രൂപ, ഓഹരി ഇടിഞ്ഞു ; പെട്രോളിനു കൂട്ടി
Wednesday, September 12, 2018 2:15 AM IST
മും​ബൈ: റി​സ​ർ​വ് ബാ​ങ്ക് ഡോ​ള​ർ വി​റ്റ​ഴി​ച്ചെ​ങ്കി​ലും ഇന്നലെ രൂ​പ​യു​ടെ താ​ഴ്ച ത​ട​യാ​നാ​യി​ല്ല. ഒ​പ്പം ഓ​ഹ​രിവി​പ​ണി​യും ഇ​ടി​ഞ്ഞു. ഇ​വ​യ്ക്കി​ട​യി​ലും ഇ​ന്ധ​ന​വി​ല ഉ​യ​ർ​ത്തി എ​ണ്ണക്ക​ന്പ​നി​ക​ൾ. മ​ഹാ​രാ​ഷ്‌​ട്ര​യി​ലെ പ​ർ​ദാ​നി​യി​ൽ ഒ​രു ലി​റ്റ​ർ പെ​ട്രോ​ളി​ന് 90.11 രൂ​പ​യി​ലെ​ത്തി. കേ​ര​ള​ത്തി​ൽ പെ​ട്രോ​ളി​നു പ​തി​ന്നാ​ലും ഡീ​സ​ലി​നു പ​തി​ന​ഞ്ചും പൈ​സ കൂ​ട്ടി.

രൂ​പ​യെ താ​ങ്ങി നി​ർ​ത്താ​നു​ള്ള ശ്ര​മ​ങ്ങ​ൾ വി​ജ​യി​ക്കു​ന്നി​ല്ലെ​ന്നു ക​ണ്ട​തോ​ടെ​യാ​ണ് ഇ​ന്ത്യ​ൻ ഓ​ഹ​രി വി​പ​ണി​ക​ൾ ഇ​ന്ന​ലെ കു​ത്ത​നെ ഇ​ടി​ഞ്ഞ​ത്. സെ​ൻ​സെ​ക്സ് 509.04 പോ​യി​ന്‍റ് താ​ണ് 37,413.13-ൽ ​ക്ലോ​സ് ചെ​യ്തു. നി​ഫ്റ്റി 150.6 പോ​യി​ന്‍റ് ഇ​ടി​ഞ്ഞ് 11,287.5-ൽ ​എ​ത്തി. ആ​റു​മാ​സ​ത്തി​നി​ട​യി​ലെ ഏ​റ്റ​വും വ​ലി​യ ഇ​ടി​വാ​ണു സെ​ൻ​സെ​ക്സി​ന് ഉ​ണ്ടാ​യ​ത്.

ര​ണ്ടു ദി​വ​സം കൊ​ണ്ടു രാ​ജ്യ​ത്തെ ഓ​ഹ​രി നി​ക്ഷേ​പക​ർ​ക്കു​ണ്ടാ​യ ന​ഷ്‌​ടം നാ​ലു​ല​ക്ഷം കോ​ടി രൂ​പ വ​രും. വി​പ​ണി മൂ​ല്യ​ത്തി​ന്‍റെ ര​ണ്ട​ര ശ​ത​മാ​നം വ​രു​ന്ന തു​ക.രൂ​പ​യു​ടെ ത​ക​ർ​ച്ച​യാ​ണ് ഓ​ഹ​രി ക​ന്പോ​ള​ത്തെ ഉ​ല​യ്ക്കു​ന്ന​ത്. രൂ​പ 72 രൂ​പ മ​റി​ക​ട​ക്കി​ല്ലെ​ന്ന ക​ണ​ക്കു കൂ​ട്ട​ലു​ക​ൾ തെ​റ്റി. ഇ​പ്പോ​ൾ 73.5 രൂ​പ​വ​രെ എ​ത്തു​മെ​ന്നാ​ണു സം​സാ​രം.

ഇ​ന്ന​ലെ രാ​വി​ലെ രൂ​പ ക​രു​ത്തോ​ടെ​യാ​ണു തു​ട​ങ്ങി​യ​ത്. ത​ലേ​ന്ന് 72.45 രൂ​പ​യാ​യി​രു​ന്ന ഡോ​ള​ർ 72.25 രൂ​പ വ​രെ താ​ണു. റി​സ​ർ​വ് ബാ​ങ്കി​നോ​ടു കാ​ര്യ​മാ​യി ഇ​ട​പെ​ടാ​ൻ ഗ​വ​ൺ​മെ​ന്‍റ് ആ​വ​ശ്യ​പ്പെ​ട്ടെ​ന്ന റി​പ്പോ​ർ​ട്ടു​ക​ളും വ​ന്നു. പ​ക്ഷേ ഉ​ച്ച​യോ​ടെ കാ​ര്യം മാ​റി. ഡോ​ള​ർ 72.5 നു ​മു​ക​ളി​ലാ​യി. ഒ​ര​വ​സ​ര​ത്തി​ൽ 72.74 വ​രെ ഡോ​ള​ർ എ​ത്തി. അ​വ​സാ​നം 72.69 രൂ​പ​യി​ൽ ക്ലോ​സ് ചെ​യ്തു. ത​ലേ​ന്ന​ത്തേ​ക്കാ​ൾ 24 പൈ​സ (0.33 ശ​ത​മാ​നം) കൂ​ടു​ത​ൽ.


വി​ദേ​ശ നി​ക്ഷേ​പ​ക​ർ ഇ​ന്ത്യ​യി​ൽ നി​ന്നു പ​ണം പി​ൻ​വ​ലി​ക്കു​ന്ന​തി​ന്‍റെ തോ​ത് കൂ​ടി​യ​തും രൂ​പ​യ്ക്ക് ആ​ഘാ​ത​മാ​യി. തി​ങ്ക​ളാ​ഴ്ച​യും ഇ​ന്ന​ലെ​യു​മാ​യി 2300 കോ​ടി രൂ​പ​യാ​ണു വി​ദേ​ശി​ക​ൾ പി​ൻ​വ​ലി​ച്ച​ത്.

ഇ​തി​നി​ടെ പ​ലി​ശ നി​ര​ക്ക് കൂ​ടു​മെ​ന്ന അ​ഭ്യൂ​ഹം ശ​ക്ത​മാ​യി​ട്ടു​ണ്ട്. ഒ​ക്‌​ടോ​ബ​ർ നാ​ലി​നാ​ണു റി​സ​ർ​വ് ബാ​ങ്കി​ന്‍റെ പ​ണ​ന​യ ക​മ്മി​റ്റി ഇ​നി തീ​രു​മാ​നം എ​ടു​ക്കേ​ണ്ട​ത്. പ്ര​ത്യേ​ക സാ​ഹ​ച​ര്യ​ത്തി​ൽ ക​മ്മി​റ്റി യോ​ഗം നേ​ര​ത്തെ ആ​ക്കു​മോ എ​ന്നു ചി​ല​ർ സം​ശ​യി​ക്കു​ന്നു.

പ​ലി​ശ കൂ​ടും എ​ന്ന ക​ണ​ക്കു​കൂ​ട്ട​ലി​ൽ ക​ട​പ്പ​ത്ര വ്യാ​പാ​രി​ക​ൾ ക​ട​പ്പ​ത്ര വി​ല താ​ഴ്ത്തി. ഇ​ന്ന​ലെ 10 വ​ർ​ഷ സ​ർ​ക്കാ​ർ ക​ട​പ്പ​ത്ര​ത്തി​ന് 8.18 ശ​ത​മാ​നം ആ​ദാ​യം കി​ട്ട​ത്ത​ക്ക​വി​ധം വി​ല താ​ഴ്ന്നു.
തു​ട​ർ​ച്ച​യാ​യ 43-ാം ദി​വ​സ​വും പെ​ട്രോ​ൾ, ഡീ​സ​ൽ വി​ല ഉ​യ​ർ​ന്ന​തോ​ടെ ഡ​ൽ​ഹി​യി​ൽ പെ​ട്രോ​ൾ 80.87 രൂ​പ​യും ഡീ​സ​ൽ 72.97 രൂ​പ​യു​മാ​യി. മും​ബൈ​യി​ൽ പെ​ട്രോ​ളി​ന് 88.26 -ഉം ​ഡീ​സ​ലി​ന് 77.47 -ഉം ​രൂ​പ​യാ​ണ്.

ക്രൂഡ് ഓയിലിന് 78.5 ഡോളർ

രാ​ജ്യ​ത്ത് ഇ​ന്ധ​ന​വി​ല വീ​ണ്ടും കൂ​ടു​മെ​ന്ന മു​ന്ന​റി​യി​പ്പു​മാ​യി വി​ദേ​ശ​ത്തു ക്രൂ​ഡ് വി​ല കു​തി​ച്ചു. ബ്രെ​ന്‍റ് ഇ​നം ക്രൂ​ഡ് ഓ​യി​ൽ വീ​പ്പ​യ്ക്ക് ഇ​ന്ന​ലെ ഉ​ച്ച​യോ​ടെ 78.5 ഡോ​ള​ർ ആ​യി. ഇ​റാ​നി​ൽനി​ന്നു​ള്ള ക്രൂ​ഡ് ഓ​യി​ലും അ​മേ​രി​ക്ക​യി​ൽ നി​ന്നു​ള്ള ഷെ​യ്ൽ ഓ​യി​ലും കു​റ​യു​മെ​ന്ന സൂ​ച​ന​യെത്തുട​ർ​ന്നാ​ണി​ത്.
Loading...
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Loading...