സുപ്രീം കോടതിയിൽ വീണ്ടും ഭിന്നത
Friday, February 23, 2018 1:03 AM IST
ന്യൂ​ഡ​ൽ​ഹി: സു​പ്രീംകോ​ട​തി​യി​ലെ ഭി​ന്ന​ത വീ​ണ്ടും മ​റ​നീ​ക്കി പു​റ​ത്ത്. മൂ​ന്നം​ഗ ബെ​ഞ്ച് പു​റ​പ്പെ​ടു​വി​ച്ച ഉ​ത്ത​ര​വ് മ​റ്റൊ​രു മൂ​ന്നം​ഗ ബെ​ഞ്ച് സ്റ്റേ ​ചെ​യ്ത​തോ​ടെ​യാ​ണ് ജ​ഡ്ജി​മാ​ർ​ക്കി​ട​യി​ലെ ഭി​ന്ന​ത വീ​ണ്ടും മ​റ​നീ​ക്കി​യ​ത്. ജ​സ്റ്റീ​സ് അ​രു​ണ്‍ മി​ശ്ര​യു​ടെ അ​ധ്യ​ക്ഷ​ത​യി​ലു​ള്ള ബെ​ഞ്ച് പു​റ​പ്പെ​ടു​വി​ച്ച ഉ​ത്ത​ര​വ് ജസ്റ്റിസുമാരായ മ​ദ​ൻ ബി. ​ലോ​കു​ർ, കു​ര്യ​ൻ ജോ​സ​ഫ്, ദീ​പ​ക് ഗു​പ്ത എ​ന്നി​വ​രു​ടെ ബെ​ഞ്ചാ​ണ് സ്റ്റേ ​ചെ​യ്ത​ത്.

ജ​സ്റ്റീ​സ് അ​രു​ണ്‍ മി​ശ്ര അ​ധ്യ​ക്ഷ​നാ​യ ബെ​ഞ്ചി​ന്‍റെ ന​ട​പ​ടി ജു​ഡീ​ഷ​ൽ അ​ച്ച​ട​ക്ക​ത്തി​നെതിരാ ണെന്നു ജ​സ്റ്റീ​സ് മ​ദ​ൻ ബി. ​ലോ​കു​ർ വി​മ​ർ​ശി​ച്ച​പ്പോ​ൾ, ഇ​ത്ത​രം ക​ല​ഹ​ങ്ങ​ൾ​ക്ക് ഈ ​സ്ഥാ​പ​നം വി​ല ന​ൽ​കേ​ണ്ടി വ​രു​മെ​ന്ന് ജ​സ്റ്റീ​സ് കു​ര്യ​ൻ ജോ​സ​ഫും ചൂ​ണ്ടി​ക്കാ​ട്ടി.

ഭൂ​മി ഏ​റ്റെ​ടു​ക്ക​ൽ നി​യ​മ​വു​മാ​യി ബ​ന്ധ​പ്പെ​ട്ട് 2014ൽ ​മു​ൻ ചീ​ഫ് ജ​സ്റ്റീ​സ് ആ​ർ.​എം. ലോ​ധ അ​ധ്യ​ക്ഷ​നാ​യ മൂ​ന്നം​ഗ ബെ​ഞ്ച് പു​റ​പ്പെ​ടു​വി​ച്ച ഭൂ​രി​പ​ക്ഷ വി​ധി​യി​ൽ ജ​സ്റ്റീ​സ് അ​രു​ണ്‍ മി​ശ്ര അ​ധ്യ​ക്ഷ​നാ​യ മൂ​ന്നം​ഗ ബെ​ഞ്ച് ഇ​ട​പെ​ട്ട​താ​ണ് പ്ര​കോ​പ​ന​ത്തി​നി​ട​യാ​ക്കി​യ​ത്. മ​തി​യാ​യ ന​ഷ്ട​പ​രി​ഹാ​രം അ​ഞ്ച് വ​ർ​ഷ​ത്തി​നി​ടെ ല​ഭി​ച്ചി​ല്ലെ​ങ്കി​ൽ ഭൂ​മി ഏ​റ്റെ​ടു​ത്ത​ത് റ​ദ്ദാ​ക്കാ​നാ​കു​മെ​ന്ന കോ​ട​തി​യു​ടെ മു​ൻ ഭൂ​രി​പ​ക്ഷ ഉ​ത്ത​ര​വ് നി​യ​മ പ്ര​കാ​രം നി​ല​നി​ൽ​ക്കി​ല്ലെ​ന്നു ജ​സ്റ്റീ​സ് അ​രു​ണ്‍ മി​ശ്ര അ​ധ്യ​ക്ഷ​നാ​യ ബെ​ഞ്ച് ഫെ​ബ്രു​വ​രി എ​ട്ടി​ന് ഉ​ത്ത​ര​വി​ട്ടി​രു​ന്നു. ഇ​താ​ണ് ആ​ർ.​എം. ലോ​ധ ബെ​ഞ്ചി​ലു​ണ്ടാ​യി​രു​ന്ന ജ​സ്റ്റീ​സു​മാ​രാ​യ മ​ദ​ൻ ബി. ​ലോ​കു​റും കു​ര്യ​ൻ ജോ​സ​ഫും ചോ​ദ്യം ചെ​യ്ത​ത്.

മൂ​ന്നം​ഗ ബെ​ഞ്ചി​ന്‍റെ ഉ​ത്ത​ര​വു​ക​ൾ​ക്കെ​തി​രേ​യു​ള്ള ഹ​ർ​ജി​ക​ൾ ഉ​യ​ർ​ന്ന ബെ​ഞ്ചു​ക​ൾ​ക്കു പ​രി​ഗ​ണ​ന​യ്ക്കു വി​ടു​ക​യാ​ണ് സാ​ധാ​ര​ണ ചെ​യ്യാ​റു​ള്ള​ത്. അ​ത​ല്ലെ​ങ്കി​ൽ ബ​ന്ധ​പ്പെ​ട്ട ജ​ഡ്ജി ചു​മ​ത​ല​യി​ലു​ണ്ടെ​ങ്കി​ൽ അ​ദ്ദേ​ഹം കൂ​ടി ഉ​ൾ​പ്പെ​ട്ട ബെ​ഞ്ചി​ന്‍റെ പ​രി​ഗ​ണ​ന​യ്ക്കു വി​ടും.

ഇ​തു​ണ്ടാ​കാ​തെ സു​പ്രീംകോ​ട​തി​യു​ടെ മു​ൻ ഉ​ത്ത​ര​വിൽ സ​മാ​ന​മാ​യ ബെ​ഞ്ച് ഉ​ത്ത​ര​വ് പു​റ​പ്പെ​ടു​വി​ച്ച​ത് ജു​ഡീ​ഷറി​യു​ടെ അ​ച്ച​ട​ക്ക​ത്തി​നു ചേ​ർ​ന്ന​ത​ല്ലെ​ന്നും ജ​സ്റ്റീ​സ് മ​ദ​ൻ ബി. ​ലോ​കു​ർ അ​ധ്യ​ക്ഷ​നാ​യ ബെ​ഞ്ച് ചൂ​ണ്ടി​ക്കാ​ട്ടി. ഇ​തേത്തു​ട​ർ​ന്ന് ഭൂ​മി ഏ​റ്റെ​ടു​ക്ക​ലു​മാ​യി ബ​ന്ധ​പ്പെ​ട്ടു​ള്ള ഹ​ർ​ജി​ക​ൾ ഉ​യ​ർ​ന്ന ബെ​ഞ്ചി​ന്‍റെ പ​രി​ഗ​ണ​ന​യ്ക്കു വി​ടാ​ൻ ഉ​ത്ത​ര​വി​ട്ട കോ​ട​തി, ഹൈ​ക്കോ​ട​തി​ക​ളി​ലു​ള്ള സ​മാ​ന​മാ​യ എ​ല്ലാ കേ​സു​ക​ളും വി​ളി​ച്ചു വ​രു​ത്തി ഈ ​ബെ​ഞ്ചി​നെ ഏ​ൽ​പ്പി​ക്കാ​നും കോ​ട​തി ര​ജി​സ്ട്രാ​ർ ജ​ന​റ​ലി​നോ​ടു നി​ർ​ദേ​ശി​ച്ചു. ഇ​തേത്തു​ട​ർ​ന്ന് വി​ഷ​യം ഇ​ന്ന​ലെ ചീ​ഫ് ജ​സ്റ്റീ​സ് ദീ​പ​ക് മി​ശ്ര​യു​ടെ പ​രി​ഗ​ണ​ന​യ്ക്കു വി​ട്ടു.


ഉ​ത്ത​ര​വു​ക​ളി​ലും തീ​ർ​പ്പു​ക​ളി​ലും വി​യോ​ജി​പ്പു​ണ്ടെ​ങ്കി​ൽ അ​ത് ഉ​യ​ർ​ന്ന ബെ​ഞ്ചി​നു വി​ടു​ക​യാ​ണ് വേ​ണ്ട​ത്. അ​ല്ലാ​തെ​യു​ള്ള ന​ട​പ​ടി​ക​ൾ ജു​ഡീ​ഷൽ അ​ച്ച​ട​ക്ക​ത്തി​നും ജു​ഡീ​ഷ​ൽ മ​ര്യാ​ദ​യ്ക്കും യോ​ജി​പ്പി​നും ചേ​ർ​ന്ന​ത​ല്ല. ഉ​ത്ത​ര​വു​ക​ളി​ൽ പി​ഴ​വു​ക​ളു​ണ്ടെ​ങ്കി​ൽ തി​രു​ത്തു​ന്ന​ത് സാ​ധാ​ര​ണ​മാ​ണ്. എ​ന്നാ​ൽ, മു​ൻ ഉ​ത്ത​ര​വ് ശ​രി​യ​ല്ലെ​ന്നു സ​മാ​ന​മാ​യ ബെ​ഞ്ചി​നു പ​റ​യാ​നാ​വി​ല്ല. ഇ​ത്ത​രം സം​വി​ധാ​ന​ങ്ങ​ളി​ൽ ഉ​ൾ​പ്പെ​ട്ടി​രി​ക്കു​ന്പോ​ൾ അ​ധി​കാ​ര ശ്രേ​ണി എ​ങ്ങ​നെ​യെ​ന്നു പ​രി​ഗ​ണി​ക്കേ​ണ്ട​തു​ണ്ടെ​ന്നും ജ​സ്റ്റീ​സ് ലോ​കു​ർ ചൂ​ണ്ടി​ക്കാ​ട്ടി.

ജു​ഡീ​ഷൽ അ​ച്ച​ട​ക്ക​ത്തി​ൽ ക​ല​ഹ​മു​ണ്ടാ​കു​ന്ന​ത് വ​ലി​യ ആ​ശ​ങ്ക​യു​ണ്ടാ​ക്കു​ന്ന​തെ​ന്നു ചൂ​ണ്ടി​ക്കാ​ട്ടി​യ ജ​സ്റ്റീ​സ് കു​ര്യ​ൻ ജോ​സ​ഫ്, അ​തു തു​ട​ർ​ന്നാ​ൽ വ​ലി​യ വി​ല കൊ​ടു​ക്കേ​ണ്ടി വ​രു​മെ​ന്നും അ​ഭി​പ്രാ​യ​പ്പെ​ട്ടു.
ചു​മ​ത​ല​ക​ൾ വീ​തി​ച്ചു ന​ൽ​കു​ന്ന​തി​ലും സീ​നി​യോ​രി​റ്റി മ​റി​ക​ട​ക്കു​ന്ന​തി​ലു​മു​ള്ള അ​തൃ​പ്തി വ്യ​ക്ത​മാ​ക്കി നാ​ല് മു​തി​ർ​ന്ന ജ​ഡ്ജി​മാ​ർ പ​ത്ര​സ​മ്മേ​ള​നം ന​ട​ത്തി​യ​തി​നു പി​ന്നാ​ലെ​യാ​ണു വീ​ണ്ടും ഭി​ന്ന​ത മ​റ​നീ​ക്കി പു​റ​ത്തു​വ​ന്നി​രി​ക്കു​ന്ന​ത്. അ​ന്ന് പ​ത്ര​സ​മ്മേ​ള​ന​ത്തി​ൽ പ​ങ്കെ​ടു​ത്ത ജ​സ്റ്റീ​സു​മാ​രാ​യ ജെ. ​ചെ​ല​മേ​ശ്വ​ർ, ര​ഞ്ജ​ൻ ഗൊ​ഗോ​യി എ​ന്നി​വ​ർ​ക്കൊ​പ്പം ജ​സ്റ്റീ​സു​മാ​രാ​യ മ​ദ​ൻ ലോ​കു​റും കു​ര്യ​ൻ ജോ​സ​ഫും ഉ​ണ്ടാ​യി​രു​ന്നു. ഇ​തി​നു ശേ​ഷം വി​ഷ​യാ​ടി​സ്ഥാ​ന​ത്തി​ൽ കേ​സു​ക​ൾ വീ​തി​ച്ചു ന​ൽ​കി​യി​രു​ന്നെ​ങ്കി​ലും ജ​ഡ്ജി​മാ​ർ​ക്കി​ട​യി​ലു​ള്ള ആ​ഭ്യ​ന്ത​ര പ്ര​ശ്ന​ങ്ങ​ൾ രൂ​ക്ഷ​മാ​യി തു​ട​രു​ക​യാ​ണെ​ന്നും ഈ ​സം​ഭ​വം സൂ​ചി​പ്പി​ക്കു​ന്നു.

ജി​ജി ലൂ​ക്കോ​സ്
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.