National News
അലോക് വർമയെ തെറിപ്പിച്ചു
അലോക് വർമയെ തെറിപ്പിച്ചു
Friday, January 11, 2019 1:43 AM IST
ന്യൂ​ഡ​ൽ​ഹി: സി​ബി​ഐ ഡ​യ​റ​ക്ട​ർ അ​ലോ​ക് വ​ർ​മ​യെ തെ​റി​പ്പി​ച്ചു. ഡ​യ​റ​ക്ട​ർ സ്ഥാ​ന​ത്തേ​ക്കു സു​പ്രീം​കോ​ട​തി പു​ന​ർനി​യ​മി​ച്ച അ​ലോ​ക് വ​ർ​മ​യെ ഉ​ന്ന​താ​ധി​കാ​രസ​മ​ിതി യോ​ഗ​ത്തി​ന്‍റെ ര​ണ്ടാം ദി​വ​സ​മാ​ണ് തെ​റി​പ്പി​ച്ച​ത്. പ്ര​ധാ​ന​മ​ന്ത്രി ന​രേ​ന്ദ്ര മോ​ദി അ​ധ്യ​ക്ഷ​നും ജ​സ്റ്റീ​സ് എ.​കെ. സി​ക്രി, കോ​ണ്‍ഗ്ര​സ് ലോ​ക്സ​ഭാ ക​ക്ഷി നേ​താ​വ് മ​ല്ലി​കാ​ർ​ജു​ൻ ഖാ​ർ​ഗെ​എന്നിവർ അംഗങ്ങളുമായ സമിതി ഖാർഗെയുടെ എ​തി​ർ​പ്പ് ത​ള്ളി​യാ​ണ് ഇതു ചെയ്തത്.

വ​ർ​മ​യെ ഇന്നലെ ഫ​യ​ർ സ​ർ​വീ​സ്, സി​വി​ൽ ഡി​ഫ​ൻ​സ് ആ​ന്‍ഡ് ഹോം ​ഗാ​ർ​ഡ്സി​ന്‍റെ ഡ​യ​റ​ക്ട​ർ ജ​ന​റ​ലാ​യി നി​യ​മി​ച്ചു.ഇ​ട​ക്കാ​ല ഡ​യ​റ​ക്‌ടറായി​രു​ന്ന എം. ​നാ​ഗേ​ശ്വ​ര റാ​വു​വി​നു വീ​ണ്ടും സി​ബി​ഐ​യു​ടെ ചു​മ​ത​ല ല​ഭി​ച്ചേ​ക്കു​മെ​ന്നാ​ണു വി​വ​രം. പു​തി​യ സി​ബി​ഐ ഡ​യ​റ​ക്ട​റെ തീ​രു​മാ​നി​ക്കാ​ൻ ഉ​ന്ന​താ​ധി​കാ​ര സ​മി​തി​യു​ടെ യോ​ഗം ഉ​ട​ൻ ചേ​രും.

അ​ലോ​ക് വ​ർ​മയ്ക്കെതിരേ ഉ​യ​ർ​ന്ന പ​രാ​തി​ക​ൾ പ​രി​ശോ​ധി​ക്കു​ന്ന​തി​നാ​യി ഒ​രാ​ഴ്ച​യ്ക്കു​ള്ളി​ൽ ഉ​ന്ന​താ​ധി​കാ​ര സ​മി​തി യോ​ഗം ചേ​ര​ണ​മെ​ന്നു സു​പ്രീം​കോ​ട​തി നി​ർ​ദേ​ശി​ച്ചി​രു​ന്നു. ഇ​തി​ന്‍റെ അ​ടി​സ്ഥാ​ന​ത്തി​ൽ ര​ണ്ടു ദി​വ​സ​ങ്ങ​ളി​ലാ​യി ചേ​ർ​ന്ന യോ​ഗ​ത്തി​നൊ​ടു​വി​ലാ​ണ് ഇ​ന്ന​ലെ തീ​രു​മാ​ന​മെ​ടു​ത്ത​ത്. യോ​ഗ​ത്തി​ൽ വ​ർ​മ​യെ നീ​ക്കം ചെ​യ്യ​ണ​മെ​ന്ന നി​ല​പാ​ടി​ൽ മോ​ദി​യും ജ​സ്റ്റീ​സ് സി​ക്രി​യും ഉ​റ​ച്ചു നി​ന്ന​പ്പോ​ൾ ഖാ​ർ​ഗെ വി​യോ​ജി​ച്ചു.

സെ​ൻ​ട്ര​ൽ വി​ജി​ല​ൻ​സ് ക​മ്മീ​ഷ​ണ​ർ​ത​ന്നെ സം​ശ​യ​നി​ഴ​ലി​ലാ​ണെ​ന്നും സി​വി​സി​യു​ടെ റി​പ്പോ​ർ​ട്ട് അ​തേ​പ​ടി സ്വീ​ക​രി​ക്കേ​ണ്ട​തി​ല്ലെ​ന്നും ഖാ​ർ​ഗെ വാ​ദി​ച്ചു.ബു​ധ​നാ​ഴ്ച ചു​മ​ത​ല​യേ​റ്റ അ​ലോ​ക് വ​ർ​മ നാ​ഗേ​ശ്വ​ര റാ​വു ന​ട​ത്തി​യ സ്ഥ​ലം​മാ​റ്റ​ങ്ങ​ൾ റ​ദ്ദാ​ക്കി​യി​രു​ന്നു. സ​ർ​ക്കാ​രു​മാ​യി ഏ​റ്റു​മു​ട്ട​ലി​ന് ത​യാ​റാ​ണെ​ന്നു സൂ​ചി​പ്പി​ച്ച് പ​ത്ത് സി​ബി​ഐ ഉ​ദ്യോ​ഗ​സ്ഥ​രു​ടെ സ്ഥ​ലം മാ​റ്റം റ​ദ്ദാ​ക്കി​യ വ​ർ​മ അ​ഞ്ചു പേ​രെ സ്ഥ​ലം മാ​റ്റു​ക​യും ചെ​യ്തി​രു​ന്നു.


ഇന്നലെ ഉ​ന്ന​താ​ധി​കാ​ര സ​മി​തി​ യോഗം ര​ണ്ടു മ​ണി​ക്കൂ​ർ നീ​ണ്ടു. വ​ർ​മ​യ്ക്കെ​തി​രാ​യ കേ​ന്ദ്ര വി​ജി​ല​ൻ​സ് ക​മ്മീ​ഷ​ന്‍റെ റി​പ്പോ​ർ​ട്ട് താ​ൻ ആ​വ​ശ്യ​പ്പെ​ട്ടി​രു​ന്നു എ​ന്ന് ഖാ​ർ​ഗെ പ​റ​ഞ്ഞു. ഉ​ന്ന​താ​ധി​കാ​ര സ​മി​തി​യു​ടെ മു​ന്നി​ൽ ത​ന്‍റെ ഭാ​ഗം വി​ശ​ദീ​ക​രി​ക്കാ​ൻ വ​ർ​മ​യ്ക്ക് അ​വ​സ​രം ന​ൽ​ക​ണ​മെ​ന്നും ഖാ​ർ​ഗെ ആ​വ​ശ്യ​പ്പെ​ട്ടി​രു​ന്നു. എ​ന്നാ​ൽ ഇ​ക്കാ​ര്യ​വും ത​ള്ളി​ക്ക​ള​ഞ്ഞു.

സി​ബി​ഐ ത​ല​പ്പ​ത്തെ ആ​ഭ്യ​ന്ത​ര പ്ര​ശ്ന​ങ്ങ​ൾ പ​ര​സ്യ​മാ​യ ത​മ്മി​ല​ടി​യി​ലേ​ക്കു നീ​ങ്ങി​യ​തോ​ടെ​യാ​ണ് കേ​ന്ദ്രം സി​ബി​ഐ ഡ​യ​റ​ക്ട​റെ സ്ഥാ​ന​ത്തുനി​ന്നു നീ​ക്കി​യ​ത്. സി​ബി​ഐ സ്പെ​ഷ​ൽ ഡ​യ​റ​ക്ട​റും മോ​ദി സ​ർ​ക്കാ​രി​ന്‍റെ അ​ടു​പ്പ​ക്കാ​ര​നു​മാ​യ രാ​കേ​ഷ് അ​സ്താ​ന​യോ​ടും നി​ർ​ബ​ന്ധി​ത അ​വ​ധി​യി​ൽ പ്ര​വേ​ശി​ക്കാ​നും നി​ർ​ദേ​ശി​ച്ചി​രു​ന്നു.

റ​ഫാ​ൽ ഇ​ട​പാ​ടി​ൽ അ​ന്വേ​ഷ​ണം ഭ​യ​ന്നാ​ണ് കേ​ന്ദ്ര സ​ർ​ക്കാ​ർ അ​ലോ​ക് വ​ർ​മ​യെ സി​ബി​ഐ ഡ​യ​റ​ക്ട​ർ സ്ഥാ​ന​ത്തു നി​ന്നു തെ​റി​പ്പി​ക്കാ​ൻ തി​ടു​ക്ക​പ്പെ​ടു​ന്ന​തെ​ന്ന് കോ​ണ്‍ഗ്ര​സ് അ​ധ്യ​ക്ഷ​ൻ രാ​ഹു​ൽ ഗാ​ന്ധി ആ​രോ​പി​ച്ചി​രു​ന്നു. ഒ​ക്ടോ​ബ​ർ 23നാണ് ​അ​ലോ​ക് വ​ർ​മ​യെ സ​ർ​ക്കാ​ർ സി​ബി​ഐ ഡ​യ​റ​ക്ട​ർ സ്ഥാ​ന​ത്തുനി​ന്നു നീ​ക്കി​യ​ത്. ത​നി​ക്കെ​തി​രാ​യ എ​ഫ്ഐ​ആ​ർ റ​ദ്ദാ​ക്കാ​നാ​വ​ശ്യ​പ്പെ​ട്ട് അ​സ്താ​ന ന​ല്കി​യ ഹ​ർ​ജി​യി​ൽ ഡ​ൽ​ഹി ഹൈ​ക്കോ​ട​തി ഇ​ന്നു വി​ധി പ​റ​യും.

സെ​ബി മാ​ത്യു
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.