National News
മോദി രാജ്
മോദി രാജ്
Friday, May 24, 2019 2:40 AM IST
ന്യൂ​ഡ​ൽ​ഹി: പ്ര​വ​ച​ന​ങ്ങ​ൾ ക​ട​ത്തി​വെ​ട്ടി വ​ൻ​ഭൂ​രി​പ​ക്ഷ​ത്തോ​ടെ വീ​ണ്ടും മോ​ദി സ​ർ​ക്കാ​ർ. രാ​ജ്യ​ത്തു വീ​ശി​യ​ടി​ച്ച മോ​ദി ത​രം​ഗ​ത്തി​ൽ ബി​ജെ​പി​ക്കു ത​നി​യെ മുന്നൂറിലേറെ സീറ്റും എ​ൻ​ഡി​എ​യ്ക്കു 2014ലേ​തി​ലും വ​ലി​യ വി​ജ​യ​വും നേ​ടാ​നാ​യി.

എ​ന്നാ​ൽ കേ​ര​ള​ത്തി​ൽ 19 സീ​റ്റു​ക​ളോ​ടെ യു​ഡി​എ​ഫി​ന് ച​രി​ത്ര​ത്തി​ലെ ഏ​റ്റ​വും മി​ക​ച്ച വി​ജ​യം സ്വ​ന്ത​മാ​യി. കോ​ൺ​ഗ്ര​സ് 51 സീ​റ്റി​ലൊ​തു​ങ്ങി​യ​പ്പോ​ൾ യു​പി​എ​യ്ക്കു 100 തി​ക​യ്ക്കാ​നാ​യി​ല്ല. യു​പി​യി​ൽ എ​സ്പി-​ബി​എ​സ്പി സ​ഖ്യം വി​ഫ​ല​മാ​യി.

നി​യ​മ​സ​ഭാ തെ​ര​ഞ്ഞെ​ടു​പ്പു​ക​ളി​ൽ ആ​ന്ധ്ര​പ്ര​ദേ​ശി​ൽ വൈ.​എ​സ്.​ആ​ർ കോ​ണ്‍ഗ്ര​സും ഒ​ഡീ​ഷ​യി​ൽ ബി​ജെ​ഡി​യും അ​രു​ണാ​ച​ൽ പ്ര​ദേ​ശി​ൽ ബി​ജെ​പി​യും കേ​വ​ല ഭൂ​രി​പ​ക്ഷ​ത്തോ​ടെ ഭ​ര​ണം ഉ​റ​പ്പി​ച്ചു. സി​ക്കി​മി​ൽ പ്ര​തി​പ​ക്ഷ പാ​ർ​ട്ടി​യാ​യ സി​ക്കിം ക്രാ​ന്തി​കാ​രി മോ​ർ​ച്ച​യാ​ണു (എ​സ്കെ​എം) മു​ന്നി​ൽ. ഭ​ര​ണ​ക​ക്ഷി​യാ​യ സി​ക്കിം ഡെ​മോ​ക്രാ​റ്റി​ക് ഫ്ര​ണ്ടും (എ​സ്കെ​എ​ഫ്) തൊ​ട്ട​ടു​ത്തു​ണ്ട്. ബി​ജെ​പി​ക്കും കോ​ണ്‍ഗ്ര​സി​നും സി​ക്കി​മി​ൽ ക​ന​ത്ത തി​രി​ച്ച​ടി​യാ​ണ്.

ബം​ഗാ​ളി​ൽ മ​മ​ത ബാ​ന​ർ​ജി​യു​ടെ കോ​ട്ട​യ്ക്കു ബി​ജെ​പി വെ​ല്ലു​വി​ളി ഉ​യ​ർ​ത്തു​ന്നു. ഇ​ട​തു​പ​ക്ഷം അ​വി​ടെ ഇ​ല്ലാ​താ​യി.

ഞാ​യ​റാ​ഴ്ച​യോ​ടെ പു​തി​യ സ​ർ​ക്കാ​ർ രൂ​പീ​ക​ര​ണ​ത്തി​നാ​ണു പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യു​ടെ ആ​ലോ​ച​ന.

ഒൗ​ദ്യോ​ഗി​ക ഫ​ല​പ്ര​ഖ്യാ​പ​നം പൂ​ർ​ത്തി​യാ​യ ശേ​ഷം ഇ​ന്നോ, നാ​ളെ​യോ മ​ന്ത്രി​സ​ഭാ രൂ​പീ​ക​ര​ണ​ത്തി​നു മോ​ദി​യെ രാഷ്‌ട്രപ​തി രാം​നാ​ഥ് കോ​വി​ന്ദ് ക്ഷ​ണി​ക്കും. രാഷ്‌ട്രപ​തി ഭ​വ​നു മു​ന്നി​ലെ വി​ശാ​ല അ​ങ്ക​ണ​ത്തി​ൽ 2014ലേ​തു പോ​ലെ സ​ത്യ​പ്ര​തി​ജ്ഞാ ച​ട​ങ്ങ് ആ​ഘോ​ഷ​മാ​യി ന​ട​ത്തു​മെ​ന്നാ​ണു സൂ​ച​ന. എ​ന്നാ​ൽ പാ​ക്കി​സ്ഥാ​ൻ പ്ര​ധാ​ന​മ​ന്ത്രി ഇ​മ്രാ​ൻ ഖാ​നെ ച​ട​ങ്ങി​നു ക്ഷ​ണി​ച്ചേ​ക്കി​ല്ലെ​ന്നും റി​പ്പോ​ർ​ട്ടു​ക​ളു​ണ്ട്.

ബി​ജെ​പി കേ​ന്ദ്ര ആ​സ്ഥാ​ന​ത്ത് ഇ​ന്ന​ലെ വൈ​കു​ന്നേ​രം ചേ​ർ​ന്ന പാ​ർ​ല​മെ​ന്‍റ​റി പാ​ർ​ട്ടി യോ​ഗം ഫ​ല​ത്തി​ൽ മോ​ദി​ക്കും അ​മി​ത് ഷാ​യ്ക്കു​മു​ള്ള സ്വീ​ക​ര​ണ സ​മ്മേ​ള​ന​മാ​യി. ഇ​ന്ന​ലെ രാ​ത്രി​യും ഇ​ന്നു​മാ​യി അ​മി​ത് ഷാ ​അ​ട​ക്ക​മു​ള്ള മു​തി​ർ​ന്ന നേ​താ​ക്ക​ളു​മാ​യി ആ​ലോ​ചി​ച്ചാ​കും പു​തി​യ മ​ന്ത്രി​മാ​രെ തീ​രു​മാ​നി​ക്കു​ക. സു​ഷ​മ സ്വ​രാ​ജ് അ​ട​ക്കം നി​ര​വ​ധി മ​ന്ത്രി​മാ​രെ ത​ഴ​ഞ്ഞേ​ക്കും. ആ​രോ​ഗ്യ​പ്ര​ശ്ന​ങ്ങ​ൾ ധ​ന​മ​ന്ത്രി അ​രു​ൺ ജ​യ്റ്റ്‌​ലി​യു​ടെ പ​ദ​വി​ക്കു ഭീ​ഷ​ണി​യാ​ണ്.


ഹി​ന്ദി ഹൃ​ദ​യ​ഭൂ​മി​യി​ലെ​ല്ലാം ബി​ജെ​പി​യു​ടെ തേ​രോ​ട്ട​മുണ്ടാ​യ​പ്പോ​ഴും കേ​ര​ള​വും ത​മി​ഴ്നാ​ടും അ​ട​ക്ക​മു​ള്ള ദ​ക്ഷി​ണേ​ന്ത്യ​യി​ൽ ബി​ജെ​പി​ക്കു കാ​ലി​ട​റി.

എന്നാൽ, കേ​ര​ള​ത്തി​ലെ 20ൽ 19 ​സീ​റ്റു​ക​ളി​ൽ നേ​ടി​യ മി​ന്നു​ന്ന ജ​യ​ത്തി​ന്‍റെ ബ​ല​ത്തി​ലും കോ​ണ്‍ഗ്ര​സി​നും യു​പി​എ​യ്ക്കും മൂ​ന്ന​ക്കം ക​ട​ക്കാ​നാ​യി​ല്ല. രാ​ജ​സ്ഥാ​ൻ, ഗു​ജ​റാ​ത്ത്, ഹ​രി​യാ​ന, ഹി​മാ​ച​ൽ പ്ര​ദേ​ശ്, ഡ​ൽ​ഹി എ​ന്നീ സം​സ്ഥാ​ന​ങ്ങ​ൾ തൂ​ത്തു​വാ​രി​യ ബി​ജെ​പി​ക്ക് പ​ശ്ചി​മ ബം​ഗാ​ളി​ലും ഒ​ഡീ​ഷ​യി​ലും തെ​ലു​ങ്കാ​ന​യി​ലും സീ​റ്റു​ക​ൾ വ​ർ​ധി​പ്പി​ക്കാ​നു​മാ​യി.

ന​രേ​ന്ദ്ര മോ​ദി​യും ബി​ജെ​പി അ​ധ്യ​ക്ഷ​ൻ അ​മി​ത് ഷാ​യും മു​തി​ർ​ന്ന കേ​ന്ദ്ര​മ​ന്ത്രി​മാ​രും റി​ക്കാ​ർ​ഡ് ഭൂ​രി​പ​ക്ഷ​ത്തോ​ടെ ജ​യി​ച്ചു. വാ​രാ​ണ​സി​യി​ൽ മോ​ദി​ക്ക് അ​ഞ്ചു ല​ക്ഷവും അ​ഹ​മ്മ​ദാ​ബാ​ദി​ൽ അ​മി​ത് ഷാ​യ്ക്ക് അ​ഞ്ചു ല​ക്ഷ​ത്തി​ലേ​റെ​യും വോ​ട്ടു​ക​ളു​ടെ​യും വൻ ഭൂ​രി​പ​ക്ഷ​മാ​ണു കി​ട്ടി​യ​ത്. വ​യ​നാ​ട്ടി​ൽ നാ​ലു ല​ക്ഷ​ത്തി​ലേ​റെ വോ​ട്ടു​ക​ൾ​ക്ക് വ​ൻ​വി​ജ​യം നേ​ടി​യ കോ​ണ്‍ഗ്ര​സ് അ​ധ്യ​ക്ഷ​ൻ രാ​ഹു​ൽ ഗാ​ന്ധി​യാ​ക​ട്ടെ അ​മേ​ഠിയി​ലെ ത​ന്‍റെ സ്ഥി​രം സീ​റ്റി​ൽ കേ​ന്ദ്ര​മ​ന്ത്രി സ്മൃ​തി ഇ​റാ​നി​യോ​ടു തോ​റ്റ​തു നാ​ണ​ക്കേ​ടാ​യി.

ഉ​ത്ത​ർ​പ്ര​ദേ​ശി​ൽ കോ​ണ്‍ഗ്ര​സി​നെ ഒ​ഴി​വാ​ക്കി ഉ​ണ്ടാ​ക്കി​യ എ​സ്പി-​ബി​എ​സ്പി മ​ഹാ​സ​ഖ്യ​ത്തി​നും ബി​ജെ​പി​യെ മ​റി​ക​ട​ക്കാ​നാ​യി​ല്ല. സി​പി​എം അ​ട​ക്ക​മു​ള്ള ഇ​ട​തു​പാ​ർ​ട്ടി​ക​ൾ​ക്ക് ബം​ഗാ​ളി​ൽ ഒ​രു സീ​റ്റു പോ​ലും ല​ഭി​ച്ചി​ല്ല.

ച​രി​ത്ര​ത്തി​ലെ ഏ​റ്റ​വും നാ​ണം​കെ​ട്ട തോ​ൽ​വി നേ​രി​ട്ട കേ​ര​ള​ത്തി​ൽ ഒ​രു സീ​റ്റി​ൽ സി​പി​എം ഒ​തു​ങ്ങി. ത​മി​ഴ്നാ​ട്ടി​ലെ ഡി​എം​കെ മു​ന്ന​ണി​യു​ടെ ചെ​ല​വി​ൽ സി​പി​എ​മ്മി​നും സി​പി​ഐ​ക്കും കി​ട്ടി​യ ര​ണ്ടു വീ​തം സീ​റ്റു​ക​ളാ​ണു ആ​ശ്വാ​സം.

ഡ​ൽ​ഹി​യി​ൽ കോ​ണ്‍​ഗ്ര​സു​മാ​യി സ​ഖ്യ​ത്തി​നു വി​സ​മ്മ​തി​ച്ച ആം ​ആ​ദ്മി പാ​ർ​ട്ടി​ക്കും കേ​ജ​രി​വാ​ളി​നും ഡ​ൽ​ഹി​യി​ലെ ഏ​ഴി​ൽ ഏ​ഴു സീ​റ്റും വീ​ണ്ടും ബി​ജെ​പി​ക്ക് അ​ടി​യ​റ​വു പ​റ​യേ​ണ്ടി വ​ന്നു. പ​ഞ്ചാ​ബി​ൽ പ​ഴ​യ വി​മ​ത​ന്‍റെ ജ​യം മാ​ത്ര​മാ​ണു പാ​ർ​ല​മെ​ന്‍റി​ൽ ഇ​നി എ​എ​പി​യു​ടെ ഏ​ക സാ​ന്നി​ധ്യം.

ഡ​ൽ​ഹി​യി​ൽ ഏ​ഴി​ട​ത്തു കോ​ൺ​ഗ്ര​സാ​ണു ര​ണ്ടാം സ്ഥാ​ന​ത്ത്. ആ​ന്ധ്ര​യി​ൽ തെ​ലു​ങ്കു​ദേ​ശ​വും ത​മി​ഴ്നാ​ട്ടി​ൽ അ​ണ്ണാ ഡി​എം​കെ​യും വ​ലി​യ തി​രി​ച്ച​ടി നേ​രി​ട്ടു.

ജോ​ർ​ജ് ക​ള്ളി​വ​യ​ലി​ൽ
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.