National News
മാനനഷ്ടക്കേസുമായി അക്ബർ; നേരിടുമെന്നു വനിതകൾ
മാനനഷ്ടക്കേസുമായി അക്ബർ; നേരിടുമെന്നു വനിതകൾ
Tuesday, October 16, 2018 1:07 AM IST
ന്യൂ​ഡ​ൽ​ഹി: ത​നി​ക്കെ​തി​രേ ലൈം​ഗി​ക ആ​രോ​പ​ണം ഉ​ന്ന​യി​ച്ച മാ​ധ്യ​മ​പ്ര​വ​ർ​ത്ത​ക പ്രി​യ ര​മ​ണി​ക്കെ​തി​രേ കേ​ന്ദ്ര വി​ദേ​ശ​കാ​ര്യ സ​ഹ​മ​ന്ത്രി എം.​ജെ. അ​ക്ബ​ർ മാ​ന​ന​ഷ്ട​ത്തി​നു കേ​സ് ന​ൽ​കി. ഡ​ൽ​ഹി പ​ട്യാ​ല ഹൗ​സ് കോ​ട​തി​യി​ലാ​ണു പ​രാ​തി ന​ൽ​കി​യ​ത്. ആ​രോ​പ​ണ​ങ്ങ​ൾ അ​ടി​സ്ഥാ​ന​ര​ഹി​ത​മാ​ണെ​ന്നുചൂണ്ടി​ക്കാ​ട്ടി പ്ര​സ്താ​വ​ന ഇ​റ​ക്കി​യ​തി​നു പി​ന്നാ​ലെ​യാ​ണ് കേസ്. സ​മൂ​ഹമാ​ധ്യ​മ​ങ്ങ​ളി​ലൂ​ടെ ആ​രോ​പ​ണം ഉ​ന്ന​യി​ച്ച വ​നി​ത​ക​ൾ നി​യ​മ​ന​ട​പ​ടി​ക​ളി​ലേ​ക്കു നീ​ങ്ങു​ന്ന​തി​നു മു​ന്പേ അ​ക്ബ​ർ മാ​ന​ന​ഷ്ട​ക്കേ​സു​മാ​യി കോ​ട​തി​യെ സ​മീ​പി​ച്ച​തു വി​ഷ​യം കൂ​ടു​ത​ൽ സ​ങ്കീ​ർ​ണ​മാ​ക്കാ​ൻ ഇ​ട​യാ​ക്കും. നി​യ​മ​സ​ഭാ തെ​ര​ഞ്ഞെ​ടു​പ്പു​ക​ളും ലോ​ക്സ​ഭാ തെ​ര​ഞ്ഞെ​ടു​പ്പും അ​ടു​ത്തി​രി​ക്കേ ഇതു ബി​ജെ​പി​യെ കൂ​ടു​ത​ൽ പ്ര​തി​രോ​ധ​ത്തി​ലാ​ക്കി.

ത​നി​ക്കെ​തി​രേ പ്രി​യാ ര​മ​ണി ഉ​ന്ന​യി​ച്ചി​രി​ക്കു​ന്ന ആ​രോ​പ​ണ​ങ്ങ​ൾ ത​ന്നെ അ​പ​കീ​ർ​ത്തി​പ്പെ​ടു​ത്താ​ൻ മ​നഃ​പൂ​ർ​വം ഗൂ​ഢാ​ലോ​ച​ന ന​ട​ത്തി കെ​ട്ടി​ച്ച​മ​ച്ച​താ​ണെ​ന്നാ​ണ് കോ​ട​തി​യി​ൽ സ​മ​ർ​പ്പി​ച്ച പ​രാ​തി​യി​ൽ അ​ക്ബ​ർ പ​റ​യു​ന്നു. മാ​ന​ന​ഷ്ട​ത്തി​നു​ള്ള 499-ാം വ​കു​പ്പ് ര​ണ്ടു വ​ർ​ഷം വ​രെ ത​ട​വോ പി​ഴ​യോ ല​ഭി​ക്കാ​വു​ന്ന മ​റ്റു വ​കു​പ്പു​ക​ൾകൂ​ടി ചൂ​ണ്ടി​ക്കാ​ട്ടി​യാ​ണ് മ​ന്ത്രി​യു​ടെ പ​രാ​തി.

മു​ൻ​കൂ​ട്ടി നി​ശ്ച​യി​ച്ച​തു പ്ര​കാ​രം ത​നി​ക്കെ​തി​രാ​യ ആ​രോ​പ​ണ​ങ്ങ​ൾ പ​ര​ത്തി​യെ​ന്നും മ​ന്ത്രി​യു​ടെ പ​രാ​തി​യി​ൽ പ​റ​യു​ന്നു. ആ​രോ​പ​ണ​ങ്ങ​ൾ മ​ന്ത്രി​യെ​ന്ന നി​ല​യി​ലു​ള്ള ത​ന്‍റെ അ​ന്ത​സി​നെയും സ​മൂ​ഹ​ത്തി​ലും കു​ടും​ബ​ത്തി​ലും, സ​ഹ​പ്ര​വ​ർ​ത്ത​ക​ർ​ക്കും സു​ഹൃ​ത്തു​ക്ക​ൾ​ക്കും ഇ​ട​യി​ലു​ള്ള ത​ന്‍റെ വ്യ​ക്തി​ത്വ​ത്തെ​യും ദോഷ കരമായി ബാ​ധി​ച്ചു​വെ​ന്നും പ​രാ​തി​യി​ൽ പ​റ​യു​ന്നു​.

അ​തേ​സ​മ​യം, മ​ന്ത്രി​ക്കെ​തി​രാ​യ പ​രാ​തി​യി​ൽ ഉ​റ​ച്ചുനി​ൽ​ക്കു​ന്ന​താ​യി ആ​രോ​പ​ണ​ങ്ങ​ൾ ഉ​ന്ന​യി​ച്ച വ​നി​ത​ക​ളി​ൽ ചി​ല​ർ പ്ര​തി​ക​രി​ച്ചു. മാ​ന​ന​ഷ്ട​ക്കേ​സി​നെ പേ​ടി​ക്കു​ന്നി​ല്ലെ​ന്നും അ​ക്ബ​റി​നെ​തിരേ നി​യ​മ​ന​ട​പ​ടി സ്വീ​ക​രി​ക്കു​ന്ന​ത് പ​രി​ഗ​ണി​ക്കു​മെ​ന്നും ഇ​വ​ർ വ്യ​ക്ത​മാ​ക്കി.


താ​ൻ ഉ​ന്ന​യി​ച്ച ആ​രോ​പ​ണ​ങ്ങ​ൾ​ക്കു തെ​ളി​വു​ണ്ടെ​ന്ന് വി​ദേ​ശ മാ​ധ്യ​മ​പ്ര​വ​ർ​ത്ത​ക മ​ജി​ലി കാ​ന്പ് പ​റ​ഞ്ഞു. വേ​ണ്ടി​വ​ന്നാ​ൽ നി​യ​മ​ന​ട​പ​ടി സ്വീ​ക​രി​ക്കു​മെ​ന്നും അ​വ​ർ അ​റി​യി​ച്ചു. താ​ൻ ഇ​ന്ത്യ​ക്കാ​രി​യ​ല്ല. യാ​തൊ​രു രാ​ഷ്‌ട്രീയ അ​ജ​ൻ​ഡ​യു​മി​ല്ല. അ​ച്ഛ​ൻ ഈ ​സം​ഭ​വ​ത്തി​ന് ശേ​ഷം അ​ക്ബ​റി​ന് ഇ- ​മെ​യി​ലി​ൽ ക​ത്ത് അ​യ​ച്ചി​രു​ന്നു അ​തി​ന് അ​യാ​ൾ ത​ന്ന മ​റു​പ​ടി കൈ​വ​ശ​മു​ണ്ട്. ഇ​ത് തെ​ളി​വാ​ണ്. അ​ക്​ബ​റി​ന്‍റെ പ്ര​സ്താ​വ​ന​യി​ൽ നി​രാ​ശ​യു​ണ്ട്, എ​ന്നാ​ൽ അ​ദ്ഭുത​മി​ല്ല. ആ​രോ​പ​ണ​ങ്ങ​ളി​ൽ ഉ​റ​ച്ചു നി​ൽ​ക്കു​ന്നു മ​ജ്‌​ലി ഡി ​പീ കാ​ന്പ് പ​റ​ഞ്ഞു. ഏ​ഷ്യ​ൻ ഏ​ജി​ൽ ഇ​ന്‍റേ​ണ്‍ഷി​പ്പ് ചെ​യ്യു​ന്ന സ​മ​യ​ത്ത് അ​ക്ബ​ർ മോ​ശ​മാ​യി പെ​രു​മാ​റി​യെ​ന്നു മ​ജ​ലി ആ​രോ​പ​ണ​മു​ന്ന​യി​ച്ചി​രു​ന്നു.


ആരോപണം ഉന്നയിച്ചതു വലിയ നഷ്ടം മുന്നിൽക്കണ്ട്: പ്രിയ രമണി

വ്യ​ക്തിജീ​വി​ത​ത്തി​നും പ്രൊ​ഫ​ഷ​ണ​ൽ ജീ​വി​ത​ത്തി​നും വ​ലി​യ നഷ്ടം മുന്നിൽക്കണ്ടാണ് അ​ക്ബ​ർക്കെതിരേ ത​ങ്ങ​ൾ ആ​രോ​പ​ണ​മു​ന്ന​യി​ച്ച​തെ​ന്ന് ആ​ദ്യം രം​ഗ​ത്തുവ​ന്ന പ്രി​യ ര​മ​ണി പ​റ​ഞ്ഞി​രു​ന്നു. ഒ​ക്ടോ​ബ​ർ എ​ട്ടി​നാ​ണ് എം.​ജെ. അ​ക്ബ​ർ അ​ഭി​മു​ഖ​ത്തി​നാ​യി ത​ന്നെ മുംബൈ​യി​ലെ ഹോ​ട്ട​ൽ മു​റി​യി​ലേ​ക്കു വി​ളി​ച്ചുവ​രു​ത്തി​യെ​ന്നും മോ​ശ​മാ​യ രീ​തി​യി​ൽ പെ​രു​മാ​റി​യെ​ന്നും ആ​രോ​പി​ച്ച് പ്രി​യ രം​ഗ​ത്ത് എ​ത്തി​യ​ത്.

പ്രി​യ ര​മ​ണി ഉ​ൾ​പ്പെടെ മാ​ധ്യ​മ​പ്ര​വ​ർ​ത്ത​ക​രാ​യ ഒരുഡസ നോളം വ​നി​ത​ക​ളാ​ണ് മ​ന്ത്രി​ക്കെ​തി​രേ ലൈം​ഗി​കാ​രോ​പ​ണ​ങ്ങ​ൾ ഉ​ന്ന​യി​ച്ച​ത്.

അ​ക്ബ​റുടെ പ്ര​സ്താ​വ​ന ത​ന്നെ നി​രാ​ശ​പ്പെ​ടു​ത്തി​യെ​ന്നും എ​ന്നാ​ൽ ഇ​തി​ൽ അ​ത്ഭു​ത​പ്പെടാ​ൻ ഒ​ന്നു​മി​ല്ലെ​ന്നും ഏ​ഷ്യ​ൻ ഏ​ജ് റ​സി​ഡ​ന്‍റ് എ​ഡി​റ്റ​ർ സു​പ​ർ​ണ ശ​ർ​മ പ​റ​ഞ്ഞു. ഇ​തൊ​രു നീ​ണ്ട പോ​രാ​ട്ട​മാ​ണ്. അ​ടു​ത്ത​ത് നി​യ​മ​ന​ട​പ​ടി​യാ​ണെ​ന്നും അ​വ​ർ കൂ​ട്ടി​ച്ചേ​ർ​ത്തു.

സെ​ബി മാ​ത്യു
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.