​ത്സ​ര​ങ്ങ​ൾ​ക്ക് ഡി​സി​എ​ൽ നാ​ഷ​ണ​ൽ കോ-​ഓ​ർ​ഡി​നേ​റ്റ​ർ വ​ർ​ഗീ​സ് കൊ​ച്ചു​കു​ന്നേ​ൽ, മേ​ഖ​ലാ ഓ​ർ​ഗ​നൈ​സ​ർ​മാ​രാ​യ ജോ​ഷി കൊ​ല്ലാ​പു​രം, ബാ​ബു ടി. ​ജോ​ൺ, വി.​ടി. ജോ​സ​ഫ്. ജെ​യ്സ​ൺ ജോ​സ​ഫ്, ജോ​സ​ഫ് ആ​ന്‍റ​ണി, ശാഖാ ഡയറക്ടർമാർ തു​ട​ങ്ങി​യ​വ​ർ നേ​തൃ​ത്വം ന​ൽ​കും.

പി.​റ്റി തോ​മ​സ് പൈ​നാ​ൽ സ്മാ​ര​ക പ്ര​ഭാ​ഷ​ണം

മൂ​ല​മ​റ്റം: ഡി​സി​എ​ൽ പ്ര​വി​ശ്യാ കോ-​ഓ​ർ​ഡി​നേ​റ്റ​റാ​യി​രു​ന്ന പി.​റ്റി. തോ​മ​സ് പൈ​നാ​ലി​ന്‍റെ സ്മ​ര​ണ​യ്ക്കാ​യി സെ​ൻ​റ് ജോ​ർ​ജ് യു.​പി സ്കൂ​ളി​ൽ ഡി ​സി എ​ൽ തൊ​ടു​പു​ഴ പ്ര​വി​ശ്യ​യു​ടെ ആ​ഭി​മു​ഖ്യ​ത്തി​ൽ ന​ട​ത്തി​യ മൂ​ന്നാ​മ​ത് പി.​റ്റി തോ​മ​സ് പൈ​നാ​ൽ സ്മാ​ര​ക പ്ര​ഭാ​ഷ​ണം കൊ​ച്ചേ​ട്ട​ൻ ഫാ : ​റോ​യി ക​ണ്ണ​ൻ​ചി​റ ഉ​ദ്ഘാ​ട​നം ചെ​യ്തു . പ്ര​വി​ശ്യാ കോ - ​ഓ​ർ​ഡി​നേ​റ്റ​ർ റോ​യ് ജെ ​ക​ല്ല​റ​ങ്ങാ​ട്ട് അ​ധ്യ​ക്ഷ​ത വ​ഹി​ച്ചു . ഹെ​ഡ്മി​സ്ട്ര​സ് സി​സ്റ്റ​ർ ഗ്രെ​യി​സ് തെ​ങ്ങ​നാ​കു​ന്നേ​ൽ എ​സ് എ​ച്ച് , ശാ​ഖാ ഡ​യ​റ​ക്ട​ർ​മാ​രാ​യ അ​നു എ​ബ്ര​ഹാം , ജി​നു സെ​ബാ​സ്റ്റ്യ​ൻ എ​ന്നി​വ​ർ പ്ര​സം​ഗി​ച്ചു..