മരടിലെ ഫ്ലാറ്റുകൾ പൊളിക്കാൻ സമയം നീട്ടിനൽ‌കില്ല
Thursday, May 23, 2019 12:11 AM IST
ന്യൂ​ഡ​ൽ​ഹി: കൊ​ച്ചി മ​ര​ടി​ൽ തീ​ര​ദേ​ശ പ​രി​പാ​ല​ന നി​യ​മം ലം​ഘി​ച്ച് നി​ർ​മി​ച്ച അ​ഞ്ച് ഫ്ലാ​റ്റു​ക​ൾ പൊ​ളി​ച്ചു​നീ​ക്കാ​നു​ള്ള സ​മ​യപ​രി​ധി നീ​ട്ടി​ന​ൽ​കി​ല്ലെ​ന്ന് സു​പ്രീം കോ​ട​തി. ബ​ദ​ൽ സം​വി​ധാ​ന​ങ്ങ​ൾ ഒ​രു​ക്കു​ന്ന​തു​വ​രെ സമയം നല്ക ണ​മെ​ന്ന് ആ​വ​ശ്യ​പ്പെ​ട്ട് ഫ്ലാ​റ്റു​ട​മ​ക​ളാ​ണ് ഹ​ർ​ജി ന​ൽ​കി​യ​ത്. പ​രി​സ്ഥി​തി നി​യ​മം ലം​ഘി​ക്കു​ന്ന​വ​രോ​ട് കോ​ട​തി​ക​ളും മ​റ്റ് സം​വി​ധാ​ന​ങ്ങ​ളും ക്ഷ​മി​ക്കു​ന്ന പ്ര​വ​ണ​ത അ​വ​സാ​നി​പ്പി​ക്കേ​ണ്ട കാ​ല​മാ​യെ​ന്നു കോ​ട​തി നി​രീ​ക്ഷി​ച്ചു.

ഫ്ലാറ്റു​ക​ൾ ഒ​രു മാ​സ​ത്തി​ന​കം പൊ​ളി​ച്ചു നീ​ക്കി റി​പ്പോ​ർ​ട്ട് ന​ൽ​കാ​നാ​ണ് മേ​യ് എ​ട്ടി​ന് ജ​സ്റ്റീ​സ് അ​രു​ണ്‍ മി​ശ്ര അ​ധ്യ​ക്ഷ​നാ​യ ബെ​ഞ്ച് ഉ​ത്ത​ര​വി​ട്ടത്. ഹോ​ളി​ഡേ ഹെ​റി​റ്റേ​ജ്, ഹോ​ളി ഫെ​യ്ത്ത്, ജെ​യി​ൻ ഹൗ​സിം​ഗ്, കാ​യ​ലോ​രം അ​പ്പാ​ർ​ട്ട്മെ​ന്‍റ്, ആ​ൽ​ഫാ വെ​ഞ്ചേ​ഴ്സ് എ​ന്നി​വ​യ്ക്കെ​തി​രേ​യാ​ണ് ന​ട​പ​ടി.

പൊ​ളി​ക്കാ​നു​ള്ള സ​മ​യ പ​രി​ധി നീ​ട്ട​ണ​മെ​ന്ന ഹ​ർ​ജി​യും ജ​സ്റ്റീ​സ് അ​രു​ണ്‍ മി​ശ്ര അ​ധ്യ​ക്ഷ​നാ​യ അ​വ​ധി​ക്കാ​ല ബെ​ഞ്ച് ത​ന്നെ​യാ​ണ് പ​രി​ഗ​ണി​ച്ച​ത്. ഉ​ത്ത​ര​വി​ൽ മാ​റ്റം വ​രു​ത്തി​ല്ലെ​ന്നു വ്യ​ക്ത​മാ​ക്കി​യ കോ​ട​തി, ഫ്ലാ​റ്റു​ട​മ​ക​ൾ​ക്ക് ന​ഷ്ട​പ​രി​ഹാ​രം തേ​ടി ഉ​ചി​ത​മാ​യ ഫോ​റ​ങ്ങ​ളെ സ​മീ​പി​ക്കാ​മെ​ന്നും അ​റി​യി​ച്ചു.


2006ൽ ​മ​ര​ട് പ​ഞ്ചാ​യ​ത്താ​യി​രി​ക്കെ കോ​സ്റ്റ​ൽ റെ​ഗു​ലേ​റ്റ​റി സോ​ണ്‍ (സി​ആ​ർ​ഇ​സ​ഡ്) മൂ​ന്നി​ൽ ഉ​ൾ​പ്പെ​ട്ട പ്ര​ദേ​ശ​ത്താ​ണ് കെ​ട്ടി​ട​ങ്ങ​ൾ നി​ർ​മി​ച്ച​ത്. പി​ന്നീ​ട് മ​ര​ട് മു​ൻ​സി​പ്പാ​ലി​റ്റി​യാ​യി.

നി​ല​വി​ൽ ഫ്ലാറ്റു​ക​ൾ സ്ഥി​തി​ചെ​യ്യു​ന്ന സ്ഥ​ലം സി​ആ​ർ സോ​ണ്‍- ര​ണ്ടിലാ​ണെ​ന്നും ഇ​വി​ട​ത്തെ നി​ർ​മാ​ണ​ങ്ങ​ൾ​ക്ക് തീ​ര​ദേ​ശ പ​രി​പാ​ല​ന അ​ഥോ​റി​റ്റി​യു​ടെ അ​നു​മ​തി ആ​വ​ശ്യ​മി​ല്ലെ​ന്നു​മാ​യി​രു​ന്നു ഫ്ലാ​റ്റു​ട​മ​ക​ളു​ടെ വാ​ദം. എ​ന്നാ​ൽ ഇ​ത് കോ​ട​തി അം​ഗീ​ക​രി​ച്ചി​ല്ല. നി​ർമാണ അ​നു​മ​തി ല​ഭി​ക്കു​ന്പോ​ൾ സ്ഥ​ലം സി​ആ​ർ​ഇ​സ​ഡ്- മൂ​ന്നി​ൽ ആ​യി​രു​ന്ന​തി​നാ​ൽ അ​നു​മ​തി നി​ർ​ബ​ന്ധ​മാ​ണെ​ന്ന് കോ​ട​തി വ്യ​ക്ത​മാ​ക്കി.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.