National News
ഒറ്റക്കെട്ട്: സേനയ്ക്കു സർവകക്ഷി യോഗത്തിന്‍റെ പിന്തുണ
ഒറ്റക്കെട്ട്: സേനയ്ക്കു സർവകക്ഷി യോഗത്തിന്‍റെ പിന്തുണ
Sunday, February 17, 2019 1:34 AM IST
ന്യൂ​ഡ​ൽ​ഹി: തീവ്രവാ​ദ​ത്തി​നും ഭീ​ക​രാ​ക്ര​മ​ണ​ങ്ങ​ൾ​ക്കു​മെ​തി​രേ രാ​ജ്യം ഒ​റ്റ​ക്കെ​ട്ടാ​ണെ​ന്നു സ​ർ​വ​ക​ക്ഷി യോ​ഗം. രാ​ജ്യ​ത്തി​നു നേ​ർ​ക്ക് ആ​ക്ര​മ​ണം ന​ട​ത്തി​യ​വ​ർ​ക്കു ത​ക്ക മ​റു​പ​ടി ന​ൽ​കാ​ൻ സു​ര​ക്ഷാ സേ​ന​ക​ൾ​ക്ക് ഐ​ക്യ​ദാ​ർ​ഢ്യ​വും പി​ന്തു​ണ​യും പ്ര​ഖ്യാ​പി​ക്കു​ന്ന പ്ര​മേ​യ​വും വി​വി​ധ രാ​ഷ്‌ട്രീ​യ പാ​ർ​ട്ടി​ക​ളു​ടെ സം​യു​ക്ത യോ​ഗം പാ​സാ​ക്കി.

പു​ൽ​വാ​മ​യി​ൽ സി​ആ​ർ​പി​എ​ഫ് ജ​വാ​ന്മാ​രു​ടെ ജീ​വ​ത്യാ​ഗം വെ​റു​തെ​യാ​കി​ല്ലെ​ന്നും ത​ക്കസ​മ​യ​ത്ത് ഉ​ചി​ത​മാ​യി പ്ര​തി​ക​രി​ക്കാ​ൻ സേ​ന​ക​ൾ​ക്കു സ്വാ​ത​ന്ത്ര്യം ന​ൽ​കി​യി​ട്ടു​ണ്ടെ​ന്നും പ്ര​ധാ​ന​മ​ന്ത്രി ന​രേ​ന്ദ്ര മോ​ദി ഇ​ന്ന​ലെ​ മഹാരാഷ്ട്രയിലെ ധുലെ യിൽ നടത്തിയ പ്രസംഗത്തിൽ ആ​വ​ർ​ത്തി​ച്ചു. പാ​ക്കി​സ്ഥാ​നി​ലെ ഭീ​ക​ര​ക്യാ​ന്പു​ക​ൾ​ക്കു നേ​ർ​ക്ക് മി​ന്ന​ൽ വ്യോ​മാ​ക്ര​മ​ണം അ​ട​ക്കം ക​ടു​ത്ത ന​ട​പ​ടി​ക​ൾ​ക്കാ​ണ് ഇ​ന്ത്യ പ​ദ്ധ​തി​യി​ടു​ന്ന​തെ​ന്നാ​ണു സൂ​ച​ന.

രാ​ജ്യം നേ​രി​ടു​ന്ന ഭീ​ക​ര​വാ​ദ ഭീ​ഷ​ണി​ക​ൾ ഒ​റ്റ​ക്കെ​ട്ടാ​യി നേ​രി​ടും. ഇ​ക്കാ​ര്യ​ത്തി​ൽ സൈ​ന്യ​ത്തി​ന് പൂ​ർ​ണ പി​ന്തു​ണ ന​ൽ​കും: പാ​ർ​ല​മെ​ന്‍റ് ലൈ​ബ്ര​റി​യി​ലെ ഹാ​ളി​ൽ ഇ​ന്ന​ലെ ന​ട​ന്ന സ​ർ​വ​ക​ക്ഷി യോ​ഗം ഐ​കക​ണ്ഠ്യേ​ന പ്ര​ഖ്യാ​പി​ച്ചു. ഭീ​ക​രാ​ക്ര​മ​ണ​ത്തെ അ​പ​ല​പി​ക്കു​ന്ന പ്ര​മേ​യ​വും യോ​ഗം പാ​സാ​ക്കി.


സ​ർ​വ​ക​ക്ഷി യോ​ഗ​ത്തി​ൽ പ്ര​ധാ​ന​മ​ന്ത്രി പ​ങ്കെ​ടു​ക്കാ​ത്ത​ത് ശ​രി​യാ​യി​ല്ലെ​ന്ന് ചി​ല നേ​താ​ക്ക​ൾ പ​റ​ഞ്ഞു. പ്ര​ധാ​ന​മ​ന്ത്രിത​ന്നെ സ​ർ​വ​ക​ക്ഷി യോ​ഗം വി​ളി​ച്ച് സ്ഥി​തി വി​ശ​ദീ​ക​രി​ക്ക​ണ​മെ​ന്ന് പ്ര​തി​പ​ക്ഷ നേ​താ​ക്ക​ൾ ആ​വ​ശ്യ​പ്പെ​ട്ടു. ഭീ​ക​ര​ത​യെ നേ​രി​ടാ​നു​ള്ള സ​ർ​ക്കാ​രി​ന്‍റെ ന​ട​പ​ടി​ക​ൾ​ക്ക് കോ​ണ്‍ഗ്ര​സി​ന്‍റെ പി​ന്തു​ണ​യു​ണ്ടെ​ന്നു ഗു​ലാം​ ന​ബി ആ​സാ​ദ് പ​റ​ഞ്ഞു.

പാ​ക്കി​സ്ഥാ​നെ പേ​രെ​ടു​ത്തു പ​റ​യു​ന്ന​ത് ഒ​ഴി​വാ​ക്കി​യെ​ങ്കി​ലും അ​തി​ർ​ത്തി​ക്ക​പ്പു​റ​ത്തു നി​ന്നു​ള്ള ഭീ​ക​ര​ത​യെ​ന്ന് കൃ​ത്യ​മാ​യി പ്ര​മേ​യ​ത്തി​ൽ പ​റ​യു​ന്നു. അ​തി​ർ​ത്തി​ക്ക​പ്പു​റ​ത്തു നി​ന്നു​ള്ള പി​ന്തു​ണ​യോ​ടെ​യും അ​ല്ലാ​തെ​യും എ​ല്ലാ ത​ര​ത്തി​ലു​മു​ള്ള ഭീ​ക​ര​വാ​ദ​ത്തെ അ​പ​ല​പി​ക്കു​ന്ന​താ​യി സ​ർ​വ​ക​ക്ഷി പ്ര​മേ​യം വ്യ​ക്ത​മാ​ക്കി. ആ​ഭ്യ​ന്ത​ര​മ​ന്ത്രി രാ​ജ്നാ​ഥ് സിം​ഗ് യോഗത്തിൽ അ​ധ്യ​ക്ഷ​ത​വഹിച്ചു.

ജോ​ർ​ജ് ക​ള്ളി​വ​യ​ലി​ൽ
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.