National News
130 കോടി ജനങ്ങളോടു മോദി സർക്കാർ യുദ്ധം ചെയ്യുന്നു: രാഹുൽ
130 കോടി ജനങ്ങളോടു മോദി സർക്കാർ യുദ്ധം ചെയ്യുന്നു: രാഹുൽ
Saturday, October 6, 2018 1:17 AM IST
ന്യൂ​ഡ​ൽ​ഹി: ഇ​ന്ത്യ​യി​ലെ 130 കോ​ടി ജ​ന​ങ്ങ​ളോ​ടു ന​രേ​ന്ദ്ര മോ​ദി സ​ർ​ക്കാ​ർ യു​ദ്ധം ചെ​യ്യു​ക​യാ​ണെ​ന്ന് കോ​ണ്‍ഗ്ര​സ് അ​ധ്യ​ക്ഷ​ൻ രാ​ഹു​ൽ ഗാ​ന്ധി. 130 കോ​ടി ജ​ന​ങ്ങ​ളി​ലേ​ക്ക് ശ്വാ​സം​മു​ട്ടി​ക്കു​ന്ന അ​വ​രു​ടെ ആ​ശ​യം അ​ടി​ച്ചേ​ൽ​പ്പി​ക്കാ​നാ​ണ് ആ ​യു​ദ്ധ​മെ​ന്ന് അ​ദ്ദേ​ഹം പ​റ​ഞ്ഞു. സ​ഖ്യക​ക്ഷി​ക​ൾ ആ​വ​ശ്യ​പ്പെ​ട്ടാ​ൽ പ്ര​ധാ​ന​മ​ന്ത്രി​യാ​കാ​ൻ താ​ൻ ത​യാ​റാ​ണെ​ന്നും അ​ദ്ദേ​ഹം വ്യ​ക്ത​മാ​ക്കി.
സ​ർ​ക്കാ​രി​നെ എ​തി​ർ​ക്കു​ന്ന ഗൗ​രി ല​ങ്കേ​ഷി​നെ പോ​ലു​ള്ള മാ​ധ്യ​മ പ്ര​വ​ർ​ത്ത​ക​ർ കൊ​ല്ല​പ്പെ​ടു​ന്നു. പ്ര​ധാ​ന​മ​ന്ത്രി​യെ വി​മ​ർ​ശി​ക്കു​ന്ന മാ​ധ്യ​മ പ്ര​വ​ർ​ത്ത​ക​ർ ജോ​ലി​യി​ൽനി​ന്നു പു​റ​ത്താ​ക്ക​പ്പെ​ടു​ന്നു. ഹി​ന്ദു​സ്ഥാ​ൻ ടൈം​സി​ന്‍റെ ലീ​ഡ​ർ​ഷി​പ്പ് ഉ​ച്ച​കോ​ടി​യി​ൽ സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം.

ഇ​ന്ത്യ​യു​ടെ ചി​ന്താ​രീ​തി​ക​ളെ മ​ലി​ന​പ്പെ​ടു​ത്തു​ക​യും മോ​ശ​മാ​ക്കു​ക​യും ചെ​യ്യു​ന്ന കാ​ര്യ​ങ്ങ​ളാ​ണ് ഇ​ന്നു ന​ട​ക്കു​ന്ന​ത്. ആ​യി​ര​ക്ക​ണ​ക്കി​നു ക​ർ​ഷ​ക​ർ ആ​ത്മ​ഹ​ത്യ ചെ​യ്യു​ന്നു. സ​ന്പ​ദ്ഘ​ട​ന ത​ക​ർ​ന്നു. രൂ​പ​യു​ടെ മൂ​ല്യം കൂ​പ്പു​കു​ത്തി. പെ​ട്രോ​ൾ വി​ല എ​ക്കാ​ല​ത്തെ​യും ഉ​യ​ര​ത്തി​ൽ. ഓ​ഹ​രി​വി​പ​ണി ത​ക​ർ​ച്ച നേ​രി​ടു​ന്നു. 12 ല​ക്ഷം കോ​ടി രൂ​പ​യു​ടെ കി​ട്ടാ​ക്ക​ട​ങ്ങ​ളും ബാ​ങ്കിം​ഗ് മേ​ഖ​ല​യി​ലെ ത​ക​രാ​റു​ക​ളും ഞെ​രു​ക്ക​മു​ണ്ടാ​ക്കു​ന്നു.

തൊ​ഴി​ലി​ല്ലാ​യ്മ 20 വ​ർ​ഷ​ത്തി​നി​ടയി​ലെ ഏ​റ്റ​വും ഉ​യ​ര​ത്തി​ലാ​ണ്. തൊ​ഴി​ലി​ല്ലാ​യ്മ പെ​രു​കു​ന്ന​ത് രാ​ജ്യ​ത്ത് അ​സം​തൃ​പ്തി​ക്കു കാ​ര​ണ​മാ​കു​ന്നു. ജി​എ​സ്ടി​യും നോ​ട്ട് നി​രോ​ധ​ന​വും അ​സം​ഘ​ടി​ത മേ​ഖ​ല​യെ ത​ക​ർ​ത്തു. ചെ​റു​കി​ട വ്യാ​പാ​രി​ക​ൾ ക​ടു​ത്ത പ്ര​തി​സ​ന്ധി​യി​ലാ​യി.


എ​ല്ലാ വി​ഷ​യ​ങ്ങ​ളി​ലും ന​രേ​ന്ദ്ര മോ​ദി സ​ർ​ക്കാ​ർ ക​ടു​ത്ത ഏ​കാ​ധി​പ​ത്യ നി​ല​പാ​ടാ​ണ് സ്വീ​ക​രി​ക്കു​ന്ന​ത്. ച​ർ​ച്ച​ക​ൾ ന​ട​ത്താ​നു​ള്ള എ​ല്ലാ അ​വ​സ​ര​ങ്ങ​ളി​ൽനി​ന്നും അ​വ​ർ അ​ക​ന്നു​നി​ൽ​ക്കു​ക​യാ​ണ്. ജ​ന​ങ്ങ​ളു​മാ​യി സം​വാ​ദം ന​ട​ത്താ​തെ രാ​ജ്യ​ത്തി​നു മു​ന്നോ​ട്ടു പോ​കാ​നാ​വി​ല്ല. ത​ങ്ങ​ളും ബി​ജെ​പി​യും ത​മ്മി​ലു​ള്ള വ്യ​ത്യാ​സം ത​ങ്ങ​ൾ ജ​ന​ങ്ങ​ളി​ൽ വി​ശ്വ​സി​ക്കു​ന്നു എ​ന്ന​താ​ണെ​ന്നും രാ​ഹു​ൽ പ​റ​ഞ്ഞു.

രാ​ജ്യ​ത്തെ​ക്കു​റി​ച്ചും ന​മ്മു​ടെ ജ​ന​ങ്ങ​ളു​ടെ സ്വ​പ്ന​ങ്ങ​ളെ​ക്കു​റി​ച്ചും അ​റി​യു​ന്ന​വ​ർ അ​വ​ർ മാ​ത്ര​മാ​ണെ​ന്നാ​ണ് അ​വ​ർ വി​ശ്വ​സി​ക്കു​ന്ന​ത്. ബ​ഹു​സ്വ​ര​ത​യി​ല്ലെ​ങ്കി​ൽ ഇ​ന്ത്യ​യെ ഒ​രു രാ​ജ്യ​മാ​ണെ​ന്ന് എ​ങ്ങ​നെ പ​റ​യാ​ൻ ക​ഴി​യും.

താ​ൻ ക്ഷേ​ത്ര​ങ്ങ​ൾ സ​ന്ദ​ർ​ശ​നം ന​ട​ത്തു​ന്ന​തി​ൽ എ​ന്തു​കൊ​ണ്ടാ​ണു ബി​ജെ​പി​ക്കാ​ർ വി​റ​ളി പി​ടി​ക്കു​ന്ന​തെ​ന്നു മ​ന​സി​ലാ​കു​ന്നി​ല്ല. ഒ​രു ക്ഷേ​ത്ര​ത്തി​ലോ ക്രി​സ്ത്യ​ൻ പ​ള്ളി​യി​ലോ ഗു​രു​ദ്വാ​ര​യി​ലോ പോ​കു​ന്പോ​ൾ ബി​ജെ​പി​ക്കാ​ർ എ​തി​ർ​ക്കു​ന്ന​ത് എ​ന്തി​നാ​ണെ​ന്നു വ്യ​ക്ത​മാ​കു​ന്നി​ല്ല.
മ​ധ്യ​പ്ര​ദേ​ശി​ലും രാ​ജ​സ്ഥാ​നി​ലും കോ​ണ്‍ഗ്ര​സു​മാ​യി സ​ഖ്യ​ത്തി​നി​ല്ലെ​ന്ന മാ​യാ​വ​തി​യു​ടെ നി​ല​പാ​ട് കോ​ണ്‍ഗ്ര​സ് അ​ധ്യ​ക്ഷ​ൻ ത​ള്ളി. മാ​യാ​വ​തി​യു​ടെ നി​ല​പാ​ട് കൊ​ണ്ട് ആ ​സം​സ്ഥാ​ന​ങ്ങ​ളി​ൽ ഒ​രു പ്ര​ത്യാ​ഘാ​ത​വും ഉ​ണ്ടാ​ക്കി​ല്ല.

എ​ന്നാ​ൽ, 2019-ലെ ​ലോ​ക്സ​ഭാ തെ​ര​ഞ്ഞെ​ടു​പ്പി​ൽ മാ​യാ​വ​തി​യു​മാ​യി സ​ഖ്യ​സാ​ധ്യ​ത​ക​ൾ പൂ​ർ​ണ​മാ​യും ത​ള്ളി​ക്ക​ള​ഞ്ഞി​ട്ടി​ല്ലെ​ന്നും അ​ദ്ദേ​ഹം സൂ​ചി​പ്പി​ച്ചു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.