ചീഫ് ജസ്റ്റീസിനെതിരേ വ്യാജകേസിനു പ്രേരിപ്പിച്ചെന്ന വെളിപ്പെടുത്തൽ; അഭിഭാഷകൻ നേരിട്ടു ഹാജരാകണം
Tuesday, April 23, 2019 11:30 PM IST
ന്യൂ​ഡ​ൽ​ഹി: ചീ​ഫ് ജ​സ്റ്റീ​സ് ര​ഞ്ജ​ൻ ഗൊ​ഗോ​യി​ക്കെ​തി​രേ വ്യാ​ജ കേ​സ് ന​ൽ​കാ​ൻ ത​ന്നെ സ​മീ​പി​ച്ചെ​ന്നു വെ​ളി​പ്പെ​ടു​ത്തി​യ അ​ഭി​ഭാ​ഷ​ക​നു സു​പ്രീം കോ​ട​തി​യു​ടെ നോ​ട്ടീ​സ്. ഇ​തു സം​ബ​ന്ധി​ച്ചു ഹ​ർ​ജി ന​ൽ​കി​യ അ​ഭി​ഭാ​ഷ​ക​ൻ ഉ​ത്സ​വ് ബെ​യി​ൻ​സി​നോ​ടു ഇ​ന്നു രാ​വി​ലെ നേ​രി​ട്ടു ഹാ​ജ​രാ​കാ​ൻ ജ​സ്റ്റീ​സ് അ​രു​ണ്‍ മി​ശ്ര അ​ധ്യ​ക്ഷ​നാ​യ പ്ര​ത്യേ​ക മൂ​ന്നം​ഗ ബെ​ഞ്ച് നി​ർ​ദേ​ശി​ച്ചു. ആ​രോ​പ​ണ​മു​ന്ന​യി​ച്ച് സ​ത്യ​വാ​ങ്മൂ​ലം ന​ൽ​കി​യ അ​ഭി​ഭാ​ഷ​ക​ൻ ഹാ​ജ​രാ​കാ​തി​രു​ന്ന​തി​നെ തു​ട​ർ​ന്ന് ഇ​ന്ന​ലെ കേ​സ് പ​രി​ഗ​ണി​ച്ച കോ​ട​തി, ഇ​ന്നു ചേ​രാ​നാ​യി പി​രി​യു​ക​യാ​യി​രു​ന്നു.

ചീ​ഫ് ജ​സ്റ്റീ​സ് ര​ഞ്ജ​ൻ ഗൊ​ഗോ​യി ലൈം​ഗി​ക​മാ​യി പീ​ഡി​പ്പി​ച്ചെ​ന്ന് ആ​രോ​പി​ച്ച് ചീ​ഫ് ജ​സ്റ്റീ​സി​ന്‍റെ ഓ​ഫീ​സി​ലെ മു​ൻ ജീ​വ​ന​ക്കാ​രി സു​പ്രീം കോ​ട​തി​യി​ലെ ജ​ഡ്ജി​മാ​ർ​ക്ക് സ​ത്യ​വാ​ങ്മൂ​ലം ന​ൽ​കി​യ​തി​നു പി​ന്നാ​ലെ​യാ​ണ് പു​തി​യ സം​ഭ​വം. ചീ​ഫ് ജ​സ്റ്റീ​സി​നെ​തി​രേ വ്യാ​ജ ലൈം​ഗി​ക കേ​സ് ന​ൽ​ക​ണ​മെ​ന്ന് ആ​വ​ശ്യ​പ്പെ​ട്ട് അ​ജ​യ് എ​ന്ന​യാ​ൾ ത​ന്നെ സ​മീ​പി​ച്ച​താ​യും ഒ​ന്ന​ര കോ​ടി രൂ​പ വാ​ഗ്ദാ​നം ചെ​യ്ത​താ​യും ക​ഴി​ഞ്ഞ ദി​വ​സം ന​ൽ​കി​യ സ​ത്യ​വാ​ങ്മൂ​ല​ത്തി​ൽ സു​പ്രീം കോ​ട​തി അ​ഭി​ഭാ​ഷ​ക​ൻ ഉ​ത്സ​വ് ബെ​യി​ൻ​സ് ആ​രോ​പി​ച്ചു. ചീ​ഫ് ജ​സ്റ്റീ​സി​നെ​തി​രേ വ്യാ​ജ കേ​സ് ന​ൽ​കി അ​തേ​ക്കു​റി​ച്ചു പ്ര​സ് ക്ല​ബ്ബി​ൽ പ​ത്ര​സ​മ്മേ​ള​നം ന​ട​ത്ത​ണ​മെ​ന്നാ​യി​രു​ന്നു ആ​വ​ശ്യം. എ​ന്നാ​ൽ, സം​ഭ​വം ഗൂ​ഢാ​ലോ​ച​ന​യാ​ണെ​ന്നു സം​ശ​യം തോ​ന്നി​യ​തി​നാ​ൽ താ​ൻ ഇ​ട​പെ​ടാ​ൻ ത​യാ​റാ​യി​ല്ല.

ചീ​ഫ് ജ​സ്റ്റീ​സി​നെ​തി​രേ ലൈം​ഗി​ക ആ​രോ​പ​ണം ഉ​ന്ന​യി​ച്ച സ്ത്രീ​യു​ടെ ബ​ന്ധു​വാ​ണ് ത​ന്നെ സ​മീ​പി​ച്ച​ത്. കേ​സ് ന​ൽ​കാ​ൻ 50 ല​ക്ഷം രൂ​പ​യാ​യി​രു​ന്നു ആ​ദ്യ വാ​ഗ്ദാ​നം. ഹ​ർ​ജി​യി​ലെ ക്ര​മ​ക്കേ​ടു​ക​ൾ ചൂ​ണ്ടി​ക്കാ​ട്ടി​യ​തോ​ടെ വാ​ഗ്ദാ​നം ഒ​ന്ന​ര കോ​ടി​യാ​യി ഉ​യ​ർ​ന്നു. അ​ടു​ത്തി​ടെ ചീ​ഫ് ജ​സ്റ്റീ​സി​ൽനി​ന്നു അ​നു​കൂ​ല വി​ധി സ​ന്പാ​ദി​ക്കാ​ൻ ശ്ര​മി​ച്ചി​ട്ടും ല​ഭി​ക്കാ​ത്ത ഉ​ന്ന​ത വ്യ​വ​സാ​യി​യു​ടെ ആ​ളാ​ണു ത​ന്നെ സ​മീ​പി​ച്ച​യാ​ളി​നു പി​ന്നി​ലെ​ന്നും സു​പ്രീം കോ​ട​തി​യി​ലെ ചി​ല ഉ​ന്ന​ത വ്യ​ക്തി​ക​ൾ​ക്ക് അ​യാ​ളു​മാ​യി ബ​ന്ധ​മു​ണ്ടെ​ന്നും ഉ​ത്സ​വ് ബെ​യി​ൻ ആ​രോ​പി​ച്ചു. ജെ​റ്റ് എ​യ​ർവേസി​ന്‍റെ ചെ​യ​ർ​മാ​നും മാ​നേ​ജിം​ഗ് ഡ​യ​റ​ക്ട​റു​മാ​യി​രു​ന്ന ന​രേ​ഷ് ഗോ​യ​ലും വാ​തു​വ​യ്പു​കാ​ര​നും ഇ​ട​നി​ല​ക്കാ​ര​നു​മാ​യ റൊ​മേ​ശ് ശ​ർ​മ​യു​മാ​ണ് ഈ ​നീ​ക്ക​ത്തി​നു പി​ന്നി​ലെ​ന്നാ​ണ് അ​ഭി​ഭാ​ഷ​ക​ന്‍റെ ആ​രോ​പ​ണം. സം​ഭ​വ​ത്തി​ൽ ജു​ഡീ​ഷൽ അ​ന്വേ​ഷ​ണം ന​ട​ത്ത​ണ​മെ​ന്നാ​ണ് അ​ഭി​ഭാ​ഷക​ൻ ആ​വ​ശ്യ​പ്പെ​ടു​ന്ന​ത്.


ഇ​തേ​ക്കു​റി​ച്ചു വി​ശ​ദീ​ക​ര​ണം തേ​ടാ​നാ​ണ് മൂ​ന്നം​ഗ ബെ​ഞ്ച് അ​ഭി​ഭാ​ഷ​ക​നു നോ​ട്ടീ​സ​യ​ച്ച​ത്. ജ​സ്റ്റീ​സു​മാ​രാ​യ അ​രു​ണ്‍ മി​ശ്ര, രോ​ഹി​ൻ​ട​ണ്‍ ന​രി​മാ​ൻ, ദീ​പ​ക് ഗു​പ്ത എ​ന്നി​വ​രു​ടെ ബെ​ഞ്ച് ഇ​ന്ന​ലെ ചേ​ർ​ന്ന​പ്പോ​ൾ ത​ന്നെ ഉ​ത്സ​വ് ബെ​യി​ൻ എ​വി​ടെ എ​ന്നാ​ണ് ആ​രാ​ഞ്ഞ​ത്. സ​ത്യ​വാ​ങ്മൂ​ല​ത്തി​ന്‍റെ 17 മു​ത​ൽ 20 വ​രെ​യു​ള്ള ഖ​ണ്ഡി​ക​ക​ളി​ൽ പ​റ​യു​ന്ന ആ​രോ​പ​ണ​ങ്ങ​ളി​ൽ വി​ശ​ദീ​ക​ര​ണം ആ​വ​ശ്യ​മു​ണ്ടെ​ന്നു നി​രീ​ക്ഷി​ച്ച കോ​ട​തി, ഇ​ന്നു രാ​വി​ലെ കേ​സ് പ​രി​ഗ​ണി​ക്കു​ന്പോ​ൾ നേ​രി​ട്ടു ഹാ​ജ​രാ​കാ​ൻ നി​ർ​ദേ​ശി​ച്ചു.

ത​നി​ക്കെ​തി​രേ​യു​ള്ള പ​രാ​തി​യി​ൽ വ​ലി​യ ഗൂ​ഢാ​ലോ​ച​ന​യു​ണ്ടെ​ന്നും ആ​രോ​പ​ണ​ത്തി​ലെ വ​സ്തു​ത​ക​ൾ തെ​ളി​യാ​തെ ഒ​ഴി​ഞ്ഞു മാ​റി​ല്ലെ​ന്നും വി​ല​യ്ക്കെ​ടു​ക്കാ​ൻ സാ​ധി​ക്കാ​ത്ത​വ​രെ ഇ​ത്ത​രം കേ​സു​ക​ളി​ലൂ​ടെ കു​ടു​ക്കാ​ൻ ശ്ര​മി​ക്കു​ക​യാ​ണെ​ന്നും ചീ​ഫ് ജ​സ്റ്റീ​സ് ര​ഞ്ജ​ൻ ഗൊ​ഗോ​യി ശ​നി​യാ​ഴ്ച പ്ര​ത്യേ​ക ബെ​ഞ്ചി​നെ അ​റി​യി​ച്ചി​രു​ന്നു.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.