സിപിഎമ്മിനും സിപിഐക്കും ദേശീയ പാർട്ടി പദവി പേരിനു മാത്രമാകും
Saturday, May 25, 2019 12:54 AM IST
ന്യൂ​ഡ​ൽ​ഹി: ലോ​ക്സ​ഭ തെ​ര​ഞ്ഞെ​ടു​പ്പു തോ​ൽ​വി​ക്കു പി​ന്നാ​ലെ ദേ​ശീ​യ പാ​ർ​ട്ടി പ​ദ​വി സം​ബ​ന്ധി​ച്ച ആ​ശ​ങ്ക​യു​മാ​യി സി​പി​എം. പ​ശ്ചി​മ ബം​ഗാ​ളി​ലെ ര​ണ്ടു സീ​റ്റ് നി​ലനി​ർ​ത്താ​ൻ സി​പി​എ​മ്മി​ന് ക​ഴി​ഞ്ഞി​ല്ല. ചു​വ​പ്പു കോ​ട്ട​ക​ൾ എ​ന്നു വി​ശേ​ഷി​പ്പി​ച്ചി​രു​ന്ന ബം​ഗാ​ളി​ലും ത്രി​പു​ര​യി​ലും സി​പി​എം മൂ​ന്നാം സ്ഥാ​ന​ത്തേ​ക്കു പി​ന്ത​ള്ള​പ്പെ​ട്ടു. ഭ​ര​ണ​ത്തി​ലിരി​ക്കു​ന്ന കേ​ര​ള​ത്തി​ൽ ഒ​രു സീ​റ്റു മാ​ത്ര​മാ​ണു നേ​ടാ​നാ​യ​ത്. തമിഴ് നാട്ടിൽ രണ്ടു സീറ്റ് ലഭിച്ചു.

ഇ​ട​തു​പ​ക്ഷ​ത്തി​ന് ഇ​നി പ​രി​മി​തി​ക​ൾ ഏ​റെ​യാ​ണ്. ക​ഴി​ഞ്ഞ തെ​ര​ഞ്ഞെ​ടു​പ്പി​ൽ വോ​ട്ട് ശ​ത​മാ​നം ക​ണ​ക്കാ​ക്കി​യാ​യി​രു​ന്നു ദേ​ശീ​യ പാ​ർ​ട്ടി​ക​ളു​ടെ പ​ട്ടി​ക​യി​ൽ ത​ന്നെ സി​പി​എ​മ്മി​നെ നി​ല​നി​ർ​ത്തി​യ​ത്. ആ ​ഇ​ള​വ് ഇ​നി കി​ട്ട​ണ​മെ​ന്നി​ല്ലെ​ന്ന​ത് ഇ​ട​തു​പ​ക്ഷ​ത്തി​ന്‍റെ നി​ല പ​രു​ങ്ങ​ലി​ലാ​ക്കി​യി​ട്ടു​ണ്ട്. മൂന്നു സീ​റ്റു​ക​ളു​ടെ ബ​ല​ത്തി​ൽ സി​പി​എ​മ്മി​ന് ദേ​ശീ​യ പാ​ർ​ട്ടി എ​ന്ന നി​ല​യി​ൽ തു​ട​രാ​ൻ ക​ഴി​ഞ്ഞേ​ക്കും. എ​ന്നാ​ൽ സി​പി​ഐ​യ്ക്ക് ദേ​ശീ​യ പാ​ർ​ട്ടി പ​ദ​വി ന​ഷ്ട​മാ​യേ​ക്കും.


തെ​ര​ഞ്ഞെ​ടു​പ്പു ക​മ്മീ​ഷ​ൻ ച​ട്ടം അ​നു​സ​രി​ച്ച് ഒ​ടു​വി​ൽ ന​ട​ന്ന ലോ​ക്സ​ഭ, നി​യ​മ​സ​ഭ തെ​ര​ഞ്ഞെ​ടു​പ്പി​ൽ നാ​ലോ അ​തി​ല​ധി​ക​മോ സം​സ്ഥാ​ന​ങ്ങ​ളി​ൽ സാ​ധു​വാ​യ ആ​കെ വോ​ട്ടി​ന്‍റെ ആ​റു ശ​ത​മാ​ന​മെ​ങ്കി​ലും വേ​ണം ഒ​രു ദേ​ശീ​യ പാ​ർ​ട്ടി​ക്ക്. മാ​ത്ര​മ​ല്ല, ആ ​തെ​ര​ഞ്ഞെ​ടു​പ്പി​ൽ ഏ​തെ​ങ്കി​ലും സം​സ്ഥാ​ന​ത്തോ സം​സ്ഥാ​ന​ങ്ങ​ളി​ൽ നി​ന്നോ ലോ​ക്സ​ഭ​യി​ലേ​ക്ക് ഏ​റ്റ​വും ചു​രു​ങ്ങി​യ​ത് നാ​ല് അം​ഗ​ങ്ങ​ൾ എ​ങ്കി​ലും ഉ​ണ്ടാ​ക​ണം. ആ​കെ​യു​ള്ള 543 സീ​റ്റു​ക​ളി​ൽ ര​ണ്ടു ശ​ത​മാ​ന​മാ​യ 11 അം​ഗ​ങ്ങ​ളെ​ങ്കി​ലും വി​ജ​യി​ച്ചി​രി​ക്ക​ണം. അ​വ​ർ മൂ​ന്ന് സം​സ്ഥാ​ന​ങ്ങ​ളി​ൽ നി​ന്നെ​ങ്കി​ലും ഉ​ള്ള​വ​രാ​യി​രി​ക്കു​ക​യും വേ​ണം. കൂ​ടാ​തെ ഒ​രു ദേ​ശീ​യ പാ​ർ​ട്ടി ആ​യി നി​ല​നി​ൽ​ക്ക​ണ​മെ​ങ്കി​ൽ നാ​ലു സം​സ്ഥാ​ന​ങ്ങ​ളി​ൽ സം​സ്ഥാ​ന പാ​ർ​ട്ടി​യാ​യി നി​ല​നി​ൽ​ക്കു​ക​യും വേ​ണം. ഇ​തി​ൽ ഏ​റ്റ​വും ഒ​ടു​വി​ൽ പ​റ​ഞ്ഞ നി​ബ​ന്ധ​ന സി​പി​എ​മ്മി​നെ 2029 വ​രെ തു​ണ​യ്ക്കും.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.