National News
വീസ നിഷേധം: ഒളിന്പിക് കമ്മിറ്റി ഉടക്കുന്നു
വീസ നിഷേധം: ഒളിന്പിക് കമ്മിറ്റി ഉടക്കുന്നു
Saturday, February 23, 2019 12:36 AM IST
ന്യൂ​ഡ​ൽ​ഹി: പു​ൽ​വാ​മ​യി​ലെ ഭീ​ക​രാ​ക്ര​മ​ണ​ത്തി​ന്‍റെ പ​ശ്ചാ​ത്ത​ല​ത്തി​ൽ പാ​ക്കി​സ്ഥാ​നെ​തി​രേ എ​ടു​ക്കു​ന്ന ന​ട​പ​ടി​ക​ൾ കാ​യി​ക​രം​ഗ​ത്ത് ഇ​ന്ത്യ​ക്ക് തി​രി​ച്ച​ടി ആ​യേ​ക്കു​മെ​ന്നു ഭീ​ഷ​ണി. ഇ​ന്ത്യ​യി​ൽ രാ​ജ്യാ​ന്ത​ര ടൂ​ർ​ണ​മെ​ന്‍റു​കളും ഒ​ളി​ന്പി​ക്സ് പോ​ലു​ള്ള​വ​യും അ​നു​വ​ദി​ക്കു​ന്ന കാ​ര്യം ഇ​നി ച​ർ​ച്ച ചെ​യ്യി​ല്ലെ​ന്ന് അ​ന്താ​രാ​ഷ്‌​ട്ര ഒ​ളി​ന്പി​ക് ക​മ്മി​റ്റി (ഐ​ഒ​സി) മു​ന്ന​റി​യി​പ്പ് ന​ല്കി. പാ​ക്കി​സ്ഥാ​നി​ൽനി​ന്നു​ള്ള താ​ര​ങ്ങ​ൾ​ക്കു ഡ​ൽ​ഹി​യി​ൽ ന​ട​ക്കാ​നി​രി​ക്കു​ന്ന ലോ​ക​ക​പ്പ് ഷൂ​ട്ടിം​ഗ് മ​ത്സ​ര​ങ്ങ​ൾ​ക്കാ​യി വീ​സ ന​ല്കാ​ത്ത​താ​ണു കാ​ര​ണം.

ഇ​തി​നി​ടെ ലോ​ക​ക​പ്പ് ക്രി​ക്ക​റ്റി​ൽ ഇ​ന്ത്യ പാ​ക്കി​സ്ഥാ​നെ​തി​രേ മ​ത്സ​രി​ക്ക​രു​തെ​ന്ന ആ​വ​ശ്യം ശ​ക്ത​മാ​യി. പാ​ക്കി​സ്ഥാ​നു​മാ​യി ഒ​രു സ​ഹ​ക​ര​ണ​വും പാ​ടി​ല്ലെ​ന്നു ബി​ജെ​പി വ​ക്താ​വ് സം​ബി​ത് പ​ത്ര പ​റ​ഞ്ഞു. എ​ന്നാ​ൽ, മ​ത്സ​ര​ത്തി​ൽനി​ന്നു വി​ട്ടു​നി​ന്നു പാ​ക്കി​സ്ഥാ​നു ര​ണ്ടു പോ​യി​ന്‍റ് ന​ല്കു​ക​യ​ല്ല ക​ളി​യി​ൽ അ​വ​രെ തോ​ല്പി​ക്കു​ക​യാ​ണു വേ​ണ്ട​തെ​ന്നു സ​ച്ചി​ൻ തെ​ണ്ടു​ൽ​ക്ക​ർ, സു​നി​ൽ ഗാ​വ​സ്ക​ർ തു​ട​ങ്ങി​യ​വ​ർ അഭിപ്രായ​പ്പെ​ട്ടു. ഭീ​ക​ര​ത​യ്ക്കു സം​ര​ക്ഷ​ണം ന​ല്കു​ന്ന രാ​ജ്യ​ങ്ങ​ളു​മാ​യു​ള്ള ബ​ന്ധം അ​വ​സാ​നി​പ്പി​ക്കാ​ൻ ആ​വ​ശ്യ​പ്പെ​ട്ട് ബോ​ർ​ഡ് ഓ​ഫ് ക​ൺ​ട്രോ​ൾ ഫോ​ർ ക്രി​ക്ക​റ്റ് ഇ​ൻ ഇ​ന്ത്യ (ബി​സി​സി​ഐ) അ​ന്താ​രാ​ഷ്‌​ട്ര ക്രി​ക്ക​റ്റ് കൗ​ൺ​സി​ലി​ന് (ഐ​സി​സി) ക​ത്തെ​ഴു​തി.

ലോ​ക​ക​പ്പി​ൽനി​ന്നു വി​ട്ടു​നി​ൽ​ക്കാ​നോ പാ​ക്കി​സ്ഥാ​നോ​ടു ക​ളി​ക്കി​ല്ലെ​ന്നു തീ​രു​മാ​നി​ക്കാ​നോ ബി​സി​സി​ഐ​യു​ടെ ഭ​ര​ണ​സ​മി​തി (സി​ഒ​എ) തീ​രു​മാ​നി​ക്കു​മെ​ന്ന് ഊ​ഹ​മു​ണ്ടാ​യി​രു​ന്നു. എന്നാൽ, വി​നോ​ദ് റാ​യി അ​ധ്യ​ക്ഷ​നാ​യ സ​മി​തി തീ​രു​മാ​നം ഗ​വ​ൺ​മെ​ന്‍റി​നു വി​ട്ടു​കൊ​ടു​ക്കു​ക​യാ​ണു ചെ​യ്ത​ത്.

കാ​ർ​ഗി​ൽ യു​ദ്ധ​സ​മ​യ​ത്തു​പോ​ലും ഇ​ന്ത്യ ലോ​ക​ക​പ്പി​ൽ പാ​ക്കി​സ്ഥാ​നോ​ടു ക​ളി​ച്ചി​ട്ടു​ണ്ടെ​ന്ന് കോ​ൺ​ഗ്ര​സ് നേ​താ​വ് ശ​ശി ത​രൂ​ർ പ​റ​ഞ്ഞു. അ​ന്ന് ഇ​ന്ത്യ ജ​യി​ച്ചു. മ​ത്സ​രി​ക്കാ​തി​രി​ക്കു​ന്ന​ത് പോ​രാ​ടാ​തെ തോ​ൽ​ക്കു​ന്ന​തി​നു തു​ല്യ​മാ​ണെ​ന്നു ത​രൂ​ർ പ​റ​ഞ്ഞു. മേ​യ് 30ന് ​ഇം​ഗ്ല​ണ്ടി​ലാ​ണു ലോ​ക​ക​പ്പ് തു​ട​ങ്ങു​ന്ന​ത്.

സൗ​ര​വ് ഗാം​ഗു​ലി, ഹ​ർ​ഭ​ജ​ൻ​സിം​ഗ്, യു​സ്‌വേന്ദ്ര ചാ​ഹ​ൽ തു​ട​ങ്ങി​യ​വ​ർ പാ​ക്കി​സ്ഥാ​നെ ബ​ഹി​ഷ്ക​രി​ക്ക​ണം എ​ന്നാ​വ​ശ്യ​പ്പെ​ട്ടു രം​ഗ​ത്തു​വ​ന്നു. ലോ​ക​ക​പ്പി​ൽ ഏ​റ്റു​മു​ട്ടി​യ​പ്പോ​ഴെ​ല്ലാം പാ​ക്കി​സ്ഥാ​നെ തോ​ല്പി​ച്ച ഇ​ന്ത്യ ഇ​നി​യും അ​വ​രെ ക​ളി​ച്ചു തോ​ല്പി​ക്ക​ണ​മെ​ന്നാ​ണു തെ​ണ്ടു​ൽ​ക്ക​റും ഗാ​വ​സ്ക​റും പ​റ​യു​ന്ന​ത്.


പാ​ക് ഷൂ​ട്ട​ർ​മാ​ർ​ക്ക് വീ​സ ന​ല്കാ​ത്ത​തി​നെ​ത്തു​ട​ർ​ന്ന് ഐ​ഒ​സി എ​ക്സി​ക്യൂ​ട്ടീ​വ് ബോ​ർ​ഡ് സ​മ്മേ​ളി​ച്ചാ​ണു ഭാ​വി​ ടൂ​ർ​ണ​മെ​ന്‍റു​ക​ളു​ടെ ന​ട​ത്തി​പ്പ് സം​ബ​ന്ധി​ച്ച് ഇ​ന്ത്യ​യോ​ടു​ള്ള ച​ർ​ച്ച നി​ർ​ത്തി​വ​യ്ക്കാ​ൻ തീ​രു​മാ​നി​ച്ച​ത്. 2026 യൂ​ത്ത് ഒ​ളി​ന്പി​ക്സ്, 2030 ഏ​ഷ്യ​ൻ ഗെ​യിം​സ്, 2032 ഒ​ളി​ന്പി​ക്സ് എ​ന്നി​വ ഇ​ന്ത്യ​യി​ൽ ന​ട​ത്താ​ൻ രാ​ജ്യം ശ്ര​മി​ച്ചു​വ​രു​ന്പോ​ഴാ​ണു പു​തി​യ സം​ഭ​വ​വി​കാ​സം. 2021-ൽ ​ഇ​വി​ടെ ന​ട​ത്താ​നി​രി​ക്കു​ന്ന ലോ​ക ബോ​ക്സിം​ഗ് ചാ​ന്പ്യ​ൻ​ഷി​പ്പി​ന്‍റെ കാ​ര്യ​വും സം​ശ​യ​ത്തി​ലാ​കും.

വീ​സ​ നി​ഷേ​ധി​ച്ച​ത് ഒ​ളി​ന്പി​ക് ചാ​ർ​ട്ട​റി​നു വി​രു​ദ്ധ​മാ​ണെ​ന്ന് ഐ​ഒ​സി ചൂ​ണ്ടി​ക്കാ​ട്ടി. വം​ശീ​യ​മോ മ​ത​പ​ര​മോ രാ​ഷ്‌​ട്രീ​യ​മോ ആ​യ ഒ​രു കാ​ര​ണ​ത്താ​ലും ഒ​രാ​ളെ​യും ഒ​ഴി​വാ​ക്കാ​ൻ പാ​ടി​ല്ലെ​ന്നു ചാ​ർ​ട്ട​റി​ലെ 44-ാം വ​കു​പ്പ് പ​റ​യു​ന്നു.

ഇ​നി ഇ​ന്ത്യാ ഗ​വ​ൺ​മെ​ന്‍റി​ൽ​നി​ന്നു രേ​ഖാ​മൂ​ലം ഉ​റ​പ്പു ല​ഭി​ച്ചാ​ലേ ഇ​ന്ത്യ​യി​ൽ കാ​യി​ക ഇ​ന​ങ്ങ​ൾ ന​ട​ത്തു​ന്ന കാ​ര്യം ആ​ലോ​ചി​ക്കു​ക​യു​ള്ളൂ എ​ന്നും ഐ​ഒ​സി വ്യ​ക്ത​മാ​ക്കി. ഒ​ളി​ന്പി​ക്സ് മാ​ത്ര​മ​ല്ല വി​ല​ക്കി​ൽ വ​രി​ക. വി​വി​ധ കാ​യി​ക ഇ​ന​ങ്ങ​ളു​ടെ രാ​ജ്യാ​ന്ത​ര സ​മി​തി​ക​ളും ഐ​ഒ​സി​യു​ടെ നി​ർ​ദേ​ശം പാ​ലി​ക്കും.
പാ​ക് ഷൂ​ട്ട​ർ​മാ​ർ വ​രാ​ത്ത​തു​കൊ​ണ്ട് അ​വ​ർ പ​ങ്കെ​ടു​ക്കേ​ണ്ടി​യി​രു​ന്ന ഷൂ​ട്ടിം​ഗ് ഇ​ന​ങ്ങ​ൾ ഒ​ളി​ന്പി​ക് യോ​ഗ്യ​താ മ​ത്സ​ര​ങ്ങ​ളാ​യി പ​രി​ഗ​ണി​ക്കി​ല്ല. മൊ​ത്തം 16 ഇ​ന​ങ്ങ​ൾ ഉ​ള്ളതിൽ ര​ണ്ടെ​ണ്ണം യോ​ഗ്യ​താ ഇ​ന​ങ്ങ​ളാ​കി​ല്ല. എ​ല്ലാ ഇ​ന​ങ്ങ​ളെ​യും യോ​ഗ്യ​താ പ​ട്ടി​ക​യി​ൽ​നി​ന്നു മാ​റ്റാ​നാ​ണ് ഇ​ന്‍റ​ർ​നാ​ഷ​ണ​ൽ ഷൂ​ട്ടിം​ഗ് ഫെ​ഡ​റേ​ഷ​ൻ തീ​രു​മാ​നി​ച്ച​ത്. 60 രാ​ജ്യ​ങ്ങ​ളി​ൽ​നി​ന്നു വ​ന്ന 500-ലേ​റെ താ​ര​ങ്ങ​ളു​ടെ കാ​ര്യം പ​രി​ഗ​ണി​ച്ചാ​ണ് ഐ​ഒ​സി ര​ണ്ടി​ന​ങ്ങ​ൾ മാ​ത്രം പ​ട്ടി​ക​യി​ൽ​നി​ന്നു മാ​റ്റി​യ​ത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.