കീർത്തി ആസാദ് കോൺഗ്രസിൽ, ആവേശ സ്വീകരണം
Tuesday, February 19, 2019 1:00 AM IST
ന്യൂ​ഡ​ൽ​ഹി: ബി​ജെ​പി​യുമായു ള്ള 26 വ​ർ​ഷം നീ​ണ്ട ബാ​ന്ധ​വം അ​വ​സാ​നി​പ്പി​ച്ചു മു​ൻ ക്രി​ക്ക​റ്റ് താ​ര​വും മൂ​ന്നാം ത​വ​ണ​യും എം​പി​യു​മാ​യ കീ​ർ​ത്തി ആ​സാ​ദ് കോ​ണ്‍ഗ്ര​സി​ൽ ചേ​ർ​ന്നു. 1983 ലെ ​ലോ​ക ക​പ്പ് ടീ​മി​ലെ അം​ഗ​മാ​യ കീ​ർ​ത്തി ആ​സാ​ദി​നെ കോ​ണ്‍ഗ്ര​സ് അ​ധ്യ​ക്ഷ​ൻ രാ​ഹു​ൽ ഗാ​ന്ധി മാ​ല​യി​ട്ട് സ്വീ​ക​രി​ച്ച് പാ​ർ​ട്ടി​യി​ൽ അം​ഗ​ത്വം ന​ൽ​കി പു​തി​യ ഇ​ന്നിം​ഗ്സി​നു തു​ട​ക്കം കു​റി​ച്ച​ത്.
കോ​ണ്‍ഗ്ര​സി​ലേ​ക്കു​ള്ള മ​ട​ങ്ങി​വ​ര​വി​നെ ഘ​ർ വാ​പ​സി എ​ന്ന് കീ​ർ​ത്തി വി​ശേ​ഷി​പ്പി​ച്ചു.

രാ​ഹു​ൽ ഗാ​ന്ധി​ക്ക് പി​ന്തു​ണ​യു​മാ​യി, രാ​ജ്യം ക​ണ്ട ഏ​റ്റ​വും വ​ലി​യ പ്ര​തി​രോ​ധ അ​ഴി​മ​തി​യാ​ണ് റ​ഫാ​ൽ ഇ​ട​പാ​ടെ​ന്ന് അ​ദ്ദേ​ഹം വി​മ​ർ​ശി​ച്ചു. റ​ഫാ​ൽ ഇ​ട​പാ​ടി​ൽ അ​ഴി​മ​തി​യു​ണ്ടെ​ന്നു ബി​ജെ​പി എം​പി​മാ​ർ വ​രെ സം​ശ​യി​ക്കു​ന്നു​ണ്ട്. മോ​ദി സ​ർ​ക്കാ​ർ അ​ധി​കാ​ര​ത്തി​ലേ​റി​യ​തു മു​ത​ൽ മു​ഖം​മൂ​ടി​ക്കു​ള്ളി​ലെ പൊ​യ്മു​ഖ​ങ്ങ​ൾ ഓ​രോ​ന്നാ​യി അ​ഴി​ഞ്ഞു​വീ​ഴാ​ൻ തു​ട​ങ്ങി. ഡ​ൽ​ഹി ക്രി​ക്ക​റ്റ് അ​സോ​സി​യേ​ഷ​നി​ൽ ധ​ന​മ​ന്ത്രി അ​രു​ണ്‍ ജയ്റ്റ്‌ലി പ്ര​സി​ഡ​ന്‍റാ​യി​രു​ന്ന കാ​ല​ത്തെ അ​ഴി​മ​തി​യെ​ക്കു​റി​ച്ചു പ​റ​ഞ്ഞ​തി​നാ​ണു ബി​ജെ​പി​യി​ൽ ത​ന്നെ ഒ​റ്റ​പ്പെ​ടു​ത്തി​യ​ത്- ബി​ഹാ​റി​ലെ ദ​ർ​ഭം​ഗ​യി​ൽ നി​ന്ന് മൂ​ന്നു ത​വ​ണ ലോ​ക്സ​ഭാം​ഗ​മാ​യ അറുപതുകാരൻ വി​ശ​ദീ​ക​രി​ച്ചു.


പാ​ക്കി​സ്ഥാ​ൻ ആ​ക്ര​മി​ച്ചാ​ൽ ഇ​ന്ത്യ​ൻ സൈ​നി​ക​രു​ടെ ഒ​രു ത​ല​യ്ക്കു പ​ത്തു ത​ല എ​ടു​ക്കു​മെ​ന്നു വീ​ര​വാ​ദം മു​ഴ​ക്കി​യ​തു മ​റ​ക്ക​രു​തെ​ന്നു പു​ൽ​വാ​മ ഭീ​ക​രാ​ക്ര​മ​ണ​ത്തെ​ക്കു​റി​ച്ചു​ള്ള ചോ​ദ്യ​ത്തി​നു മ​റു​പ​ടി​യാ​യി കീ​ർ​ത്തി ആ​സാ​ദ് പ​റ​ഞ്ഞു. ക​ഴി​ഞ്ഞ വെ​ള്ളി​യാ​ഴ്ച കോ​ണ്‍ഗ്ര​സി​ൽ ചേ​രാ​നി​രു​ന്ന​ത് പു​ൽ​വാ​മ അ​ക്ര​മ​ണ​ത്തെ തു​ട​ർ​ന്നാ​ണ് ഇ​ന്ന​ത്തേ​ക്കു മാ​റ്റി​യ​തെ​ന്നും അ​ദ്ദേ​ഹം വി​ശ​ദീ​ക​രി​ച്ചു.
ബി​ജെ​പി​യി​ൽ കു​റ​ച്ചു​കാ​ല​മാ​യി വി​മ​ത​നാ​യി​രു​ന്ന കീ​ർ​ത്തി ആ​സാ​ദി​നെ ആം ​ആ​ദ്മി പാ​ർ​ട്ടി​യി​ലേ​ക്കും ക്ഷ​ണി​ച്ചി​രു​ന്നെ​ങ്കി​ലും അ​ദ്ദേ​ഹം കോ​ണ്‍ഗ്ര​സി​ൽ ചേ​രു​ക​യാ​യി​രു​ന്നു. ബി​ഹാ​റി​ലെ മി​ഥി​ല ശൈ​ലി​യി​ൽ രാ​ഹു​ൽ ഗാ​ന്ധി​യെ തൊ​പ്പി അ​ണി​യി​ച്ചാ​യി​രു​ന്നു കീ​ർ​ത്തി​യു​ടെ കോ​ണ്‍ഗ്ര​സ് പ്ര​വേ​ശ​നം. ദ​ർ​ഭം​ഗ​യി​ൽ ത​ന്നെ മ​ത്സ​രി​ക്കാ​ൻ ആ​ഗ്ര​ഹം പ്ര​ക​ടി​പ്പി​ച്ച കീ​ർ​ത്തി​യെ ഡ​ൽ​ഹി​യി​ൽ സ്ഥാ​നാ​ർ​ഥി​യാ​ക്കാ​ൻ കോ​ണ്‍ഗ്ര​സ് ആ​ലോ​ചി​ക്കു​ന്നു​ണ്ട്.

ജോ​ർ​ജ് ക​ള്ളി​വ​യ​ലി​ൽ
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.