പിറവം പള്ളിത്തർക്കം: ഹർജി പരിഗണിക്കാൻ സുപ്രീംകോടതി വിസമ്മതിച്ചു
Tuesday, November 20, 2018 12:51 AM IST
ന്യൂ​ഡ​ൽ​ഹി: പി​റ​വം പ​ള്ളി ത​ർ​ക്ക ക്കേസി​ൽ വി​ധി ന​ട​പ്പി​ലാ​ക്കാ​ത്ത​തി​നു സം​സ്ഥാ​ന ചീ​ഫ് സെ​ക്ര​ട്ട​റി​ക്കെ​തി​രാ​യ കോ​ട​തി​യ​ല​ക്ഷ്യ ഹ​ർ​ജി പ​രി​ഗ​ണി​ക്കാ​ൻ സു​പ്രീംകോ​ട​തി വി​സ​മ്മ​തി​ച്ചു. പി​റ​വം പ​ള്ളി​യു​മാ​യി ബ​ന്ധ​പ്പെ​ട്ട് കേ​ര​ളാ ഹൈ​ക്കോ​ട​തി​യു​ടെ പ​രി​ഗ​ണ​ന​യി​ലു​ള്ള ഹ​ർ​ജി​ക​ൾ മൂ​ന്നു മാ​സ​ത്തി​ന​കം തീ​ർ​പ്പാ​ക്കാ​ൻ കോ​ട​തി നി​ർ​ദേ​ശി​ച്ചു. മ​ത​പ​ര​മാ​യ ഇ​ത്ത​രം ത​ർ​ക്ക​ങ്ങ​ൾ ത​ങ്ങ​ളെ അ​ലോ​സ​ര​പ്പെ​ടു​ത്തു​ന്നി​ല്ലെ​ന്നും ജ​സ്റ്റീ​സ് അ​രു​ണ്‍ മി​ശ്ര അ​ധ്യ​ക്ഷ​നാ​യ ബെ​ഞ്ച് വ്യ​ക്ത​മാ​ക്കി.

പി​റ​വം പ​ള്ളി അ​ട​ക്കം മ​ല​ങ്ക​ര സ​ഭ​യി​ലെ പ​ള്ളി​ക​ൾ 1934ലെ ​ഭ​ര​ണ​ഘ​ട​ന പ്ര​കാ​രം ഭ​ര​ണം ന​ട​ത്ത​ണ​മെ​ന്നാ​ണ് ഏ​പ്രി​ൽ 19നു ​സു​പ്രീം കോ​ട​തി ഉ​ത്ത​ര​വി​ട്ടി​രു​ന്ന​ത്. ഇ​തു ന​ട​പ്പി​ലാ​ക്കാ​ത്ത​തി​നു സം​സ്ഥാ​ന ചീ​ഫ് സെ​ക്ര​ട്ട​റി​ക്കെ​തി​രേ കോ​ട​തി​യ​ല​ക്ഷ്യ ന​ട​പ​ടി സ്വീ​ക​രി​ക്ക​ണ​മെ​ന്ന് ആ​വ​ശ്യ​പ്പെ​ട്ട് ഓ​ർ​ത്ത​ഡോ​ക്സ് വി​ഭാ​ഗ​മാ​ണ് കോ​ട​തി​യി​ൽ ഹ​ർ​ജി ന​ൽ​കി​യി​രു​ന്ന​ത്. എ​ന്നാ​ൽ, ഇ​തു ര​ണ്ട് വി​ഭാ​ഗ​ങ്ങ​ൾ ത​മ്മി​ലു​ള്ള അ​ധി​കാ​ര ത​ർ​ക്ക​മാ​ണെ​ന്നു കോ​ട​തി നി​രീ​ക്ഷി​ച്ചു. മ​ത​പ​ര​മാ​യ വി​ഷ​യ​ങ്ങ​ളി​ൽ കോ​ട​തി​യ​ല​ക്ഷ്യ ന​ട​പ​ടി​യെ​ടു​ക്കു​ന്ന​ത് ഗു​ണ​ക​ര​മ​ല്ല. ക്ഷേ​ത്ര​ങ്ങ​ളി​ലും പ​ള്ളി​ക​ളി​ലും പ​ണം കു​മി​ഞ്ഞു​കൂ​ടു​ന്നു. ഇ​താ​ണ് അ​ധി​കാ​ര ത​ർ​ക്ക​ത്തി​നും കൈ​യാ​ങ്ക​ളി​ക്കും പ്ര​ധാ​ന കാ​ര​ണ​മാ​കു​ന്ന​തെ​ന്നും ര​ണ്ടം​ഗ ബെ​ഞ്ച് അ​ഭി​പ്രാ​യ​പ്പെ​ട്ടു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.