രാജസ്ഥാനിൽ ഗെഹ്‌ലോട്ട് പൈലറ്റ്, സച്ചിൻ സഹപൈലറ്റ്
Saturday, December 15, 2018 1:08 AM IST
ന്യൂ​ഡ​ൽ​ഹി: മൂ​ന്നു ദി​വ​സ​മാ​യി കോ​ണ്‍ഗ്ര​സ് ഹൈ​ക്ക​മാ​ൻ​ഡി​നു മീ​തെ മ​ഴ​ക്കാ​റു​പോ​ലെ മൂ​ടി​നി​ന്ന അ​നി​ശ്ചി​ത​ത്വം നീ​ങ്ങി​യ​പ്പോ​ൾ മു​തി​ർ​ന്ന കോ​ണ്‍ഗ്ര​സ് നേ​താ​വ് അ​ശോ​ക് ഗെ​ഹ്‌ലോ​ട്ട് രാ​ജ​സ്ഥാ​ൻ മു​ഖ്യ​മ​ന്ത്രി​യാ​യി. ക​ടും​പി​ടിത്ത​ങ്ങ​ൾ പാ​ർ​ട്ടി നേ​തൃ​ത്വം പ​റ​ഞ്ഞൊ​തു​ക്കി​യ​തോ​ടെ യു​വ​നേ​താ​വും രാ​ജ​സ്ഥാ​ൻ പി​സി​സി അ​ധ്യ​ക്ഷ​നു​മാ​യ സ​ച്ചി​ൻ പൈ​ല​റ്റ് ഉ​പ​മു​ഖ്യ​മ​ന്ത്രി​യാ​കും.

അ​ക്ബ​ർ റോ​ഡി​ലെ കോ​ണ്‍ഗ്ര​സ് ആ​സ്ഥാ​ന​ത്തും പാ​ർ​ട്ടി അ​ധ്യ​ക്ഷ​ൻ രാ​ഹു​ൽ ഗാ​ന്ധി​യു​ടെ തു​ഗ്ല​ക് ലെ​യി​നി​ലെ വ​സ​തി​ലും ചർച്ചകൾ ര​ണ്ട് രാ​ത്രി​ പി​ന്നി​ട്ടാ​ണ് ഇ​ന്ന​ലെ വൈ​കു​ന്നേ​ര​ത്തോ​ടെ അ​ന്തി​മതീ​രു​മാ​ന​മാ​യ​ത്. മു​ഖ്യ​മ​ന്ത്രിപ​ദ​ത്തി​നുമേ​ൽ ജാ​തി സ​മ​വാ​ക്യ​വും സ്വീ​കാ​ര്യ​ത​യും പ്ര​വൃ​ത്തി​പ​രി​ച​യ​വും അ​വ​കാ​ശ​വാ​ദ​ങ്ങ​ളും പി​ടി​മു​റു​ക്കി​യ​തോ​ടെ തീ​രു​മാ​നം ഒ​രു പ​ക​ൽകൂ​ടി നീ​ണ്ടു​പോ​കു​ക​യാ​യി​രു​ന്നു.

ഇ​ന്ന​ലെ ഉ​ച്ച​യോ​ടെ രാ​ഹു​ൽ ഗാ​ന്ധി ഇ​രു​നേ​താ​ക്ക​ളു​മാ​യും കൂ​ടി​ക്കാ​ഴ്ച​ക​ൾ ന​ട​ത്തി. വീ​ണ്ടും വൈ​കു​ന്നേ​ര​ത്തോ​ടെ ഇ​രു നേ​താ​ക്ക​ൾ​ക്കു​മൊ​പ്പം ച​ർ​ച്ച ന​ട​ത്തി​യ ശേ​ഷം ഗെഹ്​ലോ​ട്ടി​നും പൈ​ല​റ്റി​നും ഒ​പ്പം നി​ൽ​ക്കു​ന്ന ചി​ത്രം ട്വി​റ്റ​റി​ലി​ട്ട രാ​ഹു​ൽ രാ​ജ​സ്ഥാ​നി​ലെ ഐ​ക്യ​ത്തി​ന്‍റെ നി​റം എ​ന്നാ​ണു കു​റി​ച്ച​ത്.

വൈ​കു​ന്നേ​രം നാ​ലു​മ​ണി​യോ​ടെ കോ​ണ്‍ഗ്ര​സ് ആ​സ്ഥാ​ന​ത്ത് ന​ട​ന്ന പ​ത്ര​സ​മ്മേ​ള​ന​ത്തി​ലാ​ണ് എ​ഐ​സി​സി ജ​ന​റ​ൽ സെ​ക്ര​ട്ട​റി​യും രാ​ജ​സ്ഥാ​നി​ലെ നി​രീ​ക്ഷ​ക​നു​മാ​യ കെ.​സി. വേ​ണു​ഗോ​പാ​ൽ, ഗെ​ഹ്‌ലോ​ട്ട് മു​ഖ്യ​മ​ന്ത്രി​യെ​ന്നും സ​ച്ചി​ൻ പൈ​ല​റ്റ് ഉ​പ​മു​ഖ്യ​മ​ന്ത്രി​യെ​ന്നും പ്ര​ഖ്യാ​പി​ച്ച​ത്. അ​ശോ​ക് ഗെഹ്‌​ലോ​ട്ട് മു​ഖ്യ​മ​ന്ത്രി​യാ​കും എ​ന്ന് സൂ​ച​ന​ക​ൾ പു​റ​ത്തു വ​ന്ന​തോ​ടെ സ​ച്ചി​ൻ പൈ​ല​റ്റി​നെ അ​നു​കൂ​ലി​ക്കു​ന്ന​വ​ർ പ്ര​തി​ഷേ​ധ​വു​മാ​യി രാ​ജ​സ്ഥാ​നി​ൽ നി​ര​ത്തി​ലി​റ​ങ്ങി​യി​രു​ന്നു. സം​സ്ഥാ​ന​ത്തു പാ​ർ​ട്ടി​യെ വീ​ണ്ടും അ​ധി​കാ​ര​ത്തി​ലെ​ത്തി​ക്കാ​ൻ പ്രാ​പ്ത​മാ​ക്കി​യ​ത് ത​ന്‍റെ പ്ര​യ​ത്ന​ത്തി​ന്‍റെ ഫ​ല​മാ​ണെ​ന്ന വാ​ദ​വു​മാ​യി സ​ച്ചി​ൻ പൈ​ല​റ്റും മു​റു​കി നി​ന്നു.


എ​ന്നാ​ൽ, ര​ണ്ടു ത​വ​ണ മു​ഖ്യ​മ​ന്ത്രി​യാ​യിരുന്ന അ​ശോ​ക് ഗെ​ഹ്‌ലോ​ട്ടി​ന് ത​ന്നെ​യാ​ണ് കോ​ണ്‍ഗ്ര​സ് ഹൈ​ക്ക​മാ​ൻ​ഡ് മു​ൻ​തൂ​ക്കം ന​ൽ​കി​യ​ത്. ലോ​ക്സ​ഭാ തെ​ര​ഞ്ഞെ​ടു​പ്പി​ലേ​ക്കു കൂ​ടി ക​ണ്ണു​വെ​ച്ചു​ള്ള തീ​രു​മാ​നം ആ​ണി​ത്.

വ്യാ​ഴാ​ഴ്ച രാ​ത്രി ജ​യ്പുരി​ലേ​ക്ക് മ​ട​ങ്ങാ​ൻ ഡ​ൽ​ഹി വി​മാ​ന​ത്താ​വ​ള​ത്തി​ലേ​ക്കു പു​റ​പ്പെ​ട്ട ഗെ​ഹ്‌ലോ​ട്ടി​നെ രാ​ഹു​ൽ ഗാ​ന്ധി തി​രി​ച്ചു​വി​ളി​പ്പി​ക്കു​ക​യാ​യി​രു​ന്നു. ക​ഴി​ഞ്ഞ അ​ഞ്ചു വ​ർ​ഷ​മാ​യി താ​ൻ സം​സ്ഥാ​ന​ത്തു ക​ഠി​ന പ്ര​യ​ത്നം ന​ട​ത്തി​യി​ട്ടു​ണ്ടെ ന്നും ​ത​നി​ക്കു നീ​തി ല​ഭി​ക്ക​ണ​മെ​ന്നു​മാ​യി​രു​ന്നു ഗെഹ്‌​ലോ​ട്ട് രാ​ഹു​ലി​നോ​ട് ആ​വ​ശ്യ​പ്പെ​ട്ട​ത്.

കോ​ണ്‍ഗ്ര​സ് ആ​സ്ഥാ​ന​ത്ത് കെ.​സി വേ​ണു​ഗോ​പാ​ൽ ഒൗ​ദ്യോ​ഗി​ക പ്ര​ഖ്യാ​പ​നം ന​ട​ത്തു​ന്പോ​ൾ 67 വ​യ​സു​ള്ള ഗെ​ഹ്‌ലോ​ട്ടും 41 വ​യ​സു​ള്ള പൈ​ല​റ്റും ഇ​ടം​വ​ലം ഇ​രി​പ്പു​ണ്ടാ​യി​രു​ന്നു. പാ​ർ​ട്ടി തീ​രു​മാ​ന​ത്തി​ൽ ന​ന്ദി​യു​ണ്ടെ​ന്നു ഗെ​ഹ്‌ലോ​ട്ട് പ​റ​ഞ്ഞു. ഗെ​ഹ്‌ലോ​ട്ടി​ന്‍റെ മാ​സ്മ​രി​ക​ത​യും ത​ന്‍റെ പ്ര​വ​ർ​ത്ത​ന​വും ഒ​രു​മി​ച്ചു എ​ന്നാ​ണ് പൈ​ല​റ്റ് പ്ര​തി​ക​രി​ച്ച​ത്. 1998 മു​ത​ൽ 2003 വ​രെ​യും 2008 മു​ത​ൽ 2013 വ​രെ​യു​മാ​ണ് അ​ശോ​ക് ഗെ​ഹ്‌ലോ​ട്ട് രാ​ജ​സ്ഥാ​ൻ മു​ഖ്യ​മ​ന്ത്രി​യാ​യി​രു​ന്നത്.

സെ​ബി മാ​ത്യു

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.